Izikiɛ 8:16 - Yálá laawoo hɛɓɛ (dc)

¹⁶ Ə li a ɲą́ą́ Yai-Laa hee pɛlɛ́ mu pələ; Yai-Laa hee pɛlɛ́ laaləi, ɲįmąn mu da ɉaláá kulɔi di lɔwai, hinąą pow hveelɛ gɔw lɔɔli pɔɔla di kɛ laa, di pulu tinɛ̨nŋąą Yai-Laa kɔ́i ɓa, di ɲɛ̨i həɛ hvóló ɓɛlan bələ; di kɛi pɛlɛ nɔi ɓa hvóló ɓɛlan bələ, diɛ kwɛli hvilɛn hvóló ɓa.

Yálá laawoo hɛɓɛ

¹⁶ Ə li a ɲą́ą́ Yai-Laa hee pɛlɛ́ mu pələ; Yai-Laa hee pɛlɛ́ laaləi, ɲįmąn mu da ɉaláá kulɔi di lɔwai, hinąą pow hveelɛ gɔw lɔɔli pɔɔla di kɛ laa, di pulu tinɛ̨nŋąą Yai-Laa kɔ́i ɓa, di ɲɛ̨i həɛ hvóló ɓɛlan bələ; di kɛi pɛlɛ nɔi ɓa hvóló ɓɛlan bələ, diɛ kwɛli hvilɛn hvóló ɓa.

Bible

¹⁶ È ŋɔ́nɔ lì a ńyãa Yâwɛɛ Ŋɔpɛ́rɛ Kɛ́tɛi ŋɔsiɣãŋ su pere siɣãŋ su bɛrɛi láƃerei. Kpakolo buu feerɛ káo lɔ́ɔlu díkɛ gbôŋ da ŋ̀âla-teƃelei díloai dípôlu féɣɛɛ Yâwɛɛ ŋɔpɛ́rɛi ma, díŋɛi liɛɛ voloi kulâi pere. Díkɛ naa díkɛ díŋuŋ mâ pîlaŋ díkɛ voloi-nɛnɛ̂ŋ ma foloi fɛli a díɣâlai.

Izikiɛ 8:16 ပူးပေါင်းရင်းမြစ်များ

Tɔɔɓɛlaa dɔlɔɔ 8:29

Ə́ ɲɛ̨i kɛ bɛlɛ́i ŋɛ̨i ɓa a yələ kəlee, gɛɛnąą ŋɛ̨i ə́ kɛ diɛ: ‹Náá kaa pai kɛi ɓɛ›, vɛli ɓoi yɛ́ tímun gaa naa həli yɛ́ gɛɛnąą ŋɛ̨i ɓa ə́ wəli tɔɔ mą.

Tɔɔɓɛlaa veelɛ 16:14

Ɉaláá kulɔi tii kɛ a mala kwɛli, Yai-Laa lííla, ə ɉəɠə bɛlɛ́ laaləi, ə kɛ laa ɉaláá kulɔi nįnɛ̨ da bɛlɛ́ di lɔwai; ə yili tɔɔ bɛlɛ́ hɛŋɛ̨lɛn mą, ɉaláá kulɔi nįnɛ̨ pulu pələ.

Tɔɔɓɛlaa veelɛ 21:5

Manase ə haláá kulɔi pɛli yələ kwəi huwalawalaɠaa kəlee laa ɓa Yai-Laa nwɔ pɛ́lɛ́i gwəli hąąi.

Tɔɔɓɛlaa veelɛ 23:11

Ɉooɠaa ŋɛ̨i Ɉuda tɔɔɓɛlaa di dɔɔ Yai-Laa hee pɛlɛ́ laaləi, gbɛtɛgbuwulu Netan-Melɛkə nwɔ pɛ́lɛ́i kwɛlɛ, yii kɛ naakwɛlanmoɔ hvoló ɓa, diɛ diɛ haláá kulɔ mą; Ɉosiasə ə di kulɔ laa, nwotoloɠaai kɛ nąą kwɛlanmoɔ hvoló ɓa, ə di kələn.

Tɔɔɓɛlaa veelɛ 23:5

Ɉaláá laa həli nuąi Ɉuda tɔɔɓɛlaa di di hee, diɛ haláá laa həli di wɔ halááɠaa kulɔi Ɉerusalɛmə taa da gwɛlɛ taaɠaa hu, tɔɔmun Ɉosiasə ə nuą kəlee yee kulɔ yili hu, ə lɛɛ, nuą kɛi lansan kələn Baalə ɓa, hvóló da ɲąnin diɛ, ə mą kɛ yələ kwəi hɛnŋąą diɛ, Ɉosiasə ə nuą tii kəlee yee kulɔ yili hu.

Kɔlɔnikɔ Veerɛi 29:6

Hvo gaai gu nąnni di di hɔn gɛ a ɲɔ̨nwɔ̨ɔ̨ Yai-Laa gu wɔ Yálái ɲɛ̨i ɓa; di nɛɛ laa; di di ɲɛ̨i həɠə Yai-Laa nwɔ pɛlɛ́i ɓa; di di pulu tinɛ̨n mą.

Kɔlɔnikɔ Veerɛi 7:7

Salomɔn ə lúwɔ́ too gwəli hɛ̨ąi ɓa. Yai-Laa ŋą pɛlɛ́i lííla. Hvo gaai nąą ɓə ɉaláá hɛn ɲii da gəlee kələn, nąą ɓə da gulɔ laa, da Niiɓa haláá hɛn nwulaaɠaa, gbala ə tɔɔ, haláá hɛn ɲii da gəlee kələn, da gɔ́ taatɛlɛɛɠaa, da daatɛlɛɛ wulaaɠaa di hva pɛli gwɛli kpɔlu haláá kulɔi yai Salomɔn ə dɔɔ mɛ̨i.

Ɉeremi 2:27

Da kɛ wulu ɓa: «Ku nąn maa yɛ́!» Diɛ kɛ kwɛni ɓa: «Yɛ ɓə ku kulɔ yɛnɛ̨ɛ̨!» Ɲą́ą́ ŋɛ̨i nwɛi, di kpowolo la ɓə da ɉee mą́ą́, di hvo di ɲɛ̨i heei mą́ą́. Kɛlaa, yaa lɔ ɓaa mąąwɛli mɛ̨nį a həli diɛ, di woo laa mą́ą́: «Əkə! Nan! Ə muhəɠə, ə́ ku ɓalo!»

Ɉeremi 32:33

Daa di pulu tɔɔ mą́ą́, di hva di ɲɛ̨i hee mą́ą́, bələi mąn váŋą lɔɔ la di mąą kwɛlii, di hva di wəli tɔɔ nwóó ɓa. Di hva di yee hee di mąą kwɛli woo mu.

Ɉeremi 44:17

Bələi gaa la ku kwəi, bələ ɓə ku kaa gɛi la. Ku kaa haláá kulɔi yələkɔlɔn ɉu tɔɔ-nɛ̨ɛ̨nui ɓa, kuɔ gɔ́ a lɔɔ, yɛ bələi ku kɛi gɛ la Ɉuda taaɠaa hu da Ɉerusalɛmə daai; kuɔ-o, ku nąnni-o, kuɔ tɔɔɓɛlaai-o, da ku ɲɛ̨itɔwɔ nuą, gɛi ku kɛi mo tii, ku kɛ ku nɛ̨ɛ̨ hu, ku hvo kɛi ɲɔ̨nwɔ̨ɔ̨ kaa.

Ɉeremi 7:18

Nɛapɛlɛɛ da kwɛi kwɛli, di nąnni diɛ nwɔ̨n ɉee, nɛ̨ąą diɛ lɛɠɛ hunwɔ̨ diɛ bu Astarte hali ɓa, yai yələ kwəi tɔɔ nɛ̨ɛ̨nui. Kaa haliɠaa kɔ́ a lɔɔ, kaa nííkələn na gwə́i.

Ɉeremi 8:2

Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Izikiɛ 10:3

Ɓɛlɔwai ɉulɔnui tii ə kɛi lɔ la laa, kɛnaa mąąkpɛ malakaɠaa tɔɔi kɛ bɛlɛ́ mamįiyee hu pələ, ɓɛi nuą di kɛi hee laa, tulɔ kpinį ə nąą laahvɛɛ.

Izikiɛ 11:1

Yálá nwɔ Kilii ə gbə́ŋə, ə li a ɲą́ą́ Yálá hee pɛlɛ́ gbon yii tii vóló kulɔi pələ, naaləi. Ŋą́ hinąą pow hveelɛ kɔ́w lɔɔli kaa bɛlɛ́ laaləi kwɛlɛ, ŋą́ Azurə lon Yaazania da Benayahu lon Pelatiahu, diɛi kɛ a nuą ɲɛ̨itɔwɔ nuą hveelɛ.

Izikiɛ 23:35

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Lɛ̨ąi ə́ mo mą́ą́, yɛ́ bílí ə́ pulu pələ; ə́ wɔ tuwɔ pələ ɲɔ̨n, da ə́ wɔ wɛli mɛ̨nįi, pulu mɔ̨nɔ̨ mįi yɛ́ kpinįi.

Izikiɛ 23:39

Ɲələi di kɛi di lonnii kulɔ la a haláá ɉaliɠaa diɛ, mąą yələ di lɔ nwɔ́ pɛlɛ́i mu, diɛ mąą luwu la tii; mɛ̨nįi di gɛ ɲəi bɛlɛ́n ya ka ti.

Izikiɛ 40:28

Ɓɛi nuą da tɔɔ laa, bɛlɛ́n bələ, ə li laa a ɲą́ą́, ku tɛɛ a bɛlɛ́ laaləi tii kɛ ɉɛɠɛi pələ, ə nąą kɔ́ɔn, ə kɛ lɔ yɛ yiiɠaai tii.

Izikiɛ 40:6

Ə li bɛlɛ́ laaləi tii voló ɓɛlai pələ, ə tɛ, ə bɛlɛ́ laaləi kɔ́ɔn; ɉu wiɛ yee ə kɛ a bɛlɛ́ kɔ́ɔn nwulu kpiɛn dɔ̨nɔ̨. Bɛlɛ́ laaləi tɛi tɛi gɔnɔ nwulu kpiɛn dɔ̨nɔ̨.

Izikiɛ 43:5

Yálá nwɔ Kilii ə ɉə́ɠə ə li a ɲą́ą́, gwəli hɛ̨ąi tii ɉu pələ ma, Yai-Laa nwɔ mąąwiɛ aa kɛ bɛlɛ́i tii laa hvɛɛ.

Izikiɛ 43:8

Daa di wɔ pɛlɛ́i laaləi kulɔ, nwɔ́ pɛlɛ́i laaləi ɲɛ̨itɔwɔ, di wɔ kpon nwuluɠaai di ɓo nwɛ́iɠaai kwɛlɛ; kwa diɛni ku kpɔn ŋąą pɛlɛ́ nwąną tɔ̨nɔ̨ ɓa. Di náá mąąhəɠɛɛ mąąliɓi, a duwɔ pələ ɲɔ̨nŋaai di kɛi gulɔi; yili ɓə gɛ, gɛ́ di nwun na pili a nwɔ́ liiholi.

Izikiɛ 45:19

Ɉaláá laa həli mun a ɉuwɔi tii ɲąmą həɠə, ə ɉiɛ Yálá hee pɛlɛ́ gbon nwuluɠaa diɛ, da ɉaláá konwolon ɉee hɛn nwəli la nąąn ɓa, ə mą nwɔ̨nɔ̨ kɛ ɲįmąn mu gbon nwulu ɉu pələ nwɛi ɓa.

Izikiɛ 46:1

Mɛ̨nį kəlee ŋą Hééɓomun Yálá woo ka, yɛ: Bɛlɛ́n bələ, ɲiman mu, kpon tii ɲɛ̨i heɛ voló kulɔi pələ, naa a kɛ a gbulɔɔ, góló kɛ hvóló mɛ̨idai yeemu; kɛlaa, da naaɓo a vįitɔɔ yələ. Da naaɓo lɔ nwɔ̨nɔ̨ a ɲąnin dɔɔ nįnɛ̨.

Izikiɛ 7:23

Yɔwɔn bɛli, mąąhɔlɔɓo nɔi laahvɛɛi a nu paa kili, daa laahvɛɛ a wea mɛ̨nį.

Izikiɛ 8:15

Yɛ mą́ą́: «Hulɔnu lon, yáá nąą kaa? Ə́ kaa nwɔ̨nɔ̨ pai ɓowo mɛ̨nį ta kpɛliɠaa kaai dɛɛ yii ɓa.»

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Dutɛrɔnome 17:3

mąą nu yɛ haliɠaa mąąwiɛ, yɛ pɛlɛ di lííla, yɛ pɛlɛ hvóló da ŋąnin, da yələ kwəi hɛnŋąą lííla; ɲą́ą́ hvəi dí la.

Dutɛrɔnome 4:19

Hvó ə́ ɲɛ̨i tɛ yələi, yá, hvóló, ɲąnin da pɛmɛ̨lɛ̨n-gɔw, ə mą kɛ yələ kwəi hɛnŋąą kaa, hvó pa nəi nɛɛ laa di hvo ə́ ɓowo, yɛ́ kwɛli hvilɛn diɛ. Yai-Laa ka wɔ Yálái ɓə ɉɛnŋąą tii pɛli lɔi mɛ̨i hee ɓo nuą kəlee mąą mɛ̨nį ɓa.