Izikiɛ 8:12 - Yálá laawoo hɛɓɛ (dc)

¹² Yɛ mą́ą́: «Hulɔnu lon, mɛ̨nįi Israɛlə pɛlɛ́ mu kalanɉonŋąą kaa gɛi kpinįi, nu kəlee ə ɓo ɲəi bɛlɛ́n yɛ kwɛli hvilɛn ŋą hali ɓa, yaa naa kaa? Da kɛ kɛi diɛi; Yai-Laa hva pɛli ku kaai. Yai-Laa aa kulɔ nɔi.»

Yálá laawoo hɛɓɛ

¹² Yɛ mą́ą́: «Hulɔnu lon, mɛ̨nįi Israɛlə pɛlɛ́ mu kalanɉonŋąą kaa gɛi kpinįi, nu kəlee ə ɓo ɲəi bɛlɛ́n yɛ kwɛli hvilɛn ŋą hali ɓa, yaa naa kaa? Da kɛ kɛi diɛi; Yai-Laa hva pɛli ku kaai. Yai-Laa aa kulɔ nɔi.»

Bible

¹² Nya ƃe è mò mâ ǹyɛɛi, “Núu-kpune ǹóŋ, yà mɛni nyɔmɔ sâŋ ŋí kâai Eezuɛ-ŋai díkaa gɛi loo-pere sui? Díkaa ɣâla fɛlii loŋpo-ŋa su nyii-ŋai dílaa fɛɛ̂i a ɣâla-pɔkɔɔŋ ŋa. Da mò diɛi, ‘Yâwɛɛ fé kú kâai. Yâwɛɛ a bôlu tɔɔ kûa.’ ”

Izikiɛ 8:12 ပူးပေါင်းရင်းမြစ်များ

Tɔɔɓɛlaa veelɛ 17:9

Mɛ̨nįi mąą hvo nɛ̨ɛ̨li kɛ Israɛlə lonnii di hvo gɛ a Yai-Laa di wɔ Yálái, ya ɓə yaamun di di yee lɔ ɉu diɛ gɛ a loo pɛlɛ. Diɛ hali kɔ́iɠaa pɛli daa kpɛa kpɛaa kəlee hu, daa mąąkpɛ pɛlɛ́ɠaa kəlee mu, da gɔ́ taaɠaa hu.

Mąątɛ̨nɛ̨ 10:11

Yɛ kɛ gwəi pələ: «Yálá aa lɛ̨ą yili ɓa, aa ɲįnąą kpulu, hvo mɛ̨nį lɔpee ta kaai.»

Mąątɛ̨nɛ̨ 14:1

Nwələ ɲɛ̨i tɔwɔmun. Davidə nwɔ wələ. Kilikpɛɛgwəi nuą, da kɛ kɛi di kwəi pələ: «Yálá hvo laa!» Daa kala, ɓɛlɛkpɛɛmąą túwɔ́ ɓə da mo, nu tɔ̨nɔ̨ kpɛli hvo kili mɛ̨nį kɛi.

Mąątɛ̨nɛ̨ 73:11

Diɛ kɛ diɛ: «Yálá a yili kpaɠala kaa ləi? Hɛn Gəlee mɛ̨imun, a mɔ̨ɔ̨ pɛli yili kpaɠala kɔ́lɔn ɉii?»

Azaya 29:15

Kpalo ɓɛlaai nuąi tii diɛ, diɛi da kɛ mɛ̨nįɠaa kɛi loo pələi, diɛ di wɔ mɛ̨nįɠaai loo Yai-Laa ɓa; diɛ di wɔ lɔwɔi tɔɔ kpiníi, di woo laa diɛ nąąlɔwai: «Gbɛɛ ɓə ku kaai, ɛlɛɛ, gbɛɛ ɓə ku kɔ́lɔn?»

Azaya 47:10

Ə́ kilitɔɔi kɛ ə́ wɔ gbąnąlaa ɓa, yɛ́ kɛ diɛ: «Nu ta hvo gáái.» Ə́ kili da ə́ wɔ mɛ̨nį kɔ́lɔn ŋąą ɓə ə́ pulu kulɔi. Ɛlɛɛ, yɛ́n, yɛ́ kɛ diɛ ə́ kwəi pələ: «Ɲą́ą́ lɔ gáá laa, akɛ ɲą́ą́ hvəi, nu takpɛli hvo nąą pulu, gəlee kaa a kpɛli!»

Izikiɛ 14:1

Israɛlə pɛlɛ́ nąmįną taɠaa di pa bɔ́ di hee nííla.

Izikiɛ 20:1

Gwɛlan mɛ̨ihveelɛ nwɔ ɲąnin nɔɔli naa, nwɔ hvóló pow yələ, Israɛlə kalanɉonŋaa taɠaa di pa Yai-Laa mąąnin kɛi, di hee níí la.

Izikiɛ 8:11

Israɛlə pɛlɛ́ mu kalanɉon bow mɛ̨ihveelɛ di kɛ laa tɔɔnin, ɉali mąąnįnįnŋąąi ti lííla; Safan lon Yaazaniahu ə kɛ tɔɔnin di hąmąi; nu kəlee nwɔ lansan kələn ɉɛn ə kɛ ɲee ɲą; lansan kələn nwɔ̨n nulu yɛ kɛi tɛ.»

Izikiɛ 8:13

Yɛ mą́ą́: «Ə́ kaa pai nwɔ̨nɔ̨ ɓowo mɛ̨nį kpɛa kpɛa ta kpɛliɠaa kaai; di yee ə ɓo mą diɛ gɛ.»

Izikiɛ 8:15

Yɛ mą́ą́: «Hulɔnu lon, yáá nąą kaa? Ə́ kaa nwɔ̨nɔ̨ pai ɓowo mɛ̨nį ta kpɛliɠaa kaai dɛɛ yii ɓa.»

Izikiɛ 8:17

Yɛ mą́ą́: «Hulɔnu lon, yáá nąą kaa? Mowo túwɔ́i Ɉuda nwɔ pɛlɛ́i mu nuą kaa moi ɓɛ, yili hva mɔ̨ɔ̨ di lii hon? Daa nɔi laahvɛɛ a wɛa mɛ̨nį; diɛ nwɔ̨nɔ̨ nwą́ną́lɔ; ə́ kaa di kaai diɛ nwulu ɓəɠən nɛɠɛ di hunwɔ̨ ɓa?

Izikiɛ 9:9

Yɛ mą́ą́: «Israɛlə da Ɉuda nwɔ pɛlɛ́i di wɔ nɛ̨ŋɛ̨n kɛnɛ̨i naai və mą; nɔi laahvɛɛi a ɲąmą, daa laahvɛɛ a wea; mąąhɔlɔɓo da kɛ kɛi diɛ: ‹Yai-Laa aa ɓo nɔi ɓa, aa doo, hva kɛ kɛa mɛ̨nį ta kaai.›

Sofoni 1:12

Ɲələi tii, ŋą́ kpalan dɔɔ, gɛ́ Ɉerusalɛmə taa hu pili la. Nuąi di wɔ yɛnɛ̨ɛ̨ nii həɛ, di laa gbin ŋą, diɛ mo di kwəi diɛ kɛ: «Yai-Laa hvo mɛ̨nį ta kɛi.» Ŋą́ ɲéé pɛlɛ diɛ.

Ifisiɛŋ 5:12

Mɛ̨nįi nuą tii da gɛ loo pələi, bələ ɓoɔ kpɛli kpɛli kaa a nwumɛ̨ mɛ̨nį.

Dutɛrɔnome 27:15

«‹Nui lɔpee pai hali ta pɛlii a wala kɛ tii, hɛn da mąą nįnįn, a yɛlɛ kɛ mun da yee pɔɔ, ɛlɛɛ, yɛ di tɔɔ kɛɛnąą loɔ ɓa! Mɛ̨nįi gɔhɔɓoɔ Yai-Laa ɲɛ̨i ɓa yaa li! Yálá! Mąą nu nɛ̨ŋɛ̨n naai!› Ɛlɛɛ nɔi lonnii kəlee di di nwoo mu hon, diɛ mą: ‹Mįįną!›