Izikiɛ 8:11 - Yálá laawoo hɛɓɛ (dc)

¹¹ Israɛlə pɛlɛ́ mu kalanɉon bow mɛ̨ihveelɛ di kɛ laa tɔɔnin, ɉali mąąnįnįnŋąąi ti lííla; Safan lon Yaazaniahu ə kɛ tɔɔnin di hąmąi; nu kəlee nwɔ lansan kələn ɉɛn ə kɛ ɲee ɲą; lansan kələn nwɔ̨n nulu yɛ kɛi tɛ.»

Yálá laawoo hɛɓɛ

¹¹ Israɛlə pɛlɛ́ mu kalanɉon bow mɛ̨ihveelɛ di kɛ laa tɔɔnin, ɉali mąąnįnįnŋąąi ti lííla; Safan lon Yaazaniahu ə kɛ tɔɔnin di hąmąi; nu kəlee nwɔ lansan kələn ɉɛn ə kɛ ɲee ɲą; lansan kələn nwɔ̨n nulu yɛ kɛi tɛ.»

Bible

¹¹ Ŋá Eezuɛ-ŋai dínuu-pɔlɔ ŋai buu lɔ́ɔlu mɛi feerɛ kâa naa. Saŋfaŋ ǹóŋ surɔŋ Zaazania kɛ̀ ƃo dí sama. Kéreŋ-sɛŋ kuŋ-nɛ̃ɛ kéreŋ sɛ̂ŋ è kɛ̀ díkelee díyeêi. Naa láa è kɛ̀ a vɛ̀ɛ a kereŋ-sɛŋ kuŋ-nɛ̃ɛ kéreŋ luru.

Izikiɛ 8:11 ပူးပေါင်းရင်းမြစ်များ

Tɔɔɓɛlaa veelɛ 22:12

Yili pulu, ə mo ɉaláá laa həli mun Hilkiyahu, Safan lon Ahikamə, Mikaya lon Akbɔrə, ɉɛɓɛ́ kɛ mun Safan da tɔɔmun nwɔ tímun Asaya, yɛ diɛ:

Tɔɔɓɛlaa veelɛ 22:14

Ɉaláá laa həli mun Hilkiyahu, da Ahikamə, Akbɔrə, Safan, ə lɛɛ, Asaya, də li Yálá kwəi mɛ̨nį hukulɔ nɛ̨ɛ̨nu Hulda pɔɔli, nui kɛ a ɉəɠəɠaa mɛ̨i kaa mun Salumə, yai kɛ a Tikwa lon, yɛ ɓo a Harhasə mąnįn, nɛ̨ą li kɛ. Nɛ̨ɛ̨nui tii ə kɛ Ɉerusalɛmə daa nįnɛ̨i. Yii lɔ di kpɛɛ a di woo hukulaa mą,

Tɔɔɓɛlaa veelɛ 22:3

Ɉosiasə nwɔ tɔɔlaa gwɛlan bow gɔw mɛ̨ihaaɓa lɔwai, ə ɉɛɓɛ́ kɛ mun Asaliahu lon Safan tɔɔ, yai kɛ a Mesulamə mąnįn, ə dɔɔ Yai-Laa yəi bɛlɛ́n, yɛ mą:

Tɔɔɓɛlaa veelɛ 22:8

Ɉaláá laa həli mun gɛnɛ̨ Hilkiyahu yɛ ɉɛɓɛ́ kɛmun Safan ɓa: «Ŋą́ą́ dɔ́n ɉɛɓɛ́ kaa Yai-Laa yəi bɛlɛn.» Hilkiyahu ə ɉɛɓɛ́ tɛɛ Safan pɔ, yili ə mo.

Tɔɔɓɛlaa veelɛ 25:22

Nuą yiiɠaai lɛɛ Ɉuda lɔi hu, diɛi Babilonə tɔɔmun Nabukodonosorə ə di lɛɛ laa, ə Safan mąnįn Gedaliasə Ahikamə lon ɉee di nwun na a di ɲąąwooɓomun.

Kɔlɔnikɔ Veerɛi 26:16

Vaŋą kɛnɛ̨ pələi tii, humɛ̨ni kɛnɛ̨ ə lɔ ɉu, ə lɛɛ la ɉu, ə gbɔwɔ nwun napili; hvo lɛɛ Yai-Laa nwɔ Yálái ɓa kwəi tɔ̨nɔ̨ laa hu. Ya ka tii lii, yɛ lɔ Yai-Laa nwɔ pɛlɛ́i mu, yɛ lansan kələn lansan kələn ɉi.

Kɔlɔnikɔ Veerɛi 26:19

Oziasə ə níiholi, lansan kələn ɉɛn ə ɓo nii ɲee ŋą. Ɓɛlɔwai tii nii ə kɛ la a ɉoliɛ ɉaláá laa həli nuą pɔ, hvólóɲɔ̨n ə kulɔ dɔwɔla, ɉaláá laa həli nuą ɲɛ̨i ɓa Yai-Laa nwɔ pɛlɛ́i mu, lansan kələn ɉi kwɛlɛ.

Kɔlɔnikɔ Veerɛi 34:20

Yili pulu, ə mo Hilkiyahu, Safan lon Ahikamə, Mika lon Avdɔn, ɉɛɓɛ́ kɛ mun Safan da tɔɔmun nwɔ tímun Asaya diɛ, yɛ diɛ:

Lɛɛ gbɔwɔ ɓa 24:1

Yai-Laa yɛ Moisə ɓa: «'Tɛ ɲee nwuɔ̨, ka Aarɔn, Nadavə, Avihu da Israɛlə kalanɉon pow mɛ̨ihveelɛi. Ka lɛɛ kwɛa la ka pɛlɛ ka liiɓa.

Lɛɛ gbɔwɔ ɓa 24:9

Moisə ə tɛ, da Aarɔn, Nadavə Avihu da Israɛlə kalanɉon pow mɛ̨ihveelɛi.

Azaya 44:13

Wulu haɠamun nwɛi, a nwulu kɔ́ɔn, ə pɔɔ gɛ mą ni a tiɠi, yɛ kɛa ɉaɠa a kpaawɔ, a gɛ tii, vilənŋąą diɠi pɔɔ ɓa, a goloon ɉu kɛ yɛ nu kɛ pələ, kpɔlɔɔ yɛ nu ɲɛ̨ilain ɲą́ą́lee, diɛ hee pɛlɛ́n.

Ɉeremi 19:1

Mɛ̨nįi Yai-Laa ə mo Ɉeremi ɓa, ya ka, yɛ mą: 'Li ə́ mulúún ɲá, ɛlɛɛ, ə́ kalanɉon daɠaa həɠə ɉu, da ɉaláá laa həli nuą nu pɔlɔ taɠaa.

Ɉeremi 19:4

Yii daa lənə mą́ą́, diɛ gɛɛnąą ŋɛ̨i laa pu, a halááɠaa kulɔi di kaa moi haliɠaa diɛ, yá pa yaan, ɉaliɠaa tii ta hvo ta di ta mąą mɛ̨nį ɲɛ̨i kulɔ li, ə kɛ a di nąnni, ə kɛ a diɛ kpinįi, ə kɛ a Ɉuda tɔɔɓɛlaa; daa gɛɛnąą ŋɛ̨i laahvɛɛ a lɛapɛlɛɛi di hvo ta mɛ̨nį ɲɔ̨n gɛ li di ɲąmą.

Ɉeremi 26:22

Kɛlaa, tɔɔmun Yoyakimə ə nuą tɔɔ Akbɔrə lon Ɛlnatan da nu taɠaa, də li kpɔ Eziptə lɔi hu.

Ɉeremi 26:24

Ɉeremi nwɛi Safan lon Ahikamə nįnįn bɛlɛɛ kɛ mɛ̨i, yili ɓə gɛ di hvo doo nuąi kɛi baa pələ kwɛli di yeeŋa.

Ɉeremi 29:3

Ə ɉɛɓɛ́i tii tɛɛ Eleasa Safan lon, da Gemaria, Hilkiya lon diɛ, diɛi Ɉuda tɔɔmun Sedesiasə ə kɛi di tɔɔ Babilonə tɔɔmun Nabukodonosorə pɔ, Babilonə; bɛ̨ɛ̨i kɛ diɛ kɛ mą:

Ɉeremi 36:10

Nąąlɔwai ɓə, Barukə ə Ɉeremi woo kəlee ɓo la, yai kɛ ɉɛɓɛ́ hu, Yai-Laa yəi bɛlɛ́n, Safan lon Gemariahu yəi ɉɛɓɛ́ kɛ pɛlɛ́ mu, bɛlɛi tii ə kɛ Yai-Laa nwɔ pɛlɛ́i mɛ̨i pələ gbon nįnɛ̨ tənən ma.

Ɉeremi 44:21

«Ɉalááɠaa ka kɛi gulɔ Ɉuda taaɠaa hu, da Ɉerusalɛmə kwəliɠaa pɔ, kaa, ka kálaɓɔlɔni, ka wɔ tɔɔɓɛlaa, ka ɲɛ̨itɔwɔ nuą, da nɔi nąmįną kəlee, kɛlɛi yili ɓə a giliŋąhiɛ mą, yɛ yali niiɓa-ee?

Ɉeremi 5:5

Yili ɓa, gáá kani ɲɛ̨i heei nu kpɛa kpɛa diɛ, kwa diɛni ku da ɓo. Di wɛi, di Yai-Laa woo kɔ́lɔn. Di di wɔ Yálái nwɔ tɔ́nŋaai kɔ́lɔn.» Di kəlee di kaa lɔ tɔ̨nɔ̨; daa kɛ di nwun gulɔ mu, daa kɛ di yɛli tee.

Ɉeremi 52:27

Babilonə tɔɔmun ə mo, di di paa Rivla daai Hamatə lɔi hu. Bələ ɓə di Ɉuda nuą kulɔ la di pɔ lɔi, diɛ li a diɛ kwɛaa la luwɔlaa hu.

Ɉeremi 7:9

ɛlɛɛ, kaa li kpɔ, kaa tɔɔ kaa nwuɔ̨ kɛ, kaa nu paa, kaa ka kpɔɔ hvilɛn wɛli kɛɛ ɓa, kaa ka kwɛla a lɛɛ, kaa haláá kulɔ Baalə ɓa, ka hvilɛn ŋąą haliɠaa pulu, a diɛi tii di hvo ta ka mąą mɛ̨nį ɲɛ̨i kulɔ li.

Izikiɛ 20:1

Gwɛlan mɛ̨ihveelɛ nwɔ ɲąnin nɔɔli naa, nwɔ hvóló pow yələ, Israɛlə kalanɉonŋaa taɠaa di pa Yai-Laa mąąnin kɛi, di hee níí la.

Izikiɛ 8:10

Ŋą́ lɔ, ŋą́ ɲɛ̨́i hee; tala hɛnŋąą, huwɔ mąąnįnįn ɉuwui lɔpee ə kɛ laa, yɛ ɓai lii tɛ a nu; ɛlɛɛ, Israɛlə nwɔ haliɠaa kəlee di mąąnįnįn ə kɛ bɛlɛ́ nwąną ɓa nąą kɔ́lɔ kəlee aa doo la gee hu.

Izikiɛ 9:6

Ə kɛ a hulɔngolo, ə kɛ a ląŋąlon, ə kɛ a halakpɛla, lɛapɛlɛɛ mąn, nɛ̨ąą mąn; ka gəlee paa, ə lɛɛ ɉu, di kpɛɛ kpɔ tɛ̨ɛ̨ tɛ̨ɛ̨. Kɛlaa, nui lɔpee, nui ɲɛ̨i pɔɔ a kɛ mą, 'ká hvo tunwɔ̨n mą. 'Ká gbala tɔɔ Yálá hee pɛlɛ́ ɓa. Di gbala tɔɔ kɛa ɉulɔngoloɠaai ti kɛ Yálá hee pɛlɛ́ laaləi diɛ.»

Danîa 9:8

A tɛ̨ą, Ną́mu Yálá, nwumɛ̨ ka ŋɛ̨i yɛi ku paa. Kuɔ, kuɔ tɔɔɓɛlaa, kuɔ nwun nąmįnąa da ku kalaɓɔlɔni, mąąhɔlɔɓo, ku hvo ə́ woo hon ni.

Lonon mo 11:16

Yai-Laa yɛ Moisə ɓa: «Israɛlə kalanɉon pow mɛ̨ihveelɛ ɲąąkpɔn, diɛi kpɔ ə́ di kɔ́lɔn a nu pɔlɔ pɔlɔɠaa, diɛ pɛli nuą lɔwai mɛ̨nį ɓoi. Ka diɛni ka pa gee kaa kələ laaləi.

Lonon mo 11:25

Yai-Laa ə yɛɛ da Moisə di lono kɛ. Yili pulu, ə Moisə nwɔ kilii tawolo həɠə, ə dɛɛ nu pow mɛ̨ihveelɛi tii pɔ. Yii kɛa ə dɛɛ tii di pɔ, di hvo kɛa kɛ di kpɔɔ yee kɔ́nma, diɛ kɛa Yálá kwəi mɛ̨nį ɓo; kɛlaa, di hvo lamun ɉu.

Lonon mo 16:17

Nu kəlee nwɔ lansan kpowo ə kɛ ɲəi, ka lansan pu ɉu, ɛlɛɛ nu kəlee ə nwɔɔ laa həli Yai-Laa ɓa. Lansan kpowo nwun veelɛ yee lɔɔli. Aarɔn yaa kpɛli, ɛlɛɛ, yɛ́ kpɛli, ka pa a ka wɛiɠaa.»

Lonon mo 16:35

Nwɔ̨n ə kulɔ Yai-Laa pɔ, nu nwun veelɛi ɲee lɔɔli tii kɛi lansan laa həli Yai-Laa ɓa, ə gəlee kələn.

Lonon mo 7:50

Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨;

Lukə 10:1

Yili pulu, Ną́mu Jesus ə nu pu-mɛ̨ihveelɛ-kɔw-hveelɛ takpɛli yɛɠɛ ɉu, ə di tɔɔ hveelɛ-hveelɛ, diɛ li, taaɠaai kɛ mąąnɛ̨ɛ̨ kɛ Jesus kpinįi ə həli ɉu.