Izikiɛ 7:27 - Yálá laawoo hɛɓɛ (dc)

²⁷ Tɔɔmun gaa pai kɛi yɛ haa a too mą, nɔi ɲąąwooɓomun gaa pai kɛi lii kələn gwəi hu. Nɔi lonnii yee kaa pai kɛi kpɛlin ɉii, gáá pai di hon ɉii yɛ bələi di túwɔ la; gɛ́ di kiti tee, yɛ bələi di kɛi kiti tee la, da gili kɔ́lɔn nąąlɔwai, diɛ kɛ gáá a Yai-Laa.

Yálá laawoo hɛɓɛ

²⁷ Tɔɔmun gaa pai kɛi yɛ haa a too mą, nɔi ɲąąwooɓomun gaa pai kɛi lii kələn gwəi hu. Nɔi lonnii yee kaa pai kɛi kpɛlin ɉii, gáá pai di hon ɉii yɛ bələi di túwɔ la; gɛ́ di kiti tee, yɛ bələi di kɛi kiti tee la, da gili kɔ́lɔn nąąlɔwai, diɛ kɛ gáá a Yai-Laa.

Bible

²⁷ Malôŋ a pâi toôi galôŋ mâ. Lii-too pôlu a paî kɛ̂i galôŋ ŋɔtíi-kɛ-ƃelai dîa. Ǹûai da pâi yaôi ǹɔii su díyee kɛ́ kpɛ̃liŋ. Ŋa pâi díkula maa kɛ̂i yɛ̂ɛ berei dítua-pere káa lai. Ŋa pâi dímɛnii-ŋá teêi yɛ̂ɛ berei da díƃaraai dímɛnii ŋa tèe lai. Nyiŋi a pâi ǹɛi kâa a gɛɛ ńyãa ƃa Yâwɛɛ.”

Izikiɛ 7:27 ပူးပေါင်းရင်းမြစ်များ

Tɔɔɓɛlaa dɔlɔɔ 20:28

Yálá nwɔ nui ə mąą lɛɠɛ Israɛlə tɔɔmun ma, yɛ mą: «Yii Yai-Laa ə mo ya ka: Yii Aramə nuą diɛ Yai-Laa kaa a yee hu Yálá, hvo a nɛ̨ŋɛ̨ hu Yálá; gáá nu kpulu ŋɛ̨i kəlee lɔi ə́ yee ŋą ə gɛ ka gɔlɔn kaa diɛ: Ɲą́ą́ ɓə a Yai-Laa.»

Zôo 8:22

Ə́ yowoɠaa di kaa pai kɛi nwumɛ̨ hu, mɛ̨nį ɲɔ̨n gɛ nuą di wɔ pɛlɛ́ɠaai ta lɔpee hva lɛɛ laa.

Mąątɛ̨nɛ̨ 109:18

Yii kpɔ ə nɛ̨ŋɛ̨n naa kɛ a gɔnmą həɠə, nɛ̨ŋɛ̨n naa ə hiɛ kani gɔlɔi nąą kəlee yɛ yá, ə lɔ dɔɔ-tɔɔiŋaa hu, yɛ mąątí-wulɔ.

Mąątɛ̨nɛ̨ 109:19

Nɛ̨ŋɛ̨n ə kɛ a gɔnmą həɠə, ə kɛ a ɉɛ̨ą yili kɔ́lɔi, a ɉɛ̨ą yili la, a yələ kəlee!

Mąątɛ̨nɛ̨ 109:29

Ɓáá ə kulɔ gálámąɓo nuą diɛ, nwumɛ̨ ə di hon, ə kpɛlaan a diɛ di nąą kəlee, yɛ biliɉu.

Mąątɛ̨nɛ̨ 35:26

Nuąi kpɔ nwɔ́ mɔ̨nɔ̨ kaa a di kwəinɛ̨ɛ̨ mɛ̨nį, 'nwumɛ̨ ə gəlee ɲɛ̨i paa a gee! Nuąi kpɔ tii kɛi di nwun dɛ, nwumɛ̨ da ɓáá-kulɔmąą, ə kɛ a di mąą həɠə!

Mąątɛ̨nɛ̨ 9:16

Hį́i takpɛliɠaa di wɔ lɔwai di dee, diɛ kpinįi, daa too ɉu, maaləi di dɛ, di kɔ́wɔ ɓə kɔ́ la.

Azaya 3:11

Kpalo ɓɛlaai mɛ̨nį ɲɔn gɛmun mą, hvó gaai mąąwɛli mɛ̨nį hɛlɛ ŋąąi nwun mɛ̨i, di kaa pai ɉon ɉii, yɛ bələi ə gwɛli la a dúwɔ́ pələ.

Izikiɛ 14:23

Di kaa pai ka lii laai; mąąhɔlɔɓo ka káá pai di tuwɔ pələ kaai, kaa gɔlɔn kaa mɛ̨nįɠaai kpɔ ŋį́ naa daai ɲɛ̨́i ɓa nwun gaa mą. Mɛ̨nį kəlee ŋą Hééɓomun Yálá woo li.»

Izikiɛ 18:30

Yili mąą mɛ̨nį ɓa, gáá pai ka tɛi tɛi ka kiti teei ka túwɔ pələ mąą mɛ̨nį ɓa, Israɛlə nwɔ pɛlɛ́i; ɲą́ą́ Mɛ̨nį kəlee ŋą Hééɓomun Yálá, nwóó li. Yili ɓa, 'ka pənə ka pa, 'ka ká pulu tinɛ̨n ka wɔ kulɔ nwoo mu laai ɓa, ɛlɛɛ, ɉɛn kɛi ka kalin yɛ ka too nɛ̨ŋɛ̨n ɉu, ka hvo nɛɛ ka lɔwai.

Izikiɛ 21:25

Bələ tɔ̨nɔ̨ laa, gɔ́ kɔ́ ɓɔwa yɛ ɉąŋąn a Raba pələ, Amɔn lonnii di wɔ taai, da Ɉuda lɔi hu pələ, Ɉerusalɛmə taa pɔ pələ, mąą tinɛ̨nŋąąi a mąą kɔ́nwɔ̨ hįi.

Izikiɛ 26:16

Gboloyá hu tɔɔɓɛlaa kaa pai həɠəi di wɔ tɔɔ kpəlinŋaai mɛ̨i, di di wɔ gbaawiiɠaai kulɔ di kwąną, di di wɔ həɠə ɲɛ̨i tɔɔɠaai kulɔ diɛ; di mąą həɠə ə lɛɛ lɔ a kpɛlin mo; di hee lɔi ɓa, diɛ kpɛlin nɔ, diɛ di woo laa ə́ mąą mɛ̨nį ɓa.

Izikiɛ 7:3

Ə́ wɔ yɛnɛ̨ɛ̨ aa həli kɛa ɲąąkpɛɛi: Gáá pai níiholii ə́ pɔ, gɛ́ ə́ kiti tee yɛ bələi ə́ tuwo la, gɛ́ ə́ mąąni kɛ yɛ́ ɓowo tuwoɠaai kəlee mąą mɛ̨nį ɓa.

Izikiɛ 8:1

Gwɛlan mɛ̨ida nwɔ ɲąnin mɛ̨ida nąn ŋą hvóló lɔɔli yələ; ŋį́ kɛ heeni ɲə́i bɛlɛ́n, Ɉuda kalanɉonŋąą di ɓo heeni níí la, Yai-Laa ə ɲee pɛlɛ mɛ̨́i.

Maafîu 7:2

Mąąhɔlɔɓo, bələi lɔ ə́ kaa ə́ ɓɛlan gití teei la, bələ lɔ ɓə Yálá kaa pai ə́ kiti tee la. Bələi yá hɛn gɔwɔn na, yɛ́ dɛɛ nu pɔ, bələ lɔ ɓə da gɔwɔn na, di dɛɛ ə́ pɔ.

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.