Izikiɛ 7:26 - Yálá laawoo hɛɓɛ (dc)

²⁶ Kɛɛ lɔ ɓə pai kɛi kalai diɛ, wɛlɛɛ ɲɔ̨nwɔ̨ɔ̨ lɔ ɓə pai kɛi həlii diɛ; di ka mɛ̨nį kwɛlii Yálá kwəi mɛ̨nį hukulɔ mun na, ɉaláá laa həli mun və kɛa pai kɛi kalan gɛi diɛ, galanɉonŋaa di hva kɛa nwun dɔɔ kɛ.

Yálá laawoo hɛɓɛ

²⁶ Kɛɛ lɔ ɓə pai kɛi kalai diɛ, wɛlɛɛ ɲɔ̨nwɔ̨ɔ̨ lɔ ɓə pai kɛi həlii diɛ; di ka mɛ̨nį kwɛlii Yálá kwəi mɛ̨nį hukulɔ mun na, ɉaláá laa həli mun və kɛa pai kɛi kalan gɛi diɛ, galanɉonŋaa di hva kɛa nwun dɔɔ kɛ.

Bible

²⁶ Mɛni-kpɔ̂lu a pâi kulâi dîa gîe mɛi, tùŋ nyɔmɔɔ támaa é pá dípɔ. Da pâi ŋâla-woo ƃô ƃelai marê kɛ̂i a gɛɛ díɣâla-woo ƃô dîa, kɛ́lɛ ŋ̀âla-wooi a pâi lani díla. Zâla láa-soŋ-ƃelai dífe pâi pɔrii sɛŋ lɛ̂i ǹûai dîa. Ǹúu-pɔlɔ-ŋai dífe pâi kɛ̂i naa a gɛɛ dínûai lia-woo ƃó.

Izikiɛ 7:26 ပူးပေါင်းရင်းမြစ်များ

Mąątɛ̨nɛ̨ 74:9

Ku hvo kɛa ku kɔ́lɔn ɉɛnŋąą kaai, Yálá kwəi mɛ̨nį hu kulɔ mun da hvo kɛa laa, ə lɛɛ, ku ta hvo mɛ̨nįi ŋɛ̨i kpɛɛ yələ kɔ́lɔn.

Azaya 47:11

Mɛ̨nį ɲąąnwąnąą pai laai yɛ́, hvó pai pɛli mąą laai, ə́ kala mɛ̨nį kaa pai həlii yɛ́, hvá pɛli ə́ mąąkɔ̨nwɔ̨i ɲəi, gaa a tɛ̨ą, mɛ̨nį ɲąąnwąnąą kaa pai həli lɔ yɛ́ ə́ tɛɠii.

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Ɉeremi 21:2

«Yai-Laa mąąni kɛ ku mąą mɛ̨nį ɓa, mąąhɔlɔɓo, Babilonə tɔɔmun Nabukodonosorə aa kɔ́ pɛlɛ kuɔ, gbəli hu Yai-Laa a pɛli ə kpalo mɛ̨nį ta kɛ, ə ku mąąkɔ̨nwɔ̨ Nabukodonosorə yəi.»

Ɉeremi 37:17

Yili pulu, tɔɔmun Sedesiasə ə nu ta tɔɔ, diɛ li dəli; tɔɔmun ə mąąnin kɛ loo pələi, ɲəi bɛlɛ́n, yɛ mą: «Yai-Laa nwɔ wɛlɛɛ kaa ə́ la?» Ɉeremi yɛ mą: «Ee! Di kaa pai ə́ tɛɛi Babilonə tɔɔmun pɔ.»

Ɉeremi 4:20

Di kaa kɛi diɛ: «Kɛɛ kala mɛ̨nį ɓə-o, kɛɛ kala mɛ̨nį ɓə-o.» Nɔi kəlee aa lɛɛ a lɔi pun. Daa nwɔ́ pɛlɛ́ɠaa pu lɔ tɔ̨nɔ̨, kpulú! Daa ku nwun mąąkilɛi lɛɛ a hvea ŋą.

Woolaa 2:9

Siɔn kponŋaa kəlee daa lɛɛ pɔ́lɔ mu, naa kpulu kwɛliɠaa kəlee hu aa yali yali. Dɔɔmun da nwɔ kalanɉonŋaa daa lɛɛ nu takpɛliɠaa yee mu. Yálá kwəi mɛ̨ni hukulɔ mɛ̨ni hvo kɛa ɉu laa. Yálá hvo kpɛli kɛa gwəi mɛ̨ni lɛi gwəi mɛ̨ni hukulɔi nuą diɛ.

Izikiɛ 11:2

Yai-Laa yɛ mą́ą́: «Hulɔnu lon, nuąi da kɛ piɛn doo mɛ̨nįɠaa mąą kili teei di kwəi, diɛ mɛ̨nį ɲɔ̨n mąą nwun dɔɔ kɛ daai ŋɛ̨i hu, diɛ ka.

Izikiɛ 12:22

«Hulɔnu lon, lə mɛ̨nį ɓa yai ka kɛ ɉanwon ŋɛ̨i hɔɔi kaa vilɛn Israɛlə ɓa; kaa kɛ diɛ: ‹Voloɠaa kaa lɔ tɛɛi, hįį kaa nuą di hvo gaai.›

Izikiɛ 14:1

Israɛlə pɛlɛ́ nąmįną taɠaa di pa bɔ́ di hee nííla.

Izikiɛ 21:7

«Hulonu lon, ə́ ɲɛ̨́i hąŋąn Ɉerusalɛmə pələ; haŋą ɉaláá kulɔiɠaa diɛ; 'gwə́i mɛ̨nį hukulɔ Israɛlə lɔi ɓa:

Izikiɛ 22:26

Nwɔ haláá laahəli nuąi daa nwɔ́ tɔ́n mąąkala, daa nwɔ hɛn mąąhəɠɛɛɠaa laa pu. Di hvo hɛn mąąhəɠɛɛ da hɛn gbɛli kpɛli kulɔ ɉu kɛli; di hvo hɛn mąąhəɠɛɛ da hɛ mąąliɓiɛ kulɔ nɔwai kɛli. Di di ɲɛ̨i laa kpulu nwɔ hvįįtɔɔ yələɠaai mɛ̨i, ɛlɛɛ daa náá pu di lɔwai.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Izikiɛ 8:1

Gwɛlan mɛ̨ida nwɔ ɲąnin mɛ̨ida nąn ŋą hvóló lɔɔli yələ; ŋį́ kɛ heeni ɲə́i bɛlɛ́n, Ɉuda kalanɉonŋąą di ɓo heeni níí la, Yai-Laa ə ɲee pɛlɛ mɛ̨́i.

Levetekɔ 26:18

«Yili a kɛ tii, ka wala nwɔ̨nɔ̨ ka wəli tɔɔ mą́ą́, ŋą́ ka wɔ nɛ̨ŋɛ̨nŋąą mąą kwələ kulɔ kaa geemɛ̨i mɛ̨ihveelɛ.

Levetekɔ 26:21

«Ka tɔɔ ná, ka wala ka wəli tɔɔ nwóó ɓa, ŋą́ ka kɛlɛ gee mɛ̨i mɛ̨ihveelɛ a nwalawalaa, ə pɛli ka wɔ nɛ̨ŋɛ̨n ma.

Levetekɔ 26:24

ɲą́ą́ gbɛli mąn, ŋą́ tɔɔ ka la, gɛ́ ka kɛlɛ gee mɛ̨i mɛ̨ihveelɛ ka wɔ nɛ̨ŋɛ̨nŋąąi mąą mɛ̨nį ɓa.

Levetekɔ 26:28

ŋą́ tɔɔ ka la a liiholi kɛnɛ̨, ɲą́ą́ gbinįi gɛ́ ka hutɔɔ gee mɛ̨i mɛ̨ihveelɛ, ka wɔ nɛ̨ŋɛ̨nŋąąi mąą mɛ̨nį ɓa.

Mise 3:6

Yili mąą mɛ̨nį ɓa, kpinį aa pɛlɛ ka mɛ̨i, ka hva kɛa kɛɛ kaa, tɛɛ́-hilɛ kpinį a pɛlɛ ka mɛ̨i, ka hva kɛa Yálá kwəi mɛ̨nį mɛ̨n, tulɔ kpinį kaa pai pɛlɛi Yálá kwə́i mɛ̨nį hukulɔ nuą mɛ̨i, da lɛɛ kpinį yəi.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Malasi 2:9

Yili ɓa, ɲą́ą́ gbɛli, gáá Israɛlə nuą lii muhəɠə, ə gɛ, di ka ɓɛlɛkpɛɛ kaa, di ɓáá kulɔ káá, di ka hviiɓo. Mąąhɔlɔɓo, ka hvo nííɓa pɔ, ɛlɛɛ, káá mɛ̨nį hutɔɔ a ɲɛ̨ikɔlɔn.

Dutɛrɔnome 32:23

Gáá mɔ̨nɔ̨ laai di mɛ̨i, gɛ́ nwɔ́ mɛ̨ɛ̨kɔwɠaai ɲɛ̨i haŋąn diɛ.

Samuɛlə dɔlɔɔ 3:1

Nokolo Samuɛlə yee ə kɛ Yai-Laa nwɔ kólói ɓa, Eli yee mu. Yai-Laa hvo kɛi hvaa kɛlɛ-kɛlɛ nuą pɔ, ə lɛɛ hvo kɛi gbɔwɔ lɛ nuą diɛ nąąlɔwai.