Izikiɛ 7:20 - Yálá laawoo hɛɓɛ (dc)

²⁰ Di kɛi di nwun dɛ di mąą yili hɛnŋaa hu, ya ɓə di di wɔ hɛn mąąnįnįn ɲɔ̨nwɔ̨ɔ̨ɠaai pɛli la, a gili kpɛɛ ɲəi hɛŋaai tii. Yili mąą mɛ̨nį ɓa, gáá pai di kɛi a di mąąluwu hɛn.

Yálá laawoo hɛɓɛ

²⁰ Di kɛi di nwun dɛ di mąą yili hɛnŋaa hu, ya ɓə di di wɔ hɛn mąąnįnįn ɲɔ̨nwɔ̨ɔ̨ɠaai pɛli la, a gili kpɛɛ ɲəi hɛŋaai tii. Yili mąą mɛ̨nį ɓa, gáá pai di kɛi a di mąąluwu hɛn.

Bible

²⁰ Dígôo-ŋai da díkane yɔlɛ-ŋai dí gɛ̀ dísumɛ̂ni é kɛ́tɛ díkɛ díɣâla pɔɔkɔŋ ŋai kpɛtɛ la da pɔɔkɔŋ nyɔmɔɔ-ŋai. M̀aa mɛ̂ni ƃe ŋa pâi zãai ŋí kɛ̂i m̀ɛlɛ é kpɛɛ díkoi.

Izikiɛ 7:20 ပူးပေါင်းရင်းမြစ်များ

Tɔɔɓɛlaa veelɛ 21:4

Ə pənə ə haláá kulɔiɠaa pɛli Yai-Laa nwɔ pɛ́lɛ́i mu, ɓɛi Yai-Laa ə kɛ diɛ: «Ɓɛ Ɉerusalɛmə ɓə gáá náá heei ma.»

Tɔɔɓɛlaa veelɛ 21:7

Manase ə Asera nwɔ halii mąąnįnįn dɔɔ Yai-Laa yəi bɛlɛ́n; ɓɛi Yai-Laa ə kɛ Davidə da non Salomɔn diɛ: «Bɛlɛi ŋɛ̨i, da Ɉerusalɛmə taai ŋɛ̨i, ŋą́ą́ di həɠə Israɛlə lɔi nąą kəlee, gɛ́ náá hee mą a yələ kəlee.

Kɔlɔnikɔ Veerɛi 2:9

Nwulu pɔnnuą, a diɛi tii a ə́ wɔ kóló kɛ nuąį, di kɔ̨nɔ̨n ga a: Mɔ̨nun gɔ́w kilə waa pow hveelɛ, kpai kɔ́w kilə waa pow hveelɛ, lɔɔyaləɠi waa tɔ̨nɔ̨, wulɔ tuku waa pow hveelɛ.»

Kɔlɔnikɔ Veerɛi 36:14

Ə mą kɛ, ɉaláá laa həli nuą ɲɛ̨itɔwɔ nuą, nɔi ɲąąwooɓo nuą kəlee, di di wɔɔ woo kala laa huwiɛ, di túwɔ́ kpɔlɔɔ yɛ bələi, lɔiɠaa da kɛɛ kala túwɔ́ ɓo la; di bɛlɛ́i ŋɛ̨i Yai-Laa ə ɉəɠə ɉu a nwɔɔ Ɉerusalɛmə, di mąąluwu.

Ɛsdrasə 3:12

Nu pɔlɔɠaai kɛ ɉaláá laa həli nuą lɔwai, Levi huwuhu nuą lɔwai, bɛlɛ nąmįną lɔwai, diɛi kɛ Yai-Laa hee pɛlɛ́ bɔlɔ-pɔlɔ kɔ́lɔn, ɓɛlɔwai di nįnɛ̨i tii goloon gaa la, di kəlee di bu mą a wɔlɔ. Kɛlaa, nuąi di hvo kɛ bɛlɛi tii bɔlɔ-pɔlɔ kɔ́lɔn, di wɛi, di kɛi tomą a kwəinɛ̨ɛ̨.

Mąątɛ̨nɛ̨ 48:2

Yai-Laa kɛnɛ̨i, mąąwiai lɔ a yələ kəlee, gu wɔ Yálái nwɔ taaleei hu, nwɔ yee mąąhəɠɛɛi nwuɔ̨.

Mąątɛ̨nɛ̨ 50:2

Yálá kaa Siɔn daai, yai nɛlɛɛ, mąąkulɔi hvo mą, yɛ lən.

Azaya 30:22

Mąą nįnįn ɉaɠaaɠaai da kɛ nwali ya pui diɛ, da yiiɠaai kwɛli yɔw nuą da bu, diɛ ɉɛni-yá pu diɛ, mąąnɛ̨ɛ̨ ka gəlee kaa a hɛn mąąliɓiɛɠaa, ka di pili, yɛ bələi da hɛn ɲɔ̨nwɔ̨ɔ̨ pili la ɛlɛɛ, yɛ́ diɛ: 'Ka kulɔ ɓɛ!

Azaya 64:11

Yá kɛli mɛ̨nįɠaai tii kəlee kaa, Yai-Laa, Yá pɛli mɔ̨ɔ̨ ə́ kpɔwɔ hu hon ɉi? Yɛ́ tɔɔ lɔ kpɛli kpɛli? Yɛ́ ku nwumɛ̨ la tii a gɔn bulu pələ?

Ɉeremi 7:14

Yili ɓə gaa mą, bɛlɛ́i ŋɛ̨i naa heɛ mą, ɉéé pɛlɛi ŋɛ̨i kaa ka kilitɔɔ mą, gɛɛnąą ŋɛ̨i ŋį́ dɛɛ ka kalaɓɔlɔni pɔ, ə mą kɛ kaa, gáá ɉon bələ kɛi yɛ bələi ŋį́ gɛ la a Silo taa.

Ɉeremi 7:30

Yai-Laa woo ka, yɛ diɛ: Ɉuda nuą daa di yee lɔ mɛ̨nį ɲɔ̨n ɉu, yii mɛlɛ hvo gwə́i. Daa nwɔ́ pɛlɛ́i kɔ́hɔɓo, daa lɔ laa a haliɠaa diɛ gɔ́.

Woolaa 1:10

Ɲowoɠaa daa ɲəi hɛn gɔw kəlee həɠə. Ɉerusalɛmə kpįnįi, ɲɛ̨i aa lɛɛ ɲowoɠaa diɛ, diɛ lɔ gɛɛnąą mąąhəɠɛɛ ɓa, ɓɛi ə́ tɔ́n dɔɔ mą nu takpɛliɠaa lɔ mɛ̨ni ɓa laa!

Woolaa 2:1

Ee kə! Yai-Laa liiɲąnwąną pələ ɓa, aa Siɔn halakpɛla mɛ̨i kpįnį, aa Israɛlə mąąɲįnɛ̨n tɛ yələi aa doo nɔi ɓa. Niiholi pələ, hvo kpɛli gili lɛɛ li gɔwɔ tɔɔ kpəlin ɉu.

Woolaa 2:7

Yai-Laa nwɔ haláá kulɔi wɛli aa kpɛɛ mą aa gili kulɔ nwɔ pɛlɛ́ mąąhəɠɛɛ hu, aa dɔɔ pɛlɛ́ɠaa too ku yowoɠaa yee ŋą da di mąąkpɛ hįiɠaa. Kɔ́ mɛ̨i tomą woo kaa kulɔi Yai-Laa yəi bɛlɛ́n yɛ daa kɛi hɛli pu.

Izikiɛ 11:18

Di kaa pai pai laa di gili kpɛɛ ɲəi mɛ̨nįɠaa da mowo mɛ̨nįɠaai tii kəlee kulɔ laa.

Izikiɛ 16:16

Ə́ ə́ mąą həɠəɠaa həɠə, yɛ́ ɉalə kɔ́iɠaa mąą yili la, yɛ́ túwɔ pələ ɲɔ̨nŋąą kulɔ ɉu, ɉuwu ta hvo ta kɛ li, ɛlɛɛ da hvo pai kɛi.

Izikiɛ 16:19

Ŋį́ lɛɠɛi ŋį́ dɛɛ ə́ pɔi, da gbanin gɔw, da nwulo, da gwɛ̨in nwulo; yai ŋį́ kɛi ə́ kɔ̨nɔ̨n gɛ la, ə́ ɉee di lííla; a di liilaa haláá kun nɛ̨ɛ̨; ə́ túwɔ pələ ka ti. Yai-Laa, gu wɔ yálái woo li.

Izikiɛ 23:38

Di pənə nwɔ̨nɔ̨ di nwɔ́ hvįįtɔɔ yələi laa pu, a ɲələi di nwɔ́ pɛlɛ́i mąą luwu la.

Izikiɛ 24:21

'Mo Israɛlə nwɔ pɛlɛ́i ɓa, yɛ mą: ‹Mɛ̨ni kəlee ŋą Hééɓomun Yálá woo ka, yɛ, gáá pai nwɔ pɛlɛ́i pui, yai gaa a ka ɲɛ̨i pɔ̨nɔ̨ hɛn, ka wɔ ɲąąwooɓo laai hu; yai gaa a ka ɲɛ̨i kɔ́w nwɔ kwəinɛ̨ɛ̨; yai ka ka kilitɔɔi mą ka wɔ yɛnɛ̨ɛ̨ hu. Ka lon ɉinąą da ka lon nɛ̨ąąi tii ka di lɛɛ Ɉerusalɛmə, di kaa pai tooi ɓɔwa kwɛa yee ŋą.

Izikiɛ 5:11

Yai-Laa gu wɔ Yálái woo ka, yɛ: A kɛ kpɔ gáá a vúlúmaa, yii kpɔ ə́ ŋą́ pɛlɛ́ mąąhəɠɛɛi mąąluwu a yɛ́ kɛɛ kala mɛ̨nįɠaai, da yɛ́ tuwɔ pələ ɲɔ̨nŋąąi ti, ɲą́ą́n gbɛlimąn gáá pai kpəŋą həɠəi; və́ pai nu ɲɛ̨imąąwɛli kaai; və́ pai nu mąąhvaalɛɛi.

Izikiɛ 7:22

Gáá pai búlu tinɛ̨n ɉii diɛ, diɛ nwɔ́ hɛn gɔwi hukala. Nwuɔ̨ nuą di kaa pai pai laa, diɛ ɉu kala.

Izikiɛ 9:7

Yɛ diɛ: «'Ka Yálá hee pɛlɛ́ mu kala; ɛlɛɛ, 'ka ká wɔ lí ɓo! Di pɛlɛ kɛa nu paa ɓa, daa pɔ.»

Egaa 2:3

«Akɛtii, nu ta kaa ka lɔwai, yii wɔlɔ Yálá hee pɛlɛ́ tɔlɔ tii nwɔ mąąwiɛ kaa? Akɛtii, ka káá gaai ləi háákələi? Ka hvo mɔ̨ɔ̨ gaai kaa kɛ diɛ: bɛlɛ́ tɔlɔɔ tii nwɔ mąąwiɛ aa lɛɛ a kpɛli-kpɛli?

Nwun mąąɓo 8:24

Yili pulu, Zedeɔn yɛ nwɔ̨nɔ̨ diɛ: «Mɛ̨nį tɔ̨nɔ̨ ɓə gáá ɉu hvɛli kaa, ya ɓaa: Gɔ́ honŋaai tii ka ɉɔlɔɓo, nu kəlee ə gbono tɛitɛi kulɔ ɉu, ə dɛɛ bɔ́.» Ə mo tii diɛ, mąąhɔlɔɓo, nuąi tii də li gɔ́ pɛlɛi diɛ, di kɛ a Ismaɛlə nu huwu, hɛni gbono ə kɛ gəlee yee ɓa.

Nwun mąąɓo 8:27

Zedeɔn ə nɛɛ mą, ə ɉɛnŋaa tii kəlee pɛli a hɛn da mąąnįnįn, ə dɔɔ bɔ taai Ofra. Nąą ɓə Israɛlə nuą di kɛi li laa, diɛ kwɛli hvilɛn naa ɉɛn tii ɓa. Yili ə kɛ a hɛlɛn ə tɛ Zedeɔn nwɔ pɛ́lɛ́i tɔwɔ.