Izikiɛ 7:19 - Yálá laawoo hɛɓɛ (dc)

¹⁹ Diɛ di wɔ waliɠaa pili kwəli hąąɠaa, di wɔ hɛniɠaa di lɛɛ di ɲɛ̨i ɓa a hɛn gbɛli-kpɛli. Di wɔ walii da di wɔ hɛnii di hvo pai di ɓaloi a Yai-Laa nwɔ liiholi yələ.

Yálá laawoo hɛɓɛ

¹⁹ Diɛ di wɔ waliɠaa pili kwəli hąąɠaa, di wɔ hɛniɠaa di lɛɛ di ɲɛ̨i ɓa a hɛn gbɛli-kpɛli. Di wɔ walii da di wɔ hɛnii di hvo pai di ɓaloi a Yai-Laa nwɔ liiholi yələ.

Bible

¹⁹ Da pâi díkane-ŋai pilii berei-leei ma yɛ̂ɛ kala. Dígôo-ŋai da pâi kɛ̂i yɛ̂ɛ sɛŋ maa-liƃiɛɛ. Díkane-ŋai da dígôo-ŋai dífe pâi pɔri dímaa teei a tãi Yâwɛɛ a pâi ǹíi ŋwanai lai. Dífe pâi dilíi laai kpaa máŋ dímaa mɛni é dílii laa. Gôoi da ganei ƃe díperei kpaaŋ díkɛ tòo sɔnyɔ̂ŋ su.

Izikiɛ 7:19 ပူးပေါင်းရင်းမြစ်များ

Tɔɔɓɛlaa veelɛ 7:15

Yiliɠaa di lɛɛ Aramə nuą kpaalə ɓa, di həli Ɉurdɛn ɓa. Di həɠəɠaa kaa daɠa taɠaa Aramə nu pɔɔ ɲą, yai di kɛi ɓo mą diɛ doo da hɛn dakpɛliɠaa. Gɛlaɠaa tii di pənə di pa, di tɔɔmun gilaa pɔ̨nɔ̨.

Hanwon 10:2

Hɛn gɔwi nu a ɉɔlɔɓo a hvulu, hva ɓɛlɛ, Kɛlaa, tələnmolaa a nu kulɔ haa ɲəi.

Hanwon 11:4

Akɛ ya gwɛli yɛ pələi da walə kwɛli la, ə́ gwɛli pələ kɛ yɛ hɛn gɔw yii noɔ,

Ikilisiati 5:10

Nu nwɔ hɛn gɔw hu a kɛnɛ̨ lɔ, mįi nuą diɛ tamą. Tɔlɔ lə kɛɛ kpɔ ɓə gaa yili hu, akɛ, ɉɛn gɔwi tii ɲəi, ɲɛ̨i gaa dɔɔi mą yaa lɔ hvəi?

Azaya 2:20

Ɲələi tii a həli, ɉaliɠaai di bɛli a wali da hɛni, diɛ kwɛli hvilɛn mą, da nɛɛ kpəɠəiɠaa da lɔwɠaa di yəi.

Azaya 30:22

Mąą nįnįn ɉaɠaaɠaai da kɛ nwali ya pui diɛ, da yiiɠaai kwɛli yɔw nuą da bu, diɛ ɉɛni-yá pu diɛ, mąąnɛ̨ɛ̨ ka gəlee kaa a hɛn mąąliɓiɛɠaa, ka di pili, yɛ bələi da hɛn ɲɔ̨nwɔ̨ɔ̨ pili la ɛlɛɛ, yɛ́ diɛ: 'Ka kulɔ ɓɛ!

Azaya 55:2

Lə mɛ̨nį ɓa yai ka ka wɔ walii hukala, ɉɛn hvo a kɔ̨nɔ̨n bulu, kaa kóló kɛ ɉɛn hva nu pilɛ bulu? 'Ka ka wəli tɔɔ, ka nwóó mɛ̨n, ɛlɛɛ, kaa pɛli kɔ̨nɔ̨n mįi, kaa pɛli ka lii hon gɔ̨nɔ̨n nɛɛɠaa mįi.

Woolaa 4:1

Gɛ pələ a kɛ ləi yai, Hɛnii a hvələ a ɉɛn ɲɛ̨itɔɔ tii, ɲɛ̨i aa pu-oo? Gɛ pələ a kɛ ləi yai ɉaláá kwɛni mąąhəɠɛɛɠaa tii, daa taga-taɠa gwəliɠaa lɔwai?

Izikiɛ 13:5

Ká hvo pɛli li ɉį́i wolo ɓa kpɛli ɔi, ká hvo hįį tɔɔ li Israɛlə nwɔ pɛlɛ́i ɓa, yɛ pɛli tɔɔi la gɔ́ tɔwɔ a Yai-Laa nwɔ hvólói?

Izikiɛ 14:7

Nui lɔpee yɛ ə kɛ a Israɛlə nwɔ pɛlɛ́i mu mun da, yɛ ə kɛ a nwɛą yii gaa heeni Israɛlə lɔi hu, a mąą kwɛa mą́ą́, ə hali mɛ̨nį hee nį́į́ hu, ɉɛn pai dooi nɛ̨ŋɛ̨n ɉu ə ɲee kąnąn mą; yili a tɔɔ yɛ pa gwə́i mɛ̨nį hu kulɔmun mąąni kɛi, ɲą́ą́ Yai-Laa, ɲą́ą́ gbinįi ɓə ŋį́ nwoo pulu pənə.

Izikiɛ 30:3

Mąąhɔlɔɓo ɲələ aa lɛɠɛ; Yai-Laa nwɔ kuui aa lɛɠɛ. Ɲələi ti a kɛ a tulɔ kpinįn ɲələi lɔiɠaa mɛ̨i.

Izikiɛ 44:12

Mąąhɔlɔɓo, di kɛi di mąą mɛ̨nį ɲɛ̨i kulɔ haliɠaa ɲɛ̨i ɓa; ɛlɛɛ, di Israɛlə nwɔ pɛlɛ́i yee lɔ nɛ̨ŋɛ̨n ɉu; yili mąą mɛ̨nį ɓa, gáá di hutɔɔi diɛ di wɔ nɛ̨ŋɛ̨n ɉu mɔ̨nɔ̨ mįi. Mɛ̨nį kəlee ŋą Hééɓomun Yálá woo li.

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Sofoni 1:3

Nu kanŋaa da huwɔɠaa, yələi nwɛ̨niɠaa da gboloyá hu hɔwɔleeɠaa, gáá pai nwąnąlɔɔ nuą nwun napilii, da di yee pɔɔɠaai kpɔ da nuą həɠə pələ ɓa. Gáá nu kanŋaa kpɛɛi lɔi mɛ̨i. Yai-Laa woo li!»

Maafîu 16:26

Nu a yɛnɛ̨ɛ̨ hɛn gɔw kəlee hɔlɔɓo, ə hvɛɠɛ a nwɔ yɛ̨nɛ̨ɛ̨, yili dɔlɔ ɓaa a lə?

Lomaŋ 11:9

Davidə yaa kpɛli ə mo yɛ diɛ: «Di kpɔɔ kɔ̨nɔ̨n a kɛ diɛ a hɛlɛn, a di hon dúmɔ̨, a di too hɛn, di di hutɔɔ tii tələnmolaa hu.