Izikiɛ 7:16 - Yálá laawoo hɛɓɛ (dc)

¹⁶ Nuai pai kulɔi ɉu, di kaa pui diɛ li ɲeeɠaa hu, yɛ lɔwɔ-tonwələnŋaa; di mąąwɛliɛ. Nu kəlee kpɔwɔ nɛ̨ŋɛ̨n mąą mɛ̨nį ɓa.

Yálá laawoo hɛɓɛ

¹⁶ Nuai pai kulɔi ɉu, di kaa pui diɛ li ɲeeɠaa hu, yɛ lɔwɔ-tonwələnŋaa; di mąąwɛliɛ. Nu kəlee kpɔwɔ nɛ̨ŋɛ̨n mąą mɛ̨nį ɓa.

Bible

¹⁶ À kɛ̀ tí, diai pâi pui dí liî, da pâi kɛ̂i ǹyée-ŋai mâ díkɛ wɔ́lɔ dísɔnyɔ̂ŋ-ŋai mɛ̂ni ma yɛ̂ɛ toloŋ-ŋa ƃe fâai ǹyée-ŋai tôŋ su.

Izikiɛ 7:16 ပူးပေါင်းရင်းမြစ်များ

Ɛsdrasə 9:15

Yai-Laa, Israɛlə nwɔ Yálá, ə́ tələnmoɔi, háákələi hvólói ŋɛ̨i yee mu, yá ku kaa ku ɓo ni a ku húlú, yɛ́ ɓə nu kpəli woloi ŋɛ̨i kulɔ ɉu. Kwaa pa ə́ lííla a ku wɔ nɛ̨ŋɛ̨nŋąąi, ɛlɛɛ yaan, mɛ̨nį a kɛ ŋɛ̨i, nui lɔpee ta hva pɛli tɔɔi ə́ lííla.»

Mąątɛ̨nɛ̨ 55:2

Yálá! 'Ə́ wəli tɔɔ nwɔ́ hvɛli ɓo woo ɓa, ŋą́ kɛi ə́ mąąnɛ̨ɛ̨, hvó ə́ ɲɛ̨i həɠə laa.

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Azaya 37:31

Nu gbəliɠaai kulɔ gɔ́ hu Ɉuda yəi bɛlɛ́n, yii di nɛɛ laa, ɉamu kaa pa pənəi ə ɓɔn a nįnɛ̨, ɛlɛɛ, yɛ ɓa.

Azaya 38:14

Gáá wɔlɔi, yɛ hvólóon, a wala kɛti, yɛ liɛn non, gɛ́ nwóó laa, yɛ tonwənən. Ɲɛ̨́i həɛi ə́ pɔ pələ, ɲɛ̨́i kɔ́lɔn ɉu aa haa: Yai-Laa! Gbánɉu aa haa; mą́ą́ mɛ̨nį ɲɛ̨i kulɔ wɛ!

Azaya 59:11

Ku kəlee, kuɔ hvaa ku nwun ɉu, yɛ yilɛɠaa, kuɔ ku woo laa, yɛ tonwələnŋaa. Ku kili ə kɛ kiti tɔwɔ, kɛlaa hɛn da hvo pa li! Ku kili ə kɛ ku ɓalo mɛ̨nį tɔwɔ, Kɛlaa, mąą kwɛaai kuɔ.

Azaya 59:12

Mąąhɔlɔɓo kuɔ túwɔ́ pələ ɲɔ̨n damąąi kaa tɔɔnin ə́ lííla, ɛlɛɛ kuɔ hɔn ɲɔ̨nŋąąi diɛ ku kalamąɓo, tɛ̨ą li, kuɔ kulɔ nwoomu laa kanąnŋąąi lɔ kuɔ, ɛlɛɛ ku ku hɔnŋąąi tii kɔ́lɔn.

Ɉeremi 3:21

Toma woo kaa tɔɔi pələ kəlee pɔ, Israɛlə nuą gboo təli woo mąąwɛliɛ li, daa lan, gɛ mɛ̨nį daa Yai-Laa di wɔ Yálái lɛɛ.

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Ɉeremi 44:14

Nuą mąn lɛɛ Ɉuda lɔi hu, nuą di kaa Eziptə lɔi hu di mąąkilɛ pələi, da hvo pai kulɔi ɉu, di ta hvo pai lɛɛi, di ta hvo pai pənəi hvo li Ɉuda lɔi hu, di kili kaa ni di pulu pənə mɛ̨nį ɓa di pa di hee di pɔɔli. Kɛlaa, di hva pənə di hvo li laa. Nu kpulu wolo tiikpə lɔ ɓə pai kulɔi ɉu.»

Ɉeremi 44:28

Nu tɛitɛi kaa pai kulɔi gɔi tii hu, di lɛɛ a di hvulú də li Ɉuda lɔi hu. Akɛ kɛa tii, diɛ mąn, ɲą́ą́ mąn, nui tɛ̨ą kaa bɔ da gɔlɔn.

Ɉeremi 9:19

Nɛ̨ąą! Ka ka wəli tɔɔ Yai-Laa woo ɓa! Nwoo tii kulɔi na ə lɔ ka wəlii! Ka ka lonnii mąąkwɛli mąąwɛli wɔlɔi ŋɛ̨i ɓa; ka nwoo lawoo ŋɛ̨i lɛ ka heeyɔwɔ nɛ̨ąą diɛ,

Izikiɛ 14:22

ə mą kɛ ti, nu kpəli wolo a lɛɛ. Diɛ hilɛlɛa da nɛ̨ɛ̨lɛa kulɔ daai; diɛ ka ɲɛ̨i pai ka pɔ. Ka káá pai di tuwɔ pələ kaai, da di kɛ mɛ̨nįɠaa; yili kaa pai ka lii laai mɔnɔ̨ɠaai laa Ɉerusalɛmə ɓa, ɉu, da mɛ̨nįɠaai kpɔ ŋą́ą́ gɛ diɛ həli mą.

Izikiɛ 34:6

Nwɔ taatɛlɛɛ kpului kaa lɔ lii nwun ma, ɲeeɠaa kəlee nwuɔ̨; yee kpu kpu kəlee nwuɔ̨. Nwɔ taatɛlɛɛ kpului hu a taɠa nɔi kɔ́lɔ kəlee, ɛlɛɛ, nu hvo mą, yɛ di kwɛli; nu hvo mą, yɛ hvilɛn di pulu.

Izikiɛ 36:31

Ka kɛi ka kiliŋąhiɛ, ka wɔ pələ ɲɔ̨nwɔ̨ɔ̨ɠaa diɛ, da ka kɛ mɛ̨nįɠaai tii di hvo kɛ lɛlɛ li di hu, káá kpinįi ka káá pai nwumɛ̨i, ka wɔ nɛ̨ŋɛ̨nŋaai mąą mɛ̨nį ɓa, da ka wɔ túwɔ pələ ɲɔ̨nŋaai.

Nahumə 2:7

Gbonŋaai di laaləi kaa ɲaɠaa kwɛlɛ pələ, daa di laa yali, nuą hu aa pu diɛ tɔɔmun ɲəi bɛlɛ́n.

Sofoni 1:14

Yai-Laa nwɔ hvóló kɛnɛ̨i mąą aa kpuwɔ, mąą aa kpuwɔ-o, gaa pai kpɔ a gɔwɔ mąąhulaa. Yai-Laa nwɔ hvólói, ɉələ kaa mɛ̨i, kɔkulaa yɛ tómą a wɔlɔ, yɛ mąąkilɛi kwɛli.