Izikiɛ 6:9 - Yálá laawoo hɛɓɛ (dc)

⁹ Nuąi pai kulɔi ɉu, gíli kaa pai tooi di ɲą nɔiɠaai ti di kaa pai li laa a diɛ ɉu; di wɔ tuwɔ pələ ɲɔ̨n gulɔ kili ti lənə mą́ą́i, gáá pai ɉu kalai di kwəi, da di ɲɛ̨i kɔ́wi ti haliɠaa mąąwiɛi. Di ɓɛlɛ kaa pai kpɛɛi di kpɔwɔ kwəi, nɛ̨ŋɛ̨ŋąąi di ɉəɠə mąą mɛ̨nį ɓa, da di wɔ kili kpɛɛ gwəi mɛ̨nįɠaa kəlee.

Yálá laawoo hɛɓɛ

⁹ Nuąi pai kulɔi ɉu, gíli kaa pai tooi di ɲą nɔiɠaai ti di kaa pai li laa a diɛ ɉu; di wɔ tuwɔ pələ ɲɔ̨n gulɔ kili ti lənə mą́ą́i, gáá pai ɉu kalai di kwəi, da di ɲɛ̨i kɔ́wi ti haliɠaa mąąwiɛi. Di ɓɛlɛ kaa pai kpɛɛi di kpɔwɔ kwəi, nɛ̨ŋɛ̨ŋąąi di ɉəɠə mąą mɛ̨nį ɓa, da di wɔ kili kpɛɛ gwəi mɛ̨nįɠaa kəlee.

Bible

⁹ Ǹyaŋ diai da pâi liî a dîa kɔ́-soŋ pere sui da pâi díkili-ŋa siai é pîlaŋ mâ ǹɔii-ti su ƃɛɛ̂i da pâi kɛ̂i naai. Da pâi gɔlɔni berei ŋá ǹíi ŋwana la dîa é pîlaŋ berei mâ dí dípôlu-tɔɔ la mai a dílii da díŋɛi nyii gɛ̀ ɣâla-pɔkɔɔŋ fɛli mɛ̂ni kɛ́ too díkoi. À kɛ̀ tí, díƃɛlɛ a pâi kpɛɛ̂i díkpîŋ koi ŋwana-lɔ̂ɔ dí gɛi mɛ̂ni ma.

Izikiɛ 6:9 ပူးပေါင်းရင်းမြစ်များ

Tɔɔɓɛlaa veelɛ 16:10

Tɔɔmun Akazə da Asiri tɔɔmun di li Damasə, di kee kaa mɛ̨nį ɓa. Ɉaláá kulɔi tii kɛ Damasə ə gaa, tɔɔmun Akazə ə mąąnįnįn ɉəɠə, ə dɛɛ ɉaláá laa həli mun Uriya ɓa Ɉerusalɛmə. Ə yili kɛ tii, ə gɛ di ɉaláá kulɔi tii ta pɛli kpɔlɔɔ tii.

Zôo 42:6

Yili ɓa, nwóó ka ti kpoloon ɉú, Ŋą́ą́ ɉɔ́n gɔlɔn bɛ́lɛɛ ka!

Mąątɛ̨nɛ̨ 137:1

Ku kɛɛ ɓɛlii, Babilonə yáɠaa kwɛlɛ, ku həɛi kɛ, kuɔ wɔlɔ, kuɔ ku kiliŋąhiɛ kuɔ vilɛn Siɔn ɓa.

Mąątɛ̨nɛ̨ 78:40

Di kɛi di kwɛli tee mą nɔi pun ɉu! Kpɔ gee mɛ̨i tamąą, Diɛ níikələn gwəi nɔi pun gələn ŋąą ti hu, kpɔ kɛlɛ-kɛlɛ.

Azaya 43:24

Tɛ̨ąą hvaa diɛ kɛ, ə́ kɛli hɛn gun nɛ̨ɛ̨ɠaa ya a ə́ yəi wali, yɛ́ di tɛɛ bɔ́, ɲą́ą́ hvə kɛi pilɛ a ə́ wɔ taatɛlɛɛ wulaaɠaai, gwa mo a mɔlɔ, yɛ́mun mə ə́ wɔ túwɔ́ pələ ɲɔ̨nŋąąi daa gɛ́ a ə́ wɔ luwɔ, yáá vį́ikpɛɛ a ə́ wɔ mɛ̨nį kalaai.

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.

Azaya 7:13

Nąąlɔwai, Esai yɛ mą: «Davidə yəi bɛlɛ́n nuą, ka ka wəli tɔɔ; bələi ka tɛɠɛɓoɔi la nu kanŋaa hvaa woo hu, yili hva ka líí laa, hvo kɛli nwɔ̨nɔ̨ ka gɛ tii a nwɔ́ Yálái?

Ɉeremi 3:13

Kɛlaa, ə mą kɛ tii, hvaa ə́ wɔ túwɔ́ pələ ɲɔ̨n ma. Yai-Laa ə́ wɔ Yálái ka tii ə́ ə́ kwɛli tee mą. Ə́ hvilɛn ŋąą nwɛ̨ąą pulu, kaa li pələ kəlee pɔ; kaa li wulu laa huwia kəlee mu; hvó kɛ ə́ wəli tɔɔ li nwóó ɓa. Ɲą́ą́ Yai-Laa nwóó li!

Ɉeremi 3:6

Ɉosiasə nwɔ tɔɔlaa yələ, Yai-Laa ə kɛ maa: Israɛlə tii aa lənə mą́ą́, mɛ̨nįi aa gɛ, yáá nąą kaa! Yaa tii ə kɛi lia li yee tɔɔ kəlee nwuɔ̨, diɛ laa la, da wulu laa hu wiaɠaa kəlee mu.

Ɉeremi 51:50

Israɛlə, kaai kulɔ Babilonə nwɔ gɔ́ kɔ́ ɓɔwa yee ŋą, 'Ka bələ həɠə! 'Ka hvo tɔɔ! Yai-Laa kili ə too ka ŋą, nwɛ̨ą lɔi hu kwɛa ŋɛ̨i hu, 'ka ka kili lɛɛ Ɉerusalɛmə hu.

Izikiɛ 12:16

Gáá pai nu kpəli wolo tiikpə laa hɔn moi di lɔwai; a nuąi pai kulɔi kɔ́ kɔ́ ɓɔwa da pulu da ɲɔ̨n di yəi. Diɛ ɓə pai di wɔ ɓowo mɛ̨nįɠaa kəlee hukulɔi nɔiɠaai di kaa pai lii ɉu, nąą nuą diɛ. Nuą da gili kɔ́lɔn gea diɛ kɛ ɲą́ą́ ɓə gáá a Yai-Laa.›»

Izikiɛ 16:43

Hvó gɛ hvó ə́ kili lɛɛ ə́ muhəɠə yələ hu, yɛ́ nwą́nąlɔ lɔ mɛ̨nįɠaai tii hu. Yili ɓə pai gɛi ɲą́ą́ gbɛli mąn, gɛ́ ə́ túwɔ pələi tii gbolo yɛɛ a ə́ nwun. Mɛ̨nį kəlee ŋą Hééɓomun Yálá woo li. Hvo mɔ̨ɔ̨ ɓowo mɛ̨nį kɛi a gili kpɛɛ ɲəi túwɔ pələɠaai tii kəlee?

Izikiɛ 16:61

Ə́ kaa pai ə́ kiliŋąhiɛi ə́ túwɔ pələ ɓa, yɛ́ nwumɛ̨. Ɓɛlɔwai ə́ kaa pai ə́ liɛni nɛ̨ąą hɔlɔɓoi la, yɛ́ di pɛlɛ ə́ ləɠəni nɛ̨ąą diɛ, a ə́ lonnii; ɛlɛɛ yaan di wɔɔ hvo pai kɛi mįnɛ̨i gwa yɛ gu lɔwai ɉu.

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Izikiɛ 20:24

Mąąhɔlɔɓo, di hvo nwɔ́ tiɓoɠaai kɛ li, di tɛɠɛɓo nwɔ́ tɔ́n nwooɠaai hu, di hvo nwɔ́ hvįįtɔɔ yələɠaai mąą kiliŋąhiɛ kɛ li. Ɛlɛɛ, daa kɛ di ɲɛ̨i kulɔ di nąnni di wɔ haliɠaai pɔ.

Izikiɛ 20:28

nɔi tii ŋą́ naakwɛlanmo diɛ, gɛ́ kɛ gáá pai dɛɛi di pɔ, ŋą́ di lɔ ɉu, di di ɲɛ̨i hee yee tɔɔ kəlee ɓa, da wulu laa huwiaa kəlee. Nąąɠaa ɓə di kɛi di wɔ halááɠaai kulɔ laa; diɛ nííholi haláá hɛnŋaa laa laa, diɛ haláá kun nɛ̨ɛ̨ɠaa kulɔ laa, diɛ nɔɔɠaa pu laa.

Izikiɛ 20:43

Ka pa kɛi laa, ka káá pai ka kiliŋąhiɛi ka túwɔ pələ ɓa; da mɛ̨nįɠaai kpɔ ka gɛ, kaa ka mąąliɓi la; yili kaa pai kɛi ɓaɠi lii tɛi a kaa; dúwɔ pələ ɲɔ̨nŋaai kpɔ ka di kulɔ, di mąą mɛ̨nį ɓa.

Izikiɛ 20:7

Ŋą́ kɛ diɛ; mowo mɛ̨nɠaai tii ka káá ka ɲɛ̨i kulɔi di pɔi, ka ka kili həɠə laa, ká kəlee. 'Ka hvo ka kɔ́hɔɓo a Eziptə haliɠaa, ɲą́ą́ ɓə gaa a Yai-Laa ka wɔ Yálá.

Izikiɛ 23:30

Ə wɔ wɛli mɛ̨nįi da ə́ tuwɔ pələ ɲɔ̨n mə pai mɛ̨nįɠaai ti laai yɛ́, mąąhɔlɔɓo ə́ tuwɔ pələ ɲɔ̨n gulɔ a hvilɛn ə́ mo lɔiɠaa pulu yɛ́ ə́ mąą liɓi a di wɔ haliɠaai.

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.

Izikiɛ 6:10

Da gili kɔ́lɔn a mąą yələi ti, diɛ kɛ Yai-Laa ɓaa a ɲą́ą́, və́ mɔ̨nɔ̨iɠaai ti laa mɛ̨nį diɛ ɓoi lɔ kpɛli kpɛli.»

Izikiɛ 7:16

Nuai pai kulɔi ɉu, di kaa pui diɛ li ɲeeɠaa hu, yɛ lɔwɔ-tonwələnŋaa; di mąąwɛliɛ. Nu kəlee kpɔwɔ nɛ̨ŋɛ̨n mąą mɛ̨nį ɓa.

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Amɔsə 2:13

Yili ɓa, gáá pai lɔi kpɛlin ɉi kaa kɔ́wɔ mu, yɛ bələi wotolo laahvɛɛ a gɛ la.

Mise 5:13

Gáá pai ɉaláá wuluɠaa kəlee kulɔi ə́ pɔɔli, gɛ́ ə́ wɔ taaɠaai pu.

Zakari 10:9

Ŋą́ di taɠa taɠa lɔiɠaa hu, Kɛlaa, di mą kɛ kwɛaala, gíli kaa lɔ pai kɛi di ɲą. Di kaa pai kɛi lon gaai, ɛlɛɛ di kaa pai pənəi di pa.

Lonon mo 15:39

Bələ ɓə mąąnɛ̨ɛ̨ ka ka mąą həɠə kɔ́wɔ la laa la, ka kɛi gaa, Yai-Laa nwɔ tɔ́nŋąą nąą kili yɛ too ka ŋą. Ka di kaa, ka hva hvilɛn ka wɔ kiliŋąhiɛ da ka wɔ ɲɛ̨i kulɔ bɔɠaa pulu, yai a gɛ kaa Yálá woo tee ŋą.

Piɛrə veelɛ 2:14

Wɛli hon nɛ̨ą ɓə di kaa bɔ diɛ di kaa, nɛ̨ŋɛ̨n ɉəɠɛɛ hva di hviikpɛɛ, nuąi hvaŋą hvo di yəi, diɛ ɓə da too di mɛ̨i. Hulu hɛn Ɉɔlɔɓoɔ mąą gbana laa ɓə gaa di yəi. Yálá nwɔ nɛ̨ŋɛ̨nnaa kaa di mɛ̨i.