Izikiɛ 6:7 - Yálá laawoo hɛɓɛ (dc)

⁷ Nuą kaa pai kɛi tooi ka lɔwai a di pɔwa; bələ ɓə ka ɉu kɔ́lɔn na kaa kɛ, Yai-Laa ɓaa a ɲą́ą́.

Yálá laawoo hɛɓɛ

⁷ Nuą kaa pai kɛi tooi ka lɔwai a di pɔwa; bələ ɓə ka ɉu kɔ́lɔn na kaa kɛ, Yai-Laa ɓaa a ɲą́ą́.

Bible

⁷ Ŋa pâi ká ǹûai kɛ̂i dísaa kásama. Gɛ ni ka pâi gɔlɔni a gɛɛ ńyãa ƃa Yâwɛɛ.

Izikiɛ 6:7 ပူးပေါင်းရင်းမြစ်များ

Tɔɔɓɛlaa veelɛ 19:19

Kɛlaa, Yai-Laa kuɔ Yálá, ku nwun gulɔ Senakeribə yəi. Yá yili kɛ tii, yɛnɛ̨ɛ̨ nąą kəlee, da yɛnɛ̨ɛ̨ tɔɔɓɛlaa kəlee, da gɔlɔn diɛ: Oo Yai-Laa! Yɛ́ ɓə ə́ kaa a Yálá.»

Lɛɛ gbɔwɔ ɓa 14:18

Eziptə nuą kaa pai gɔlɔn ɉii diɛ ɲą́ą́ ɓə gáá a Yai-Laa, ɓɛlɔwai gáá pai nwɔ́ huwalawala laa mąąwiɛi lɛi la Eziptə tɔɔmun, nwɔ wotoloɠaai da ɉoo mɛ̨i nuą diɛ.»

Lɛɛ gbɔwɔ ɓa 14:4

Gáá pai Eziptə tɔɔmu gili walawalai, ə hvilɛn ka pulu. Nąąlɔwai ɓə, gáá pai nwɔ́ yee tɛɛmąąlaa lɛi la Eziptə tɔɔmun da nwɔ kɔlaɠai diɛ. Yili pɔ pələ ɓə Eziptə nuą kəlee da gɔlɔn na diɛ, ɲą́ą́ ɓə gáá a Yai-Laa.» Israɛlə lonnii di gɛ yɛ bələi di di tɔɔ la.

Lɛɛ gbɔwɔ ɓa 7:5

Eziptə nuą di kaa pai gɔlɔn ɉii diɛ ɲą́ą́ ɓə gáá a Yai-Laa ɓɛlɔwai ŋą́ ɲee haŋą la, gɛ́ nwɔ́ nuąi kulɔ di wɔ lɔi hu.»

Ɉeremi 14:18

Ŋą́ li ɲɛa kɔ́wɔ hu, kɔ́ kɔ́ ɓɔwa nwɔ nu paaɠaa ka; ŋį́ tɛ taai, yiiɠaa mɔ̨nɔ̨ mįi pulu yəi diɛ ka. Yálá kwəi mɛ̨nį hukulɔ nuą, da ɉaláá laa həli nuą, di kaa lɔ kɛa gilɛ ŋą diɛ ɉəɠə nɔi, di kwəi aa pili diɛ.»

Ɉeremi 18:21

Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Ɉeremi 25:33

Volói tii, ə həɠə nɔi kɔ́wɔ tɔɔi ə həli la naa kulɔi, nuąi Yai-Laa kaa pai di paai, di hvo pai di looi, di hvo pai di powa yɛɠɛi diɛ di loo, di kaa pai lɛɛi a tulun bɔlɔ lɔi mɛ̨i.

Woolaa 4:9

Nuąi ɓɔwa ə di paa, di wɛi hviɛla aa ɓo, aa tɛɛ nuąi pulu aa di paa diɛ; di nwun na yɛ pili kɔ̨nɔ̨n bulu kolo ɓa.

Izikiɛ 11:10

Ka káá pai haai a kɔ́ kɔ́ ɓɔwa laa pɔɔ, gáá pai ka kiti teei ɓɛ Israɛlə lɔi hu. Ɲələ ka gili kɔ́lɔn kaa kɛ diɛ, ɲą́ą́ ɓə gáá a Yai-Laa.

Izikiɛ 11:12

Ɲələ, ka gɔlɔn kaa diɛ; ɲą́ą́ ɓə gáá a Yai-Laa, ɲą́ą́ ŋɛ̨i ka hvo gɛ ka hvo lɛɛ nwɔ tɔ́n nwooi mui, ka hvo ŋą́ tiɓoɠaai kɛ li. Mąąhɔlɔɓo, kaa hvilɛn ka kwɛlɛ taaɠaa túwɔ pələ pulu.»

Izikiɛ 12:15

Da gili kɔ́lɔn gea diɛ kɛ, ɲą́ą́ ɓə gáá a Yai-Laa; ɓɛlɔwai gáá pai di taɠa-taɠai la nɔiɠaa hu, gɛ́ di ɲąąkwɛlɛ nɔiɠaa lɔwai.

Izikiɛ 12:19

'Kɛ nɔi hu nuą diɛ: Mɛ̨ni kəlee ŋą Hééɓomun Yálá ɓə mɛ̨nįi ŋɛ̨i ɓoi Ɉerusalɛmə nuąi Israɛlə lɔi hu diɛ; di kaa pai kɛi di laa mįi liihɛlɛn ɉu, diɛ ya kpələ ɲɔw ə ɓo di hu, mąąhɔlɔɓo, di kaa pai nɔi hu woloi, diɛ ɉu hɛnŋąą kəlee kulɔ ɉu; a nɔi hu nuą di wɔ hulu mɛ̨nį laa pɔɔ.

Izikiɛ 13:14

Bɛlɛ́ nwąnąi ti ka dɔɔ, gáá pai bui; gwɛniɠaai ka bu mu, ŋį́ gəlee kulɔ. Gaa pai tooi, ɛlɛɛ ka káá pai haai mu. Ka gili kɔ́lɔn nąą lɔwai kaa kɛ Yai-Laa ɓaa a ɲą́ą́.

Izikiɛ 13:21

Gáá pai ka wɔ ɓɔlɔɠaai hu ɓɛlai; gɛ́ nwɔ́ nu huwui kulɔ ka yee ɲą; di hva kɛa kɛ ka yəi a huwɔi da too ɉu. Ka gili kɔ́lɔn nąą lɔwai, kaa kɛ ɲą́ą́ ɓə gáá a Mɛ̨nį kəlee ŋą Hééɓomun Yálá.

Izikiɛ 13:23

Yili mąą mɛ̨nį ɓa, ká hvo kɛa pai lɛɛ kɛɛ kaai; ká hvo kɛa pai mɛ̨nį ta ɓoi. Gáá pai nwɔ́ nu kan gulɔi ka yəi. Bələ ɓə, ká gili kɔ́lɔn gɛaa kaa kɛ ɲą́ą́ ɓə gáá a Yai-Laa, Hééɓo kəlee Nąmu.»

Izikiɛ 13:9

Ɲéé kaa pai həlii nɛɛ kɛɛ kaa nuąi tii diɛ, a diɛi tii da nuą ɓowo wo ɓoi; di hvo pai kɛi nwɔ́ lɔi nwɔ nwun dɔɔ hu, di laa hvo pai pɛ̨ɛ̨i Israɛlə pɛlɛ́ nwɔ hɛɓɛ́i hu. Di hvo pai lɔi Israɛlə lɔi hu, bələ ɓə ka gili kɔ́lɔn na káá kɛ, ɲą́ą́ ɓə gáá a Mɛ̨nį kəlee ŋą Hééɓomun Yálá.

Izikiɛ 14:8

Ŋą́ hee mąą nu hu, yɛ kɛ a nui da mɛ̨nį kɔ́ɔn mą, ɛlɛɛ ŋį́ gulɔ nwɔ́ nu huwui lɔwai; ka gili kɔ́lɔn kaa kɛ diɛ, ɲą́ą́ ɓə gáá a Yai-Laa.

Izikiɛ 15:7

Gáá heei di hu: Daa kulɔ nwɔ̨n ɲəi, kɛlaa nwɔ̨n gaa pai di kələn ɉi; bələ ɓə ká gili kɔ́lɔn na ti káá kɛ, Yai-Laa ɓaa a ɲą́ą́, ɲą́ą́ ɲɛ̨i hee ka hui.

Izikiɛ 20:26

Ŋą́ di mąąliɓi a di wɔ haláá hɛnŋaai, a di lonnii dɔlɔɔ tɔlɔɔɠaai di kɛi gulɔ a ɉaláái; ə gɛ ŋą́ di hutɔɔ, diɛ pɛli gbaɠala kaai diɛ kɛ, ɲą́ą́ ɓə gáá a Yai-Laa.

Izikiɛ 20:38

Nuąi di kwɛli tee, diɛ kulɔ nwóó mui, ŋą́ di kulɔ ka lɔwai; ɓɛi dəli di mąą kilɛi laa, ŋą́ di kulɔ laa, kɛlaa di hva lɔ Israɛlə lɔi hu, bələ ɓə ka gili kɔ́lɔn na kaa kɛ ɲą́ą́ ɓə gáá a Yai-Laa.

Izikiɛ 20:42

Ka gili kɔ́lɔn kaa kɛ ɲą́ą́ ɓə gáá a Yai-Laa, a pai gáá pai moi a kaa Israɛlə lɔi hu, a nɔi ŋɛ̨i ŋą́ gwɛ́la ɲéé tɛɛ yələi, gɛ́ kɛ ŋą́ dɛɛ ka nąnni pɔ.

Izikiɛ 20:44

Ka gili kɔ́lɔn kaa kɛ, ɲą́ą́ ɓə gáá a Yai-Laa; a ka hon gáá pai moi, a nɛlɛɛ, náá mąą mɛ̨nį ɓai. Vá gíli lɛɛ ka túwɔ pələ ɲɔ̨nwɔ̨ɔ̨, da ka yíi pələ mąąliɓiɛ hu. Mɛ̨nį kəlee ŋą Hééɓomun Yálá woo li.»

Izikiɛ 22:16

Ə́ ə́ kpɔɔ mąąliɓi lɔiɠaa ɲɛ̨i ɓa, kɛlaa, ə́ kaa pai gili kɔ́lɔn ɉii, yɛ́ kɛ Yai-Laa ɓaa a ɲáá.»

Izikiɛ 23:49

Ka káá pai ka wɔ wɛli mɛ̨nįi ɉu mɔ̨nɔ̨ míí; ka wɔ haliɠaai mąąwiyə mɛ̨nįŋɔ nɛ̨ŋɛ̨nŋąąi nwulu ə lɛɛ ka nwuɔ̨; bələ ɓə ka gili kɔ́lɔn na kaa, ɲą́ą́ ɓə gáá a Mɛ̨nį kəlee ŋą Hééɓomun Yálá.

Izikiɛ 24:24

Ezekiɛlə aa mɛ̨nįi tii lɛɛ kwɛa la, yɛ nɛ kaa. Mɛ̨nįiɠaai kpɔ ə gɛ, ka káá pai gəlee kɛi. Mɛ̨nįi tii a pa həlii kaa, ka gili kɔ́lɔn nąąlɔwai, kaa kɛ ɲą́ą́ ɓə gáá a Mɛ̨nį kəlee ŋą Hééɓomun Yálá.›

Izikiɛ 24:27

Mąą yələ, ə́ laa a hvaa, yɛ pɛli pələ ɓoi nui tii pui mą; ə́ kaa pai kɛi hvaai, hvo kɛa pai kɛi a muugbɛ. Yáá gbɛa kɛ mɛ̨nįɠaa lɛɛ kwɛaa la, yáá mo diɛ, di kaa pai gili kɔ́lɔn ɉii nąąlɔwai, diɛ kɛ ɲą́ą́ ɓə gáá a Yai-Laa.»

Izikiɛ 25:17

Gáá nwą́ną kulɔi diɛ a nííɓa, gɛ́ di hutɔɔ a liiholi; bələ ɓə da gili kɔ́lɔn na, diɛ kɛ, ɲą́ą́ Yai-Laa, ɲą́ą́ ka tii nwą́ną kulɔi diɛ.»

Izikiɛ 26:6

Nonnii ti ɲɛɛ kɔ́wɔɠaa hu, kɔ́ kɔ́ ɓɔwa ɓə pai di paai. Bələ ɓə nuą da gili kɔ́lɔn na, diɛ kɛ Yai-Laa ɓaa a ɲą́ą́.

Izikiɛ 28:23

Gáá pai ɲɔ̨n dɛɛi laa, ɲąmą kaa pai kɛi pui gwəliɠaa hu, nuą diɛ too a di powa, daa kwəi. Mąąhɔlɔɓo, kɔ́ kɔ́ ɓɔwa kaa pai heei ma bələ kəlee. Bələ ɓə da gili kɔ́lɔn na, diɛ kɛ; ɲą́ą́ ɓə gáá a Yai-Laa.»

Izikiɛ 30:26

Gáá pai Eziptə nuą taɠa-taɠai lɔiɠaa lɔwai, ŋą́ di taɠa taɠa nuą lɔwai; nąąlɔwai, da gili kɔ́lɔn diɛ kɛ ɲą́ą́ ɓə gáá a Yai-Laa!»

Izikiɛ 32:15

Gáá pai Eziptə lɔi kɛi a lɔi pun, ɉɛnŋaai tii daa maa hvɛɛ, ŋą́ gəlee hukala, ŋą́ ɉu nuą kəlee kpɛɛ; da gili kɔ́lɔn nąąlɔwai, diɛ kɛ ɲą́ą́ ɓə gáá a Yai-Laa.»

Izikiɛ 35:15

mąąhɔlɔɓo ə́ kwəinɛ̨ɛ̨ kulɔ, ɓɛlɔwai Israɛlə pɛlɛ́i ə lɛɛ la a lɔi pun, bələ ɓə gáá pai ə́ kɛi la; Seirə yee kaa pai lɛɛ a lɔi pun, da Edɔmə kəlee. Bələ ɓə ka gili kɔ́lɔn na, kaa diɛ ɲą́ą́ ɓə gáá a Yai-Laa.»

Izikiɛ 38:23

Gáá pai mą́ą́wiɛ pələ da mąąhəɠə pələ tooi pɔ̨nɔ̨ ŋą di ɲɛ̨i; gɛ́ gɛ lɔi kpulu tamąą diɛ gɔ́lɔn. Da gili kɔ́lɔn dii, diɛ kɛ: Yai-Laa ɓaa a ɲą́ą́.»

Izikiɛ 6:13

Ká gili kɔ́lɔn nąąlɔwai kaa kɛ Yai-Laa ɓaa a ɲą́ą́; di wɔ nu pɔwaɠaai da pa kɛi pilinin di wɔ haliɠaai lɔwai, di kɔ́iɠaa kwɛlɛ, yee kpu kpu kəlee nwuɔ̨, yee tɔɔ kəlee nwuɔ̨, wulu laa huwiaa kəlee mu; gɛɛnąąɠaai kpɔlɔ ti di kɛli halaa kulɔ laa di wɔ haliɠaai diɛ.

Izikiɛ 6:6

Ɓɛi lɔpee ka káá pai kɛi laa, da daaɠaa pu, diɛ ɉaláá kulɔiɠaa hu taɠa taɠa, diɛ ka wɔ halaa kulɔiɠaa hu kala la ti; nąą ɓɛlɛ yɛ kpɛɛ la mą; diɛ ɉali mąąnįnįnŋąą yali yali, di mąą mɛ̨nį yɛ kpɛɛ; diɛ ɉali kɔ́ pɛlɛ́ɠaa wolo, diɛ ka yee pɔɔ taɠa taɠa.

Izikiɛ 6:8

Kɛlaa gáá pai ka taɠaa mąąwɛlikaai; di kaa pai kulɔi a kɔ́ kɔ́ ɓɔwa yee wolo; gɛ́ di taɠa taɠa lɔiɠaa hu.

Izikiɛ 7:4

Və́ pai ə́ ɲɛ̨imąąwɛli kaai; və́ pai ə́ mąąhvaalɛɛi; gáá pai ə́ hɔn dooi yɛ́; yɛ́ ɓowo tuwoɠaai kaa lɔ pai lɛɛi nɔi hu; ɛlɛɛ, ka gili kɔ́lɔn a mąą yələ kaa kɛ Yai-Laa ɓaa a ɲą́ą́.»

Izikiɛ 7:9

Və́ pai nu ɲɛ̨imąąwɛli kaai, vá nu mąąhvaalɛɛ. Ŋą́ naa yɛ́, yɛ bələi ə́ gwɛli la; ɛlɛɛ, mowo túwɔɠaa da kɛ lɔ nɔi hu, nąąlɔwai, ka gili kɔ́lɔn kaa ɲą́ą́ Yai-Laa, ɲą́ą́ ɓə gɛlɛɓo kɛi.

Izikiɛ 9:7

Yɛ diɛ: «'Ka Yálá hee pɛlɛ́ mu kala; ɛlɛɛ, 'ka ká wɔ lí ɓo! Di pɛlɛ kɛa nu paa ɓa, daa pɔ.»