Izikiɛ 6:6 - Yálá laawoo hɛɓɛ (dc)

⁶ Ɓɛi lɔpee ka káá pai kɛi laa, da daaɠaa pu, diɛ ɉaláá kulɔiɠaa hu taɠa taɠa, diɛ ka wɔ halaa kulɔiɠaa hu kala la ti; nąą ɓɛlɛ yɛ kpɛɛ la mą; diɛ ɉali mąąnįnįnŋąą yali yali, di mąą mɛ̨nį yɛ kpɛɛ; diɛ ɉali kɔ́ pɛlɛ́ɠaa wolo, diɛ ka yee pɔɔ taɠa taɠa.

Yálá laawoo hɛɓɛ

⁶ Ɓɛi lɔpee ka káá pai kɛi laa, da daaɠaa pu, diɛ ɉaláá kulɔiɠaa hu taɠa taɠa, diɛ ka wɔ halaa kulɔiɠaa hu kala la ti; nąą ɓɛlɛ yɛ kpɛɛ la mą; diɛ ɉali mąąnįnįnŋąą yali yali, di mąą mɛ̨nį yɛ kpɛɛ; diɛ ɉali kɔ́ pɛlɛ́ɠaa wolo, diɛ ka yee pɔɔ taɠa taɠa.

Bible

⁶ Ƃɛ́i kélee kpɔ́ ká káa naai, ŋa pâi kátaa-lee-ŋai kɛ̂i dílɛɛ a díkpolôŋ da káɣâla-fɛli kwaa-ŋai ma. Ǹyaŋ ŋa pâi ŋ̀âla-pɔɔkɔŋ-ŋai wólo-woloi, ŋa kákereŋ-sɛŋ-kuŋ nɛ̃ɛ kéreŋ ɣâla-teƃelei su kara kpɔ́ ŋá doo ǹɔii ma. Díi-ŋai kpɔ́ ká gɛ̂i ŋa pâi gɔɔ̂i kpɔ́ fati-fati.

Izikiɛ 6:6 ပူးပေါင်းရင်းမြစ်များ

Tɔɔɓɛlaa dɔlɔɔ 14:23

Di haláá kulɔiɠaa pɛli yɛ di nąnni, a kwɛni kalanŋąą da wuluɠaa, diɛ haláá kulɔ ɲeeɠaa ɓá wulu kpɛa kpɛa kəlee mu.

Mąątɛ̨nɛ̨ 115:8

Nuąi di pɛli, di kɛ pələ kaa yɛ diɛ, da nuąi kpɔ da di kilitɔɔ diɛi.

Azaya 1:31

Huwalawala mun a kɛ yɛ mɔ̨nun gban, gɛ mɛ̨nįɠaa di kɛ yɛ nwɔ̨n gbaalən, gəlee hveelɛi da kələn, nu hva hɔlɔɓo, hvo nwɔ̨n nuwun.

Azaya 2:18

Haliɠaai kpɔ da kwɛli hvilɛn diɛ, gəlee da lɔ gbąį.

Azaya 2:20

Ɲələi tii a həli, ɉaliɠaai di bɛli a wali da hɛni, diɛ kwɛli hvilɛn mą, da nɛɛ kpəɠəiɠaa da lɔwɠaa di yəi.

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Azaya 6:11

Gɛ́ mą: «Ną́mu, ə lɛɛ ɉu lə yələ?» Yɛ mą́ą́: «Ə lɛɛ ɉu, daaɠaa di lɛɛ a di kpoloon, nu hva kɛ laa, bɛlɛ́ɠaa di lɛɛ a di howolo, nu hva kɛ mu; nɔi hu ə kala, ɛlɛɛ a kpomó.»

Azaya 64:10

Ku wɔ pɛlɛ mąąhəɠɛɛ-ɲɛ̨i tɔɔi tii, a ɓɛi ku nąnni di kɛli ə́ mąą tɛnɛ̨ wələɠaa too laa, daa nwɔ̨n bili ɉu, aa gələn, ɛlɛɛ, ɉɛnŋąąi kpɔ kɛ ku kanąnŋąą diɛ, gəlee hu aa kala.

Ɉeremi 10:22

Ka ka wəli tɔɔ din ŋɛ̨i ɓa; gaa yɛ nu kpulu kɛnɛ̨, di kaa həɠəi ɲanwuɔ̨ pələ, di kaa pai Ɉuda taaɠaa mąą pənəi a pun. Naa ə lɛɛ a góɓəɠaa pɛlɛi.

Ɉeremi 17:3

Yɛi ŋɛ̨i a ɲee nwuɔ̨ haláá kulɔ mun vaŋalɔɔ, ɲɛɛ kɔ́wɔɠaa hu, gáá ə́ yəi hɛnŋaa da ə́ yəi hɛn gɔwɠaa kəlee tɛɛi di too ɉu, nɛ̨ŋɛ̨n yaa ɉəɠə nɔi kəlee hu a haláá kulaa hali ɓa mąą mɛ̨nį ɓa,

Ɉeremi 2:15

Diɛ huluun mɛ̨i yɛ yala lonnii daa kɛi kɔ̨nɔ̨n mį́i, diɛ kpəɠi mą, diɛ nwɔ lɔi lɛɛ a lɔi pun. Diɛ nwɔ taaɠaa kələn, yɛ lɛɛ a taa kpoloonŋaa.

Ɉeremi 34:22

Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Ɉeremi 51:18

Kili kpɛɛ gwəi hɛnŋąą li, yɛlɛɛ kulɔ ɉu hɛnŋąą li, yələi mąąnɛ̨ɛ̨ di di kwɛlanmo la, da lɛɛ ɉu.

Ɉeremi 9:10

Yai-Laa yɛ diɛ: Gáá Ɉerusalɛmə daai lɛɛi a kwɛni hįi, a lɔwɔ huwɔɠaa pɛlɛi, ŋį́ Ɉuda taaɠaa lɛɛ a lɔi pun, Nui lɔpee ta hva lɛɛ daaɠaa tii hu.

Ɉeremi 9:11

Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Ɉeremi 9:19

Nɛ̨ąą! Ka ka wəli tɔɔ Yai-Laa woo ɓa! Nwoo tii kulɔi na ə lɔ ka wəlii! Ka ka lonnii mąąkwɛli mąąwɛli wɔlɔi ŋɛ̨i ɓa; ka nwoo lawoo ŋɛ̨i lɛ ka heeyɔwɔ nɛ̨ąą diɛ,

Izikiɛ 12:19

'Kɛ nɔi hu nuą diɛ: Mɛ̨ni kəlee ŋą Hééɓomun Yálá ɓə mɛ̨nįi ŋɛ̨i ɓoi Ɉerusalɛmə nuąi Israɛlə lɔi hu diɛ; di kaa pai kɛi di laa mįi liihɛlɛn ɉu, diɛ ya kpələ ɲɔw ə ɓo di hu, mąąhɔlɔɓo, di kaa pai nɔi hu woloi, diɛ ɉu hɛnŋąą kəlee kulɔ ɉu; a nɔi hu nuą di wɔ hulu mɛ̨nį laa pɔɔ.

Izikiɛ 16:39

Gáá pai ə́ tooi di yee ɲą, di ə́ wɔ haláá kulɔiɠaai ɓuwɔ, diɛi ə wɔ hali kɔ́iɠaai wolo, diɛ ə́ mąą həɠəɠaa kulɔ yɛ́; diɛ ə́ mąąyili hɛnŋą́ą́ həɠə, diɛ ə́ lɛɛ a ə́ kpuwulu, həɠə hva kɛ yɛ́.

Izikiɛ 30:13

«Hééɓo kəlee Nąmu Yálá woo ka: gáá pai ɉaliɠaa hu kalai, gɛ́ di mąą mɛ̨nį kpɛɛ Mɛmfisə lɔi hu, da tɔɔmun mɛ̨nį, Eziptə lɔi hu. Da hva kɛa kɛ laa. Ŋį́ ɲɔw pili Eziptə lɔi hu.

Izikiɛ 35:4

gɛ́ ə́ wɔ taaɠaai kɛ a taa kpoloonŋaa; yɛ́ kpinįi yɛ́ kɛ a lɔi pun. Nąąlɔwai yá gbaɠala kaa, yɛ́ diɛ ɲą́ą́ ɓə gáá a Yai-Laa.

Izikiɛ 5:14

Gáá pai ə́ kɛi a lɔi pun, a nwumɛ̨ hɛn, nɔiɠaai ə́ kwɛlɛ gəlee ɲɛ̨i ɓa; nuąi kpɔ da tɛɛ ɓɛ di ɲɛ̨i ɓa.

Izikiɛ 6:4

Da ka hvaaiɠaa kala; di ka wɔ hali kɔ́ hɛnɲąŋąɠaai wolo wolo, gɛ́ ka wɔ nu pɔwaɠaai pu ka wɔ haliɠaai lííla.

Izikiɛ 6:7

Nuą kaa pai kɛi tooi ka lɔwai a di pɔwa; bələ ɓə ka ɉu kɔ́lɔn na kaa kɛ, Yai-Laa ɓaa a ɲą́ą́.

Osia 10:2

Di kwəi hvo kwələ li, ɉu mɔ̨nɔ̨ mį́i hiɛ li di yəi; Yai-Laa yaa kpinįi gaa pai di wɔ haláá kulɔiɠaai woloi, yɛ di wɔ haliɠaai hu kala.

Osia 10:8

Di kaa pai ɉali kɔ́iɠaa kalai, di di kulɔ laa, yii gaa a Israɛlə nwɔ nɛ̨ŋɛ̨n tii; ɲąąlən da ɓówolaaɠaa di kaa pai kulɔi ɉali kɔ́iɠaai tii diɛ, di kaa pai kɛi yeeɠaa diɛ: 'Ka ku mɛ̨i kpulu! Diɛ kɛ yee kpukpuɠaa diɛ: 'Ka too ku mɛ̨i.

Levetekɔ 26:30

Gɛ́ ka wɔ hali kɔ́iɠaai taɠa, ɉaláá kulɔi ka kɛ lansan kələn ɉi laa, gɛ́ nąą kala, gɛ́ ka powaɠaa tiɛ̨ ka wɔ haliɠaai mɛ̨i, gɛ́ yowolaa kulɔ la tii a kaa.

Levetekɔ 26:31

Gáá pai ka wɔ taa kpɛa-kpɛa lɛɛi a taa kpoloon, gɛ́ ka wɔ kɛɛnąą mąąhəɠɛɛɠaai mąąwɛli; vá kɛa ka wɔ lansan kun mɛ̨n.

Mise 1:7

Ɉali mąą nįnįnŋaai kpɔ daai, gəlee hu a yali yali. Ɉɔlɔɓo hɛn gəlee a lɛɛ a nwɔ̨n gɔ̨nɔ̨n, ŋą́ nwɔ haliɠaai kəlee wolo-wolo. Mąąhɔlɔɓo, di di tiɛ̨ gee mɛ̨i, a wɛlikɛ nɛ̨ąą yəi wali. Di kaa pai pənəi di kɛ a wɛlikɛ nɛ̨ąą hvɛla.

Mise 3:12

Yili mąą mɛ̨nį ɓa ɛlɛɛ nwɔ̨nɔ̨, ka mąą mɛ̨nį ɓa, di kaa pai Siɔn hin ɉii yɛ tíi, Ɉerusalɛmə yɛ lɛɛ a pɛlɛ́ kpoloon buɔ ɉimįnín ma, ɛlɛɛ, ɲeei tii Yálá hee pɛlɛ́ tɔɔ mɛ̨i, kala kpili yɛ tɛ mą.

Mise 5:13

Gáá pai ɉaláá wuluɠaa kəlee kulɔi ə́ pɔɔli, gɛ́ ə́ wɔ taaɠaai pu.

Habakukə 2:18

Hali pɛliɛ nwun maa a lə? A yɛlɛ kɛ nuą yee pɔɔ ti. Yai a kwɛli həɠeeiŋąą, diɛ nuą nwunɉu lan la, nui bɛli yɛ gilitɔɔ mą, hva kpɛli kan hvaa ɲəi.

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Zakari 13:2

Yai-Laa Mɛ̨nį Kəlee ŋą Hééɓomun, woo ka, yɛ: ɲələi tii, gáá pai hali mɛ̨nį kpɛɛi nɔi hu, nuąi da Yálá kwəi mɛ̨nį hu kulɔ a lɛɛ, ŋį́ di kpɛ, da di wɔ kili ɲɔ̨nwɔ̨ɔ̨i, di hva kɛa da laa ɓo nɔi.

Samuɛlə dɔlɔɔ 5:4

Mąą yələ laaɓoɔ, di di muhəɠə yələ wala piinɛ̨ɛ̨, di Dagɔn kaa nwɔ̨nɔ̨ tooni Yai-Laa nwɔ mįnɛ̨ kəhii lííla. Dagɔn nwun galən da ɲee hveelɛi di yaliɛ mą, di ɓo tooni bɛlɛ́ laaləi, gbinį lɔ ɓə lɛɛ.