Izikiɛ 6:14 - Yálá laawoo hɛɓɛ (dc)

¹⁴ Gáá pai ɲee pɛlɛi diɛ; ɛlɛɛ, ɓɛi lɔpee di kaa pai kɛi laa nɔi ɲɛ̨i hu, ŋą nąą kɛ a lɔi pun mąąwɛlia; ə həɠə gbali hu kələnŋąą ɓa, ə həli la Divla. Da gili kɔ́lɔn nąąlɔwai diɛ Yai-Laa ɓaa a Ɲą́ą́.»

Yálá laawoo hɛɓɛ

¹⁴ Gáá pai ɲee pɛlɛi diɛ; ɛlɛɛ, ɓɛi lɔpee di kaa pai kɛi laa nɔi ɲɛ̨i hu, ŋą nąą kɛ a lɔi pun mąąwɛlia; ə həɠə gbali hu kələnŋąą ɓa, ə həli la Divla. Da gili kɔ́lɔn nąąlɔwai diɛ Yai-Laa ɓaa a Ɲą́ą́.»

Bible

¹⁴ M̀aa tãi tí ma, ŋa pâi ǹyée pɛlɛi dîa ŋá dílɔii lɛ́ɛ a bûŋ kɛ̂i fa ŋɔ́nɔ kɛ́ m̀a. Mɛnii ŋí a pâi kɛ̂i dílɔii gwaa kélee mâ é siɣe vɛ̃ɛ-kpâlaŋ su é tôo Lebala. À kɛ̀ tí, da pâi ŋgɔlɔni a Yâwɛɛ kpîŋ-kpîŋ.”

Izikiɛ 6:14 ပူးပေါင်းရင်းမြစ်များ

Mąątɛ̨nɛ̨ 138:7

Ŋą́ kɛ laanɔ̨nwɔ̨ kɛnɛ̨ hu, yá pənə ə́ nwɔ́ yɛnɛ̨ɛ̨ pu nįnɛ̨ koloi, yá ə́ yee hulɔ pɛlɛ ɲówóɠaa diɛ, ə́ ɓa-mįi-yee yɛ málo.

Azaya 10:4

Mɛ̨nįi lɔ ka pɛli gɛi, ya ɓaa, ka ka nwun vilən gɔ́ honŋąą lɔwai, ka too nuąi daa lɛɛ gɔ́ hu, di pɔ. Kɛlaa mɛ̨nįɠaai tii kəlee di mą kɛ kɛi, nwɔ liiholii hvo ni yali li bulu, ɛlɛɛ, ɲee haŋąą lɔ ni di mɛ̨i.

Azaya 24:1

Ka kɛɛ kaa! Yai-Laa kaa lɔi hu kalai, yɛ nɛɛ a gboloon, gaa lɔi mɛ̨i hɛnŋąą kalaɠalai, yɛ ɉu hee ɓo nuą taɠa taɠa.

Azaya 24:7

Haa aa too nɔɔ nįnɛ̨ ɓa, viɲə kpɔlɔ kaa kpalai, nuąi kɛ yɛnɛ̨ɛ̨ ɲąąnɛ̨ɛ̨ hu, diɛ ɲiŋɛ̨.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Azaya 5:25

Yili mąą mɛ̨nį ɓa, Yai-Laa lii aa holi nwɔ nuąi pɔ, aa ɲee tɛ mɛ̨i di kɛlɛ mɛ̨nį ɓa, yeeɠaa diɛ kpɛlin, di powaɠaa di ɓo gwəli hɛ̨ąiɠaa yɛ tulun ŋą, kɛlaa ə mą kɛ tii, nii hvo nii laa li, ɲee tɛɛ lɔ ni mɛ̨i.

Azaya 9:12

Bələ ɓə Yai-Laa ə nwɔ nuąi kɛlɛ la, bələi mąn ə kɛ la tii, di hvo pənə di hvo pa di nwɔ Yálái pɔ, yai a Yai-Laa Mɛ̨nį Kəlee ŋą Hééɓomun.

Azaya 9:17

A tɛ̨ą, nwąnąlɔ a nu kələn yɛ nwɔ̨n, yɛ tíi kələn nwɔ̨n, yai a lɔwɔ kələn, yɛ lulu kɛnɛ̨ tɛ yələ kwəi.

Ɉeremi 25:11

Nɔi ŋɛ̨i naa kəlee kaa pai lɛɛi a kpomó, da lɔi pun. Ɛlɛɛ, ɉu nuą kəlee da kɛ Babilonə tɔɔmun ɲee mu əlɛɛɉu, kwɛlan bow mɛ̨ihveelɛ.

Ɉeremi 48:22

Divɔn, Nebo, Bɛtə-Divlataimə,

Izikiɛ 12:15

Da gili kɔ́lɔn gea diɛ kɛ, ɲą́ą́ ɓə gáá a Yai-Laa; ɓɛlɔwai gáá pai di taɠa-taɠai la nɔiɠaa hu, gɛ́ di ɲąąkwɛlɛ nɔiɠaa lɔwai.

Izikiɛ 14:13

Hulɔnu lon, lɔi ta kɛ laa; a nɛ̨ŋɛ̨n ɉəɠə mą́ą́ a náá pu pələ; ŋį́ hee ɉu, gɔ̨nɔ̨n gaa ɉeei a ɲee pulu, gɛ́ gəlee hu kala, gɛ́ pulu too mą; ə kɛ a nu, ə kɛ a huwɔ, gɛ́ di paa ɉu.

Izikiɛ 15:8

Gáá nɔi ɲɛ̨́i kɛi a lɔi pun, lɛɛi di hvo mo di woo pulu mąą mɛ̨nį ɓa. Ɲą́ą́ Yai-Laai a Yálá nwóó li.»

Izikiɛ 16:27

Yili ɓə gɛ ŋą́ ɲéé pɛlɛ yɛ́, ə́ kɔ̨nɔ̨n ə kpɛɛ, ŋą́ ə́ tɛɛ ə́ yowoɠaai di kaa a Filisti nɛ̨ɛ̨lɛa di pɔ, diɛi tii ə́ wɔ túwɔ pələ ɲɔ̨n tii aa kɛ nwumɛ̨ hee di ɲɛ̨i.

Izikiɛ 25:7

Yili mąą mɛ̨nį ɓa, gáá pai hee ə́ mɛ̨i, gáá pai ə́ tɛɛi lɔiɠaa pɔ, diɛ too ə́ hu, gɛ́ ə́ kulɔ lɔiɠaa lɔwai; gáá pai ə́ hukalai, yɛ bələi da lɔi hukala la, gɛ́ ə́ lɛɛ a kpɛli. Bələ ɓə yá gili kɔ́lɔn na, yɛ́ kɛ, ɲą́ą́ ɓə gáá a Yai-Laa.

Izikiɛ 33:28

Gáá pai nɔi kɛi a lɔi pun, mąąwɛliɛ; nwɔ huwala walai ə kɛi nwun dɛ ɉu, ŋą́ ɉu kala. Israɛlə yeeɠaa da lɛɛ a lɔi pun; mąąhɔlɔɓo, nu hvo pai kɛi tɛɛi laa.

Izikiɛ 35:9

Ŋą́ ə́ kɛ a lɔi pun a yələ kəlee da nwɔɔ, ɛlɛɛ, nu ta hva kɛa hee ə wɔ taaɠaai hu. Nąąlɔwai ka gbaɠala kaa kaa diɛ ɲą́ą́ ɓə gáá a Yai-Laa.

Izikiɛ 7:1

Yai-Laa woo ə həli mąą, yɛ mąą:

Izikiɛ 7:4

Və́ pai ə́ ɲɛ̨imąąwɛli kaai; və́ pai ə́ mąąhvaalɛɛi; gáá pai ə́ hɔn dooi yɛ́; yɛ́ ɓowo tuwoɠaai kaa lɔ pai lɛɛi nɔi hu; ɛlɛɛ, ka gili kɔ́lɔn a mąą yələ kaa kɛ Yai-Laa ɓaa a ɲą́ą́.»

Sofoni 1:4

Gáá pai ɲéé pɛlɛi Ɉuda nuą, da Ɉerusalɛmə nuą diɛ. Hɛn kpɔ gaa gɛɛnąą tii a Baalə nwɔɔ, ŋą́ gəlee hukala, ə mą kɛ, a nuąi kɛi tí mą, da di wɔɔ haláá laa həli nuą, ŋą́ gəlee laa kpɛɛ.

Lonon mo 33:46

Di həɠə Divɔn-Gadə di pa di tɔɔ Almɔn-Divlataima.