Izikiɛ 6:13 - Yálá laawoo hɛɓɛ (dc)

¹³ Ká gili kɔ́lɔn nąąlɔwai kaa kɛ Yai-Laa ɓaa a ɲą́ą́; di wɔ nu pɔwaɠaai da pa kɛi pilinin di wɔ haliɠaai lɔwai, di kɔ́iɠaa kwɛlɛ, yee kpu kpu kəlee nwuɔ̨, yee tɔɔ kəlee nwuɔ̨, wulu laa huwiaa kəlee mu; gɛɛnąąɠaai kpɔlɔ ti di kɛli halaa kulɔ laa di wɔ haliɠaai diɛ.

Yálá laawoo hɛɓɛ

¹³ Ká gili kɔ́lɔn nąąlɔwai kaa kɛ Yai-Laa ɓaa a ɲą́ą́; di wɔ nu pɔwaɠaai da pa kɛi pilinin di wɔ haliɠaai lɔwai, di kɔ́iɠaa kwɛlɛ, yee kpu kpu kəlee nwuɔ̨, yee tɔɔ kəlee nwuɔ̨, wulu laa huwiaa kəlee mu; gɛɛnąąɠaai kpɔlɔ ti di kɛli halaa kulɔ laa di wɔ haliɠaai diɛ.

Bible

¹³ À kɛ̀ tí, ka pâi gɔlɔni a gɛɛ ńyãa ƃa Yâwɛɛ. Tãi ka pâi ká ǹûai poma kaai lâai ni la káɣâla-pɔɔkɔŋ-ŋai samai, dílaa ǹyee kpaya-kpaya ŋai tôŋ-sui, daa-tâa ŋ̀úru-ŋai mu gwaa kéleei, ƃɛɛi da kɛ́ kereŋ-sɛŋ kúŋ nɛ̃ɛ kereni naa díɣâla-pɔkɔɔŋ-ŋai diai.

Izikiɛ 6:13 ပူးပေါင်းရင်းမြစ်များ

Tɔɔɓɛlaa dɔlɔɔ 14:23

Di haláá kulɔiɠaa pɛli yɛ di nąnni, a kwɛni kalanŋąą da wuluɠaa, diɛ haláá kulɔ ɲeeɠaa ɓá wulu kpɛa kpɛa kəlee mu.

Tɔɔɓɛlaa veelɛ 16:4

Ə haláá kulɔ, ə lansan kələn nuą di wɔ hali kɔ́iɠaa tii ɓa, da ɲee kpukpuɠaa tona, ə mą kɛ, da wulu kpɛa kpɛaa mu, yiiɠaai kɛ di laa ŋąąnɛ̨ɛ̨ diɛ.

Azaya 1:29

a tɛ̨ą, nwulu kpɛa-kpɛa ŋɛ̨i ka kɛli gɔ́, ka kilitɔɔ diɛ, ka nwumɛ̨ di mąą mɛ̨nį ɓa. Vaa lɔwɔɠaai ɲɛ̨i ka ɉəɠə ɉu, kaa túwɔ́ laa yɛ nuąi di hvo Yálá kɔ́lɔn, nąą ɓɛlɛ a kpɛɛ ka kwəi.

Azaya 37:20

Kɛlaa, Ə́ wɛi, Yai-Laa, ku wɔ Yálá, ku kulɔ ɲəi, ə gɛ yɛnɛ̨ɛ̨ tɔɔlɔiɠaa kəlee di pɛli ɉu kɔ́lɔn ɉi diɛ kɛ, yɛ́ tɔ̨nɔ̨ lɔ ɓaa a Yai-Laa.»

Azaya 66:17

Nuąi da kɛ «di kpɔwɔ kɛi a mąąhəɠə nuą da mąąwaa nuą», diɛ lɔ nɔw yɛa hu, di ɓo di nwun nąmu pulu, nwɛi, ə ɓo tɔɔni di hąmąi; nuąi da kɛ ɓoi mį́í, da ɉuwɔɠaai tɔ́n gaa diɛ, da ɲinɛ̨ɠaa, gəlee kaa pai haai a gee. Yai-Laa woo li.

Ɉeremi 13:27

Əkə́! Ə́ wɔ wɛli hon mɛ̨nįɠaa, ə́ tomą pələ a wɛli ɲąŋą kulaa, ə́ kpɔɔ tɛɛ mɛ̨nį hinąą pɔ, hvá mąn nwumɛ̨ ɉu, ɲeeɠaa nwuɔ̨, da ɲɛa kɔ́ɔɠaa hu, ŋą́ą́ yili kəlee naa kaa. Ə́kə Ɉerusalɛmə! Nwumɛ̨ aa tɛ yɛ́. Hvó bɔ, hvó ə́ gbɔwɔ mąąhəɠə, hvó hvilɛn búlú! Ə́ kaa pai lɛɛi yili hu ə lɛɛɉu lə yələ?

Ɉeremi 2:20

Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Ɉeremi 3:6

Ɉosiasə nwɔ tɔɔlaa yələ, Yai-Laa ə kɛ maa: Israɛlə tii aa lənə mą́ą́, mɛ̨nįi aa gɛ, yáá nąą kaa! Yaa tii ə kɛi lia li yee tɔɔ kəlee nwuɔ̨, diɛ laa la, da wulu laa hu wiaɠaa kəlee mu.

Izikiɛ 18:6

hva haláá kɔ̨nɔ̨n mįi, hva ɲɛ̨i hee Israɛlə bɛlɛ́ mu ɉaliɠaa pɔ pələ, hva hvilɛn mɛlaa nɛ̨ą pulu, hva lɛɠɛ nɛ̨ɛ̨nui aa ɲee tɛ mą;

Izikiɛ 20:28

nɔi tii ŋą́ naakwɛlanmo diɛ, gɛ́ kɛ gáá pai dɛɛi di pɔ, ŋą́ di lɔ ɉu, di di ɲɛ̨i hee yee tɔɔ kəlee ɓa, da wulu laa huwiaa kəlee. Nąąɠaa ɓə di kɛi di wɔ halááɠaai kulɔ laa; diɛ nííholi haláá hɛnŋaa laa laa, diɛ haláá kun nɛ̨ɛ̨ɠaa kulɔ laa, diɛ nɔɔɠaa pu laa.

Izikiɛ 23:41

Yili pulu ə́ laa gbin gɛnɛ̨ɛ ɲą, taɓali hviləŋąą gbin nií la, ɓɛi yaa kɛ nwɔ́ wulɔi da nwɔ́ lansan hee laa.

Izikiɛ 43:7

Nwooi tii yɛ mą́ą́: Hulɔnu lon, nwɔ́ tɔɔkpəlin hvilɛn ɉii ka, da ɓɛi gáá pai gɔ́wɔ tɔɔi laa; nąą ɓə gáá pai heei laa, Israɛlə lonnii lɔwai a yələ kəlee da nwɔɔ. Israɛlə nwɔ pɛlɛ́i hva kɛa náá mąąhəɠɛɛi mąąliɓi, yaa mąn, ə mą kɛ nwɔ tɔɔɓɛlaa da di wɔ túwɔ pələ ɲɔ̨nŋaa; ə mą nwɔ̨nɔ̨ kɛ nwɔ tɔɔɓɛlaa powaɠaa, da di kámąɠaa.

Osia 4:13

Da kɛ haláá kulɔi yeeɠaa nwuɔ̨, diɛ hali kɔ́ hɛnŋąą kələn yee kpukpuɠaa nwuɔ̨, hɛanɠaa mu, da towələ wuluɠaa mu, gbala ə tɔɔ, di nįnįn mu ɲąąnɛ̨ɛ̨i. Yili mąą mɛ̨nį ɓə ka lonnii nɛ̨ąą da di kɔ́lɔ lɔwɔ́tɔɔ la, ka lon nɛ̨ąni diɛ wɛli hon.

Sofoni 1:10

Yai-Laa woo ka, yɛ diɛ: Mąą yələi tii, wɔlɔ woo kɛnɛ̨ a tɔɔ ɉɔwɔlee pɛlɛ laaləi pələ, woo laa woo yɛ tɔɔ daa nįnɛ̨ hu, tín gɛnɛ̨ yɛ tɔɔ ɲeeɠaa nwuɔ̨.