Izikiɛ 6:10 - Yálá laawoo hɛɓɛ (dc)

¹⁰ Da gili kɔ́lɔn a mąą yələi ti, diɛ kɛ Yai-Laa ɓaa a ɲą́ą́, və́ mɔ̨nɔ̨iɠaai ti laa mɛ̨nį diɛ ɓoi lɔ kpɛli kpɛli.»

Yálá laawoo hɛɓɛ

¹⁰ Da gili kɔ́lɔn a mąą yələi ti, diɛ kɛ Yai-Laa ɓaa a ɲą́ą́, və́ mɔ̨nɔ̨iɠaai ti laa mɛ̨nį diɛ ɓoi lɔ kpɛli kpɛli.»

Bible

¹⁰ À kɛ̀ tí, da pâi gɔlɔni a gɛɛ ńyãa ƃa Yâwɛɛ. Ǹyaŋ ḿve kɛ́ ni dípɛlɛ̂i a gɛɛ ŋa pâi mɛni nyɔmɔ kɛ̂i a dîa.”

Izikiɛ 6:10 ပူးပေါင်းရင်းမြစ်များ

Ɉeremi 44:28

Nu tɛitɛi kaa pai kulɔi gɔi tii hu, di lɛɛ a di hvulú də li Ɉuda lɔi hu. Akɛ kɛa tii, diɛ mąn, ɲą́ą́ mąn, nui tɛ̨ą kaa bɔ da gɔlɔn.

Izikiɛ 12:25

Ɲą́ą́ Yai-Laa, mɛ̨nį lɔpee ŋą́ nɛɛ kwɛala gɛ́ mo, ɉu hva kɛa kwɛa mąą mɛ̨nįi yɛ kɛ. Ka lɛɛ ni yɛnɛ̨ɛ̨, kulɔ nwoo mu nuą, nwooi ŋɛ̨i ŋą́ mo, gɛ́ gɛ. Mɛ̨nį kəlee ŋą Hééɓomun Yálá woo li.»

Izikiɛ 22:14

Ə́ kaa pai mɔ̨ɔ̨ ə́ lii kpələi, ə́ yee kɔ̨nwɔ̨n ɉu kaa pai wala walai; a ɲələi mɛ̨nį kaa pai kulɔi la gwa yɛ́ gu lɔwai? Ɲą́ą́ Yai-Laa, ɲá mo, gɛ́ bɔ mɛ̨nį kɛ.

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.

Izikiɛ 6:11

Yai-Laa woo ka, yɛ: «Ə́ yee kɛlɛ gee ɓa, ə́ kɔ́wɔ kɛlɛ nɔi ɓa; 'tómą a gboo woo. Israɛlə nu huwu nwɔ tuwɔ pələ ɲɔ̨n gəlee ɓə pai gɛi yɛ too la a ɓɔwa kwɛaa laa pɔɔ, da pulu, da lɔi kala ɲɔ̨n naa pɔɔ.

Izikiɛ 6:7

Nuą kaa pai kɛi tooi ka lɔwai a di pɔwa; bələ ɓə ka ɉu kɔ́lɔn na kaa kɛ, Yai-Laa ɓaa a ɲą́ą́.

Izikiɛ 6:9

Nuąi pai kulɔi ɉu, gíli kaa pai tooi di ɲą nɔiɠaai ti di kaa pai li laa a diɛ ɉu; di wɔ tuwɔ pələ ɲɔ̨n gulɔ kili ti lənə mą́ą́i, gáá pai ɉu kalai di kwəi, da di ɲɛ̨i kɔ́wi ti haliɠaa mąąwiɛi. Di ɓɛlɛ kaa pai kpɛɛi di kpɔwɔ kwəi, nɛ̨ŋɛ̨ŋąąi di ɉəɠə mąą mɛ̨nį ɓa, da di wɔ kili kpɛɛ gwəi mɛ̨nįɠaa kəlee.

Danîa 9:12

Mɛ̨nį ŋɛ̨i wɔlɔ ə́ mo yɛ hvilɛn kuɔ da ku nwun nąmįnąa yiiɠaai di kaa ku ŋɛ̨itɔwɔ, yaa naahvɛɛ. Ya ɓaa: Kpalo tamąą aa ɓɛla kuɔ Ɉerusalɛmə daai, yii ɲɔ̨nwɔ̨mąn və ta kɛ li lɔi mɛ̨i.

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»