Izikiɛ 5:6 - Yálá laawoo hɛɓɛ (dc)

⁶ Ə kulɔ nwɔ́ tɔ́n nwooɠaai mu a kili ɲɔ̨nwɔ̨ɔ̨ dɛɛ nɔiɠaai ti diɛ; ə nwɔ́ tiɓoɠaa lɛɛ laa dɛɛ nɔiɠaai ti gwɛlɛ diɛ. Di nwɔ́ tɔ́n nwooɠaai pili di pulu; di hvo gɛ di hvo lɛɛ nwɔ́ tiɓoɠaai pulu.

Yálá laawoo hɛɓɛ

⁶ Ə kulɔ nwɔ́ tɔ́n nwooɠaai mu a kili ɲɔ̨nwɔ̨ɔ̨ dɛɛ nɔiɠaai ti diɛ; ə nwɔ́ tiɓoɠaa lɛɛ laa dɛɛ nɔiɠaai ti gwɛlɛ diɛ. Di nwɔ́ tɔ́n nwooɠaai pili di pulu; di hvo gɛ di hvo lɛɛ nwɔ́ tiɓoɠaai pulu.

Bible

⁶ A mɛni nyɔ́mɔ támaa kɛ́ kpɛ́ni fêi a tɔɔ mâ, a ŋátɔ̂ŋ-ŋai kara a ŋánaa a tɛɛ ǹɔii-ŋûŋ-ŋai ŋí dîa. A tɔɔ ŋátɔ̂ŋ-ŋai dîa a tɛɛ ǹɔii-ŋai ŋí dîa nyii-ŋai dítinaŋɔ̂ɔi mai. Kpɛ́ni fêi a ǹyée kúla ŋátɔ̂ŋ-ŋai mu va sîa a ŋátɔ̂ŋ lá-woo.

Izikiɛ 5:6 ပူးပေါင်းရင်းမြစ်များ

Tɔɔɓɛlaa veelɛ 21:11

«Yii kpɔ Ɉuda tɔɔmun Manase aa ɲee lɔ mɛ̨nį ɲɔ̨n daaləi ŋɛ̨i hu aa tɛɛ Amɔrə nuąi kɛ ɓɛ dɔwɔ di wɛi ɓa, aa gɛ Ɉuda nuą daa nɛ̨ŋɛ̨n ɉəɠə, a kwɛli hvilɛn di mo hali ɓa,

Tɔɔɓɛlaa veelɛ 21:9

Kɛlaa, Ɉuda nuą di hvo di wəli tɔɔ mą. Manase ə mɛ̨nįɠaa tii kəlee kala, ə tɛɛ la nɔiɠaa kpɔ Yai-Laa ə di kpɛ Israɛlə lonnii tɔwɔ di wɛi ɓa.

Nehemi 9:34

Kuɔ tɔɔɓɛlaa, ku ŋąąwoo ɓo nuą, ku wɔ haláá laa həli nuą, da ku ną́nni, di hvo ə́ wɔ tɔ́n bɔ túwɔ́ ɓo li, di hvo di kili lɛɛ li ə́ wɔ tíɓoɠaai hu, da ə́ liɛwooɠaai ə́ kɛi gɛ diɛ.

Nehemi 9:35

Ɓɛlɔwai di kɛi di wɔ tɔɔlaa kɛ la, di ɓo nwun na nɛ̨ɛ̨ kɛnɛ̨ɛ ə́ dɛɛ di pɔ ɉu, nɔi kɛnɛ̨ɛ yii kɔ̨nɔ̨n a lɛlɛ ɉu, yii ə́ naa di lííla, di hvo gɛ di hvo di yee kulɔ di kɛ mɛ̨nį ɲɔ̨nŋąą hu, di hvo tii yɛ́.

Mąątɛ̨nɛ̨ 106:20

Di di wɔ ɲɛ̨ipono mąąhvalin, a nįŋɛ̨ mąąnįnįn, a kalatiliin mįi hɛn.

Mąątɛ̨nɛ̨ 78:10

di hvo kɛ kanąn ni Yálá nwɔ mįnɛ̨i ɓa, di nwɔ tɔ́n nwooi pili.

Lɛɛ gbɔwɔ ɓa 16:28

Yai-Laa, yɛ Moisə ɓa: «Ka káá pai lɛɛi ka nwun gulɔi nwɔ́ tɔ́n nwooɠaa da nwɔ́ tiɓoɠaa mu, ə lɛɛ ɉu mįnɛ̨ lɔwai?

Ɉeremi 11:10

Daa pənə daa hvilɛn di kalani pɔlɔɠaa kɛ nɛ̨ŋɛ̨nŋaa pulu, a diɛi tii di hvo gɛ, di hvo di wəli tɔɔ nwóó ɓa. Ya ka, diɛ kpɛli mąn daa hvilɛn haliɠaa pulu, diɛ kwɛli hvilɛn diɛ. Ɉuda nɔi nuą-o, Israɛlə lɔi hu nuą-o, mįnɛ̨i ŋɛ̨i kwa diɛni ku ɉəɠə, bələ ɓə daa mąą kala la.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Ɉeremi 8:5

Lə ɓə kɛ yaai, nu huwui ŋɛ̨i Ɉerusalɛmə, gaa lɔ nwun gulɔi nwóó mu diɛ nɛ́ɛ́ laa a ɉu kwɛa? Diɛ ka, daa kanąn nɔ hali mɛ̨nį ɓa, di hvo gɛi di hvo tinɛ̨n di hvo pa bɔ́.

Ɉeremi 9:6

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: Gáá pai di mąąhəɠəi a nwɔ̨n, ŋį́ di mąą waa. A tɛ̨ą, gáá pai gɛ́ mɛ̨nį kɛi nwɔ́ nuą kili ɲɔ̨nwɔ pələi ŋɛ̨i hu.

Izikiɛ 11:12

Ɲələ, ka gɔlɔn kaa diɛ; ɲą́ą́ ɓə gáá a Yai-Laa, ɲą́ą́ ŋɛ̨i ka hvo gɛ ka hvo lɛɛ nwɔ tɔ́n nwooi mui, ka hvo ŋą́ tiɓoɠaai kɛ li. Mąąhɔlɔɓo, kaa hvilɛn ka kwɛlɛ taaɠaa túwɔ pələ pulu.»

Izikiɛ 16:51

Ə mą kɛ Samari, hvo ə́ wɔ nɛ̨ŋɛ̨nŋaai ɓɛla ɓoɔ ɉeą́ bələ tɔ̨nɔ̨ kɛ. Ə́i wɔ túwɔ pələ ɲɔ̨n damą, ə dɛɛ nwɛi ɓa. Ɛlɛɛ, da ka nonnii ka kɔ́ɔn ka kee ɓa, di lɛlɛɛi di tɛɛ yɛ́. Mowo mɛ̨nįɠaai kpɔ ə́ gɛ gəlee ma mɛ̨nį ɓa.

Danîa 9:15

«Ku Ną́mu Yálá, ɓɛlɔwai ə́ ə́ wɔ nu huwuɠaai kulɔ la Eziptə lɔi hu a ə́ wɔ yee walawala laa, yili ə́ ə́ laa lɛlɛɛ tɛ, háá ɓa háá, ə́ laa kaa ni nuą la. Kɛlaa, ku wɛi, ku kulɔ ə́ woo mu, ku kaa a hɔn mąą nuą.

Danîa 9:5

Kwaa kulɔ ə́ woo mu, kwaa nɛ̨ŋɛ̨n ɉəɠə yɛ́, kwaa kɛ a hɔn mąą nuą, kwaa ku kwɛli tee yɛ́, kwaa ku pulu tɔɔ ə́ wɔ tɔ́n da bɔ liɛwooɠaa diɛ.

Danîa 9:8

A tɛ̨ą, Ną́mu Yálá, nwumɛ̨ ka ŋɛ̨i yɛi ku paa. Kuɔ, kuɔ tɔɔɓɛlaa, kuɔ nwun nąmįnąa da ku kalaɓɔlɔni, mąąhɔlɔɓo, ku hvo ə́ woo hon ni.

Zakari 7:11

Kɛlaa, di hvo gɛ di hvo di wəli tɔɔ, di di nwun dinɛ̨n, di di wəli walawala, ə gɛ di hvo pa nəi mɛ̨nį mɛ̨n.

Korɛntə dɔlɔɔ 5:1

Pə́lə́ ta kaa ɓoi kɛɛnąą kəlee ɓa, diɛ kɛ: Wɛli mɛ̨nį huwu ta aa kulɔ ká lɔwai, a wɛli mɛ̨nį huwu yii di hvo ta ɲɔ̨nwɔ̨ɔ̨mąn gaa li, hali pulu nuą yíi pələ hu. Ya ɓaa, ká tɔ̨nɔ̨ da nąn nɛ̨ą di kaa yíi ɓa.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.