Izikiɛ 5:17 - Yálá laawoo hɛɓɛ (dc)

¹⁷ Gáá pai pulu tooi káá, ŋą́ lɔwɔ-huwɔ kpəiɛɠaa ɲąątɔɔ káá, diɛ ka lonnii kulɔ ka yəi; nu paa ɲɔ̨n da ɲąmą di kaa pai həli yɛ́; ɛlɛɛ, gɛ́ kɔ́ kɔ́ ɓɔwa ɲąątɔɔ yɛ́. Ɲą́ą́ Yai-Laa, ɲą́ą́ ɓə mo.

Yálá laawoo hɛɓɛ

¹⁷ Gáá pai pulu tooi káá, ŋą́ lɔwɔ-huwɔ kpəiɛɠaa ɲąątɔɔ káá, diɛ ka lonnii kulɔ ka yəi; nu paa ɲɔ̨n da ɲąmą di kaa pai həli yɛ́; ɛlɛɛ, gɛ́ kɔ́ kɔ́ ɓɔwa ɲąątɔɔ yɛ́. Ɲą́ą́ Yai-Laa, ɲą́ą́ ɓə mo.

Bible

¹⁷ É tée burui ŋa pâi gɛ̂i é ká paai ma, ŋa pâi lɔɔ-fɛnɛ-sãa tɛɛ̂i a gɛɛ díka nîa-pɛlɛɛ-ŋai su kara. Kɔ́ da kɔlɔ-fela da pâi ká lɔii pênei dí bɛlɛ. À kɛ̀ tí, Ńyãa kpîŋ ŋa pâi ká su karâi a ƃóa-sɔ̂kpɔ. Ńyãa Yâwɛɛ ńyãa ƃé mò tí.”

Izikiɛ 5:17 ပူးပေါင်းရင်းမြစ်များ

Tɔɔɓɛlaa veelɛ 17:25

Ɓɛlɔwai di hee la a nįnɛ̨, gɛɛ nąą tii ɓa, di hvo kɛi ɲɔw Yai-Laa ɓa, Yai-Laa ə yalaɠaa tɛɛ, yiliɠaai diɛ di paa.

Lɛɛ gbɔwɔ ɓa 23:29

Və́ pai di kpɛi kwɛlan dɔ̨nɔ̨ yee mu, ə gɛ, lɔwɔ huwɔɠaa di hvo pa tamą, di hvo kɔ́ pɛlɛ kaa.

Ɉeremi 15:3

Yai-Laa woo ka nwɔ̨nɔ̨, yɛ diɛ: «Gáá pai heei di hu a pələ nąąn: Kɔ kɔ́ ɓɔwa yɛ di paa, yilɛɠaa diɛ di powa yala. Yələi nwɛ̨nįɠaa da lɔwɔ huwɔɠaa diɛ di powa mįi, diɛ di huwu pu.

Izikiɛ 14:15

Ɛlɛɛ, ŋą́ lɔwɔ huwɔ ɲɔ̨nwɔ̨ɔ̨ɠaa ɲąątɔɔ nɔi ti ɓa, di nɛɛ a lɔi pun, ɉu lon da hva lɛɛ laa; nu ta hva pɛli tɛɛi laa ɉuwɔɠaai ti mąą mɛ̨nį ɓa.

Izikiɛ 14:19

A wala kɛ ti, ŋą́ ɲɔ̨n bɛlɛ́ nɔi ti ɓa; gɛ́ nííholi bɔ, gɛ́ di paa; nu kanŋaa da huwɔɠaa diɛ kpɛɛ ɉu.

Izikiɛ 14:21

Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Izikiɛ 17:21

Nwɔ kɔlaɠai ɲɛ̨i tɔwɔ-nuą kəlee kaa pai haai a kɔ́ kɔ́ ɓɔwa laa pɔɔ; yiiɠaai pai kulɔi ɉu, di kaa pai di taɠa taɠai lɔi kəlee hu. Bələ ɓə ka gili kɔ́lɔn na kaa, ɲą́ą́ Yai-Laa, ŋą́ mo, ŋą́ gɛ.

Izikiɛ 17:24

A kɛ ti lɔwɔi wuluɠaa kəlee da gbaɠala kaa, diɛ kɛ ɲą́ą́ ɓə gaa a Yai-Laa. Yai a wulu kwɛaa kɛ a kpɔlɔ wulu, yɛ kpɔlɔ wulu kɛ a wulu kwɛaa; yɛ wulu nwunu kpala, yɛ gɛ wulu kpala yɛ tɛlin. Ɲą́ą́ Yai-Laa yii ŋą́ mo, ŋą́ gɛ́.»

Izikiɛ 21:3

Kɛ Negɛvə lɔwɔɠaa diɛ, ka ka wəli tɔɔ Yai-Laa woo ɓa: Hééɓo kəlee Nąmu Yálá yɛ diɛ: Gáá pai nwɔ̨n dooi ka hu; nwɔ̨n tii kaa pai wulu nwunuɠaa da wulu kpalaɠaa kəlee kələn ɉi; hvo pai luwuun ɉi; nu kəlee ɲɛ̨́i lai kaa pai kələn ɉi, ə həɠə Negɛvə, ə li ɲələi pələ.

Izikiɛ 21:32

Əkə kɛɛ kalaa! Əkə kɛɛ kalaa! Gáá pai nąą kalai ɲɔ̨nwɔ̨man da hvo ta kɛli, ə lɛɛ ɉu nui ŋą́ giti mɛ̨nį tɛɛ bɔ, mąą nu ə pa.»

Izikiɛ 22:14

Ə́ kaa pai mɔ̨ɔ̨ ə́ lii kpələi, ə́ yee kɔ̨nwɔ̨n ɉu kaa pai wala walai; a ɲələi mɛ̨nį kaa pai kulɔi la gwa yɛ́ gu lɔwai? Ɲą́ą́ Yai-Laa, ɲá mo, gɛ́ bɔ mɛ̨nį kɛ.

Izikiɛ 23:47

Ɲąąkpɔn ɉu nuą di di hɔɔ a kwɛni, di di paa a ɓɔwa kwɛaa; di di lon ɉinąą da di lon nɛ̨ąą paa; di di wɔ pɛlɛ́ɠaai kələn.

Izikiɛ 26:14

Gáá pai ə́ kɛi yɛ kwɛnii hɛn da hvo mɛ̨i, yɛ́ kɛ a hɔ̨nwɔ̨lee kpɛ-tumɔ̨ kpalai, di hva kɛa pɛ̨nɛ̨, di hvo ə́ tɔɔ; ɲą́ą́, Yai-Laa, Nwóó li. Mɛ̨nį kəlee ŋą Hééɓomun Yálá woo li.

Izikiɛ 28:23

Gáá pai ɲɔ̨n dɛɛi laa, ɲąmą kaa pai kɛi pui gwəliɠaa hu, nuą diɛ too a di powa, daa kwəi. Mąąhɔlɔɓo, kɔ́ kɔ́ ɓɔwa kaa pai heei ma bələ kəlee. Bələ ɓə da gili kɔ́lɔn na, diɛ kɛ; ɲą́ą́ ɓə gáá a Yai-Laa.»

Izikiɛ 30:12

Gáá pai Nilə kɛi a lɔi hu kpalaa; gɛ́ nɔi lɔwɔ́tɔɔ nu ɲɔ̨nwɔ̨ɔ̨ɠaa diɛ; ŋį́ nɔi hu kala, da ɉu hɛnŋąą, a nwɛąą kɛ mɛ̨nį. Ɲą́ą́, Yai-Laa, nwoo li.

Izikiɛ 33:27

'Kɛ diɛ, Mɛ̨nį kəlee ŋą Hééɓomun Yálá woo ka: Yii kpɔ gáá a vúlu, nuąi tii daa kpoloon ɉu, di kaa pai haai a ɓɔwa kwɛa laa pɔɔ; nui a kɛ yɛɛ kɔwɔ hu, ŋą́ dɛɛ lɔwɔ huwɔɠaa pɔ a di kɔ̨nɔ̨n; nuąi kwɛni woloɠaa hu, lɔwaɠaa hu, lɔi mu, di kaa pai haai a ɲɔ̨n.

Izikiɛ 37:14

Ɓɛlɔwai gáá pai nwɔ́ Nɔ̨ɔ̨ tooi la ka hu, ka kɛ a ka hvulú, ɛlɛɛ, gɛ́ ka hee ka wɔ lɔi hu, ka gbaɠala kaa, nąąlɔwai, kaa diɛ, ɲą́ą́ ɓə gáá a Yai-Laa, ŋą́ mɛ̨nį ɓo, ŋą́ bɔ mɛ̨nį kɛ. Yai-Laa woo li.»

Izikiɛ 38:22

Gáá pai ɉu tɔɔi a ɲɔ̨n da ɲąmą; yaa mąn, da nwɔ kɔ́kulááɠaa, da nu kpulu tamąąi tii pai kɛi bɔi; ŋą́ tulɔ kɛnɛ̨ pu di mɛ̨́i, da hɔ̨n gbuɠulu, da nwɔ̨n, ɛlɛɛ, da nwɔ̨n maɠa.

Izikiɛ 5:15

Ə́ kaa pai kɛi a hɛn a nwumɛ̨ tɛ nɔiɠaai kpɔ ə́ kwɛlɛ gəlee diɛ; diɛ yɛlɛ yɛ́ diɛ mɛ̨nįɠaa kɔ́ɔn yɛ́. Ə́ ɓo a kwəi pilimąą hɛn di ɲɛ̨i ɓa; ɓɛlɔwai gáá pai ə́ kiti teei laa a líiholi, a liiɲąnwąną, gɛ́ hąŋąn yɛ́ a nwala wala. Ɲą́ą́ Yai-Laa, ɲą́ą́ ɓə mo.

Izikiɛ 5:16

Ɓɛlɔwai gáá pai pulu tɛɛi la kaa, yɛ tonwą ɓaɠaa, a ka nwun na pili tonwąɠaa gáá pai di tɛɛi ka hu kala mɛ̨nį ɓa; gɔ̨nɔ̨nŋąąi ɉəɛ ka yee pulu, ŋį́ gəlee hu kalaɠala.

Izikiɛ 6:1

Yai-Laa woo ə həli mą́ą́, yɛ mą́ą́:

Izikiɛ 6:12

Nui kwɛala gaa pai haai a lɔi kala ɲɔ̨n; nui kpuɔla, gaa pai tooi a kɔ́ kɔ́ ɓɔwa laa pɔɔ; ɛlɛɛ, gbəlii ti, a diɛi ti di pai gɔ́ heei diɛ, di kpəli a haa a pulu. Gáá pai nwą́ną́ kulɔi diɛ, vá gbɛla bələi.

Levetekɔ 26:22

Ŋą́ lɔwɔ huwɔɠaa ŋąątɔɔ kaa, diɛ ka lonnii kulɔ ka yəi, diɛ ka wɔ taatɛlɛɛɠaai hu kala, diɛ ka paa, ka wɔ pələɠaai di kpɔlɔɔn.

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Dutɛrɔnome 32:24

Ɓɛlɔwai pulu a di kɛ la a nu lɛɠɛ, ɲɔ̨n ɲɔ̨nwɔ̨ɔ̨ɠaa diɛ di laanɔ̨nwɔ̨ ɓo, Ŋą́ hvɛnɛ̨ huwɔɠaa ɲąątɔɔ diɛ, ŋą́ kaalə ɲɔ̨nwɔ̨ɔ̨ɠaa tí diɛ.

M̀ɛni-lɛɛi 6:8

Ɛlɛɛ, ŋą́ ɲɛ̨́i hee, ŋą́ hoo ta kaa dɛɠiɛ mu kwɛlɛɛ. Nui kɛ heeni mɛ̨i, naa ɓaa a: Haa, ɛlɛɛ, ŋąmuątaa ɲɛ̨i kɔw hvilɛn ŋąą bulu. Di mąąlaa tɛɛ di pɔ, yɛnɛ̨ɛ̨ ɓɛlaɓoɔ ɉu nąąn, bələ tɔ̨nɔ̨ mɛ̨i, ə gɛ, di ɉu nuą paa a ɓɔwa kwɛa, a pulu, da lɔi kala ɲɔ̨n, ɛlɛɛ, da lɔwɔ huwɔ huwui lɔpee lɔi mɛ̨i.