Izikiɛ 5:12 - Yálá laawoo hɛɓɛ (dc)

¹² Gáá yɛ́ nuąi hee kpəlina kɛi haaɓa; ɉeei tɔ̨nɔ̨ kaa pai haai a nu paa ɲɔ̨n, awala kɛ ti nwun na a pili a pulu, daa kwəi; ɉeei veelɛnąn gaa pai tooi a kɔ́ kɔ́ ɓɔwa laa pɔɔ, ə́ kwɛlɛ kəlee; ɉeei ɉaaɓanąn nwɛi, ŋą́ ɉu taɠa taɠa pələ kəlee; ɛlɛɛ, ŋą́ hvilɛn di pulu a kɔ́ kɔ́ ɓɔwa.

Yálá laawoo hɛɓɛ

¹² Gáá yɛ́ nuąi hee kpəlina kɛi haaɓa; ɉeei tɔ̨nɔ̨ kaa pai haai a nu paa ɲɔ̨n, awala kɛ ti nwun na a pili a pulu, daa kwəi; ɉeei veelɛnąn gaa pai tooi a kɔ́ kɔ́ ɓɔwa laa pɔɔ, ə́ kwɛlɛ kəlee; ɉeei ɉaaɓanąn nwɛi, ŋą́ ɉu taɠa taɠa pələ kəlee; ɛlɛɛ, ŋą́ hvilɛn di pulu a kɔ́ kɔ́ ɓɔwa.

Bible

¹² Kákpulu sêei saaƃai dɔnɔ a pâi saâi a puru, kpaa máŋ a kɔlɔ-fela nyɔ́mɔ. Kákpɔara-ƃela da pâi ká paâi a ƃóa-sɔ̂kpɔ. Ǹyaŋ ŋa pâi kákpulu dɔnɔ táa tâai a fãa, ŋá dí kpɛ́ a ƃóa-sɔpɔ kuláa daâi.’

Izikiɛ 5:12 ပူးပေါင်းရင်းမြစ်များ

Azaya 1:24

Yili ɓə gaa mą, Nąmu Yai-Laa Mɛ̨nį Kəlee ŋą Hééɓomun woo ka. Yai a Israɛlə nwɔ Yálá hɛn da hva tɔɔ na, ya ɓə mɛ̨nį ŋɛ̨i ɓoi, yɛ diɛ: Lə mąąwɛli mɛ̨nį ɓəi, ɲéé kaa pai tɛɛi gɔ́ yɔ́wɔ́ɠaa diɛ, ŋį́ nwɔ́ kwələ kulɔ ɲówoɠaa diɛ.

Ɉeremi 13:24

Gáá pai ka hu taɠai yɛ dɛɛ kpoloon, yɛ bələi hvaŋą a gɛ la nɔi pun ɉu.

Ɉeremi 14:12

Daa kɛ hin nɔ, vá nwə́li tɔɔ di wɔ nɛɛmąą hvə woo ɓa. Ə mą kpɛli kɛ daa taatɛlɛɛɠaa kulɔ a haláá mą́ą́, diɛ gɔ́, yili hva níí hon. Kɔ, pulu, da ɲɔ̨n ya ɓə gáá pai di mąą mɛ̨nį kpɛɛi la ɉu.»

Ɉeremi 15:2

Ɛlɛɛ, da kɛ yɛ́: «Minɛ̨ ɓə kwa li laa?» Yá kɛ diɛ: Yai-Laa woo ka, yɛ diɛ: Nui haa pɛ̨ɛ̨i nwuɔ̨, ə li haa pɔ pələ. Nui kɔ́ kɔ́ bowa laa pɛ̨ɛ̨i nwuɔ̨, ə li kɔ́ kɔ́ ɓɔwa pɔ pələ. Nui pulu pɛ̨ɛ̨i nwuɔ̨, ə li pulu pɔ pələ. Nui kɔluwɔlaa pɛ̨ɛ̨i nwuɔ̨, ə li kɔluwɔlaa hu.

Ɉeremi 15:9

Lon ɉinąą mɛ̨ihveelɛ kaa lee, aa kulɔ nwului, vina aa tɔ́n, nwɔ hvólói aa lɛɛ tɔɔni nwun ma, aa kpɛɛ; nwumɛ̨ aa ɲɛ̨i paa, gwəi aa pili mą. Yii ɓaa nu kpəli woloi a lɛɛi, gáá pai dɛɛi ɓɔwa kwɛaa pɔ; ɓɛlɔwai di yowoɠaa kaa pai woloi la diɛ. Ɲą́ą́ Yai-Laa nwóó li!»

Ɉeremi 21:9

Nui pai kɛi daai ŋɛ̨i hu, pulu, ɲɔ̨n walawala, da kɔ́ kɔ́ ɓɔwa, ya ɓə pai baai. Kalde nuą daa kɔ́ pɛlɛ daa ɓa, nui pai kulɔi daai yɛ gbɔwɔ tɛɛ di pɔ, mąą nu a lɛɛ a vulú, nwun na kaa pai nɛ̨ɛ̨i, mąąhɔlɔɓo, gaa pai nwɔ yɛnɛ̨ɛ̨ laa hɔn moi.

Ɉeremi 24:10

Gáá kɔ́ pɛlɛi diɛ, ŋį́ pulu too diɛ, da ɲɔ̨n, əlɛɛ ɉu, di kpɛɛ nɔi ŋɛ̨i hu, yai ŋą́ dɛɛ di pɔ da di nąnni.»

Ɉeremi 42:22

Ka ka kili lɛɛ ɉu, káá diɛ ɓɔwa kwɛa kaa li ku paai, ɛlɛɛ, pulu da ɲɔ̨n. Ɓɛi tii ka káá bɔ ka li laa, ka ka mąą kilɛ laa.»

Ɉeremi 44:27

Gáá ɲɛ̨i ɲɔ̨nwɔ̨ɔ̨ heei káá, gɛ́ ká mɔ̨nɔ̨ ɓo. Ɉuda nuąi heeni Eziptə lɔi hu, di kaa pai haai a kɔ́ da pulu, əlɛɛɉu, gəlee di kpɛɛ.

Ɉeremi 9:15

Gáá pai di taɠa taɠai lɔiɠaa hu, ɓɛi di hvo naa kɔ́lɔn, diɛ man-o di nanii-o, ə lɛɛ ŋį́ kɔ́ hvilɛn di pulu, ə lɛɛ ɉu, di haa.

Ɉeremi 9:16

Mɛ̨nį Kəlee ŋą Hééɓomun Yai-Laa woo ka, yɛ diɛ: Ka ka kiliŋąhiɛ kɛa, ka ɉaa wɔlɔ ɓo nɛ̨ąą təli, yiiɠaa kpɔ di wɛlɛɛ, di pa.

Izikiɛ 12:14

Gwɛlɛ nuą kəlee, mąąkpɛ kɔ́kulááɠaa da nwɔ kɔ́kulááɠaa, gáá pai di taɠa-taɠai lɔi kəlee hu. Yili pulu ŋą́ hvilɛn di pulu a kɔ́ kɔ́ ɓɔwa.

Izikiɛ 14:17

A wala kɛ ti, ŋą́ pa a kɔ́ kɔ́ nɔi ti hu; gɛ́ kɛ diɛ: Ə kɛ a nu, ə kɛ a huwɔ; kɔ́ kɔ́ ɓɔwa ə tɛɛ, ə gəlee paa.

Izikiɛ 14:19

A wala kɛ ti, ŋą́ ɲɔ̨n bɛlɛ́ nɔi ti ɓa; gɛ́ nííholi bɔ, gɛ́ di paa; nu kanŋaa da huwɔɠaa diɛ kpɛɛ ɉu.

Izikiɛ 14:21

Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Izikiɛ 16:42

Gáá pai nwąną kulɔi yɛ́ kpɔ tɛ̨ɛ̨ tɛ̨ɛ̨; yili pulu, vá kɛa tolo kulɔ a yɛ́, ŋą́ níílaa, vá kɛa nííholi.

Izikiɛ 21:22

Ɲą́ą́ gbɛlimąn, gáá ɲee kɛlɛi gee ɓa, gáá nwą́ną́ kulɔi, vá gbɛla pələi. Ɲą́ą́, Yai-Laa, Nwóó li.»

Izikiɛ 24:13

Túwɔ pələ ɲɔ̨n mə a ə́ mąąliɓi, mąąhɔlɔɓo ŋą́ą́ ə́ mąąhəɠə, kɛlaa ə́ mąą hvo həɠə li. Ɛlɛɛ, ə́ mąą hvo pai həɠəi ə́ mąąliɓi hɛn tii yəi. Hvo kɛli ŋą́ níí holi ə́ pɔ, ŋą́ naa kulɔ.

Izikiɛ 33:27

'Kɛ diɛ, Mɛ̨nį kəlee ŋą Hééɓomun Yálá woo ka: Yii kpɔ gáá a vúlu, nuąi tii daa kpoloon ɉu, di kaa pai haai a ɓɔwa kwɛa laa pɔɔ; nui a kɛ yɛɛ kɔwɔ hu, ŋą́ dɛɛ lɔwɔ huwɔɠaa pɔ a di kɔ̨nɔ̨n; nuąi kwɛni woloɠaa hu, lɔwaɠaa hu, lɔi mu, di kaa pai haai a ɲɔ̨n.

Izikiɛ 36:19

Ŋą́ di taɠa taɠa lɔiɠaa hu, di li a diɛ nwea lɔiɠaa hu; ŋą́ di kiti tee di hɔn mąą mɛ̨nį ɓa, da di túwɔ pələ.

Izikiɛ 43:8

Daa di wɔ pɛlɛ́i laaləi kulɔ, nwɔ́ pɛlɛ́i laaləi ɲɛ̨itɔwɔ, di wɔ kpon nwuluɠaai di ɓo nwɛ́iɠaai kwɛlɛ; kwa diɛni ku kpɔn ŋąą pɛlɛ́ nwąną tɔ̨nɔ̨ ɓa. Di náá mąąhəɠɛɛ mąąliɓi, a duwɔ pələ ɲɔ̨nŋaai di kɛi gulɔi; yili ɓə gɛ, gɛ́ di nwun na pili a nwɔ́ liiholi.

Izikiɛ 5:10

Lon-gáá-nuą kaa pai kɛi di lonnii mįi; lonŋąą diɛ di nąnni mįi ə́ wɔ taai ɲɛ̨i hu; gáá pai giti kalai yɛ́, ɛlɛɛ, yɛ́ nuąi gbəlii pai lɛɛi, ŋą́ di hu taɠa taɠa pələ kəlee.

Izikiɛ 5:17

Gáá pai pulu tooi káá, ŋą́ lɔwɔ-huwɔ kpəiɛɠaa ɲąątɔɔ káá, diɛ ka lonnii kulɔ ka yəi; nu paa ɲɔ̨n da ɲąmą di kaa pai həli yɛ́; ɛlɛɛ, gɛ́ kɔ́ kɔ́ ɓɔwa ɲąątɔɔ yɛ́. Ɲą́ą́ Yai-Laa, ɲą́ą́ ɓə mo.

Izikiɛ 5:2

Ə́ ɉeei tɔ̨nɔ̨ kələn daa hɛ̨ąi; ɲələi da kpɛɛ la a gɔ́ həɛ daa ɓa; ə́ ɉeei tɔ̨nɔ̨ həɠə, ə́ ɉu tee a mowa kwɛaa, ə́ daa mąątínɛ̨n na, ə́ doo gee hu. 'Ə́ gbəli taɠa hvaŋą hu, gáá pai ɓɔwa kwəaa kulɔi daa hu di pɔ.

Izikiɛ 6:8

Kɛlaa gáá pai ka taɠaa mąąwɛlikaai; di kaa pai kulɔi a kɔ́ kɔ́ ɓɔwa yee wolo; gɛ́ di taɠa taɠa lɔiɠaa hu.

Izikiɛ 7:15

Gɔ kɔ́ ɓɔwa kaa pai kɛi bələ mɛ̨i, ɲɔ̨n da pulu di ɓo bɛlɛ́n bələ. Nui yɛa, gaa pai haai a kɔ́ kɔ́ ɓɔwa laa pɔɔ; nui tai, pulu da ɲɔ̨n mə pai ɉu kalai.

Izikiɛ 7:3

Ə́ wɔ yɛnɛ̨ɛ̨ aa həli kɛa ɲąąkpɛɛi: Gáá pai níiholii ə́ pɔ, gɛ́ ə́ kiti tee yɛ bələi ə́ tuwo la, gɛ́ ə́ mąąni kɛ yɛ́ ɓowo tuwoɠaai kəlee mąą mɛ̨nį ɓa.

Levetekɔ 26:33

Ka wɛi, gáá pai ka taɠa taɠai lɔiɠaa hu, gɛ́ kɔ́ kɔ́ ɓɔwa kulɔ daai gɛ́ ɉee kaa; ka wɔ lɔi a lɛɛ a lɔi pun, ka wɔ taaɠaai di lɛɛ a taa kpoloon.

Amɔsə 9:4

Ə mą kɛ daa li di yowoɠaa pɔ, daa di kpɔɔ tɛɛ yiliɠaai pɔ a luwɔ, ŋį́ mo di yowoɠaa diɛ, di di paa. Ɲɛ̨́i kaa pai kɛi di mɛ̨i, mɛ̨nį lɛlɛɛ kɛ mɛ̨nį ɓa hvəi, Kɛlaa, mɛ̨nį ɲɔ̨n gɛ mɛ̨nį a diɛ ɓə ɲɛ̨́i heɛi la diɛ.

Amɔsə 9:9

Yiihu, gáá nuą tii, gɛ́ diɛ: Di Israɛlə huwu-huwu ɓo, huwu takpɛliɠaa lɔwai, Di di hu kpɛ, yɛ pələi da hɛnŋąą kpaŋąn na, nɛlɛɛ tɔ̨nɔ̨ kpɛli hva pili, gala yɛ kulɔ ɉu.

Zakari 7:14

Ŋą́ di pili lɔi huwui lɔpee gəlee hu, a ɓɛi di hvo kpɛli kɛ nąą kɔ́lɔn, nɔi hu ə kala di pulu, nu hvo kɛi tɔɔ laa, nu hvo kpɛli kɛi tɛɛ laa, nɔi lɛlɛɛi tii, di mąą pənə a lɔi pun.»

Dutɛrɔnome 28:65

Ɛlɛɛ, ka hvo pai ka kpɔɔ hɔlɔɓoi nu huwuɠaa tii pɔɔli, ɓɛi kpɔ ka ka kɔ́wɔ hvilɛn naa, ka hvo pai nąą kaai. Yai-Laa kaa pai liihɛlɛn ɉeei kaa, yɛ ka ɲɛ̨i koloon kaa ka yee kpiɛ ɲin a mɔ̨nɔ̨ yii ka kili hvo kɛ mą.

M̀ɛni-lɛɛi 6:8

Ɛlɛɛ, ŋą́ ɲɛ̨́i hee, ŋą́ hoo ta kaa dɛɠiɛ mu kwɛlɛɛ. Nui kɛ heeni mɛ̨i, naa ɓaa a: Haa, ɛlɛɛ, ŋąmuątaa ɲɛ̨i kɔw hvilɛn ŋąą bulu. Di mąąlaa tɛɛ di pɔ, yɛnɛ̨ɛ̨ ɓɛlaɓoɔ ɉu nąąn, bələ tɔ̨nɔ̨ mɛ̨i, ə gɛ, di ɉu nuą paa a ɓɔwa kwɛa, a pulu, da lɔi kala ɲɔ̨n, ɛlɛɛ, da lɔwɔ huwɔ huwui lɔpee lɔi mɛ̨i.