Izikiɛ 47:9 - Yálá laawoo hɛɓɛ (dc)

⁹ A kɛ ti kɛa, huwɔi kpɔ a nɔw, di kaa pai di ɓuwuɓoi; diɛ ɓalo ɓɛi lɔpee ɲálee tii kaa pai tɛɛi laa. A kɛ ti, hɔ̨nwɔ̨lee kaa pai ɓuwuɓoi, mąąhɔlɔɓo, ɲá kaa pai həlii laa, ɛlɛɛ, gboloyá hu yá kaa pai nɛ̨ɛ̨i. Ɓɛi lɔpee ɲai tii kaa pai həlii laa, hɛnŋaa kaa pai ɓaloi laa.

Yálá laawoo hɛɓɛ

⁹ A kɛ ti kɛa, huwɔi kpɔ a nɔw, di kaa pai di ɓuwuɓoi; diɛ ɓalo ɓɛi lɔpee ɲálee tii kaa pai tɛɛi laa. A kɛ ti, hɔ̨nwɔ̨lee kaa pai ɓuwuɓoi, mąąhɔlɔɓo, ɲá kaa pai həlii laa, ɛlɛɛ, gboloyá hu yá kaa pai nɛ̨ɛ̨i. Ɓɛi lɔpee ɲai tii kaa pai həlii laa, hɛnŋaa kaa pai ɓaloi laa.

Bible

⁹ À kɛ̀ ti, ƃɛ́i ǹyái a pâi ɣilîni é lí naai, fúlu-sãa da pâi kɛ̂i zu díkɛ sìa-sia zu díkɛ díkɛ̀-ɣeniɛi kɛ̀ naa. Nyɛ̃ɛ támaa a pâi kɛ̂i zu. Ǹyái ŋí a pâi gɛ̂i Ǹyuo-saai é kɛ́ a yá lɛ́lɛɛ. Ǹyaŋ, ƃɛ́i kélee a pâi ɣilîni naai, a pâi gɛ̂i fúlu-laa é kɛ́ naa.

Izikiɛ 47:9 ပူးပေါင်းရင်းမြစ်များ

Mąątɛ̨nɛ̨ 103:3

Ya ɓə a ə́ hɔn gəlee mąąhvaalɛɛ kpɔ tɛ̨ɛ̨tɛ̨ɛ̨, yɛ ə́ mąą ɲɔ̨n gəlee kpɛɛ.

Mąątɛ̨nɛ̨ 78:16

Ə tɛɛyáɠaa kulɔ kwɛni kpuwulu hu, ɲáɠaa diɛ laa yɛ yálee.

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Azaya 12:3

Ka káá pai yá haɠai a kwəinɛ̨ɛ̨, nu ɓaloyá nwun gulɔi.

Azaya 30:26

Ɲąnin gaa pai kɛi lən ɉi yɛ hvóló, hvóló lən yɛ kɛnɛ̨ geemɛ̨i mɛ̨ihveelɛ, yɛ kɛ yɛ hvóló mɛ̨ihveelɛ ŋą kɛɛ pɔ̨nɔ̨ a pɛlɛ gee ɓa, gaa pai kɛi tii a ɓɛlɔwai Yai-Laa kaa pai nwɔ nuąi di wɔ palaɠaai hali kɛi la, di haɠai di mo, yɛ bala hali kɛ.

Azaya 49:12

Di kaa pai; di kaa həɠəi kwɛaalaɠaa, daɠaa diɛ həɠə ɲələi pələ, da hvóló tooi pələ, dakpɛliɠaa diɛ həɠə Asuan lɔi hu pələ.

Azaya 55:1

Kaai kpɔ kpələ wɛli kaa kaa, 'ka pa ya kɛɛnąą; ə mą kɛ nu ta kaa laa wali hvo ɲəi, ka pa lɔ, 'ka kɔ̨nɔ̨n vɛli, ka ka laa mįi, 'ka pa ka ka kpələ, yɛ ə kɛ a lɔɔ a wala kɛti nįŋɛ̨ ɲįnįya; wali mɛ̨nį hvo ɉu, hɛn da ya mɛ̨nį hvo ɉu.

Zakari 2:11

Siɔn, yɛ́i ŋɛ̨i heeni Babilonə, 'ə muhəɠə, 'pu.

Ɉaan 14:19

Ɉu hvo kɛa kwɛa li, yɛnɛ̨ɛ̨ nuą di hvo pai kɛa gáái, kɛlaa, ka wɛi, ka káá pai gáái mąąhɔlɔɓo, gáá a vúlú, kaa kpɛli ka káá pai kɛi a ka hulu.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 3:16

Mąąhɔlɔɓo, Yálá aa yɛnɛ̨ɛ̨ nuą wɛli la kɛ kpɔ kɛnɛ̨, hvo kɛli ə Non ɉulɔnu tɔ̨nɔ̨ gbən kwɛlɛ, ya ɓə ə gɛ, nui lɔpee a laa na, nwun na hva pili. Kɛlaa, a yɛnɛ̨ɛ̨ kpɛɛ hvo mą hɔlɔɓo Yálá yei.

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Ɉaan 5:25

A tɛ̨ą, a tɛ̨ą kpɔkpɔɔ gáá moi kaa: gaa pai kɛi a yələ ta, aa gbɛa mun həli, Yálá Lon nwoo a too hąąuą wəlii; yiiɠaa da mąn, da ɓalo.

Ɉaan 6:63

Kili a nu kɛ a vulú, kɛlaa, nu hvo ɓaa hɛn da. Nwooɠaai ŋɛ̨i ŋį́ mo kaa ya ɓə gaa a Kili da yɛnɛ̨ɛ̨.

Gɛlaɠaa 2:41

Nuą tamąą di di yee hee Piɛrə woo mu, di di mąąwaa. Volói ti, nu waa haaɓa ɲɔ̨nwɔ̨mąn ə hɔlɔɓo; ə pɛlɛ galan nɛa diɛ.

Gɛlaɠaa 2:47

Di kɛi Yálá hɛɠɛɛɓo di wɛli yɛ ɓo nu kəlee ɓa. Hvóló kəlee, Ną́mu Yálá ə kɛi laa na nuą ta pɛlɛ ma.

Gɛlaɠaa 21:20

Yii kɛa di nwooɠaai ti mɛ̨n, di Yálá hɛɠɛɛɓo yili pulu diɛ Polə ɓa: «Yáá gaa, Ɉuifə kpulu tamąą daa kɛ a laa na nuą, ə mą kɛ ti, di kanąnŋąa ni Moisə nwɔ́ tɔ́n ɓa.

Gɛlaɠaa 4:4

Nuąi galan nwoo mɛ̨n, di damąą di laa Jesus la, di lononŋąą a pɛli nu waa lɔɔli kulɔi.

Gɛlaɠaa 5:14

Ɛlɛɛ, hinąą mąn, nɛ̨ąą mąn di kɛli too di a di kpulu kɛnɛ̨ɛ̨, a laai di kɛli mo Ną́mu la.

Gɛlaɠaa 6:7

Yálá lawoo ə kɛi taɠa kɛɛnąą kəlee, kalan nɛa kpulu hu yɛ kɛnɛ̨ Ɉerusalɛmə, ɛlɛɛ, ɉaláá laa həli nuą tamąą diɛ di yee hee Jesus mąą mɛ̨nį mu.

Lomaŋ 8:2

Mąąhɔlɔɓo, Kili nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Korɛntə dɔlɔɔ 15:45

Yɛ bələi bɛ̨ɛ̨ la, yɛ mą: «Nu tɔlɔɔ, Adamə, nu kɔ́lɔ ə kɛ mą, nɔ̨ɔ̨ yɛ ɓo ɉu», kɛlaa, Adamə gbɛlamąą, gaa a Yálá-taa mun, ɛlɛɛ, yɛ yɛnɛ̨ɛ̨ tɛɛ nu kanŋaa pɔ.