Izikiɛ 47:16 - Yálá laawoo hɛɓɛ (dc)

¹⁶ Hamatə, Berotai, Sivraimə, yai tii Damasə lɔi da Hamatə lɔi di lɔwai. Haserə, Tikɔn yai tii Hauran lɔi pɔ pələi.

Yálá laawoo hɛɓɛ

¹⁶ Hamatə, Berotai, Sivraimə, yai tii Damasə lɔi da Hamatə lɔi di lɔwai. Haserə, Tikɔn yai tii Hauran lɔi pɔ pələi.

Bible

¹⁶ È sìɣe Zida taa-leei ma é tóo Bɛlota da Sibuaŋ taa-lee-ŋai dîa nyii-ŋai díkaa Dɛmɛika da Ama kaloŋ-lɔii-ŋai loai. È síɣe naa é lɛ́ɛ la zu é seri Tikɔŋ taa-leei mâ nyii gáa gɔyɛŋ perei ma Auraŋ lɔii kpiniŋ sûi.

Izikiɛ 47:16 ပူးပေါင်းရင်းမြစ်များ

Zɛnɛse 14:15

Abramə ə nwɔ nuą ŋąą kwɛlɛ a kpulu heei tamąą, di pɛlɛ di yowoɠaa diɛ a kpinį. Di dɔɔɓɛlaa paa, di hvilɛn nu kpəliɠaa pulu, di lɛɛ di pulu, ə lɛɛla ɉu di li Hova daai yii gaa Damasə taa ɲánwuɔ̨ pələ.

Samia Veerɛi 8:8

Davidə ə ɓala kwɛli həɠə kpɔ kɛnɛ̨ Bɛta daai da Berotai daai, daaɠaai tii di kɛ a Hadadɛzɛrə nwɔɔ.

Tɔɔɓɛlaa dɔlɔɔ 8:65

Ɲąnin mɛ̨ihveelɛ yələ ɓə Salomɔn ə ɉɛli pu la da Israɛlə nuą, ə kɛ a ŋąąkpɔn gɛnɛ̨. Ə həɠə Lebo-Hamatə ə li Eziptə, nuą di kɛi həɠə nąą kəlee. Di kɛ Yai-Laa ku wɔ Yálá lííla hvóló mɛ̨ihveelɛ yee mu, di pənə di hvóló mɛ̨ihveelɛ laa mɛ̨i.

Kɔlɔnikɔ Maa-ŋuŋ 18:5

Aramə nuąi kɛ Damasə, di pa kpɔnmąą tɛɛ Sova tɔɔmun Hadadɛzɛrə pɔ. Kɛlaa Davidə ə nu waa pow hveelɛ kɔ́w hveelɛ paa Aramə nuą lɔwai.

Azaya 10:9

Kɛlɛi Kalno aa kɛ kɛa yɛ Karkemisə Hamatə ə ɓo yɛ Arpadə, Samari ə ɓo yɛ Damasə?

Izikiɛ 27:18

Ɉɛn ɉuwu tamąąi ə́ kɛli di pɛli, Damasə ə kɛi mɔlɔmun ɲa ə́ yəi; ə kɛi ɲa ə́ yəi a Hɛlbɔn lɔɔ da Saharə yeehvunwɔ̨.

Izikiɛ 47:17

A kɛ ti, nɔi ɲɛn gaa pai həɠəi gboloyá ɓa, ə həli la Hasarə-Einan ɓa, Damasə lɔi da Hamatə lɔi diɛ lɛɛ ɲələi pələ. Ɲələi pələ nwɔ ɲɛ̨n ka ti.

Izikiɛ 47:18

Voló kulɔi pələ nwɛi, ka gɔɔn Hauran da Damasə di lɔwai; Galaadə da Israɛlə di lɔwai, Ɉurdɛn a kɛ a nɔi ɲɛn ə həli la gboloyái tii voló kulɔi pələ mą. Voló kulɔi pələ nwɛi ka tii.

Izikiɛ 47:20

Gboloyá pɔ pələ, ə həɠə gboloyá kɛnɛ̨ɛ ɓa, ə həɠə ɉɛɠɛɛ pələ nɔi ɲɛn ma, ə həli la Lebo-Hamatə tənən ma. Gboloyá pɔ pələ, ɲɛ̨n ga ti.

Izikiɛ 48:1

«Nu huwuɠaa laa ka, ə həɠə kpɔ ɲələi pələ, ə hvilɛn Hɛtlɔn pələi ɓa, a bələi tii lii Hamatə pələ, da Hasarə-Einan, Damasə lɔi yɛ lɛɛ ɲələi pələ; Hamatə kwɛlɛ, da wolo yɛ li voló ɓɛlai bələ, da gboloyá pɔ pələ, Dan nwɛi li.

Amɔsə 6:14

Yili ɓə gaa mą, ɲą́ą́ Yai-Laa Mɛ̨nį Kəlee ŋą Hééɓomun Yálá, mɛ̨nįi gáá pai gɛi a Israɛlə nu huwu, ya ka: Gáá pai lɔi takpɛli hu nuą lii muhəɠəi, di kɔ́ pɛlɛ kaa, di kaa pai mɔ̨nɔ̨ laai ka mɛ̨i, ə həɠə Lebo-Hamatə ka wɔ lɔi ɲɛn ɉu, ɲələi pələ, ə yɛɛ la, Ɉurdɛn ɲa-ɓoloon bɔ.

Zakari 9:2

Ə mą kɛ, Hamatə, yai gaa Damasə kwɛlɛ, da Tirə, da Sidɔn, a gilimąą taaɠaai tii.

Lonon mo 13:21

Nuąi tii di tɛɛ diɛ li nɔi mąąkpɛɛi. Ə həɠə Sin nɔi pun ma, ə həli la Rehɔvə, Lebo-Hamatə kwɛlɛ.

Lonon mo 34:8

Ə həɠə Hɔrə yee ɓa, ka ka ɲɛn naa, ka ɉəli Lebo-Hamatə ɓa. Ka ɲɛn gaa pai hvilɛn ɉii Sedadə ɓa.

Gɛlaɠaa 9:2

ə hɛɓɛ́ hu hvɛli ɉaláá laa həli mun gɛnɛ̨ ɓa, yɛ pɛli lɔi la Yálá hvɛli pɛlɛ́ɠaa mu Damasə. Ə gɛ, a nuą kaa laa di ɓo bələi ti mɛ̨i, ə kɛ a hulɔnu, ə kɛ a nɛ̨ɛ̨nu, ə di hon, ə pa a diɛ Ɉerusalɛmə, a di yili.