Izikiɛ 46:20 - Yálá laawoo hɛɓɛ (dc)

²⁰ yɛ mą́ą́: «Gɛɛnąąi ŋɛ̨i ɓə ɉaláá laa həli nuą kaa pai kɛi Yálá kɔ́ haláá, da nɛ̨ŋɛ̨n gulɔ haláá huwɔɠaa yilii laa. Yii nwɔ̨nɔ̨ da Yálá kɔ́ la, diɛ ɲili laa; di hva kulɔ a da ɲɛnɛ̨ɛ̨ pələ ɲiman mu. Yili a nee nɔi lonnii mąąhəɠə.»

Yálá laawoo hɛɓɛ

²⁰ yɛ mą́ą́: «Gɛɛnąąi ŋɛ̨i ɓə ɉaláá laa həli nuą kaa pai kɛi Yálá kɔ́ haláá, da nɛ̨ŋɛ̨n gulɔ haláá huwɔɠaa yilii laa. Yii nwɔ̨nɔ̨ da Yálá kɔ́ la, diɛ ɲili laa; di hva kulɔ a da ɲɛnɛ̨ɛ̨ pələ ɲiman mu. Yili a nee nɔi lonnii mąąhəɠə.»

Bible

²⁰ È mò ḿâ ǹyɛɛi, “Gwaai ŋí ma ƃé zâla láa-soŋ-ƃelai da pâi kɛ̂i zɔnyɔ̂ŋ sala-sãai da sɔnyɔ̂ŋ su-mɛni lɛ̂ɛ sala-sãai ɣîlii naa. Gwaai ŋí ma ƃé da pâi kɛ̂i m̀ii-sɛŋ sala-sãai ɣelêŋ-nii naa a gɛɛ dífa lâa kula lâ a dia ziɣãŋ kɛ́tɛi su a gɛɛ núu da a lɛ̀ɣɛ ma dɛ̂i pere é sɛŋ sóli ma.”

Izikiɛ 46:20 ပူးပေါင်းရင်းမြစ်များ

Kɔlɔnikɔ Veerɛi 35:13

Di pakə ɓɛlaa lon mɔ̨n, yɛ bələi mąąnɛ̨ɛ̨ ə kɛ la. Yii ɓaa gɔ̨nɔ̨n ɲiiɠaa tii, di ɲili kwɛli-ləɠíɠaa hu, awala kɛ tii ləɠikpɛliɠaa hu. Di da həɠə a gilɛ, di li la nɔi lonnii pɔ.

Lɛɛ gbɔwɔ ɓa 29:31

Yá nuą hee ɓɛlaa hilɛ həɠə, ə ɉuwɔ yili kɛɛnąą mąąhəɠɛɛ ɓa.

Izikiɛ 44:19

Da kɛi kulɔ ɲiman mu ɲɛnɛ̨ɛ̨ pələ, nuą pɔ pələ, ɉəɠəɠaai tii kɛ di kwąną diɛ ɉaláá kulɔ lai, mąąnɛ̨ɛ̨ di di kulɔ di kwąną; di di laa gɛɛnąą mąąhəɠɛɛ nąą ta. Di həɠə takpɛliɠaa həɠə, di hvo pa ləi nuą mąąhəɠə a di mąąhəɠəɠaa.

Izikiɛ 44:29

Ɉɛnŋaai da gɔ́ la: nɛ̨ŋɛ̨n mąąhvaalɛɛ haláá huwɔ, da nu pɔɔ ŋą pɛli haláá huwɔ, diɛ ɓə pai kɛi mįi. Hɛn lɔpee mąąnɛ̨ɛ̨ ə kɛ a nwɔ́ɔ́ Israɛlə lɔi hu, di wɔɔ li.

Izikiɛ 46:21

Ə gúlɔ ɲɛnɛ̨ɛ̨ pələ ɲiman mu, ku tɛɛ ɲiman ɉonwon ɉu nąąn gwɛlɛ, ɉoŋon ɉu ɉeei tɛi tɛi kwɛlɛ, kwəli hɛ̨ą ə kɛ laa.

Izikiɛ 46:24

Nui tii yɛ mą́ą́: «Nəɠi yiliiɠaa ka, ɓɛ ɓə Yálá hee pɛlɛ́ mu kóló kɛ nuą kaa pai kɛi nɔi lonnii di wɔ haláá hɛnŋaa yilii laa.»

Levetekɔ 2:1

«Nu ta a kɛ bɔ ə Yai-Laa kɔ́ a hɛn da, ɉɛn tii mąąnɛ̨ɛ̨ ə kɛ a lɛɠɛ hunwɔ̨, ə wulɔ pu mą, ə lansan kpɛŋɛn mɛ̨i.

Levetekɔ 2:10

Ɉaláá hɛn gbəli a kɛ a Aarɔn da nonnii di wɔɔ. Kɔ̨nɔ̨n mąąhəɠɛɛ ka tii, mąąhɔlɔɓo, Yai-Laa nwɔ haláá hɛn di gələn da li.

Levetekɔ 2:3

Ɉaláá hɛn gbəlii a lɛɛ, gaa a Aarɔn da nonnii di wɔɔ, gaa a kɔ̨nɔ̨n mąąhəɠɛɛ, mąąhɔlɔɓo, Yai-Laa nwɔ haláá hɛn di gələn, da ka tii.

Zakari 14:20

Mąą yələi tii, di kaa pai bɛ̨ɛ̨i ɉoo kwaną talanənŋaa diɛ, diɛ kɛ mą: «Naakwəlan moɔi Yai-Laa ɓa.» Yai-Laa yəi bɛlɛ́n gwɛli ləɠiɠaa kaa pai kɛi yɛ, nuą mąąhəɠə gəgənŋaa ɉaláá kulɔi lííla.