Izikiɛ 46:16 - Yálá laawoo hɛɓɛ (dc)

¹⁶ «Mɛ̨nį kəlee ŋą Hééɓomun Yálá woo ka; yɛ: Dɔɔmun a nwɔ lɔi ta mɛ̨inɛ̨ɛ̨ kɛ non da ɓa, mɛ̨inɛ̨ɛ̨ tii a kɛ a non tii kwɛlin; ɉɛn tii a lɛɛ kɛa nui tii kpɔɔ-kpɔɔ lonnii yəi, a lɛɛ a di wɔɔ a yələ kəlee mɛ̨nį.

Yálá laawoo hɛɓɛ

¹⁶ «Mɛ̨nį kəlee ŋą Hééɓomun Yálá woo ka; yɛ: Dɔɔmun a nwɔ lɔi ta mɛ̨inɛ̨ɛ̨ kɛ non da ɓa, mɛ̨inɛ̨ɛ̨ tii a kɛ a non tii kwɛlin; ɉɛn tii a lɛɛ kɛa nui tii kpɔɔ-kpɔɔ lonnii yəi, a lɛɛ a di wɔɔ a yələ kəlee mɛ̨nį.

Bible

¹⁶ Ŋ̀wála-wâla kélee Yâwɛɛ è mò ǹyɛɛi, “À kɛ̀ gâloŋ a ŋɔlɔii da tɛ̀ɛ ǹônii-sinaai da pɔ́ a bɔ́ɔ, a pâi kɛ̂i a bɔ́ɔ. Kpɛ́ni fêi, gáa a ǹúu-suui pɔ́ɔ.

Izikiɛ 46:16 ပူးပေါင်းရင်းမြစ်များ

Kɔlɔnikɔ Veerɛi 21:3

Di nąn ə di wɔɔ yɛnɛ̨ɛ̨ laa hɔn mo hɛn dɛɛ di pɔ, a hɛni, da hɛn mąąwiɛɛɠaa, ə bɛlɛ kɔ́ taaɠaa diɛ Ɉuda lɔi hu. Kɛlaa, ə dɔɔlaa tɛɛ Yoramə pɔ, mąąhɔlɔɓo, ya ɓə kɛ a nu pɔlɔ.

Mąątɛ̨nɛ̨ 37:18

Yai-Laa ə kwəi kwələ nuą di wɔ hvólóɠaai kɔ́lɔn, di kwɛlin a lɛɛ laa kpɛɛ hva kɛ mą.

Izikiɛ 45:7

Dɔɔmun nwɔ lɔi a kɛ gɛɛnąą mąąhəɠɛɛ da daa nwɔ lɔi di lɔwai, ə ɓo bələ hveelɛi ɓa, nąą ta ə ɓo gɛɛnąą mąąhəɠɛɛ ɓa, da daa nwɛi. Ɲɛ̨i a kɛ a ɉeɛ vóló kulɔi pələ, bələ tɔ̨nɔ̨ ɲɛ̨i heɛ vóló tooi pələ. Gwɛa pələ a kɛ yɛ pɛlɛ tɔ̨nɔ̨ nwɛi; ə həɠə gboloyá ɓa, ə həli la nɔi ɲɛn ma voló kulɔi pələ.

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Lukə 10:42

Kɛlaa mɛ̨nį yii viɛlaɓoɔ, ya ka ŋɛ̨i Mari aa ɉəɠə ɉu, nu ta hva pɛli yili kulɔi ɲəi.»

Galatə 4:7

Hvó kpɔ kani kɛa a luwɔ, kɛlaa, ə́ káá a Yálá lon, ɛlɛɛ, ə́ kɛɛ mɔ̨ɔ̨ a Yálá lon, ə́ káá lɔ nwɔ̨nɔ̨ a kwɛlin ɉəɠəmun. Yálá kɛ mɛ̨nį li.