Izikiɛ 46:12 - Yálá laawoo hɛɓɛ (dc)

¹² Ɲələi tɔɔmun a lɛɛ la gbɔwɔ ɓa, yɛ kɛ ə haláá kulɔ a Yai-Laa ɓa, yɛ ə kɛ a, haláái da gəlee kələn, a wala kɛ tii, a liilaa haláá, gbon tii ɲɛ̨i heɛ voló kulɔi pələ, da naaɓo dɔwɔ; ə nwɔ haláái da gəlee kələn, da nwɔ liilaa haláái kulɔ, yɛ bələi a gɛ la a vįitɔɔ yələɠaa. Yili pulu, ə kulɔ, a kulɔ kpɔlɔ, di bɛlɛ́ laa kpulu.

Yálá laawoo hɛɓɛ

¹² Ɲələi tɔɔmun a lɛɛ la gbɔwɔ ɓa, yɛ kɛ ə haláá kulɔ a Yai-Laa ɓa, yɛ ə kɛ a, haláái da gəlee kələn, a wala kɛ tii, a liilaa haláá, gbon tii ɲɛ̨i heɛ voló kulɔi pələ, da naaɓo dɔwɔ; ə nwɔ haláái da gəlee kələn, da nwɔ liilaa haláái kulɔ, yɛ bələi a gɛ la a vįitɔɔ yələɠaa. Yili pulu, ə kulɔ, a kulɔ kpɔlɔ, di bɛlɛ́ laa kpulu.

Bible

¹² “A kɛ̀ gâloŋ a ŋ̀wɛ̂lii é gula ǹíi-su sâla kula ḿɛni ma, nyii gáa kéreŋ-salai kpaa lii-see-salai, gɛ̀ ní ká ziɣãŋ nyii ǹá kulâi vóloi kulâi perei lá ƃó m̀ɛni ma. À kɛ̀ tí, a pâi ŋɔkéreŋ sâlai, kpaa máŋ ŋɔlii-see salai kulâi nɔ́ yɛ̂ɛ berei a sâla kùla la a Vii-tɔɔ-ɣelei. Ǹyaŋ à kɛ̀ tí a pâi kulâi dí gbôŋ lá tɛ́.”

Izikiɛ 46:12 ပူးပေါင်းရင်းမြစ်များ

Tɔɔɓɛlaa dɔlɔɔ 3:4

Yələ ta, tɔɔmun ə li Gabaɔn, ə gɛ ə haláá kulɔ laa, mąąhɔlɔɓo, nąą ɓə kɛ a nuą di wɔ haláá kulɔi walawala. Haláái da gəlee kələn Salomɔn ə yili ɲɔ̨nwɔ̨mąn nwaa tɔ̨nɔ̨ kulɔ laa Yai-Laa ɓa.

Kɔlɔnikɔ Maa-ŋuŋ 29:21

Bulu ɓa yələ laaɓɔɔ di haláá kulɔ Yai-Laa ɓa, a haláá hɛnŋąąi da gəlee kələn: Nįŋɛ̨ hilɛ waa tɔ̨nɔ̨, ɓɛlaa hilɛ waa tɔ̨nɔ̨, ɓɛlaa lonnii waa tɔ̨nɔ̨, da nɔɔi mąąnɛ̨ɛ̨ di bu nɔi ɓa; di haláá tamąą kulɔ Israɛlə kəlee mąą mɛ̨nį ɓa.

Kɔlɔnikɔ Veerɛi 29:31

Ezekiasə ə bələ həɠə, yɛ nɔi lonnii diɛ: «Ə həli káá! Kaai kpɔ ka yee laa hvɛɛ a Yai-Laa kɔ́ hɛn, 'ka ká mąąlɛɠɛ ɓɛ, 'ka pa a haláá hɛn, a kɔ́ɓo hɛnŋąą Yai-Laa nwɔ pɛlɛ́i mu.» Nɔi lonnii di pa a haláá hɛnŋąą da naa gwəi mɛ̨inɛ̨ɛ̨, nuąi kpɔ di lii nɛ̨ɛ̨i kɛ di kwəi, di kɛi pa a haláá hɛnŋąą da gəlee kələn.

Kɔlɔnikɔ Veerɛi 5:6

Tɔɔmun Salomɔn da Israɛlə nuą di ɲąąkpɔnŋąąi kɛ mįnɛ̨ kəhi kwɛlɛ, di taatɛlɛɛ kpɛa-kpɛaa da bɛlɛɛɠaa kulɔ a haláá, gbulu hu kɛnɛ̨ɛ̨, nu ɲɛ̨i yɛ hvɛɠɛ mą, hva pɛli lonon ɉii.

Ɛsdrasə 1:4

Ɓɛi lɔpee Israɛlə nuą heeɛ kaa laa, nuąi di kaa gɛɛnąąɠaai tii ɓa, a nɔi lonnii, mąąnɛ̨ɛ̨, di kpɔnmąą tɛɛ Israɛlə nuą pɔ, a wali, hɛni, da taatɛlɛɛɠaa, ə mą kɛ mɛ̨inɛ̨ɛ̨ lɔpee a too di yei, yii da pɛli di Yálá nwɔ pɛ́lɛ́i tɔɔ la Ɉerusalɛmə daai.»

Ɛsdrasə 3:5

Yili pulu, haláá hɛn yii da gəlee kələn, yii di kɛi gulɔ a kwɛlan gəlee, ɲąnin dɔɔ nįnɛ̨ mąą mɛ̨nį ɓa, di yili kɛ, da Yai-Laa mąąwiɛ hɛli kəlee, ə mą kɛ, a nuąi kɛi naagwəi mɛ̨inɛ̨ɛ̨ kɛ Yai-Laa ɓa.

Ɛsdrasə 6:17

Yálá nwɔ pɛ́lɛ́i tii laa ɓo mɛ̨nį hu, di nįŋɛ̨ hilɛ nwundɔ̨nɔ̨, ɓɛlaa hilɛ nwun veelɛ ɓɛlaa lonnii nwun nąąn kulɔ a haláá. Ɛlɛɛ, di ɓoli hilɛ pow kɔ́w hveelɛ kulɔ a haláá, Israɛlə huwu pow kɔ́w hveelɛi kɛ nɛ̨ŋɛ̨n maahvaa lɛɛ mɛ̨nį ɓa.

Izikiɛ 44:1

Ɉulɔnui tii ə pənə ə pa a ɲą́ą́ bɛlɛ́ mąąhəɠɛɛ mu, bɛlɛ́ laaləi tii gaa ɉu pələ nií la, yai ti ɲɛ̨i həɛi voló ɓɛlai pələ, naa kpulɔɔi kɛ.

Izikiɛ 44:3

Kɛlaa tɔɔmun nwɛi, yɛ bələi gaa la a tɔɔmun, nąą ɓə gaa pai heei laa yɛ kɔ̨nɔ̨n mįi Yai-Laa lííla. Gaa pai kɛi lɔi a ɲimɛn mu pɛlɛ laaləi pələ, yɛ kulɔ a bələ yii ti.

Izikiɛ 45:17

«Dɔɔmun nwųɔ tiɛ̨ ɓaa; haláá da gəlee kələn, Yálá kɔ́ haláá, nwulɔ da nɔɔ, a ɉiɛ kulɔ yələɠaa; a ɲąnin nįnɛ̨ hɛli yələɠaa, Israɛlə nwɔ pɛlɛ́i nwɔ hɛli yələɠaa kəlee. Ya ɓə a nɛ̨ŋɛ̨n mąąhvaalɛɛ haláá kulɔ, da gɔ́ mɛ̨nį, da kwɛli hvilɛn mɛ̨nį ma, da nii laa haláá; diɛ Israɛlə nwɔ pɛlɛ́i mąąhəɠə la.

Izikiɛ 46:8

Dɔɔmun nɔi lɔwai, a lɔ a bɛlɛ́ laaləi ɲiman mu pələ, a kɛi kulɔ, a kulɔ lɔ nwɔ̨nɔ̨ nąą pələ.

Levetekɔ 1:3

«Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Levetekɔ 23:38

Yili a kulɔ ɉu, ka ka kili lɛɛ túwɔ́ yələ mąą tɔ́n hon bələ hu, yai gaa a Yai-Laa nwɔɔ; ə mą kɛ a Yálá kɔ́ hɛnŋąą ka di laakwɛlanmo, ɛlɛɛ, yiiɠaai ka gulɔ Yai-Laa ɓa a naa gwəi haláá, ka ɉaláá hɛnŋąą tii kəlee pɛlɛ gee ɓa ka naa həli a mąą yələ.

Levetekɔ 7:16

«Nui a naa gwəi, yɛ gaa Yálá kɔ́i a taatɛlɛɛ ta, da ɉaláá huwɔi tii mįi a ɲələi da naa həli la, gbəli a lɛɛ, da pɛli di mįi a bulu ɓa yələ laa ɓɔɔ.

Lonon mo 29:39

«Ɉɛn mąąnɛ̨ɛ̨ ka Yai-Laa kɔ́ la a volóɠaai di ɉee kaa, ya ka tii. Ɉalááɠaai ka ka woo kwɛlɛ la, ɉalááɠaai ka gulɔ lɔ a ka kwəinɛ̨ɛ̨ pələ. Halááɠaai da gəlee kələn, nɛɠɛ hunwɔ̨ halááɠaa, nɔɔi ka bu da niilaa halááɠaa, yaa li.»

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.