Izikiɛ 46:1 - Yálá laawoo hɛɓɛ (dc)

¹ Mɛ̨nį kəlee ŋą Hééɓomun Yálá woo ka, yɛ: Bɛlɛ́n bələ, ɲiman mu, kpon tii ɲɛ̨i heɛ voló kulɔi pələ, naa a kɛ a gbulɔɔ, góló kɛ hvóló mɛ̨idai yeemu; kɛlaa, da naaɓo a vįitɔɔ yələ. Da naaɓo lɔ nwɔ̨nɔ̨ a ɲąnin dɔɔ nįnɛ̨.

Yálá laawoo hɛɓɛ

¹ Mɛ̨nį kəlee ŋą Hééɓomun Yálá woo ka, yɛ: Bɛlɛ́n bələ, ɲiman mu, kpon tii ɲɛ̨i heɛ voló kulɔi pələ, naa a kɛ a gbulɔɔ, góló kɛ hvóló mɛ̨idai yeemu; kɛlaa, da naaɓo a vįitɔɔ yələ. Da naaɓo lɔ nwɔ̨nɔ̨ a ɲąnin dɔɔ nįnɛ̨.

Bible

¹ Ŋ̀wála-wâla kélee Yâwɛɛ è mò ǹyɛɛi, “Ziɣãŋ su-pere siɣaŋ ŋɔkpôŋ nyii ǹá-ƃerei kulâai vóloi kulai perei é kɛ́ a ǹá tɛ́ɛ a vólo lɔ́ɔlu mɛi dai nyii ka pâi kɛ̂i tíi kɛ̂i lai. Kɛ́lɛ ka ǹá ƃó a vóloi ǹɔ́ɔlu mɛi feerɛ ɣelei da ŋ̀áloŋ-ninai ŋɔkúui ŋ̀ele.

Izikiɛ 46:1 ပူးပေါင်းရင်းမြစ်များ

Zɛnɛse 3:19

Ya wala hvɔnɔ̨ ya tee ə́ tɔwɔla, hva kɔ̨nɔ̨n ɉɔlɔɓo, ɛlɛɛ ɉu, ə́ tinɛ̨n ə́ too pɔlɔ hu, ɓɛi di ə́ kulɔ laa. Hvo gaai, pɔlɔ ɓaa yɛ́, mąąnɛ̨ɛ̨, ə́ pənə ə́ too pɔlɔ hu.»

Kɔlɔnikɔ Maa-ŋuŋ 9:18

Háá ɓaa háá, diɛi tii di huwu ɓə bɛlɛ́ laaləi pələ. Di kaláɓɔlɔ ɓə wɔlɔ kɛ Levi lonnii di wɔ ɓiwui hu ɉíí la.

Lɛɛ gbɔwɔ ɓa 20:9

'Ya ə́ mąą kóló kɛ hvóló mɛ̨ida yee mu.

Azaya 66:23

Yai-Laa woo ka, yɛ diɛ: Nu huwu kəlee kaa pai pai ɓɛ, diɛ di woo tɛ bɔ́ pələ, a ɲąnin dɔɔ pələ tɛitɛi, da túwɔ́ hvoló tɛitɛi, ɛlɛɛ, yili kaa pai kɛi, hva ɉəɠə mą.

Izikiɛ 10:3

Ɓɛlɔwai ɉulɔnui tii ə kɛi lɔ la laa, kɛnaa mąąkpɛ malakaɠaa tɔɔi kɛ bɛlɛ́ mamįiyee hu pələ, ɓɛi nuą di kɛi hee laa, tulɔ kpinį ə nąą laahvɛɛ.

Izikiɛ 40:19

Ə həɠə bɛlɛ́ laaləi ɉu pələ ɓa, ə həli la ɓɛi nuą da kɛ tɔɔi laa ɲɛnɛ̨ɛ̨ pələ, di nąą kɔ́ɔn ə ɓo a yee tɔɔɉu nwun dɔ̨nɔ̨. Voló həɠəi pələ nwɛi ka tii.

Izikiɛ 43:1

Ə li a ɲą́ą́, bɛlɛ́ laaləi yii tii kɛ ɲɛ̨i heɛ voló kulɔi pələ.

Izikiɛ 46:12

Ɲələi tɔɔmun a lɛɛ la gbɔwɔ ɓa, yɛ kɛ ə haláá kulɔ a Yai-Laa ɓa, yɛ ə kɛ a, haláái da gəlee kələn, a wala kɛ tii, a liilaa haláá, gbon tii ɲɛ̨i heɛ voló kulɔi pələ, da naaɓo dɔwɔ; ə nwɔ haláái da gəlee kələn, da nwɔ liilaa haláái kulɔ, yɛ bələi a gɛ la a vįitɔɔ yələɠaa. Yili pulu, ə kulɔ, a kulɔ kpɔlɔ, di bɛlɛ́ laa kpulu.

Izikiɛ 46:3

Nɔi lonnii da pɛlɛ di liiɓa Yai-Laa lííla, bɛlɛ́ laaləi tɔ̨nɔ̨i tii ɓa, a vįitɔɔ yələɠaa, da ɲąnin nįnɛ̨ yələɠaa.

Izikiɛ 46:6

Ɲąnįn nįnɛ̨ yələ nwɛi, a gɛ a nįŋɛ̨ hilɛ gbɔn, yii kpɛɠii hva kɛ mą.

Izikiɛ 8:16

Ə li a ɲą́ą́ Yai-Laa hee pɛlɛ́ mu pələ; Yai-Laa hee pɛlɛ́ laaləi, ɲįmąn mu da ɉaláá kulɔi di lɔwai, hinąą pow hveelɛ gɔw lɔɔli pɔɔla di kɛ laa, di pulu tinɛ̨nŋąą Yai-Laa kɔ́i ɓa, di ɲɛ̨i həɛ hvóló ɓɛlan bələ; di kɛi pɛlɛ nɔi ɓa hvóló ɓɛlan bələ, diɛ kwɛli hvilɛn hvóló ɓa.

Lukə 13:14

Kɛlaa, Yálá hvɛli pɛlɛ́ nwun nąmu kwəi hvo nɛ̨ɛ̨ Jesus pɔ. Mąąhɔlɔɓo, aa kɛ nu ta kɔ́lɔi pono a vįitɔɔ yələ. Nu kpului tii kɛ laa, ə mo kɛa diɛ, yɛ diɛ: «Hvóló mɛ̨ida ɓə mąąnɛ̨ɛ̨ ku koló kɛ la, volóɠaa tii hu ɓə mąąnɛ̨ɛ̨ ka paa la di ka kɔ́lɔi pono. Mąą hvo nɛ̨ɛ̨li hvo kɛ a vįitɔɔ yələ.»