Izikiɛ 45:17 - Yálá laawoo hɛɓɛ (dc)

¹⁷ «Dɔɔmun nwųɔ tiɛ̨ ɓaa; haláá da gəlee kələn, Yálá kɔ́ haláá, nwulɔ da nɔɔ, a ɉiɛ kulɔ yələɠaa; a ɲąnin nįnɛ̨ hɛli yələɠaa, Israɛlə nwɔ pɛlɛ́i nwɔ hɛli yələɠaa kəlee. Ya ɓə a nɛ̨ŋɛ̨n mąąhvaalɛɛ haláá kulɔ, da gɔ́ mɛ̨nį, da kwɛli hvilɛn mɛ̨nį ma, da nii laa haláá; diɛ Israɛlə nwɔ pɛlɛ́i mąąhəɠə la.

Yálá laawoo hɛɓɛ

¹⁷ «Dɔɔmun nwuɔ̨ tiɛ̨ ɓaa; haláá da gəlee kələn, Yálá kɔ́ haláá, nwulɔ da nɔɔ, a ɉiɛ kulɔ yələɠaa; a ɲąnin nįnɛ̨ hɛli yələɠaa, Israɛlə nwɔ pɛlɛ́i nwɔ hɛli yələɠaa kəlee. Ya ɓə a nɛ̨ŋɛ̨n mąąhvaalɛɛ haláá kulɔ, da gɔ́ mɛ̨nį, da kwɛli hvilɛn mɛ̨nį ma, da nii laa haláá; diɛ Israɛlə nwɔ pɛlɛ́i mąąhəɠə la.

Bible

¹⁷ Eezuɛ láa-tuɛ nuui ƃé pâi pâi a daa-tulɛi géreŋ-salai mɛ̂ni ma, m̀ii-sɛŋ, mii-sɛŋ-salai kula sɛŋ, da gbele sɛŋ, gbele-sɛŋ-salai kula mɛ̂ni ma ǹûai kélee mɛ̂ni ma. Da pâi kɛ̂i zãâi ŋí tɛɛ̂i ŋ̀áloŋ-ninai da Vii-tɔɔ-ɣelei é pɛ́lɛ gúu-ŋai kélee díkaa Eezuɛi dí mɛni ma. Gáa a sɛŋ é zɔnyɔ̂ŋ-salai, m̀ii-sɛŋ-salai, géreŋ-salai, da ǹii-see-salai kula sãa tɛɛ ńyãa kwa Eezuɛ-ŋai kúloai kpɛ̂tɛ mɛ̂ni ma.”

Izikiɛ 45:17 ပူးပေါင်းရင်းမြစ်များ

Samia Veerɛi 6:19

Yili pulu, ə nɛɛ mą ə lɛɠɛ kpuɔ tɛitɛi tɛɛ nu kpului tii kəlee pɔ, ə bɛlɛ nwɔ̨mįi ɓa, nɛ̨ą mąn, hinąą mąn, nu kəlee di ɉɔlɔɓo. Yili pulu, nu kəlee ə li ɲəi bɛlɛ́ laaləi.

Kɔlɔnikɔ Veerɛi 30:24

Hvó gaai, tɔɔmun Ezekiasə ə nįnɛ̨ hilɛ waa tɔ̨nɔ̨ da taatɛlɛɛ pɛlɛɛɠaa waa mɛ̨ihveelɛ həɠə ɉu a nu kpulu nwɔɔ; ɛlɛɛ, galanɉonŋąą di nįnɛ̨ hilɛ waa tɔ̨nɔ̨ da taatɛlɛɛ pɛlɛɛ waa pow həɠə ɉu a nu kpulu nwɔɔ. Ɉaláá laa həli nuą di di mąąhəɠə kpɔ a di kpulu kɛnɛ̨.

Kɔlɔnikɔ Veerɛi 31:3

Tɔɔmun ə kɛi gbɔ-kpɔɔ wali ta lɔ ɉaláá hɛn da gəlee kələn mąą mɛ̨nį hu ɲələwala pɔ da ɲələwulii nwɛi hu, ə mą kɛ, vįitɔɔ yələ nwɛi, ɲąnįn dɔɔ nįnɛ̨ da ɉɛli yələɠaa; yɛ bələi bɛ̨ɛ̨i la Yai-Laa ŋą tɔ́n ɉɛɓɛ́i hu.

Kɔlɔnikɔ Veerɛi 5:6

Tɔɔmun Salomɔn da Israɛlə nuą di ɲąąkpɔnŋąąi kɛ mįnɛ̨ kəhi kwɛlɛ, di taatɛlɛɛ kpɛa-kpɛaa da bɛlɛɛɠaa kulɔ a haláá, gbulu hu kɛnɛ̨ɛ̨, nu ɲɛ̨i yɛ hvɛɠɛ mą, hva pɛli lonon ɉii.

Ɛsdrasə 1:5

Nąąlɔwai, bɛlɛ nąmįnąi di kaa Ɉuda nu huwu lɔwai, da Bɛnɉamɛn huwuhu nuą, ə mą kɛ, ɉaláá laa həli nuą da Levi huwuhu nuą, da nuąi kpɔ Yálá nwɔ pɛ́lɛ́i gaa Ɉerusalɛmə daai, dɔɔ mɛ̨nį niihɛlɛn gaa diɛ, gəlee di di muhəɠə diɛ li.

Mąątɛ̨nɛ̨ 22:29

Heeɓolaa kaa a Yai-Laa nwɔɔ! Gaa heeni lɔi kəlee nwun mɛ̨i.

Mąątɛ̨nɛ̨ 68:18

Yálá nwɔ hoo mɛ̨i kulááɠaai, di kaa a nu waa nwun damąą, di mąąɲɔwuɔ. Ną́mu kaa di lɔwai, Sinai yee nwuɔ̨, nwɔ pɛlɛ́ mąąhəɠɛɛi mu.

Azaya 66:23

Yai-Laa woo ka, yɛ diɛ: Nu huwu kəlee kaa pai pai ɓɛ, diɛ di woo tɛ bɔ́ pələ, a ɲąnin dɔɔ pələ tɛitɛi, da túwɔ́ hvoló tɛitɛi, ɛlɛɛ, yili kaa pai kɛi, hva ɉəɠə mą.

Izikiɛ 43:27

Volóɠaai tii da tɛɛi, voló mɛ̨ihaaɓa yələ da voló yii tiiɠaai ɉaláá laa həli nuą da ka wɔ haláái laa həli la ɉaláái da gəlee kələn, ə pɛlɛ la ka wɔ liilaa halááɠaai diɛ, di gulɔ ɉaláá kulɔi, nąąlɔwai ŋą́ ɲɛ̨i lɛlɛɛ hee kɛa kaa. Mɛ̨nį kəlee ŋą Hééɓomun Yálá woo li.

Izikiɛ 45:15

Ɓɛlaa kpulu nwun veelɛ a kɛ Israɛlə kpomói, ɓɛlaa tɔ̨nɔ̨ a kɛ a Yálá kɔ́ hɛn; a haláái da gəlee kələn, da liilaa haláá; a nuą mąąhəɠə mɛ̨nį. Mɛ̨nį kəlee ŋą Hééɓomun Yálá woo li.

Izikiɛ 46:1

Mɛ̨nį kəlee ŋą Hééɓomun Yálá woo ka, yɛ: Bɛlɛ́n bələ, ɲiman mu, kpon tii ɲɛ̨i heɛ voló kulɔi pələ, naa a kɛ a gbulɔɔ, góló kɛ hvóló mɛ̨idai yeemu; kɛlaa, da naaɓo a vįitɔɔ yələ. Da naaɓo lɔ nwɔ̨nɔ̨ a ɲąnin dɔɔ nįnɛ̨.

Levetekɔ 4:27

«Nɔi lon da a nɛ̨ŋɛ̨n ɉəɠə dɛɠii, yɛ Yai-Laa nwɔ tɔ́n nwoo ta mąąkala, yɛ kɛ la a hɔn mąą mun;

Lonon mo 29:29

Voló mɛ̨ida nąą, nįŋɛ̨ hilɛ mɛ̨ihaaɓa, ɓɛlaa hilɛ hveelɛ, kwɛlan dɔ̨nɔ̨ ɓɛlaa hilɛ pow kɔ́w nąąn yiiɠaai pɔɔ hva kɛ da ɓa,

Ɉaan 1:16

A tɛ̨ą nwɔ mɛ̨inɛ̨ɛ̨ kɛnɛ̨i tii, gu kəlee gu da hɔlɔɓo, lúwɔ́ ə laa lúwɔ́ mɛ̨i guɔ ɉɔlɔɓo.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Kolosə 3:17

Mɛ̨nįi lɔpee ká pɛli moi, awala kɛ tii, káá gɛ, 'ká gəlee kɛ gu Ną́mu Jesus laa hu, káá gu Nąn Yálá mąmąɓo la, ɉaalai.

Hebreu 13:10

Guɔ gu wɛi, yiihu, haláá kulɔi ta kaa gu yəi, ɓɛi, ɉaláá laa həli nuąi ɓɛ lɔi mɛ̨i, di hva kɔ̨nɔ̨n ɉəɠə laa hvo mįi.

Hebreu 13:15

Yili ɓa, Jesus pɔ pələ, 'ká gu mąąwiɛ haláá kulɔ Yálá ɓa a yələ kəlee, mukulaa ɓaa: 'Ká gu kɛ lɔ Naa tɛi.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.