Izikiɛ 44:5 - Yálá laawoo hɛɓɛ (dc)

⁵ Yai-Laa yɛ mą́ą́: ə́ kili lɛɛ mɛ̨nįɠaa ŋɛ̨i kəlee hu, ə́ ɲɛ̨i hee mɛ̨nįɠaai kpɔ gáá pai moi yɛ́, yɛ hvilɛn na Yai-Laa nwɔ Pɛlɛ́i mąą tɔnŋą́ą́ ɓa, da nąą mɛ̨nįɠaa kɛ pələ, ə́ wəli tɔɔ gəlee ɓa, nu lɔiɠaa, da nu kulɔiɠaa gɛɛnąą mąąhəɠɛɛ ɓa; yili kpaɠala ə lɛɛ yɛ́.

Yálá laawoo hɛɓɛ

⁵ Yai-Laa yɛ mą́ą́: ə́ kili lɛɛ mɛ̨nįɠaa ŋɛ̨i kəlee hu, ə́ ɲɛ̨i hee mɛ̨nįɠaai kpɔ gáá pai moi yɛ́, yɛ hvilɛn na Yai-Laa nwɔ Pɛlɛ́i mąą tɔnŋą́ą́ ɓa, da nąą mɛ̨nįɠaa kɛ pələ, ə́ wəli tɔɔ gəlee ɓa, nu lɔiɠaa, da nu kulɔiɠaa gɛɛnąą mąąhəɠɛɛ ɓa; yili kpaɠala ə lɛɛ yɛ́.

Bible

⁵ Yâwɛɛ è mò ḿâ ǹyɛɛi, “Núu kpune ǹóŋ, íwoli tɔ́ɔ kpɔ́ a ǹɛ́lɛɛ m̀ɛnii mâ ŋa pâi môi yâi. Gélee naa káa, í maa kpɛ́ɛ a ǹɛ́lɛɛ. Ŋa pâi tɔ̂ŋ tɛɛ̂i ípɔ é pîlaŋ ŋápɛrɛ kɛ́tɛi ma. Dɔ̂ŋ ŋí káa diai mɛ̂ni ma maa nɛ̃ɛi dílɔ Ŋ̀âla-pɛrɛi mu, kpaa dífe lɔ̀ Ŋ̀âla-pɛrɛi mui.

Izikiɛ 44:5 ပူးပေါင်းရင်းမြစ်များ

Kɔlɔnikɔ Maa-ŋuŋ 22:19

Akɛtii kani, ka ká kili, da ka wɔɔ yɛnɛ̨ɛ̨ kɛ a Yai-Laa ka wɔɔ Yálái kwɛliɛ. 'Ka ká muhəɠə, ka Yai-Laa Heeɓo kəlee Nąmu nwɔ pɛlɛ́i tɔɔ, əgɛ, ka pa a Yai-Laa nwɔ mįnɛ̨ Kəhii, ka ɉee mu, da Yálá kɔ́ hɛn ɲąŋąɠaa, ka ɉee nwɔɔ pɛlɛ́i mu, yaai ka dɔɔ Yai-Laa laa ɓa.»

Kɔlɔnikɔ Veerɛi 11:16

Nuąi kpɔ kɛ Israɛlə lɔi kɔ́lɔ kəlee, Yai-Laa Israɛlə ŋą Yálá mąą mɛ̨nį ə ɓo di lii pɔ, di hvilɛn lévi lonnii tii pulu, di pa Ɉerusalɛmə, əgɛ, di haláá kulɔ Yai-Laa di nąnni di wɔɔ Yálái ɓa.

Mąątɛ̨nɛ̨ 119:4

Yɛ́ kpinįi ɓə ə́ wɔ tɔn nwooɠaai lɛ, əgɛ, di di hon gbɔ a yɛlɛ.

Mąątɛ̨nɛ̨ 24:3

Gbɛɛ ɓə pai tɛi Yai-Laa nwɔ yeei ɓa? Gbɛɛ ɓə pai tɔɔi nwɔ kɛɛnąą mąąhəɠɛɛi ɓa?

Lɛɛ gbɔwɔ ɓa 9:21

Nuąi di hvo Yai-Laa wooi ti kaa a mɛ̨nį walawala, di di wɔ tínuą da di wɔ taatɛlɛɛɠaai lɛɛ ɲɛɛkɔwɔ hu, di hvo di nwun mąą kilɛ.

Hanwon 24:32

Ŋą́ nąą kaa kpɔ a nɛlɛɛ, ŋį́ nąą mąąkpɛɛ, ŋį́ kili hɔlɔɓo.

Izikiɛ 40:4

Ɉulɔnui tii yɛ mą́ą́: Hulɔnu lon, ə́ ɲɛ̨i hee kpɔ laa a nɛlɛɛ; ə́ ə́ wəli tɔɔ kpɔ a nɛlɛɛ, mɛ̨nįɠaai kpɔ gáá pai nɛi yɛ́, ə́ kili lɛɛ gəlee hu. Maahɔlɔɓo, di lɛ yɛ́ mɛ̨nį ɓə gɛ diɛ pa a yɛ́ ɓɛ. Mɛ̨nįɠaai kpɔ ə́ kaa pai gaai, a kɛ ə́ gəlee hukulɔ Israɛlə nwɔ pɛlɛ́i mu nuą diɛ.

Izikiɛ 42:9

Bɛlɛ́ɠaai tii mu pələ, naaləi ta ə kɛi kulɔ voló həɠəi pələ, yɛ kulɔ ɲiman mu ɲɛnɛ̨ɛ̨ pələ.

Izikiɛ 46:19

Yili pulu, ə li a ɲą́ą́ bɛlɛ́ laaləi tii ɲiman mu, gwɛlɛ, ə nɔ́ bɛlɛ́ mąąhəɠɛɛɠaa mu; diɛi tii di laa a ɓo ɲələi pələ, a ɉaláá laa həli nuą di wɔ pɛlɛ́ɠaai. Kɛɛnąą ta ə kɛ laa voló tooi pələ, hoŋon ɉu,

Izikiɛ 47:6

Yɛ mą́ą́: Hulɔnu lon, yáá nąą kaa? Ə li a ɲą́ą́, ə pənə ə pa a ɲą́ą́ ɲá kwɛlɛ.

Danîa 10:12

Ə pənə nwɔ̨nɔ̨, yɛ mą́ą́: «Daniɛlə, hvo ɲɔw, ə həɠə kpɔ voló tɔlɔɔi tii ə́ ə́ wɔ kpɔɔmąąyɛɛ laa lɛ la Yálá ɓa, yɛ́ naa ə́ kwəi yɛ́ kɛ diɛ, mɛ̨nįɠaai pai kɛi ə́ gbaɠala kaa, Yálá aa ə́ wɔ hvɛliɓo woo mɛ̨n. Ŋą́ pa, ə gɛ, ŋą́ nwoo ŋąąpənə tɛɛ ə́ pɔ.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Gɛlaɠaa 8:36

Di kɛɛ kɛa bələ pɔ, di həli kɛɛnąą ta, yálee yɛ ɓo laa, gbɛtɛgbuwului ti yɛ Filipə ɓa: «Yálee ka, lə mɛ̨nį ɓə a pɛli kpɛ̨ąn ɉii mą́ą́waa mɛ̨nį hu?»

Dutɛrɔnome 32:46

ə mo diɛ, yɛ diɛ: «Nwooɠaa ŋɛ̨i ŋį́ ka kalan na háákələi, ka ɉon a ka nwąnąąi; gaa a gu lɔwai kɛla. Ka ka lonnii kalan a dɔ́n nwooɠaa ŋɛ̨i hon mɛ̨nį.