Izikiɛ 44:4 - Yálá laawoo hɛɓɛ (dc)

⁴ Nui tii ə nɔ́ voló ɓɛlai pələ pɛlɛ́ laaləi; bɛlɛ́ ɲɛ̨i lɛlɛɛ kɛɛnąą pələ. Ŋą́ ɲɛ̨i hee, ŋą́ Yai-Laa Mąąɲinɛ̨n gaa, aa kɛ Yai-Laa nwɔ pɛlɛ́i laa hvɛɛ, ŋą́ pɛlɛ nɔi ɓa, nííɓa.

Yálá laawoo hɛɓɛ

⁴ Nui tii ə nɔ́ voló ɓɛlai pələ pɛlɛ́ laaləi; bɛlɛ́ ɲɛ̨i lɛlɛɛ kɛɛnąą pələ. Ŋą́ ɲɛ̨i hee, ŋą́ Yai-Laa Mąąɲinɛ̨n gaa, aa kɛ Yai-Laa nwɔ pɛlɛ́i laa hvɛɛ, ŋą́ pɛlɛ nɔi ɓa, nííɓa.

Bible

⁴ Naa kɛ́ɛ tíi, kwa ǹalôŋ kú lì yá-ŋua pere siɣaŋ lá-pere Ŋ̀âla-pɛrɛi ŋɛ́i-tuɛ. Nya ƃe ŋá tìnaŋ ŋá Yâwɛɛ ŋɔfólo-laai káa a Yâwɛɛ ŋɔpɛ́rɛi láa fɛ́ɛ. Ŋá tôo ǹɔii mâ ŋá ŋuŋ mâ pîlaŋ.

Izikiɛ 44:4 ပူးပေါင်းရင်းမြစ်များ

Zɛnɛse 17:3

Abramə ə nɛɛmą, ə pɛlɛ nɔi ɓa, Yálá yɛ mą:

Mąątɛ̨nɛ̨ 89:7

Gbɛɛ ɓə yələkɔlɔn ɉu da Yai-Laa di pɛliɛ-o? Yáláɠaa lɔwai, nɛlɛ ɓə gaa yɛ Yai-Laa?

Izikiɛ 1:28

Ə kɛ yɛ gbəimiliin, yai a laa tulɔ kpinįn dɔwɔ, a tulɔ pu yələ. Gɛɛ pɔ̨nɔ̨i tii kɛ naa kwɛlɛ kəlee, gɛ pələ ka tii kɛ. Yai-Laa nwɔ mąąwiɛ gulɔ mąą, da gɛ pələ ka tii kɛ; ŋą́ nąą kaa, ŋą́ pɛlɛ níí ɓa, nɔi ɓa, ŋą́ woo ta mɛ̨n yɛ pələ ɓo mą́ą́.

Izikiɛ 10:4

Yai-Laa nwɔ mąąwiɛ ə tɛ ŋələi pələ, mąąkpɛ malaka nwun mɛ̨i bɛlɛ́ laaləi pələ. Bɛlɛ́ laa ə hvɛɛ a tulɔ kpinįn, ɛlɛɛ, ɓɛi nuą da hee laa, Yai-Laa nwɔ mąąwiɛ nwɔ kɛɛ pɔ̨nɔ̨ ə naa laahvɛɛ.

Izikiɛ 3:23

Ŋą́ múhəɠə, ŋą́ li ɲɛɛkɔwɔ hu; Yai-Laa mąąɲįnɛ̨n ə kɛ laa, lɔ yɛ bələi, ŋą́ mąąɲįnɛ̨n gaa la Kebarə yá kwɛlɛ; ŋą́ pɛlɛ nííɓa, nɔi ɓa.

Izikiɛ 40:20

Bɛlɛ́ laaləi ɲɛ̨i həɛ ɲanwuɔ̨ pələ, ə yili kwəa yee da ɲąą kɛnɛ̨ yee di kɔ́ɔn, ɓɛi nuą da tɔɔ laa ɲɛ̨nɛ̨ɛ̨ pələ.

Izikiɛ 40:35

Ə pənə ə li a ɲą́ą́ ɲanwuɔ̨ pələ pɛlɛ laaləi, ə nąą kɔ́ɔn, ə ɓo lɔ yɛ yiiɠaai tii.

Izikiɛ 40:40

Nu a kɛi tɛ ɲələi pələ pɛlɛ laaləi, ɲɛnɛ̨ɛ̨ pələ, taɓali hveelɛ di kɛ laa bələ tɔ̨nɔ̨, ɛlɛɛ bɛlɛ́ ɲimɛ̨n mu bələ tɔ̨nɔ̨, taɓali hveelɛ di kɛ laa.

Izikiɛ 8:14

Ə li a ɲą́ą́ Yai-Laa hee pɛlɛ́ laaləi, ti ɲɛ̨i həɛ ɲánwuɔ̨ pələi; nɛ̨ąą di kɛ laa heeni, diɛ wɔlɔ Tamuzə mɛ̨i.

Danîa 8:17

Gabriɛlə ə lɛɠɛ mą́ą́, ɓɛlɔwai ə kɛi mąą lɛɠɛ la mą́ą́, ŋą́ ɲɔw kpɔ kɛnɛ̨, ŋą́ pɛlɛ nɔi ɓa gɔwɔ mu. Yɛ mą́ą́: «Daniɛlə, pələi mąn kaa la a nu, mąąnɛ̨ɛ̨ ə́ gbaɠala kaa yɛ́ diɛ, yɛnɛ̨ɛ̨ ɲąąkpɛɛi lɔwai mɛ̨nį ka ŋɛ̨i ə́ gaa.»

Egaa 2:7

Yai-Laa Mɛ̨nį Kəlee ŋą Hééɓomun yɛ nwɔ̨nɔ̨ diɛ: Gáá pai hį́i kəlee tumoi, di yəi hɛnŋąą walawalaɠaa da di yəi hɛn gɔwɠaa kəlee kaa pai ɓɛ, ɉéé pɛlɛ́i ŋɛ̨i nwɔ mąąwiɛ kaa pai kɛnɛ̨i.

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

M̀ɛni-lɛɛi 1:17

Gaai ŋį́ mo, ŋį́ too gɔwɔ mu yɛ ŋą́ haa. Kɛlaa, ə mamįiyee tunwɔ̨n mą́ą́, ɛlɛɛ, yɛ mą́ą́: «'Hvó ɲɔw, ɲą́ą́ ɓə a Dɔlɔɔ ɛlɛɛ, da gbɛla mąą!