Izikiɛ 44:3 - Yálá laawoo hɛɓɛ (dc)

³ Kɛlaa tɔɔmun nwɛi, yɛ bələi gaa la a tɔɔmun, nąą ɓə gaa pai heei laa yɛ kɔ̨nɔ̨n mįi Yai-Laa lííla. Gaa pai kɛi lɔi a ɲimɛn mu pɛlɛ laaləi pələ, yɛ kulɔ a bələ yii ti.

Yálá laawoo hɛɓɛ

³ Kɛlaa tɔɔmun nwɛi, yɛ bələi gaa la a tɔɔmun, nąą ɓə gaa pai heei laa yɛ kɔ̨nɔ̨n mįi Yai-Laa lííla. Gaa pai kɛi lɔi a ɲimɛn mu pɛlɛ laaləi pələ, yɛ kulɔ a bələ yii ti.

Bible

³ Ǹúu-laa-tuɛ nuui nɔ́ ƃé a pɔ̂ri seêi naa é m̀ii-sɛŋ maa waai míi naa ŋ́ɛi-tuɛ. À kɛ̀ lɔ̂i, é lɔ́ a bɛ́rɛi ŋɛ́i-tuɛ pere loŋpoi su pere. À kɛ̀ kulâi, é kúla nɔ́ a bere tɔnɔi tí.”

Izikiɛ 44:3 ပူးပေါင်းရင်းမြစ်များ

Zɛnɛse 31:54

Yili pulu, di haláá kulɔ laa ɲee ɓa, di di kwɛlɛ nuą təli, da diɛni di mįi, naa mįi kɛɛ pulu, da diɛni di yii laa ɲee ɓa.

Tɔɔɓɛlaa veelɛ 16:18

Asiri tɔɔmun mąą mɛ̨nį ɓa, ɲįmąn ŋɛ̨i di bɛli Yai-Laa yəi bɛlɛ́n diɛ kɛ naa ɓaa: túwɔ́ yələ; Akazə ə nąą kɛ pələ mąąhvalin, ə mą kɛ ɓɛi tɔɔmun a lɔ laa ɲɛnɛ̨ɛ̨ pələ.

Kɔlɔnikɔ Veerɛi 23:13

Yɛ gaa ɲɛ̨i kɛi, tɔɔmun ga ŋɛ̨i tɔɔni gbəlin mɛ̨i bɛlɛ́ laaləi, nuą ɲɛ̨itɔwɔnuą da dúlu hvɛɛnuą di ɓo tɔɔmun gwɛlɛ, nɔi lonnii kəlee di ɓo kwəinɛ̨ɛ̨ hu, diɛ túlu hvɛɛ, hvɛli kɛ nuą diɛ hvɛli kɛ, diɛ lúwɔ́ too! Atali ə nɛɛmą ə mąąhəɠə huɓɛla, ə tómą, yɛ kɛ: «Lɔgilii ɓə! Lɔgilii ɓə!»

Kɔlɔnikɔ Veerɛi 34:31

Tɔɔmun ə lɛɛ tɔɔni dɔɔi, ə nwoo kwɛlɛ Yai-Laa ɓa, yɛ gaa pai hvilɛn ɉii Yai-Laa pulu, ə ɲee kanąn nwɔ tíɓoɠaai da mąąpamą wooɠaa diɛ, da nwɔ tɔ́nŋąą diɛ, yɛ hvilɛn mįnɛ̨ hɛɓɛ́ hu wooɠaa pulu a nii kəlee, nwɔ yɛnɛ̨ɛ̨ kəlee yee mu.

Azaya 23:18

Kɛlaa ɉɛn a ɉɔlɔɓo, da dɔlɔɠaa, da gəlee laakwɛlanmo Yai-Laa ɓa; di hva di ɲąąkpɔn gee ɓa, di hva di pu gee mɛ̨i. Ɉɛn gɔwi tii kəlee da kɛ a, nuąi heeni Yai-Laa lííla, di kɔ̨nɔ̨n, diɛ pilə ɉu, diɛ həɠə lɛlɛɛɠaa hɔlɔɓo ɉu a lamun ɉəɠəɠaa.

Azaya 62:9

Kɛlaa nui kɛa a mɔ̨nun dee, a gɛ a gɔ̨nɔ̨n, diɛ Yai-Laa laa tɛ, ɛlɛɛ, nuąi da lɔɔ hɔɔ, da gbələ, ɲə́i gwəlii, nwɔ́ pɛlɛ mąąhəɠɛɛi laaləi.

Izikiɛ 34:24

Ɲą́ą́ Yai-Laa, ŋą́ kɛ a di wɔ Yálá, nwɔ́ tí mun Davidə yaan, ə ɓo a di nwun nąmu, ə ɓo di lɔwai. Ɲą́ą́ Yai-Laa nwóó li.

Izikiɛ 37:25

Nɔi ŋɛ̨i ŋą́ dɛɛ nwɔ́ tí mun Ɉakɔbə pɔ, ya ɓə di kaa pai heei ɉu; ɓɛi wɔlɔ ka kala ɓɔlɔni di kɛ laa hee ni. Di kaa pai kɛi laa heeni, diɛ, di lonnii, da yiliɠaai di wɔ lonnii. Da lɛɛ laa a yələ kəlee; ɛlɛɛ nwɔ́ tí mun Davidə ɓə pai kɛi a di ɲɛ̨itɔwɔ mun a yələ kəlee da nwɔɔ.

Izikiɛ 40:9

Bɛlɛ́ dɔɔmu ə kɛ a yee tɔɔɉu mɛ̨ihaaɓa, bɛlɛ́ laaləi ə ɓo a yee tɔɔɉu mɛ̨ihaaɓa. Ɲiman ɲɛ̨i tinɛ̨n ŋąąi kɛ bɛlɛ́n bələ.

Izikiɛ 46:12

Ɲələi tɔɔmun a lɛɛ la gbɔwɔ ɓa, yɛ kɛ ə haláá kulɔ a Yai-Laa ɓa, yɛ ə kɛ a, haláái da gəlee kələn, a wala kɛ tii, a liilaa haláá, gbon tii ɲɛ̨i heɛ voló kulɔi pələ, da naaɓo dɔwɔ; ə nwɔ haláái da gəlee kələn, da nwɔ liilaa haláái kulɔ, yɛ bələi a gɛ la a vįitɔɔ yələɠaa. Yili pulu, ə kulɔ, a kulɔ kpɔlɔ, di bɛlɛ́ laa kpulu.

Izikiɛ 46:2

Dɔɔmun a həɠə ɲɛnɛ̨ɛ̨ pələ, a tɛɛ a gbon tii nwɔ ɲiman mu pələ, ə lɔ, ə tɔɔ gbon nwulu ɓa, yili pulu, ɉaláá laa həli nuą di dɔɔmun nwɔ haláá hɛn da gəlee kələn kulɔ, da nwɔ liilaa halááɠaai. Dɔɔmun a pɛlɛ niiɓa bɛlɛ́ laaləi, yili pulu, ə kulɔ; kɛlaa, di hva bɛlɛ́ laa kpulu, ə lɛɛ ɉu yələ ə wulu.

Dutɛrɔnome 12:7

Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

M̀ɛni-lɛɛi 3:20

Ɓɛ kaa, gáá tɔɔni bɛlɛ́ laaləi, gɛ gbon gɛlɛ. Nui a nwóó mu hon, ɛlɛɛ, ə bɛlɛ laa ɓo, ŋą́ lɔ bɔ bɛlɛ́n, ɛlɛɛ, kwa yaa ku ku yee lɔ kɔwɔ tɔ̨nɔ̨ hu.