Izikiɛ 44:10 - Yálá laawoo hɛɓɛ (dc)

¹⁰ «Leviɠaai tii di mąąkwɛa mą́ą́, a ɓɛlɔwai Israɛlə ə lan na, di lan, diɛ di mąąkwɛa mą́ą́ di hvilɛn ŋąą di wɔ haliɠaai pulu, di kaa pai di wɔ nɛ̨ŋɛ̨n diɛ̨i həɠəi.

Yálá laawoo hɛɓɛ

¹⁰ «Leviɠaai tii di mąąkwɛa mą́ą́, a ɓɛlɔwai Israɛlə ə lan na, di lan, diɛ di mąąkwɛa mą́ą́ di hvilɛn ŋąą di wɔ haliɠaai pulu, di kaa pai di wɔ nɛ̨ŋɛ̨n diɛ̨i həɠəi.

Bible

¹⁰ Yâwɛɛ è mò ḿâ ǹyɛɛi, “Liiva-ŋai nyii-ŋai dí pôlu tɔ̀ɔ ḿâ díkɛ ɣâla da kpɛ́ni-ŋa fɛ̀li a tãi Eezuɛ-ŋai díkùla la ḿbôlui, ŋa pâi díkula maa kɛ̂i.

Izikiɛ 44:10 ပူးပေါင်းရင်းမြစ်များ

Zɛnɛse 4:13

Kain yɛ Yai-Laa ɓa: «Gahoi ŋɛ̨i yaa naa mą́ą́, nwiai, vá pɛli mu.

Nehemi 9:34

Kuɔ tɔɔɓɛlaa, ku ŋąąwoo ɓo nuą, ku wɔ haláá laa həli nuą, da ku ną́nni, di hvo ə́ wɔ tɔ́n bɔ túwɔ́ ɓo li, di hvo di kili lɛɛ li ə́ wɔ tíɓoɠaai hu, da ə́ liɛwooɠaai ə́ kɛi gɛ diɛ.

Mąątɛ̨nɛ̨ 38:4

Ə́ wɔ líiholii aa kulɔ ną́ą́ kəlee, aa gbóną. A tɛ̨ą, gɔ́w kəlee kponąąi ɉú, a gɛ́ nɛ̨ŋɛ̨n naa pɔɔ!

Hanwon 11:31

Tələnmomun a lɛɛ lɔi mɛ̨i ə dɔlɔ ta hɔlɔɓo, gu hvomun kɛ nwąnąlɔ nuą da nɛ̨ŋɛ̨n ɉəɠə nuą!

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Ɉeremi 23:11

Yai-Laa yɛ diɛ: «Gwə́i mɛ̨nį hukulɔ mun mąn, ɉaláá laa həli mun mąn, di ta hvo Yálá mɛ̨nį pɔ. Ŋą́ą́ di wɔ kiliŋąhiɛ ɲɔ̨nwɔ̨ɔ̨ pɔɔ kaa, ə mą kɛ ɲə́i bɛlɛn.»

Izikiɛ 14:11

Bələ ɓə Israɛlə pɛlɛ́ hva kɛa lan na, yɛ mąą kwɛa mą́ą́; hva kɛa nɛ̨ŋɛ̨n ɉəɠə a nwɔ kulɔ nwoo mu mɛ̨nįɠaa, yɛ pɛli kɛi la a nwɔ́ nu huwu, ɲą́ą́n gɛ́ kɛ a nwɔ Yálá. Mɛ̨nį kəlee ŋą Hééɓomun Yálá woo li.

Izikiɛ 22:26

Nwɔ haláá laahəli nuąi daa nwɔ́ tɔ́n mąąkala, daa nwɔ hɛn mąąhəɠɛɛɠaa laa pu. Di hvo hɛn mąąhəɠɛɛ da hɛn gbɛli kpɛli kulɔ ɉu kɛli; di hvo hɛn mąąhəɠɛɛ da hɛ mąąliɓiɛ kulɔ nɔwai kɛli. Di di ɲɛ̨i laa kpulu nwɔ hvįįtɔɔ yələɠaai mɛ̨i, ɛlɛɛ daa náá pu di lɔwai.

Izikiɛ 44:12

Mąąhɔlɔɓo, di kɛi di mąą mɛ̨nį ɲɛ̨i kulɔ haliɠaa ɲɛ̨i ɓa; ɛlɛɛ, di Israɛlə nwɔ pɛlɛ́i yee lɔ nɛ̨ŋɛ̨n ɉu; yili mąą mɛ̨nį ɓa, gáá di hutɔɔi diɛ di wɔ nɛ̨ŋɛ̨n ɉu mɔ̨nɔ̨ mįi. Mɛ̨nį kəlee ŋą Hééɓomun Yálá woo li.

Izikiɛ 44:15

«Ɉaláá laa həli nuą, diɛi a Levi huwu, a Sadɔkə lonnii, diɛi tii kɛi nwɔ́ kɛɛnąą mąąhəɠɛɛi mąą kólóɠaa kɛ, ɓɛlɔwai Israɛlə lonnii di lan na, diɛ di mąą kwɛa mą́ą́, diɛ ɓə pai kɛi di mąą lɛɠɛi mą́ą́, diɛ mą́ą́ mɛ̨nįɠaa ɲɛ̨i kulɔ. Di kaa pai kɛi tɔɔni nííla; di ɉuwɔ wulɔ da ɲąmą di laa həli mą́ą́. Mɛ̨nį kəlee ŋą Hééɓomun Yálá woo li.

Izikiɛ 48:11

Ɉaláá laa həli mun Sadɔkə lonnii tii di di həɠə ɉu a nwɔ́ɔ́, diɛi tii lɛɛ nwɔ́ tɔ́n nwooi pulu, di hvo lan Israɛlə lonnii di wɔ lan mɛ̨nįi hu, yɛ bələi Levi huwu hu nuą di lan nai,

Osia 4:9

Mɛ̨nįi pai laai nɔi lonnii diɛ, yaa lɔ ɓə pai laai ɉaláá laa həli mun ma, gáá pai muhəɠəi di laa ɓa, di túwɔ́ pələ mąą mɛ̨nį hu, gɛ́ di kɛ mɛ̨nįɠaa kwələ kulɔ diɛ.

Levetekɔ 19:8

Nui a ɉuwɔi tii ta mįi, aa nɛ̨ŋɛ̨n ɉəɠə, mąąhɔlɔɓo, ɉɛn kɛ a Yai-Laa nwɔɔ, aa mɛlɛkpɛɛ mą. Mąąnɛ̨ɛ̨ di mąą nu kulɔ mɛlaa lɔwai.

Sofoni 3:4

Nuąi laa, diɛ Yálá kwəi mɛ̨nį hukulɔ, di kaa a kpɔwɔ ɲąąkɛnɛ̨ nuą, di kwəi hvo kwələ li. Nwɔ haláá laa həli nuą, daa ɉɛn mąąhəɠɛɛ mɛlɛ kpɛɛ mą, daa dɔ́n mąą kala.

Malasi 2:8

Kɛlaa, ka wɛi, kaa diɓoi tii lɛɛ laa. Kaa nu tamąą lan ka wɔ nuą kalan bələ hu, kaa Levi nwɔ mįnɛ̨i kala. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Lonon mo 18:23

Levi lonnii ɓə pai kɛi gee kaa kələ mąą mɛ̨nį ɲɛ̨i kulɔi, da túwɔ́ a ɲɔ̨nwɔ̨ɔ̨, nwulu a lɛɛ di nwuɔ̨. Ka huwu nwuɔ̨ tiɛ̨ li a yələ kəlee. Di hvo pai lɔi hɔlɔɓoi a di kwɛlin Israɛlə lonnii lɔwai.

Lonon mo 5:31

Ɉilɛ nwɛi, mɛ̨nį hva kɛ nwəli pulu, nɛ̨ɛ̨nu yaan, nwɔ nɛ̨ŋɛ̨n nwulu a lɛɛ nwuɔ̨.

Timote dɔlɔɔ 5:22

'Hvó humo a ə́ yee pɛlɛɛ nu mɛ̨i ɉa, 'hvó ə́ yee too nu ta ŋą nɛ̨ŋɛ̨n ɉu, 'ə́ kpɔwɔ laahɔnmo mąąhəɠə laa hu.