Izikiɛ 44:1 - Yálá laawoo hɛɓɛ (dc)

¹ Ɉulɔnui tii ə pənə ə pa a ɲą́ą́ bɛlɛ́ mąąhəɠɛɛ mu, bɛlɛ́ laaləi tii gaa ɉu pələ nií la, yai ti ɲɛ̨i həɛi voló ɓɛlai pələ, naa kpulɔɔi kɛ.

Yálá laawoo hɛɓɛ

¹ Ɉulɔnui tii ə pənə ə pa a ɲą́ą́ bɛlɛ́ mąąhəɠɛɛ mu, bɛlɛ́ laaləi tii gaa ɉu pələ nií la, yai ti ɲɛ̨i həɛi voló ɓɛlai pələ, naa kpulɔɔi kɛ.

Bible

¹ Nya ƃe kwa ǹalôŋ kú lì banaŋ mâ pere siɣaŋ lá-ƃerei nyii kɛ̀ a ǹá kuláa vóloi kulâi perei. Ǹá è kɛ̀ a dɛ́ɛ.

Izikiɛ 44:1 ပူးပေါင်းရင်းမြစ်များ

Kɔlɔnikɔ Maa-ŋuŋ 9:18

Háá ɓaa háá, diɛi tii di huwu ɓə bɛlɛ́ laaləi pələ. Di kaláɓɔlɔ ɓə wɔlɔ kɛ Levi lonnii di wɔ ɓiwui hu ɉíí la.

Kɔlɔnikɔ Veerɛi 20:5

Ɉosafatə ə kɛ tɔɔni, Ɉerusalɛmə nuą da Ɉuda nuą daa mąątinɛ̨n. Di ɲąąkpɔn tii too Yai-Laa yəi bɛlɛ́ laaləi gwəli hɛ̨ąi nįnɛ̨ ɓa.

Kɔlɔnikɔ Veerɛi 33:5

Manase ə yələ kɔ́lɔn ɉu pɛmɛ̨lɛ̨n-gɔwɠaa kɔ́i pɛli Yai-Laa nwɔ pɛlɛ́i gwəli hɛ̨ąi hveelɛi ɓa.

Kɔlɔnikɔ Veerɛi 4:9

Ə ɉaláá laa həli nuą yəi gwəlii kulɔ, ə kwəli hɛ̨ąi kɛnɛ̨ pɛli, da gwəli laa kpulu kponŋąą. Ə kwɛli kpɔlu hiɛ gbonŋąąi tii ɓa.

Izikiɛ 40:17

Ɓɛi nuą da tɔɔ laa ɲɛnɛ̨ɛ̨ pələ, ə li laa a ɲą́ą́, pɛlɛ́ɠaa di kɛ laa; mu laa, ɓɛi nuą da tɔɔ laa, di kɛ kpɔ nąą kwɛlɛ kəlee, di doo gee hu. Pɛlɛ́ pow haaɓa ə kɛ gɛɛnąąi tii ɓa.

Izikiɛ 40:6

Ə li bɛlɛ́ laaləi tii voló ɓɛlai pələ, ə tɛ, ə bɛlɛ́ laaləi kɔ́ɔn; ɉu wiɛ yee ə kɛ a bɛlɛ́ kɔ́ɔn nwulu kpiɛn dɔ̨nɔ̨. Bɛlɛ́ laaləi tɛi tɛi gɔnɔ nwulu kpiɛn dɔ̨nɔ̨.

Izikiɛ 42:14

Ɓɛlɔwai ɉaláá laahəli nuą da lɔ la gɛɛnąą mąąhəɠɛɛ ɓa, di hva kɛa pənə di hvo kulɔ ɲiman mu, hvo kɛi da ɉaláá kulɔ həɠəɠaa kulɔ diɛ, di di pu, mąąhɔlɔɓo di mąąhəɠɛɛi, nąąlɔwai, da həɠə takpɛli too kɛa di kwąną, yili pulu, da pɛli kɛa di kulɔ ɓɛi nuą kaa laa.

Izikiɛ 43:1

Ə li a ɲą́ą́, bɛlɛ́ laaləi yii tii kɛ ɲɛ̨i heɛ voló kulɔi pələ.

Izikiɛ 43:4

Yai-Laa nwɔ mąąwiɛ ə lɔ Yálá hee pɛlɛ́ mu, yɛ həɠə bɛlɛ́ laaləi tii kɛ ɲɛ̨i heɛ voló kulɔi pələi.

Izikiɛ 46:1

Mɛ̨nį kəlee ŋą Hééɓomun Yálá woo ka, yɛ: Bɛlɛ́n bələ, ɲiman mu, kpon tii ɲɛ̨i heɛ voló kulɔi pələ, naa a kɛ a gbulɔɔ, góló kɛ hvóló mɛ̨idai yeemu; kɛlaa, da naaɓo a vįitɔɔ yələ. Da naaɓo lɔ nwɔ̨nɔ̨ a ɲąnin dɔɔ nįnɛ̨.

Izikiɛ 46:12

Ɲələi tɔɔmun a lɛɛ la gbɔwɔ ɓa, yɛ kɛ ə haláá kulɔ a Yai-Laa ɓa, yɛ ə kɛ a, haláái da gəlee kələn, a wala kɛ tii, a liilaa haláá, gbon tii ɲɛ̨i heɛ voló kulɔi pələ, da naaɓo dɔwɔ; ə nwɔ haláái da gəlee kələn, da nwɔ liilaa haláái kulɔ, yɛ bələi a gɛ la a vįitɔɔ yələɠaa. Yili pulu, ə kulɔ, a kulɔ kpɔlɔ, di bɛlɛ́ laa kpulu.