Izikiɛ 43:7 - Yálá laawoo hɛɓɛ (dc)

⁷ Nwooi tii yɛ mą́ą́: Hulɔnu lon, nwɔ́ tɔɔkpəlin hvilɛn ɉii ka, da ɓɛi gáá pai gɔ́wɔ tɔɔi laa; nąą ɓə gáá pai heei laa, Israɛlə lonnii lɔwai a yələ kəlee da nwɔɔ. Israɛlə nwɔ pɛlɛ́i hva kɛa náá mąąhəɠɛɛi mąąliɓi, yaa mąn, ə mą kɛ nwɔ tɔɔɓɛlaa da di wɔ túwɔ pələ ɲɔ̨nŋaa; ə mą nwɔ̨nɔ̨ kɛ nwɔ tɔɔɓɛlaa powaɠaa, da di kámąɠaa.

Yálá laawoo hɛɓɛ

⁷ Nwooi tii yɛ mą́ą́: Hulɔnu lon, nwɔ́ tɔɔkpəlin hvilɛn ɉii ka, da ɓɛi gáá pai gɔ́wɔ tɔɔi laa; nąą ɓə gáá pai heei laa, Israɛlə lonnii lɔwai a yələ kəlee da nwɔɔ. Israɛlə nwɔ pɛlɛ́i hva kɛa náá mąąhəɠɛɛi mąąliɓi, yaa mąn, ə mą kɛ nwɔ tɔɔɓɛlaa da di wɔ túwɔ pələ ɲɔ̨nŋaa; ə mą nwɔ̨nɔ̨ kɛ nwɔ tɔɔɓɛlaa powaɠaa, da di kámąɠaa.

Bible

⁷ “Núu-kpune ǹóŋ, gwaai ŋí ma ƃa ŋá kâloŋ sèe-sɛŋ ŋá. Ŋ́gɔɔ tɔɔ̂i ká ŋí. Ƃɛ́ ƃé ŋa pâi kɛ̂i naa Eezuɛ-ŋai sáma wɔ́lɔ-wɔɔ da wɔlɔ-wɔlɔ. Ǹyaŋ Eezuɛ-ŋai dífe ŋɔ́nɔ pâi ńaa maa-waai maa tĩa karâi. Dia, kpaa máŋ gâloŋ-ŋai dífe ŋɔ́nɔ pâi ḿaa tĩa karâi a ɣâla da kpɛ́ni fɛliɛɛ kpaa máŋ a kâloŋ-ŋa pɔɔkɔŋ tɔɔ́ naa.

Izikiɛ 43:7 ပူးပေါင်းရင်းမြစ်များ

Tɔɔɓɛlaa dɔlɔɔ 8:13

A tɛ̨ą ŋą́ą́ tɔɔ pɛlɛ́ mąąwiaa tɔɔ yɛ́, Ɓɛi ə́ kaa pai kɛi laa a yələ kəlee.»

Tɔɔɓɛlaa veelɛ 16:4

Ə haláá kulɔ, ə lansan kələn nuą di wɔ hali kɔ́iɠaa tii ɓa, da ɲee kpukpuɠaa tona, ə mą kɛ, da wulu kpɛa kpɛaa mu, yiiɠaai kɛ di laa ŋąąnɛ̨ɛ̨ diɛ.

Kɔlɔnikɔ Maa-ŋuŋ 28:2

Ya ɓə, tɔɔmun Davidə ə haŋą ə tɔɔ, yɛ diɛ: «Ną́n nonnii, ka pɛlɛɛ nwɔ́ nuą diɛ! 'Ka ká wəli tɔɔ mą́ą́! Ŋą́ kɛ kpɔ bɔ, ŋą́ pɛlɛ́ tɔɔ, ɓɛi Yai-Laa ŋą mįnɛ̨ kəhii a kɛ laa, da gu wɔ Yálái kɔ́wɔ hvilɛn ɉii. Ŋą́ą́ bɛlɛ́i tii tɔɔ hɛnŋąą ɲąąkpɔn.

Mąątɛ̨nɛ̨ 132:14

Gaa pai kɛi a vį́itɔɔi a yələ kəlee, nąą ɓə gáá pai heei laa, gáá nąą pɔ.

Mąątɛ̨nɛ̨ 46:5

Kɛlaa yá kɛnɛ̨ ta kaa laa, mɛlaɓoɔ ɉu tamąą, yɛ kwəinɛ̨ɛ̨ tɛɛ Yálá nwɔ taai pɔ; yɛ yələkɔlɔn ɉu Yálá nwɔ pɛlɛ́ɠaai mąąhəɠə.

Mąątɛ̨nɛ̨ 47:8

Mąąhɔlɔɓo, lɔi kəlee nwɔ Heeɓomun ɓaa a Yálá. 'Ka nɛ a wələ woo.

Mąątɛ̨nɛ̨ 68:17

Yee nwun damąą ɲąɠaa, lə mɛ̨nį ɓa ka tɛɠɛɓo, Yálá nwɔ yeei hu, a ɲeei tii Yálá kaa bɔ ə hee mɛ̨i? A tɛ̨ą, Yai-Laa kaa pai heei laa, a yələ kəlee mɛ̨nį.

Mąątɛ̨nɛ̨ 68:18

Yálá nwɔ hoo mɛ̨i kulááɠaai, di kaa a nu waa nwun damąą, di mąąɲɔwuɔ. Ną́mu kaa di lɔwai, Sinai yee nwuɔ̨, nwɔ pɛlɛ́ mąąhəɠɛɛi mu.

Mąątɛ̨nɛ̨ 99:1

Yai-Laa kaa a Heeɓomun, yɛnɛ̨ɛ̨ nuą 'ka ɲɔw mą! Gaa heenin mąąkpɛ malakaɠaa nwun mɛ̨i pələ. Lɔi ə tɔɔ takpa takpa.

Mąątɛ̨nɛ̨ 99:5

'Ka Yai-Laa, gu wɔ Yálái laa tɛ. 'Ka kwɛli hvilɛn mą, nwɔ kpəlin liila. Mąąhəɠɛɛi

Lɛɛ gbɔwɔ ɓa 25:8

Mąąnɛ̨ɛ̨ ə́ kɛɛnąą mąą həɠɛɛ pɛli mą́ą́, gɛ́ pɛli lɛɛi ka lɔwai.

Lɛɛ gbɔwɔ ɓa 29:45

Gáá pai heei Israɛlə lonnii lɔwai, ŋą́ kɛ a di wɔ Yálá,

Azaya 6:1

Gwɛlan tii tɔɔmun Oziasə ə haa la, ŋį́ Ną́mu kaa hįį pələ, ə kɛ heeni tɔɔkpəlin mɛ̨i, mɛ̨i kwɛa. Mąą həɠəɠaa wəli ə Yálá hee pɛlɛ́ laa hvɛɛ.

Azaya 66:1

Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Ɉeremi 14:21

Yai-Laa, ə́ laa mąą mɛ̨nį ɓa, hvo gɛ nuą di hvo tɛɠɛɓo ə́ laa hu, hvo ə́ wɔ tɔɔkpəlin nwɔ mąąwiɛ ɓɛlɛkpɛɛma; Ə́ kiliŋąhiɛ mįnɛ̨i gwa gaani gu ɉəɠə mą, hvo lənə mą.

Ɉeremi 16:18

Daa nwɔ́ lɔi laa pu, a di wɔ túwɔ́ pələ ɲɔ̨n, da di kɛ nɛ̨ŋɛ̨nŋaa di gɛ, ə mą kɛ, a di wɔ hɛn mąąliɓiɛ powaɠaa, a gwɛ́lin nɔi laahvɛɛi di mo a di wɔɔ hɛn ɲɔ̨nwɔ̨ɔ̨ɠaa. Gáá nɛ̨ŋɛ̨n veelɛi tii mąą kwələ kulɔi diɛ.

Ɉeremi 17:12

Tɔɔkpəlin mąąwia kaa hvilɛn ni yələi ə gɔwɔ tɔɔ kpɔ yɛnɛ̨ɛ̨ pɛli hvóló ɓa. Nąą ɓə a ku wɔ kɛɛnąą mąąhəɠɛɛ.

Ɉeremi 3:17

Mąą yələi tii a pa həlii; da Ɉerusalɛmə taa laa hee, diɛ kɛ mą: «Yai-Laa nwɔ tɔɔkpəlin.» Nąąlɔwai, lɔi kəlee kaa pai pai Ɉerusalɛmə pɔ, Yai-Laa laa tii di ɉee mą, mąą mɛ̨nį ɓa; ə lɛɛ, di hva kɛa di pulu pənə, di hva kɛa kanąn di wɔ nwąnąlɔɔ túwɔ́ɠaa diɛ.

Izikiɛ 1:26

Ɲələkɔlɔn tii kɛ di nwun mɛ̨i yili mɛ̨i pələ, kwɛni huwu lɛlɛɛ ta ə kɛ laa; ə ɓo yɛ tɔɔ kpəli gɛ pələ, dɔɔ kpəlin gulɔ mąą mɛ̨i, nu kulɔ mąą ə kɛ laa ɲɛ̨ilai ə ɓo yɛ nu, ə ɓo kpɔ ɲələi pələ ləɠə-ləɠə.

Izikiɛ 10:1

Dulɔ kpinįn tii kɛ mąąkpɛ malakaɠaa nwun mɛ̨i, ŋą́ nąą kaa, hɛn da ə kɛ laa yɛ Kúwɔ́-kwɛni kɛ pələ; hɛn da ə ɓo yɛ tɔɔkpəlin gɛ pələ.

Izikiɛ 20:39

«Yili ɓa, káái a Israɛlə nwɔ pɛlɛ́i mu nuą, yii Mɛ̨nį kəlee ŋą Hééɓomun Yálá kaa moi, ya ka: Nu kəlee ə li kani ə nwɔ halii kɔ́, yili pulu, gu kaa pai gaai, akɛ ká hvo pai lɛɛi nwóó mu. Yili a kɛ tii, ká hvo kɛa pai náá mąąhəɠɛɛ pui, a ka wɔ haláá hɛnŋaai da ka wɔ haliɠaa.

Izikiɛ 39:7

Gáá pai gɛi di Náá mąąhəɠɛɛ kɔ́lɔn, nwɔ́ lɔi a Israɛlə lɔi, ɉu; ɛlɛɛ, vá kɛa Náá mąąhəɠɛɛ lɛɛ laa di hvo mɛlɛ kpɛɛ mą bələ ɓə lɔiɠaa da gili kɔ́lɔn na tii diɛ kɛ, ɲą́ą́ ɓə a Mɛ̨nį kəlee ŋą Hééɓomun. A Mąąhəɠə mun Israwɛlə lɔi hu.

Izikiɛ 43:9

Yiihu kɛa, di kaa pai di wɔ túwɔ pələ ɲɔ̨nŋaai maakwɛai mą́ą́, da di wɔ tɔɔɓɛlaaɠaai powaɠaa, gɛ́ pɛli kɛa heei di lɔwai a yələ kəlee mɛ̨nį.

Izikiɛ 48:35

Mąą tinɛ̨n ŋąą doɔ gee hu, yee tɔɔɉu waa pow kɔ́w mɛ̨ihaaɓa. Ə həɠə háákəlee ɓa, daa laa ɓaa kɛa: ‹Yai-Laa kaa ɓɛ.›»

Izikiɛ 6:13

Ká gili kɔ́lɔn nąąlɔwai kaa kɛ Yai-Laa ɓaa a ɲą́ą́; di wɔ nu pɔwaɠaai da pa kɛi pilinin di wɔ haliɠaai lɔwai, di kɔ́iɠaa kwɛlɛ, yee kpu kpu kəlee nwuɔ̨, yee tɔɔ kəlee nwuɔ̨, wulu laa huwiaa kəlee mu; gɛɛnąąɠaai kpɔlɔ ti di kɛli halaa kulɔ laa di wɔ haliɠaai diɛ.

Izikiɛ 6:5

Gáá pai Israɛlə nuą pɔwa pui di wɔ haliɠaai lííla; gɛ́ ka kɔ́wɠaa taɠa taɠa ka wɔ halaa kulɔiɠaa kwɛlɛ.

Osia 14:8

Nuąi kɛi hee nįnįn mu, di kaa pai yalii di pulu diɛ pa, mɔ̨nin yɛ pənə yɛ lɛlɛ diɛ, diɛ powa yɛ viɲə wulu, di laa a tɛ yɛ Liban lɔɔ.

Levetekɔ 26:30

Gɛ́ ka wɔ hali kɔ́iɠaai taɠa, ɉaláá kulɔi ka kɛ lansan kələn ɉi laa, gɛ́ nąą kala, gɛ́ ka powaɠaa tiɛ̨ ka wɔ haliɠaai mɛ̨i, gɛ́ yowolaa kulɔ la tii a kaa.

Mise 4:7

Yiiɠaai da too di kɔ́wɔ mɛ̨i, diɛ ɓə ŋą́ di lɛɠɛ di kee ɓa, ŋą́ di kɛ a nu huwu kpəli, yiiɠaai kwɛa la, ŋą́ di kɛ a nu huwu huwalawala, Yai-Laa yɛ tɔɔlaa kɛ di mɛ̨i Siɔn yee nwuɔ̨, ə həɠə yiihu ɓa ə lɛɛ la ɉu wɔ.

Zakari 13:2

Yai-Laa Mɛ̨nį Kəlee ŋą Hééɓomun, woo ka, yɛ: ɲələi tii, gáá pai hali mɛ̨nį kpɛɛi nɔi hu, nuąi da Yálá kwəi mɛ̨nį hu kulɔ a lɛɛ, ŋį́ di kpɛ, da di wɔ kili ɲɔ̨nwɔ̨ɔ̨i, di hva kɛa da laa ɓo nɔi.

Zakari 13:3

Nąąlɔwai nui a tɔɔ, yɛ kɛ gaa Yálá kwəi mɛ̨nį hu kulɔi, gaa nuą kpįnįi kpɔ-kpɔɔ da kɛ mą: «Mąą hvo kɛa nɛ̨ɛ̨li hvó lɛɛ yɛnɛ̨ɛ̨, lɛɛ ka tii ə́ kaa gɛi a Yai-Laa laa!» Ɛlɛɛ, gaa nąn gbinįi kpɔ-kpɔɔ da gaa lee kpįnįi kpɔ-kpɔɔ, di kaa pai ɓɔi ɉu a kpala, ɓɛlɔwai gaa pai kɛi nwɔ lɛɛ hvaa tii ɓoi la.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 14:23

Jesus ə nwoo pulu pənə yɛ mą: «Nui a nwɛ́li la kɛ, ə nwóó hon, Ną́n Yálá yaa kpɛli a mąą nu wɛli la kɛ, yili pulu, kwa Ną́n Yálá kwa pa ku hee mąą ni nii hu.

Korɛntə veelɛ 6:16

Bɛlɛ gee ɓa lə kɛɛ ɓə a pɛli kɛi Yálá hee pɛlɛ́ da haliɠaa di lɔwai? Gbala ə tɔɔ, guɔ ɓə gu kaa a Yálá hvulúmąą hee pɛlɛ́; yɛ pələi Yálá ə mo la, yɛ kɛ diɛ: «Gáá pai heei di lɔwai, gɛ́ hiɛ laa, Ŋį́ ɓo a di wɔ Yálá, diɛn, di ɓo a nwɔ́ nu huwu.»

M̀ɛni-lɛɛi 22:3

Nɛ̨ŋɛ̨nnaa hva kɛa kɛ laa, Yálá da mɛlaa Lon di wɔ tɔɔkpəlin, gaa pai kɛi daa-lee hąąi, ɛlɛɛ, ŋą tínuąi di kaa pai kɛi gwɛli hvilɛn ɉii mą,