Izikiɛ 43:20 - Yálá laawoo hɛɓɛ (dc)

²⁰ Ə́ ɲąmą ta həɠə ə́ ɉiɛ ɉaláá kulɔi mįnɛ̨ nąąn ma, da vilən ɉɛn gɔwɔ nąąn ma, ɛlɛɛ, ə́ da hiɛ nwəlila nąą kəlee ə́ dinɛn mą ə́ doo gee hu. Bələ ɓə yá nɛ̨ŋɛ̨n gulɔ la ɉaláá kulɔi ɓa; yɛ́ mąąhəɠə.

Yálá laawoo hɛɓɛ

²⁰ Ə́ ɲąmą ta həɠə ə́ ɉiɛ ɉaláá kulɔi mįnɛ̨ nąąn ma, da vilən ɉɛn gɔwɔ nąąn ma, ɛlɛɛ, ə́ da hiɛ nwəlila nąą kəlee ə́ dinɛn mą ə́ doo gee hu. Bələ ɓə yá nɛ̨ŋɛ̨n gulɔ la ɉaláá kulɔi ɓa; yɛ́ mąąhəɠə.

Bible

²⁰ Ka ŋ̀ãa da siɣe ká gbɛ́mɛŋ ŋ̀âla-teƃelei mĩla-ŋai dîa, ká da kpɛ́mɛŋ dísôŋo ǹaaŋɔɔ su ká dínaŋ ŋ̀óli la. Bere-sii ŋí ƃé ka pâi ŋ̀âla-teƃelei maa wâai la ká góraŋ ƃó ḿî.

Izikiɛ 43:20 ပူးပေါင်းရင်းမြစ်များ

Lɛɛ gbɔwɔ ɓa 29:12

Ə́ nįŋɛ̨ ɲąmą ta həɠə, ə́ ɉiɛ ɉaláá taɓali mįnɛ̨ɠaa diɛ a ə́ yee, yili pulu, ə́ ɲąmą kpəli pu ɉaláá kulɔ taɓali kɔ́wɔ mu.

Lɛɛ gbɔwɔ ɓa 29:36

«Hvoló tɛitɛi yee mu, yá nįŋɛ̨ hilɛ kulɔ a haláá nɛ̨ŋɛ̨nŋąą mąąhvaa lɛɛ mɛ̨nį ɓa, yá nɛ̨ŋɛ̨n mąąhvaalɛɛ haláá kulɔ ɉaláá kulɔi, yɛ́ nɛ̨ŋɛ̨n gulɔ mą, ə́ nwulɔ mąą həɠɛɛ hiɛ mą. Yɛ kɛ la ti a Yálá nwɔɔ.

Lɛɛ gbɔwɔ ɓa 29:37

Hvóló mɛ̨ihveelɛ yee mu, ə́ kaa pai kɛi nɛ̨ŋɛ̨n mąą hvaalɛɛ haláá kulɔi, yɛ́ gɛ ti ɉaláá kulɔ kəhi mɛ̨i, yɛ́ gɛ a Yálá nwɔɔ, bələ ɓə ɉaláá kulɔi mąą kaa pai həɠəi la. Hɛn lɔpee pai tunwɔ̨n ɉii ɉaláá kulɔ kəhi ɓa, gaa pai kɛi a mąąhəɠɛɛ ə mą kɛ nu ɓə.

Izikiɛ 43:14

Ə həɠə nɔi ɓa, ə həli la gbono ɓa, mu pələ, yee tɔɔɉu hveelɛɛ, ɲąą kɛnɛ̨ɛ a yee tɔɔɉu tɔ̨nɔ̨. Ə həɠə gbono logolo ɓa, ə həli la gɛnɛ̨mun ma, yee tɔɔɉu nąąn, ɲąą kɛnɛ̨ɛ a yee tɔɔɉu tɔ̨nɔ̨.

Izikiɛ 43:22

Vóló veelɛ yələ, yá pa a ɓolu hilɛi kpɔi hva kɛ mą; ə kɛ a yii da nɛ̨ŋɛ̨n gulɔ la ɉaláá kulɔi ɓa; yɛ bələi ka niŋɛ̨ lon nwɛi kɛ la.

Izikiɛ 43:26

Hvóló mɛ̨ihveelɛ yee mu, da kɛi ɉaláá kulɔi waa haláá kulɔi, diɛ nąą mąąhəɠə la, diɛ kɛa goló kpala tɔɔ mɛ̨i.

Izikiɛ 45:18

Mɛ̨nį kəlee ŋą Hééɓomun Yálá woo ka, yɛ: Ɲąnįn dɔlɔɔ nwɔ hvóló dɔlɔɔ yələ, yá nįŋɛ̨ lon ɉəɠə yii pɔɔ hvo mą, ə́ ɉaláá kulɔi mąą haláá kulɔ la.

Izikiɛ 45:19

Ɉaláá laa həli mun a ɉuwɔi tii ɲąmą həɠə, ə ɉiɛ Yálá hee pɛlɛ́ gbon nwuluɠaa diɛ, da ɉaláá konwolon ɉee hɛn nwəli la nąąn ɓa, ə mą nwɔ̨nɔ̨ kɛ ɲįmąn mu gbon nwulu ɉu pələ nwɛi ɓa.

Levetekɔ 16:18

A kulɔ geenąą mąąhəɠɛɛ ɓa, ə li ɉaláá kulɔi tii gee kaa kələ tənən ma Yai-Laa lííla, ə nɛ̨ŋɛ̨n mąą hvaalɛɛ kóló kɛ mɛ̨i, a nįŋɛ̨ gbɔn ɲąmą da molu hilɛ ɲąmą ta həɠə, ə ɉiɛ ɉaláá kulɔi mįnɛ̨ɠaa diɛ.

Levetekɔ 16:19

A ɲąmą ta taɠa a ɲeekpiɛ ɉaláá kulɔi kəhi mɛ̨i gee mɛ̨i mɛ̨ihveelɛ, yɛ nąą mąąhəɠə la Israɛlə lonnii di wɔ nɛ̨ŋɛ̨n di ɉəɠə mąą mɛ̨nį ɓa.

Levetekɔ 4:25

Ɉaláá laa həli mun a ɉaláá taatɛlɛɛi tii ɲąmą həɠə a ɲee kpuɔ, ə nɔ ɉaláá kulɔ kəhi mįnɛ̨ɠaa diɛ, yili pulu, ə ɲąmą kpəli pu ɉaláá kulɔ kəhi kɔ́wɔ mu.

Levetekɔ 4:30

Ɉaláá laa həli mun ə ɲąmą ta həɠə a ɲee kpuɔ, ə ɉiɛ ɉaláá kulɔi mįnɛ̨ɠaa diɛ; Yili pulu, ə ɲąmą kpəli kəlee pu ɉaláá kulɔi gɔwɔ mu.

Levetekɔ 4:34

Ɉaláá laa həli mun a daatɛlɛɛ ɲąmą ta həɠə a ɲee kpuɔ, ə ɉiɛ ɉaláá kulɔi mįnɛ̨ɠaa diɛ. Ə ɲąmą kpəli kəlee pu ɉaláá kulɔi kɔ́wɔ mu.

Levetekɔ 8:14

Ə mo di pa a nɛ̨ŋɛ̨n mąą hvaalɛɛ haláá kulɔ nįŋɛ̨ gbɔn, Aarɔn da nonnii di di yee laa nįŋɛ̨ gbɔn tii mɛ̨i.

Levetekɔ 8:15

Moisə ə nwun dee, ə ɲąmą həɠə, ə da lɔ ɉaláá kulɔi ɓa a ɲeekpiɛ,

Levetekɔ 9:9

Aarɔn lonnii di ɲąmą tɛɛ bɔ, ə ɲeekpiɛ lɔ ɉu, ə ɉiɛ ɉaláá tabali mįnɛ̨ɠaa diɛ, ə gbəli pu ɉaláá kulɔ kəhi kɔ́wɔ mu.