Izikiɛ 43:2 - Yálá laawoo hɛɓɛ (dc)

² Ŋą́ Israɛlə nwɔ Yálá nwɔ mąąwiɛlaa kaa, yɛ həɠə voló kulɔi pələ, yɛ pa a din gɛnɛ̨ɛ, yɛ ya hvɛɛ tin. Lɔi mɛ̨i ə pɔ̨nɔ̨ a nwɔ mąąwiɛlaa.

Yálá laawoo hɛɓɛ

² Ŋą́ Israɛlə nwɔ Yálá nwɔ mąąwiɛlaa kaa, yɛ həɠə voló kulɔi pələ, yɛ pa a din gɛnɛ̨ɛ, yɛ ya hvɛɛ tin. Lɔi mɛ̨i ə pɔ̨nɔ̨ a nwɔ mąąwiɛlaa.

Bible

² Nya ƃe ŋá Eezuɛ Ɣalai ŋɔfólo-laai kâa é kúla vóloi kulâi pere. Bá tîŋ è kɛ̀ yɛ̂ɛ yá támaa ɣilîŋ tìŋ. Ŋɔfólo-laai è ǹɔii mâ pòno.

Izikiɛ 43:2 ပူးပေါင်းရင်းမြစ်များ

Azaya 17:12

Mąąwɛli mɛ̨nį ka! Nu kpulu kɛnɛ̨i lono hvo mą, di huluun nwoo kaa tɔɔi, di huluun nwoo yɛ tɔɔ, yɛ gboloyá a kɛi huluun, di kaa huluun ɉii yɛ ya leeɠaa da kɛi huluun.

Azaya 6:3

Di kɛi pələ pili di kee ɓa, diɛ kɛ mą: «Yai-Laa Mɛ̨nį Kəlee ŋą Hééɓomun, ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, ə́ wɔ mąąwiɛ aa lɔi mɛ̨i nąą kəlee laahvɛɛ!»

Izikiɛ 1:24

Ɛlɛɛ, da kɛi hiɛ, di koonŋaa tin ə kɛi kulɔ, gɛ́ mɛ̨n; gulaa kɛ ya hvɛɛ tin ma. Ə ɓo yɛ Yai ɲee a pɛli mɛ̨nį kəlee ɓa nwoo, yɛ nu kpulu tin; ə ɓo yɛ kɔlaɠa kɔ́wɔ mu tin. Da tɔɔ kɛ, di kɛi di koonŋaa pɛlɛ ma.

Izikiɛ 1:28

Ə kɛ yɛ gbəimiliin, yai a laa tulɔ kpinįn dɔwɔ, a tulɔ pu yələ. Gɛɛ pɔ̨nɔ̨i tii kɛ naa kwɛlɛ kəlee, gɛ pələ ka tii kɛ. Yai-Laa nwɔ mąąwiɛ gulɔ mąą, da gɛ pələ ka tii kɛ; ŋą́ nąą kaa, ŋą́ pɛlɛ níí ɓa, nɔi ɓa, ŋą́ woo ta mɛ̨n yɛ pələ ɓo mą́ą́.

Izikiɛ 10:4

Yai-Laa nwɔ mąąwiɛ ə tɛ ŋələi pələ, mąąkpɛ malaka nwun mɛ̨i bɛlɛ́ laaləi pələ. Bɛlɛ́ laa ə hvɛɛ a tulɔ kpinįn, ɛlɛɛ, ɓɛi nuą da hee laa, Yai-Laa nwɔ mąąwiɛ nwɔ kɛɛ pɔ̨nɔ̨ ə naa laahvɛɛ.

Izikiɛ 11:22

Gɛɛ tii, mąąkpɛ malakaɠaa di koon, di kɔwɔ yɛ tínɛ̨n di mu; Israɛlə nwɔ Yálái mąąɲįnɛ̨n ə kɛ di mɛ̨i, ə ɓo di mɛ̨i nąą kəlee.

Izikiɛ 11:23

Yai-Laa mąąɲįnɛ̨n ə muhəɠə daa hɛ̨ąi, ə tɛ ə tɔɔ, ɲee tii volo kulɔi pələ mɛ̨i.

Izikiɛ 3:23

Ŋą́ múhəɠə, ŋą́ li ɲɛɛkɔwɔ hu; Yai-Laa mąąɲįnɛ̨n ə kɛ laa, lɔ yɛ bələi, ŋą́ mąąɲįnɛ̨n gaa la Kebarə yá kwɛlɛ; ŋą́ pɛlɛ nííɓa, nɔi ɓa.

Izikiɛ 43:4

Yai-Laa nwɔ mąąwiɛ ə lɔ Yálá hee pɛlɛ́ mu, yɛ həɠə bɛlɛ́ laaləi tii kɛ ɲɛ̨i heɛ voló kulɔi pələi.

Izikiɛ 44:2

Yai-Laa yɛ mą́ą́ bɛlɛ́ laaləi yii, naa kaa pai lɛɛi a gbulɔɔ, di hva naa ɓo, mąąhɔlɔɓo nąą pələ ɓə Yai-Laa, Israɛlə nwɔ Yálá ə lɔ la; naa a lɛɛ a gbulɔɔ.

Izikiɛ 9:3

Israɛlə nwɔ Yálái mąąɲinɛ̨n ə tɛ ɲələi pələ, mąąkpɛ malakaɠaa ti ə kɛ mɛ̨i a bɔlɔ pɔlɔ, yili nwun mɛ̨i pələ, yɛ li Yálá hee pɛlɛ́ laaləi pələ; ɉəɠə kwəlɛɛ nąmui ti ɉɛɓɛ́ kpɔw ə kɛ nwɔ hąmą yili kɔ́lɔi ɓa, ə yili təli.

Habakukə 2:14

A tɛ̨ą, Yai-Laa, nwɔ mąąwiɛ kɔ́lɔn ŋąą a lɔi mɛ̨i kəlee laahvɛɛ, yɛ pələi yaɠaa da gboloyá hu hvɛɛ la.

Habakukə 3:3

Yálá kaa həɠəi Teman, Yálá mąąhəɠɛɛ kaa həɠəi Paran yee ɓa. Nwɔ mąąwiɛ aa yələ kwəi kpɛɛ mą. Mąątɛ̨nɛ̨ pələ aa lɔi mɛ̨i kpɛɛ mą

Habakukə 3:4

Nwɔ kɛɛ pɔ̨nɔ̨ yɛ hvóló kpɔ kpə kpə. Kɛɛ pɔ̨nɔ̨ yɛ kulɔ ɲee hveelɛi ɲą gbaalən yɛ taɠa. Naa ɓə a nwɔ huwalawala nwun gulɔi.

Ɉaan 12:41

Esai Jesus nwɔ mąąwiɛ kaa, ya ɓə gɛ yɛ mo la tii.

M̀ɛni-lɛɛi 1:15

gɔwɔɠaa diɛ ɓo yɛ da ɓala-kwɛli hu waa a huluun nwɔ̨n, ɛlɛɛ, nwoo ə ɓo yɛ gboloyá huluun dín.

M̀ɛni-lɛɛi 14:2

Ɛlɛɛ, ŋą́ woo ta mɛ̨n yɛ həɠə yələ kwəi, yɛ yálee kɛnɛ̨ huluun din, yɛ tulɔ tuwɔ tin gɛnɛ̨, ɛlɛɛ, nwooi tii ŋą́ mɛ̨n, ə kɛ yɛ hvɛ́li kɛ nuą da di yee pu di wɔɔ gwɛnįnŋaai ɲą, diɛ ɲɔw.

M̀ɛni-lɛɛi 18:1

Yili pulu, ŋį́ malaka takpɛli kaa, yɛ həɠə yələi. Hvaŋą kɛnɛ̨ ta ə ɓo ɲəi, ɛlɛɛ, lɔi mɛ̨i ə pono a mąąɲįnɛ̨n.

M̀ɛni-lɛɛi 19:1

Yili pulu, ŋį́ tín da mɛ̨n yɛ nu kpulu kɛnɛ̨ɛ̨ huluun nwoo yələkɔlɔn ɉu, diɛ kɛ mą: «Kánįkookwəi! Ɓalo mɛ̨nį, mąąwiɛlaa, ɛlɛɛ, da huwalawalalaa kaa a ku wɔɔ Yálái nwɔɔ.

M̀ɛni-lɛɛi 19:6

Ɛlɛɛ, ŋį́ nuą huluun nwoo mɛ̨n, ə ɓo yɛ yálee kpɛa-kpɛaa huluun dín, ɛlɛɛ, ə ɓo yɛ tulɔ tuwɔ tín gɛnɛ̨ɛ̨, diɛ kɛ mą: «Kánįkookwəi! Mąąwiɛ, Hééɓó kəlee Nąmu, ku wɔɔ Yálá Huwalawala Kəlee Nąmu, aa nwɔ tɔɔlaai too pono ɲą.

M̀ɛni-lɛɛi 21:11

Ə kɛli lən a Yálá nwɔ mąąwiɛ laa. Nən bələ ə kɛ yɛ kúwɔ-kwɛnį ta, yɛ Jaspe kúwɔ-kwɛnį.

M̀ɛni-lɛɛi 21:23

Daa-lee tii mąą kpaan və kɛ hvóló ɓa, ə mą kɛ, ɲąnįn, ɉu pono mɛ̨nį ɓa, gbala ə tɔɔ, Yálá ŋą mąąwiɛlaa ə kɛli ɉu pono, ɛlɛɛ, ŋą kpalan nən maa a Mɛlaa Lon.