Izikiɛ 42:1 - Yálá laawoo hɛɓɛ (dc)

¹ Ɉulɔnui tii ə gúlɔ ɲɛnɛ̨ɛ̨ pələ ɲįmąn mu, yii tii ɲələi pələ; ə pənə ə lɔ a ɲą́ą́ bɛlɛ́ yiiɠaai tii ɲɛ̨i heɛ ɲələi pələ, mu.

Yálá laawoo hɛɓɛ

¹ Ɉulɔnui tii ə gúlɔ ɲɛnɛ̨ɛ̨ pələ ɲįmąn mu, yii tii ɲələi pələ; ə pənə ə lɔ a ɲą́ą́ bɛlɛ́ yiiɠaai tii ɲɛ̨i heɛ ɲələi pələ, mu.

Bible

¹ Nya ƃe kwa ǹalôŋ kú kùla banaŋ ma ziɣãŋ kɛ́tɛi su kú lí yá-ŋua pere ƃelai ma. Kú lì ƃɛ́i lôŋpo-ŋa díkɛ̀ naa nyii-ŋai kɛ̀ Ŋ̀âla-pɛrɛi téniŋ ma banaŋ mâ perei. Lôŋpo-ŋai ŋí díkɛ̀ bɛ́rɛi nyii kɛ̀ vóloi liî pere pɛrɛ-ƃelai téniŋ ma.

Izikiɛ 42:1 ပူးပေါင်းရင်းမြစ်များ

Izikiɛ 40:14

Ə ɲiman mu kɔ́ɔn, ə ɓo a yee tɔɔɉu pow mɛ̨ida, ɲiman ə kɛi nąą mąątinɛ̨n.

Izikiɛ 40:17

Ɓɛi nuą da tɔɔ laa ɲɛnɛ̨ɛ̨ pələ, ə li laa a ɲą́ą́, pɛlɛ́ɠaa di kɛ laa; mu laa, ɓɛi nuą da tɔɔ laa, di kɛ kpɔ nąą kwɛlɛ kəlee, di doo gee hu. Pɛlɛ́ pow haaɓa ə kɛ gɛɛnąąi tii ɓa.

Izikiɛ 40:20

Bɛlɛ́ laaləi ɲɛ̨i həɛ ɲanwuɔ̨ pələ, ə yili kwəa yee da ɲąą kɛnɛ̨ yee di kɔ́ɔn, ɓɛi nuą da tɔɔ laa ɲɛ̨nɛ̨ɛ̨ pələ.

Izikiɛ 40:24

Ku li ɉɛɠɛi pələ, pɛlɛ́ laaləi ta ə kɛ laa, ɲɛ̨i həɛ ɉɛɠɛi pələ, ə bɛlɛ́ dɔɔmuɠaa kɔ́ɔn da ɲimɛ̨n mu, di kɛ pələ ə kɛ lɔ yɛ yiiɠaai tii.

Izikiɛ 40:28

Ɓɛi nuą da tɔɔ laa, bɛlɛ́n bələ, ə li laa a ɲą́ą́, ku tɛɛ a bɛlɛ́ laaləi tii kɛ ɉɛɠɛi pələ, ə nąą kɔ́ɔn, ə kɛ lɔ yɛ yiiɠaai tii.

Izikiɛ 41:1

Ə li a ɲą́ą́ bɛlɛ́ kɛnɛ̨ɛ mu, ə bɛlɛ́ dɔɔmuɠaa kɔ́ɔn, di ɲąą kɛnɛ̨ yee ə ɓo a yee tɔɔɉu haaɓa ɓɛ pələ, da ɓɛ pələ. Yii kɛ a ɉəɠə pɛlɛ́ ɲąą kɛnɛ̨ yee.

Izikiɛ 41:10

Bɛlɛ́ kpɔ kpɔɔ nwɔ gulɔ gbinmaɠaa da bɛlɛ́ɠaa di lɔwai, nąą ɲąą kɛnɛ̨ɛ kɛ a yee tɔɔɉu pow hveelɛ, yɛ Yálá hee pɛlɛ́ mąątínɛ̨n yɛ doo gee hu.

Izikiɛ 41:9

Ɲɛnɛɛ pələ gulɔ gbinma, nwɔ pɛlɛ́ nwąnąi ɲąą kɛnɛ̨i kɛ a yee tɔɔɉu lɔɔli; yili ɓə kɛ bɛlɛ́ kɛnɛ̨ɛ da gulɔ gbinmaɠaa di lɔwai.

Izikiɛ 42:10

Bɛlɛ́ taɠaa di kɛ ɲiman bɛlɛ́ nwąną ɓa, voló həɠəi pələ, gwəli hɛ̨ąi da bɛlɛ́ di tənən ma.

Izikiɛ 42:13

Ɉulɔnui tii yɛ mą́ą́: Bɛlɛ́ yiiɠaai ŋɛ̨i ɲələi pələ, da yiiɠaai ɉɛɠɛɛ pələ di ɲɛ̨i heɛ gwəli hɛ̨ą ɓa, di kaa a kɛnąą mąąhəɠɛɛ, mąąhɔlɔɓo, nąą ɓə ɉaláá laahəli nuąi ŋɛ̨i da lɛɠɛ Yai-Laa ɓa da ɉɛnŋaa mąąhəɠɛɛɠaa mįi laa. Nąą ɓə ɉɛnŋaai kpɔ di mąąhəɠɛɛ kɛnɛ̨, da di hee laa, diɛ ɓaa: Yálá kɔ́ hɛn, nɛ̨ŋɛ̨n mąąhvaalɛɛ haláá hɛn, ɛlɛɛ da nu pɔɔŋa pɛli haláá. Mąąhɔlɔɓo, kɛɛnąą mąąhəɠɛɛ li.

Izikiɛ 42:4

Pələ ə kɛ bɛlɛ́ɠaa ɲɛ̨i tɔwɔ, ɲąą kɛnɛ̨ɛ kɛ a yee tɔɔɉu pow, gwɛa yee ə ɓo a yee tɔɔ ɉu nwun dɔ̨nɔ̨. Di laaləi heɛ kɛ ɲələi pələ.

M̀ɛni-lɛɛi 11:2

Kɛlaa, Yálá hee pɛlɛ́ gwəli hąą kɛnɛ̨i tii, nɛɛ laa, 'hvó nąą kɔɔn, mąąhɔlɔɓo, daa nąą kwɛlɛ huwu takpɛliɠaa pɔ, diɛ pa hiɛ daa mąąhəɠɛɛ mɛ̨i, ə lɛɛ ɉu, ɲąnįn bow-nąąn-kɔw-hveelɛ yee mu.