Izikiɛ 40:6 - Yálá laawoo hɛɓɛ (dc)

⁶ Ə li bɛlɛ́ laaləi tii voló ɓɛlai pələ, ə tɛ, ə bɛlɛ́ laaləi kɔ́ɔn; ɉu wiɛ yee ə kɛ a bɛlɛ́ kɔ́ɔn nwulu kpiɛn dɔ̨nɔ̨. Bɛlɛ́ laaləi tɛi tɛi gɔnɔ nwulu kpiɛn dɔ̨nɔ̨.

Yálá laawoo hɛɓɛ

⁶ Ə li bɛlɛ́ laaləi tii voló ɓɛlai pələ, ə tɛ, ə bɛlɛ́ laaləi kɔ́ɔn; ɉu wiɛ yee ə kɛ a bɛlɛ́ kɔ́ɔn nwulu kpiɛn dɔ̨nɔ̨. Bɛlɛ́ laaləi tɛi tɛi gɔnɔ nwulu kpiɛn dɔ̨nɔ̨.

Bible

⁶ È lì ziɣãŋ lá nyii kɛ̀ vóloi kulâi perei é tɛ́ ǹuu-tɛ sɛŋ ma. È ziɣãŋ láƃerei pere pɛrɛ kaŋ nyii kɛ̀ vóloi kulâi-perei kɔ̂ɔŋ. Ŋɔkpi-kpi-tili kɛ́ ƃò kɔ́ɔ ƃɔ́rɔnii puu.

Izikiɛ 40:6 ပူးပေါင်းရင်းမြစ်များ

Tɔɔɓɛlaa dɔlɔɔ 6:8

Gulɔ-gbunmai ŋɛ̨i kɛ mu pələ, naaləi ə kɛ bɛlɛ́ mamįiyee hu pələ. Di mɛ̨nɛ̨ɠaa kɛ mą, yii nuą di kɛi tɛ mą, diɛ lɔ gulɔ-gbunma ɉąąi mu, ə mą kɛ ɉaaɓa kɛɛnąą mu.

Kɔlɔnikɔ Maa-ŋuŋ 9:18

Háá ɓaa háá, diɛi tii di huwu ɓə bɛlɛ́ laaləi pələ. Di kaláɓɔlɔ ɓə wɔlɔ kɛ Levi lonnii di wɔ ɓiwui hu ɉíí la.

Kɔlɔnikɔ Maa-ŋuŋ 9:24

Bɛlɛ́ laaləi mɛ̨ikaa nuą di kɛ nwónwo nąąn gəlee ɓa, ya ɓaa: Voló həɠəi pələ, voló tooi pələ, ɲánwuɔ̨ pələ da ɲákpalaa pələ.

Nehemi 3:29

Nąą pulu, Imɛrə lon Sadɔkə ə koló kɛ nwɔ pɛ́lɛ́i tənən ma, nąą pulu, Sekania lon Semaya, yai kɛ voló həɠəi pələ bɛlɛ́ laaləi mąąkpɛ mun, ə koló kɛ nąą kwɛlɛ.

Mąątɛ̨nɛ̨ 84:10

Ee kə Yálá! 'Ə́ ɲɛ̨i kɛ ku mąą kɔ̨nwɔ̨ gbalai ɓa, Nui ŋɛ̨i Ə́ ɉəɠə ɉu ə́ dɔɔ wulɔ lɔ mą, Ə́ ɲɛ̨i lɛlɛɛ hee mą.

Ɉeremi 19:2

Yili pulu, ə́ kulɔ a Bɛn-Hinɔmə ɓoloon na pələ, ə́ nəɠi wolo gbon naaləi pələ, mɛ̨nįɠaai gáá pai mo yɛ́, ə́ noloɓo laa.

Izikiɛ 10:18

Yai-La nwɔ mąąwiɛ ə muhəɠə Yálá hee pɛlɛ́ laaləi, ə tɛ ɲələi pələ ə tɔɔ mąąkpɛ malakaɠaa nwun mɛ̨i.

Izikiɛ 11:1

Yálá nwɔ Kilii ə gbə́ŋə, ə li a ɲą́ą́ Yálá hee pɛlɛ́ gbon yii tii vóló kulɔi pələ, naaləi. Ŋą́ hinąą pow hveelɛ kɔ́w lɔɔli kaa bɛlɛ́ laaləi kwɛlɛ, ŋą́ Azurə lon Yaazania da Benayahu lon Pelatiahu, diɛi kɛ a nuą ɲɛ̨itɔwɔ nuą hveelɛ.

Izikiɛ 40:20

Bɛlɛ́ laaləi ɲɛ̨i həɛ ɲanwuɔ̨ pələ, ə yili kwəa yee da ɲąą kɛnɛ̨ yee di kɔ́ɔn, ɓɛi nuą da tɔɔ laa ɲɛ̨nɛ̨ɛ̨ pələ.

Izikiɛ 40:22

Nwɔ woloɠaa, nwɔ ɲimɛ̨n mu, da nwɔ gwala laaɠaa di kɛ lɔ yɛ voló ɓɛlai pələ pɛlɛ laalei nwɛiɠaa. Gbəlin kɛi tɛ laa ə kɛ mɛ̨ihveelɛ, ɲimɛ̨n mu ə kɛ nąą ɲɛ̨i tɔwɔ.

Izikiɛ 40:24

Ku li ɉɛɠɛi pələ, pɛlɛ́ laaləi ta ə kɛ laa, ɲɛ̨i həɛ ɉɛɠɛi pələ, ə bɛlɛ́ dɔɔmuɠaa kɔ́ɔn da ɲimɛ̨n mu, di kɛ pələ ə kɛ lɔ yɛ yiiɠaai tii.

Izikiɛ 40:26

Gbəlin kɛi tɛ laa, ə kɛ mɛ̨ihveelɛ, dɔɔmuɠaa mąą puɔ a gwala laa nąą kəlee.

Izikiɛ 40:5

Ŋą́ bɛlɛ́ nwąną ɲɛnɛ̨ɛ̨ pələ kaa, ə Yálá hee pɛlɛ́ mąątínɛ̨n ə doo gee hu. Wulu kpiɛn ə kɛ nui tii yəi hɛn gɔɔn mɛ̨nį ɓa; gwɛa kɛ a yee tɔɔɉu mɛ̨ida, da nu yee ɓa ŋą tɔ̨nɔ̨. Ə bɛlɛ́ kɔ́ɔn a nwulu kpiɛn dɔ̨nɔ̨, ə gwɛa pələ kɔ́ɔn a nwulu kpiɛn dɔ̨nɔ̨.

Izikiɛ 40:7

Gulɔ-gbin-maɠaa kwɛa pələ ə kɛ a gɔɔn nwulu kpiɛn dɔ̨nɔ̨, ɲąą kɛnɛ̨ pələ ə ɓo a nwulu kpiɛn dɔ̨nɔ̨. Di lɔwai ə ɓo a yee tɔɔɉu lɔɔli; ɲiman mu kɛnɛ̨ ŋɛ̨i kɛ bɛlɛ́ laaləi kwɛlɛ, ɲɛ̨i heɛ Yálá hee pɛlɛ́ ɓa pələ, gwɛa yee ə kɛ a nwulu kpiɛn dɔ̨nɔ̨.

Izikiɛ 41:16

Ɓɛlɛ́ laaləi, da bɛlɛ́ woloɠaai kwɛli hɛan bilɛɛ laa, da nwoloɠaa mąątínɛ̨n ŋąą la bələ haaɓai ɓa, yɛ li la bɛlɛ́ laaləi, sehifə wulu ə kɛ laa; ə həɠə bɛlɛ́ laaləi nɔi ɓa, ə həli la bɛlɛ́ woloɠaa diɛ, bɛlɛ́ woloɠaa kpɛli mɛ̨i kɛɛ kɛ.

Izikiɛ 42:15

Ɉulɔnui tii ə ɉɛnŋąą kɔ́ɔn ŋąą laa kulɔ kɛa bɛlɛ́n bələ, kwa yaa ku kulɔ ɲɛnɛ̨ɛ̨ pələ, a bələi tii ɲɛ̨i heɛ voló həɠəi pələ; ə nąą kəlee kɔ́ɔn.

Izikiɛ 43:1

Ə li a ɲą́ą́, bɛlɛ́ laaləi yii tii kɛ ɲɛ̨i heɛ voló kulɔi pələ.

Izikiɛ 43:17

Ɉaláá kulɔi hvilɛn ɉii, ə kɛ a yee tɔɔɉu pow kɔ́w nąąn, gwɛa pələ hu, ɲąą kɛnɛ̨ pələ ə ɓo pow kɔ́w nąąn. Nwəli kwɛlɛ laai kɛ nąą kəlee yɛ mąątinɛ̨n yɛ doo gee hu; ə ɓo a yee tɔɔɉu kpulɔ, nɔwai a mąątinɛ̨n yɛ doo gee hu, yee tɔɔɉu tɔ̨nɔ̨. Ɓɛ pələi da tinɛ̨n na ɲɛ̨i heɛ voló kulɔi pələ.

Izikiɛ 43:8

Daa di wɔ pɛlɛ́i laaləi kulɔ, nwɔ́ pɛlɛ́i laaləi ɲɛ̨itɔwɔ, di wɔ kpon nwuluɠaai di ɓo nwɛ́iɠaai kwɛlɛ; kwa diɛni ku kpɔn ŋąą pɛlɛ́ nwąną tɔ̨nɔ̨ ɓa. Di náá mąąhəɠɛɛ mąąliɓi, a duwɔ pələ ɲɔ̨nŋaai di kɛi gulɔi; yili ɓə gɛ, gɛ́ di nwun na pili a nwɔ́ liiholi.

Izikiɛ 44:1

Ɉulɔnui tii ə pənə ə pa a ɲą́ą́ bɛlɛ́ mąąhəɠɛɛ mu, bɛlɛ́ laaləi tii gaa ɉu pələ nií la, yai ti ɲɛ̨i həɛi voló ɓɛlai pələ, naa kpulɔɔi kɛ.

Izikiɛ 46:12

Ɲələi tɔɔmun a lɛɛ la gbɔwɔ ɓa, yɛ kɛ ə haláá kulɔ a Yai-Laa ɓa, yɛ ə kɛ a, haláái da gəlee kələn, a wala kɛ tii, a liilaa haláá, gbon tii ɲɛ̨i heɛ voló kulɔi pələ, da naaɓo dɔwɔ; ə nwɔ haláái da gəlee kələn, da nwɔ liilaa haláái kulɔ, yɛ bələi a gɛ la a vįitɔɔ yələɠaa. Yili pulu, ə kulɔ, a kulɔ kpɔlɔ, di bɛlɛ́ laa kpulu.

Izikiɛ 47:1

Ɉulɔnui tii ə pənə ə pa a ɲą́ą́ Yálá hee pɛlɛ́ laaləi pələ, yá ta ə kɛi kulɔ laa nɔi mu, ɓɛ pələi tii vóló a həɠə lai; mąąhɔlɔɓo Yálá hee pɛlɛ́ laa heɛi kɛ voló həɠəi pələ, ə lɛɛ ɲa ə kɛi yɛɛ Yálá hee pɛlɛ́ kooɓa, mamįiyee hu pələ; yɛ tɛɛ ɉaláá kulɔi pulu pələ.

Izikiɛ 8:16

Ə li a ɲą́ą́ Yai-Laa hee pɛlɛ́ mu pələ; Yai-Laa hee pɛlɛ́ laaləi, ɲįmąn mu da ɉaláá kulɔi di lɔwai, hinąą pow hveelɛ gɔw lɔɔli pɔɔla di kɛ laa, di pulu tinɛ̨nŋąą Yai-Laa kɔ́i ɓa, di ɲɛ̨i həɛ hvóló ɓɛlan bələ; di kɛi pɛlɛ nɔi ɓa hvóló ɓɛlan bələ, diɛ kwɛli hvilɛn hvóló ɓa.