Izikiɛ 40:45 - Yálá laawoo hɛɓɛ (dc)

⁴⁵ Yili pulu, nui tii yɛ mą́ą́: Bɛlɛ́i tii ɲɛ̨i heɛ ɉɛɠɛɛ pələ, ɉaláá kulɔ nuą di wɔ kóló kɛ yələ a həli Yálá hee pɛlɛ́ mu, nąą ɓə da kɛ laa.

Yálá laawoo hɛɓɛ

⁴⁵ Yili pulu, nui tii yɛ mą́ą́: Bɛlɛ́i tii ɲɛ̨i heɛ ɉɛɠɛɛ pələ, ɉaláá kulɔ nuą di wɔ kóló kɛ yələ a həli Yálá hee pɛlɛ́ mu, nąą ɓə da kɛ laa.

Bible

⁴⁵ È mò ḿâ a gɛɛ lôŋpoi nyii ǹá kulâai séɣai perei, gáa a zâla láa-soŋ-ƃelai nyii-ŋai da tíi kɛ̀ Ŋ̀âla-pɛrɛ Kɛ́tɛi mui pɔ́ɔ.

Izikiɛ 40:45 ပူးပေါင်းရင်းမြစ်များ

Kɔlɔnikɔ Maa-ŋuŋ 6:49

Israɛlə lonnii di daaɠaa tii tɛɛ Levi lonnii pɔ, bɛlɛɛ gwɛlɛ lɔiɠaa diɛ, a daatɛlɛɛɠaa laa mį́i.

Kɔlɔnikɔ Maa-ŋuŋ 9:23

Diɛ da di lonnii ɓə kɛi Yai-Laa nwɔ pɛlɛ́i laaləi mąąkpɛ, yai kɛ a ɉəɠə pɛlɛ́.

Kɔlɔnikɔ Veerɛi 13:11

Da kɛ haláá hɛn gələn ɉii Yai-Laa lííla yələ wala kəlee da yələ wulii kəlee, diɛ lansan mąą kun nɛ̨ɛ̨ kələn. Ɛlɛɛ, diɛ lɛɠɛ mɔnŋąą laa daɓali mąąhəɠɛɛ mɛ̨i, diɛ nwɔ̨n dɔɔ yələ wulii pɔ tɛitɛi kəlee ɓa nwɔ̨n dɔɔ hɛn tii a hɛni mɛ̨i. Hvo gaai, ku wɛi, ku yee kaa Yai-Laa ku wɔɔ Yálái nwɔ tɔ́nŋąąi diɛ; ka wɛi, kaa nɛɛ laa.

Mąątɛ̨nɛ̨ 134:1

Ɲee mąąhəɠɛɛ tɛ wələ. 'Ka Yai-Laa mąąwiɛ! Kaai a Yai-Laa nwɔ tínuą.

Izikiɛ 40:17

Ɓɛi nuą da tɔɔ laa ɲɛnɛ̨ɛ̨ pələ, ə li laa a ɲą́ą́, pɛlɛ́ɠaa di kɛ laa; mu laa, ɓɛi nuą da tɔɔ laa, di kɛ kpɔ nąą kwɛlɛ kəlee, di doo gee hu. Pɛlɛ́ pow haaɓa ə kɛ gɛɛnąąi tii ɓa.

Izikiɛ 40:38

Bɛlɛ́ laaləi ta kulaa kɛ ɲimɛ̨n mu, nąą ɓə di kɛi Yálá kɔ́ haláá taatɛlɛɛ waa laa.

Izikiɛ 44:11

Di kaa pai kɛi nwɔ́ kɛɛnąą mąąhəɠɛɛi ɓa a tínuą; diɛ di ɲɛ̨i kɛ bɛlɛ́ laaləiɠaa diɛ, di ɓo a bɛlɛ́n góló kɛ nuą, diɛ ɓə pai kɛi gɔ́ haláá taatɛlɛɛɠaa nwun deei, da nɔi lonnii di wɔ halááɠaai. Di kaa pai kɛi laa nɔi lonnii mąą mɛ̨nį ɲɛ̨i kulɔ mɛ̨nį ɓa.

Izikiɛ 44:15

«Ɉaláá laa həli nuą, diɛi a Levi huwu, a Sadɔkə lonnii, diɛi tii kɛi nwɔ́ kɛɛnąą mąąhəɠɛɛi mąą kólóɠaa kɛ, ɓɛlɔwai Israɛlə lonnii di lan na, diɛ di mąą kwɛa mą́ą́, diɛ ɓə pai kɛi di mąą lɛɠɛi mą́ą́, diɛ mą́ą́ mɛ̨nįɠaa ɲɛ̨i kulɔ. Di kaa pai kɛi tɔɔni nííla; di ɉuwɔ wulɔ da ɲąmą di laa həli mą́ą́. Mɛ̨nį kəlee ŋą Hééɓomun Yálá woo li.

Izikiɛ 45:4

Gɛɛnąąi tii a kɛ a kɛɛnąą mąąhəɠɛɛ nɔi hu, a ɉaláá laahəli nuą di wɔɔ; diɛi da kɛ kóló kɛi gɛɛnąą mąąhəɠɛɛ ɓa, diɛ lɛɠɛ Yai-Laa ɓa, diɛ nwɔ kólói kɛi. Di wɔ pɛlɛ́ɠaai tɔɔi li, da Yálá hee pɛlɛ́.

Izikiɛ 8:5

Yɛ mą́ą́: «Hulɔnu lon, ə́ ɲɛ̨i hee ɲánwuɔ̨ pələ.» Ŋį́ ɲɛ̨́i hee ɲánwuɔ̨ pələ; ya ɓə gbon ɲɛ̨i tɔwɔ pələ, ŋį́ haláá kulɔi ta kaa; doló kulɔ hali mąąnįnįn ə kɛ bələi.

Levetekɔ 8:35

Ka káá pai lɛɛi gee kaa kələ laaləi hvóló mɛ̨ihveelɛ yee mu, hvóló da kpinį, yili pulu, ka pɛli kɛa Yai-Laa nwɔ kólói kɛi. Mɛ̨nįɠaa da kɛ tii, ka hvo kɛa pai haai, bələ ɓə di dí la.»

Lonon mo 18:5

Kaa ɓə pai kɛi gɛɛnąą mąąhəɠɛɛ da ɉaláá kulɔ kəhi mąą mɛ̨nį ɲɛ̨i kulɔi. A kɛ tii, nwɔ́ liiholi hvo pai kɛa ɓɛlai Israɛlə lonnii mɛ̨i.

Lonon mo 3:32

Eleazarə ɓə kɛ a Levi lonnii nwun nąmu kɛnɛ̨, yaa tii kɛ a ɉaláá laa həli mun gɛnɛ̨ Aarɔn lon. Nuą kpɔ di kɛi di tɛɛ laa ɉaláá kóló kɛ mɛ̨nį ɓa, Eleazarə ɓə kɛ di nwun na.

Lonon mo 3:38

Nuąi kɛ heeni gee kaa kələ voló həɠəi pələ, diɛ ɓaa kɛ a Moisə da Aarɔn lonnii, diɛ ɓə kɛi ɉaláá mɛ̨nįɠaa ɲɛ̨i kulɔ, Israɛlə lonnii kəlee mąą mɛ̨nį ɓa. Nui hvo kɛ a di ta, a lɛɠɛ laa da baa.

Timote dɔlɔɔ 6:20

Nwɛ́li kɛ mąą lon Timote, mɛ̨nįi galihvaɓoɔ yɛ́, ə́ yee kąnąn mą kpąą, 'hvó ə́ laa lɔ hɛa kpɛli-kpɛli toɔ hu, yii nwun və mą, mɛ̨nį kɔ́lɔnŋąąi hvo hvilɛn ni Yálá kɔ́lɔn bələ ɓa, 'hvó ə́ laa lɔ ɉu.

M̀ɛni-lɛɛi 1:6

ə gu kɛ a tɔɔ nu huwu, a haláá laa həli nuą kpɛa-kpɛaa a Nąn Yálá nwɔɔ, yai mąąwiɛlaa, da huwalawalalaa di kaa ɲəi a kwɛlan gəlee, ɲɛ̨n deei hvo mą. Mįiną!