Izikiɛ 40:38 - Yálá laawoo hɛɓɛ (dc)

³⁸ Bɛlɛ́ laaləi ta kulaa kɛ ɲimɛ̨n mu, nąą ɓə di kɛi Yálá kɔ́ haláá taatɛlɛɛ waa laa.

Yálá laawoo hɛɓɛ

³⁸ Bɛlɛ́ laaləi ta kulaa kɛ ɲimɛ̨n mu, nąą ɓə di kɛi Yálá kɔ́ haláá taatɛlɛɛ waa laa.

Bible

³⁸ Lôŋpo tɔnɔ è kɛ̀ naa gánaŋɔɔ bɛ́rɛ-kaŋ ma nyii ǹá è kɛ̀ a gúlaa ziɣãŋ kɛ́tɛi ma perei. Gwaai ŋí ma ƃé da kâa géreŋ-sala-sãai maa wâa naa.

Izikiɛ 40:38 ပူးပေါင်းရင်းမြစ်များ

Tɔɔɓɛlaa dɔlɔɔ 6:8

Gulɔ-gbunmai ŋɛ̨i kɛ mu pələ, naaləi ə kɛ bɛlɛ́ mamįiyee hu pələ. Di mɛ̨nɛ̨ɠaa kɛ mą, yii nuą di kɛi tɛ mą, diɛ lɔ gulɔ-gbunma ɉąąi mu, ə mą kɛ ɉaaɓa kɛɛnąą mu.

Kɔlɔnikɔ Maa-ŋuŋ 28:12

Mɛ̨nįɠaai kpɔ ə kɛli pa gɛi, yɛ hvilɛn na Yai-Laa yəi gwəlii ɓa, gulɔ-gbinma mɛ̨nįɠaa, Yálá yəi bɛlɛ́n ɉɛngɔwɠaa, da ɉaláá kulɔ hɛnŋąą, ə yili lɛ mą.

Kɔlɔnikɔ Veerɛi 4:6

Ə lɔwa pow tee, lɔɔli ɓa-mįi-yee hu pələ, lɔɔli kɛɓɛyee hu pələ, a ɉɛnŋąą waai, nąą ɓə di kɛi ɉaláá kulɔ hɛnŋąą mąą waa laa; ɉaláá laa həli nuą diɛ di mąąwaa gboloyá hu.

Nehemi 13:5

Di pɛlɛ kɛnɛ̨ ta tɛɛ bɔ, ɓɛi mąąnɛ̨ɛ̨ kɛ di gɔɓo hɛnŋaa, lansan, bɛlɛ́n ɉɛnɲąŋąɠaa, ɉɛn bow naa yii kulɔ a mɔ̨nun, lɔɔ nįnɛ̨ da wulɔ nįnɛ̨, yai kɛ a Levi huwuhu nuą di wɔ da nwələ too nuą, ə mą kɛ bɛlɛ́ laaləi nuą da ɉaláá laa həli nuą di wɛi; bɛlɛi tii ɓə di kɛi ɉɛnŋąą tii hee mu.

Nehemi 13:9

Yili pulu, ŋą mo, gɛ́ diɛ: «Ka Yálá nwɔ pɛlɛ́ɠaa mąąhəɠə, ŋį́ mo di pa a Yálá yəi bɛlɛ́n ɉɛnɲąŋąɠaa, gɔɓo hɛnŋąą da lansan.»

Ɉeremi 35:4

Yálá nwɔ nu Yigdaliahu lon Hanan lonnii yəi bɛlɛ́n, bɛlɛi tii galanɉonŋaa di wɔ pɛlɛ́i kwɛlɛ, bɛlɛ́ laaləi mun Salumə lon Maaseyahu lon nwɔ pɛlɛ́i nwun mɛ̨i pələ.

Ɉeremi 36:10

Nąąlɔwai ɓə, Barukə ə Ɉeremi woo kəlee ɓo la, yai kɛ ɉɛɓɛ́ hu, Yai-Laa yəi bɛlɛ́n, Safan lon Gemariahu yəi ɉɛɓɛ́ kɛ pɛlɛ́ mu, bɛlɛi tii ə kɛ Yai-Laa nwɔ pɛlɛ́i mɛ̨i pələ gbon nįnɛ̨ tənən ma.

Izikiɛ 40:12

Kɛɛnąą ta ə kɛ gulɔ-gbinmaɠaa ɲɛ̨itɔwɔ, a yee tɔɔɉu tɛi tɛi, ɓɛ pələ da ɓɛ pələ. Gulɔ-gbinmaɠaa di kɛ a yee tɔɔɉu mɛ̨ida bələ kəlee.

Izikiɛ 40:17

Ɓɛi nuą da tɔɔ laa ɲɛnɛ̨ɛ̨ pələ, ə li laa a ɲą́ą́, pɛlɛ́ɠaa di kɛ laa; mu laa, ɓɛi nuą da tɔɔ laa, di kɛ kpɔ nąą kwɛlɛ kəlee, di doo gee hu. Pɛlɛ́ pow haaɓa ə kɛ gɛɛnąąi tii ɓa.

Izikiɛ 40:44

Gwɛlɛ pələ, bɛlɛ́ laaləi pulu, nwələ too nuą di wɔ pɛlɛ́ɠaai di kɛ laa; ɓɛi nuą di kɛi tɔɔ laa, gwəlii pələ. Bɛlɛɛ́ tɔ̨nɔ̨ ə kɛ ɲələi pələ kpon tənən ma, naa heɛ ɉɛɠɛɛ pələ; dɔ̨nɔ̨ ə ɓo ɉɛɠɛɛ pələ kpon tənən ma, naa heɛ ɲələi pələ.

Izikiɛ 40:45

Yili pulu, nui tii yɛ mą́ą́: Bɛlɛ́i tii ɲɛ̨i heɛ ɉɛɠɛɛ pələ, ɉaláá kulɔ nuą di wɔ kóló kɛ yələ a həli Yálá hee pɛlɛ́ mu, nąą ɓə da kɛ laa.

Izikiɛ 40:46

Bɛlɛ́i tii ɲɛ̨i heɛ ɲələi pələ, ɉaláá kulɔ nuąi di yee kaa ɉaláá kulɔ koló ɓa, di wɛi li, a diɛi tii Sadɔkə lonnii da Levi lonnii di lɔwai. Diɛ ɓə da lɛɠɛ Yai-Laa ɓa diɛ nwɔ kólói kɛ.

Izikiɛ 42:13

Ɉulɔnui tii yɛ mą́ą́: Bɛlɛ́ yiiɠaai ŋɛ̨i ɲələi pələ, da yiiɠaai ɉɛɠɛɛ pələ di ɲɛ̨i heɛ gwəli hɛ̨ą ɓa, di kaa a kɛnąą mąąhəɠɛɛ, mąąhɔlɔɓo, nąą ɓə ɉaláá laahəli nuąi ŋɛ̨i da lɛɠɛ Yai-Laa ɓa da ɉɛnŋaa mąąhəɠɛɛɠaa mįi laa. Nąą ɓə ɉɛnŋaai kpɔ di mąąhəɠɛɛ kɛnɛ̨, da di hee laa, diɛ ɓaa: Yálá kɔ́ hɛn, nɛ̨ŋɛ̨n mąąhvaalɛɛ haláá hɛn, ɛlɛɛ da nu pɔɔŋa pɛli haláá. Mąąhɔlɔɓo, kɛɛnąą mąąhəɠɛɛ li.

Levetekɔ 1:13

Di gboyɛliɠaa da gɔwɔ kwąnąɠaa mąą waa. Ɉaláá laa həli mun a gəlee laa həli Yai-Laa ɓa, ə gəlee kələn ɉaláá kulɔi; yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 1:9

Di gwəi hɛnŋaa da gɔwɔ kwąnąɠaa mąą waa, ɉaláá laa həli mun a gəlee kələn ɉaláá kulɔi. Yili kaa a haláá hɛn yii da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 8:21

Moisə ə gboyɛli da gɔwɔ kwąnąɠaa waa, ə gəlee kələn ɉaláá kulɔi. Haláá hɛn, yii da gələn, mąą kun nɛ̨ɛ̨ yɛ niilaa yaa li. Gaa a haláá kɔ̨nɔ̨n da gələn a Yai-Laa nwɔɔ, yɛ bələi Yai-Laa ə Moisə tí la.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.