Izikiɛ 40:29 - Yálá laawoo hɛɓɛ (dc)

²⁹ Nwɔ gulɔ-gbinmaɠaa da dɔɔmuɠaa, da ɲimɛ̨n mu, di kɛ pələ ə kɛ lɔ yɛ yiiɠaai tii; woloɠaa ɓɔɔ kɛ bɛlɛ́ laaləi da ɲimɛ̨n mu ɓa, yɛ di mąą tinɛ̨n yɛ doo gii hu. Di kwəa pələ ə kɛ a yee tɔɔɉu pow lɔɔli, di ɲąą kɛnɛ̨ pələ ə ɓo a yee tɔɔɉu pow hveelɛ gɔw lɔɔli.

Yálá laawoo hɛɓɛ

²⁹ Nwɔ gulɔ-gbinmaɠaa da dɔɔmuɠaa, da ɲimɛ̨n mu, di kɛ pələ ə kɛ lɔ yɛ yiiɠaai tii; woloɠaa ɓɔɔ kɛ bɛlɛ́ laaləi da ɲimɛ̨n mu ɓa, yɛ di mąą tinɛ̨n yɛ doo gii hu. Di kwəa pələ ə kɛ a yee tɔɔɉu pow lɔɔli, di ɲąą kɛnɛ̨ pələ ə ɓo a yee tɔɔɉu pow hveelɛ gɔw lɔɔli.

Bible

²⁹ Bɛ́rɛi mɛi-kaa-ƃelai dílôŋpoi, bɛ́rɛi ŋɛ́i túɛ loŋpoi da lôŋpoi loai pɛrɛ kaŋ-ŋai díkɛ̀ nɔ́ a dípɔriɛɛ a díkîe yɛ̂ɛ berei díƃarâai díkɛ̀ lai. Wôna-ŋa díkɛ̀ nɔ́ loŋpo-ŋai ŋí dîa yɛ̂ɛ berei è kɛ̀ la m̀arâai diai. Díkôyaa è kɛ̀ a núu kɔ́ɔ ƃɔ́rɔnii buu-lɔ́ɔlu mɛi-saaƃa káo náaŋ, ŋɔŋa kɛ̂tɛ kɛ̀ ƃò a núu kɔ́ɔ ƃɔ́rɔnii buu-náaŋ káo-feerɛ.

Izikiɛ 40:29 ပူးပေါင်းရင်းမြစ်များ

Tɔɔɓɛlaa dɔlɔɔ 7:4

Bɛlɛ́ nwąną bələ tɛitɛi kəlee, hvaŋą pilii ə kɛ mą a ɲɛli haaɓa haaɓa, ɉeɛ gee mɛ̨i, diɛ ɓo di kee tənən ma.

Kɔlɔnikɔ Veerɛi 31:11

Ezekiasə ə mo, di kɔ̨nɔ̨n gələɠaa tɔɔ Yai-Laa ŋą pɛlɛ́i laaləi. Yii kɛa di kpɛɛ la,

Nehemi 13:5

Di pɛlɛ kɛnɛ̨ ta tɛɛ bɔ, ɓɛi mąąnɛ̨ɛ̨ kɛ di gɔɓo hɛnŋaa, lansan, bɛlɛ́n ɉɛnɲąŋąɠaa, ɉɛn bow naa yii kulɔ a mɔ̨nun, lɔɔ nįnɛ̨ da wulɔ nįnɛ̨, yai kɛ a Levi huwuhu nuą di wɔ da nwələ too nuą, ə mą kɛ bɛlɛ́ laaləi nuą da ɉaláá laa həli nuą di wɛi; bɛlɛi tii ɓə di kɛi ɉɛnŋąą tii hee mu.

Nehemi 13:9

Yili pulu, ŋą mo, gɛ́ diɛ: «Ka Yálá nwɔ pɛlɛ́ɠaa mąąhəɠə, ŋį́ mo di pa a Yálá yəi bɛlɛ́n ɉɛnɲąŋąɠaa, gɔɓo hɛnŋąą da lansan.»

Ɉeremi 36:10

Nąąlɔwai ɓə, Barukə ə Ɉeremi woo kəlee ɓo la, yai kɛ ɉɛɓɛ́ hu, Yai-Laa yəi bɛlɛ́n, Safan lon Gemariahu yəi ɉɛɓɛ́ kɛ pɛlɛ́ mu, bɛlɛi tii ə kɛ Yai-Laa nwɔ pɛlɛ́i mɛ̨i pələ gbon nįnɛ̨ tənən ma.

Izikiɛ 40:10

Gulɔ-gbinma-ɠaai tii voló ɓɛlai pələ, bɛlɛ́ laaləi kwɛlɛ, ɉaaɓa ə kɛ ɓɛ pələ, ɉaaɓa ə ɓo ɓɛ pələ. Gəlee haaɓai ɲąą kɛnɛ̨ pələ ə ɓo lɔ tanɔ̨n. Bɛlɛ́ dɔɔmuɠaai tii kɛ ɓɛ pələ da ɓɛ pələ, di kɛ pələ, da di kpinį ə kɛ lɔ tanɔ̨n.

Izikiɛ 40:12

Kɛɛnąą ta ə kɛ gulɔ-gbinmaɠaa ɲɛ̨itɔwɔ, a yee tɔɔɉu tɛi tɛi, ɓɛ pələ da ɓɛ pələ. Gulɔ-gbinmaɠaa di kɛ a yee tɔɔɉu mɛ̨ida bələ kəlee.

Izikiɛ 40:16

Woloɠaa ɓɔɔ kɛ gulɔ-gbinmaɠaa diɛ, da bɛlɛ́ dɔɔmuɠaa; kwɛli hɔlɔɔnŋaa tɔɔi kɛ nwoloɠaai tii la, bɛlɛ́ bələ kəlee woloɠaa ɓɔɔ lɔ nwɔ̨nɔ̨ kɛ ɲiman bɛlɛ́ nwąną ɓa, doɔ gee hu. Bɛlɛ́ dɔɔmu kəlee mąąpuɔi kɛ a gwala laa.

Izikiɛ 40:25

Woloɠaa ɓɔɔi kɛ bɛlɛ́ laaləi kwɛlɛ da ɲimɛ̨n mu kwɛlɛ, ə tinɛ̨n mą ə too gee hu; di kɛ pələ ə kɛ lɔ yɛ nwolo yiiɠaai tii. Di kwəa pələ ə ɓo a yee tɔɔɉu pow lɔɔli, di ɲąą kɛnɛ̨ pələ, yee tɔɔɉu pow hveelɛ gɔw lɔɔli.

Izikiɛ 40:33

Nwɔ gulɔ gbimaɠaa, dɔɔmuɠaa, da ɲimɛ̨n di kɛ lɔ yɛ yiiɠaai tii. Woloɠaa ɓɔɔ kɛ bɛlɛ́ laaləi da ɲimɛ̨n mu ɓa ə too gii hu; di kwəa yee ə ɓo a yee tɔɔɉu pow lɔɔli, di ɲąą kɛnɛ̨ yee ə ɓo a yee tɔɔɉu pow hveelɛ kɔ́w lɔɔli.

Izikiɛ 40:36

Gulɔ gbin maɠaa di kɛ mą, da dɔɔmuɠaa, da ɲimɛ̨n mu, ɛlɛɛ, woloɠaa di ɓo diɛ yɛ tinɛ̨n ma ə doo gee hu. Di kwɛa pələ ə ɓo a yee tɔɔɉu pow lɔɔli, di ɲąą kɛnɛ̨ pələ, ə ɓo a yee tɔɔɉu pow hveelɛ gɔw lɔɔli.

Izikiɛ 40:7

Gulɔ-gbin-maɠaa kwɛa pələ ə kɛ a gɔɔn nwulu kpiɛn dɔ̨nɔ̨, ɲąą kɛnɛ̨ pələ ə ɓo a nwulu kpiɛn dɔ̨nɔ̨. Di lɔwai ə ɓo a yee tɔɔɉu lɔɔli; ɲiman mu kɛnɛ̨ ŋɛ̨i kɛ bɛlɛ́ laaləi kwɛlɛ, ɲɛ̨i heɛ Yálá hee pɛlɛ́ ɓa pələ, gwɛa yee ə kɛ a nwulu kpiɛn dɔ̨nɔ̨.