Izikiɛ 40:16 - Yálá laawoo hɛɓɛ (dc)

¹⁶ Woloɠaa ɓɔɔ kɛ gulɔ-gbinmaɠaa diɛ, da bɛlɛ́ dɔɔmuɠaa; kwɛli hɔlɔɔnŋaa tɔɔi kɛ nwoloɠaai tii la, bɛlɛ́ bələ kəlee woloɠaa ɓɔɔ lɔ nwɔ̨nɔ̨ kɛ ɲiman bɛlɛ́ nwąną ɓa, doɔ gee hu. Bɛlɛ́ dɔɔmu kəlee mąąpuɔi kɛ a gwala laa.

Yálá laawoo hɛɓɛ

¹⁶ Woloɠaa ɓɔɔ kɛ gulɔ-gbinmaɠaa diɛ, da bɛlɛ́ dɔɔmuɠaa; kwɛli hɔlɔɔnŋaa tɔɔi kɛ nwoloɠaai tii la, bɛlɛ́ bələ kəlee woloɠaa ɓɔɔ lɔ nwɔ̨nɔ̨ kɛ ɲiman bɛlɛ́ nwąną ɓa, doɔ gee hu. Bɛlɛ́ dɔɔmu kəlee mąąpuɔi kɛ a gwala laa.

Bible

¹⁶ Wôna pɛlɛ-pɛlɛɛ-ŋa díkɛ̀ lôŋpo-ŋai pôlu-pere pɛrɛ-kaŋ ma a tɛ̀ɛ-ŋa. Wôna pɛlɛ-pɛlɛɛ-ŋa díkɛ̀ bɛrɛ-kaŋ nyii kɛ̀ lôŋpo-ŋai loai dîa. Bɛ́rɛ-kaŋ nyii kɛ̀ berei ma perei, mâ è kɛ̀ a bɔyɛ̃ɛ a tóu-laa pɔkɔɔŋ-ŋa lôŋpoi su pere.

Izikiɛ 40:16 ပူးပေါင်းရင်းမြစ်များ

Tɔɔɓɛlaa dɔlɔɔ 6:29

Bɛlɛ́ kɔ́lɔ ɓa, da ɉu pələ, ə mąąkpɛ malakaɠaa mąąnįnįn ɉəɠə naa kəlee, da gwala laa mąąnįnįn, da wulu powa lɛlɛɛɠaa.

Tɔɔɓɛlaa dɔlɔɔ 6:32

Gbon mɛla hveelɛi tii, da nwəli la laa wulu ɓɛla kəlee; Salomɔn ə mąąkpɛ malakaɠaa mąąnįnįn ɉəɠə mą, da gwala laa, da wulu powa lɛlɛɛ, ə hɛni yá hiɛ gəlee ɓa.

Tɔɔɓɛlaa dɔlɔɔ 6:35

Ə pənə nwɔ̨nɔ̨, ə mąąkpɛ malaka, gwala laa da ə wulu powa mąąnįnįn ɉəɠə mą, ə hɛni yá hiɛ mą.

Tɔɔɓɛlaa dɔlɔɔ 6:4

Ə hvaŋą piliiɠaa kɛ bɛlɛ́ ɓa, ə kwɛli hɛ̨ąn doo naɠaa.

Tɔɔɓɛlaa dɔlɔɔ 7:4

Bɛlɛ́ nwąną bələ tɛitɛi kəlee, hvaŋą pilii ə kɛ mą a ɲɛli haaɓa haaɓa, ɉeɛ gee mɛ̨i, diɛ ɓo di kee tənən ma.

Kɔlɔnikɔ Veerɛi 3:5

Bɛlɛ mu kɛnɛ̨mun, ə siprə wulu ɓɛla pɛlɛ ɉu, ə hɛni hiɛ mą; ə gwalalaa da wulu powa mąąnįnįnŋąą kɛ mą.

Mąątɛ̨nɛ̨ 92:12

Nuąi kɛi mą́ą́hɛn, ŋą́ą́ di looii kaa; nwąnąlɔ nuąi diɛ di kɔ́ pɛlɛ mą́ą́, nwə́li aa di woo mɛ̨n.

Izikiɛ 40:12

Kɛɛnąą ta ə kɛ gulɔ-gbinmaɠaa ɲɛ̨itɔwɔ, a yee tɔɔɉu tɛi tɛi, ɓɛ pələ da ɓɛ pələ. Gulɔ-gbinmaɠaa di kɛ a yee tɔɔɉu mɛ̨ida bələ kəlee.

Izikiɛ 40:15

Nu tɛɛi ə kɛ laa, yɛ həli bɛlɛ́ laaləi ɓa. Ə həɠə laa ə həli ɲiman mu, bɛlɛ́ laaləi tənən ma, ə kɛ a yee tɔɔɉu pow lɔɔli.

Izikiɛ 40:25

Woloɠaa ɓɔɔi kɛ bɛlɛ́ laaləi kwɛlɛ da ɲimɛ̨n mu kwɛlɛ, ə tinɛ̨n mą ə too gee hu; di kɛ pələ ə kɛ lɔ yɛ nwolo yiiɠaai tii. Di kwəa pələ ə ɓo a yee tɔɔɉu pow lɔɔli, di ɲąą kɛnɛ̨ pələ, yee tɔɔɉu pow hveelɛ gɔw lɔɔli.

Izikiɛ 40:26

Gbəlin kɛi tɛ laa, ə kɛ mɛ̨ihveelɛ, dɔɔmuɠaa mąą puɔ a gwala laa nąą kəlee.

Izikiɛ 40:29

Nwɔ gulɔ-gbinmaɠaa da dɔɔmuɠaa, da ɲimɛ̨n mu, di kɛ pələ ə kɛ lɔ yɛ yiiɠaai tii; woloɠaa ɓɔɔ kɛ bɛlɛ́ laaləi da ɲimɛ̨n mu ɓa, yɛ di mąą tinɛ̨n yɛ doo gii hu. Di kwəa pələ ə kɛ a yee tɔɔɉu pow lɔɔli, di ɲąą kɛnɛ̨ pələ ə ɓo a yee tɔɔɉu pow hveelɛ gɔw lɔɔli.

Izikiɛ 40:30

Ɲimɛ̨n dinɛ̨ŋąąi kɛ mą doɔ gii hu, di kwəa yee ə ɓo a yee tɔɔɉu pow hveelɛ kɔ́w lɔɔli, ɲąą kɛnɛ̨ yee ə ɓo a yee tɔɔɉu lɔɔli.

Izikiɛ 40:31

Ɲimɛ̨n naa ə kɛi ɓo ɓɛi nuą di kɛi tɔɔ laa ɲɛnɛ̨ɛ̨ pələ; dɔɔmuɠaa mąą puɔi kɛ a gwala laa mąąnįnįn, gbəli kɛi tɛ laa ə kɛ mɛ̨ihaaɓa.

Izikiɛ 40:33

Nwɔ gulɔ gbimaɠaa, dɔɔmuɠaa, da ɲimɛ̨n di kɛ lɔ yɛ yiiɠaai tii. Woloɠaa ɓɔɔ kɛ bɛlɛ́ laaləi da ɲimɛ̨n mu ɓa ə too gii hu; di kwəa yee ə ɓo a yee tɔɔɉu pow lɔɔli, di ɲąą kɛnɛ̨ yee ə ɓo a yee tɔɔɉu pow hveelɛ kɔ́w lɔɔli.

Izikiɛ 40:34

Ɲimɛ̨n naa ə kɛi ɓo ɓɛi nuą da tɔɔ laa ɲɛnɛ̨ɛ̨ pələ, dɔɔmuɠaa mąą puɔi kɛ a gwalalaa mąąnįnįn.

Izikiɛ 40:36

Gulɔ gbin maɠaa di kɛ mą, da dɔɔmuɠaa, da ɲimɛ̨n mu, ɛlɛɛ, woloɠaa di ɓo diɛ yɛ tinɛ̨n ma ə doo gee hu. Di kwɛa pələ ə ɓo a yee tɔɔɉu pow lɔɔli, di ɲąą kɛnɛ̨ pələ, ə ɓo a yee tɔɔɉu pow hveelɛ gɔw lɔɔli.

Izikiɛ 40:37

Ɲimɛ̨n da ə kɛ ɲɛnɛ̨ɛ̨ pələ, a nuą tɔɔi, bɛlɛ́ dɔɔmu mąąpuɔi kɛ a gwala laa mąąnįnįn. Gbəlin kɛ mą, ə kɛ mɛ̨ihaaɓa.

Izikiɛ 40:7

Gulɔ-gbin-maɠaa kwɛa pələ ə kɛ a gɔɔn nwulu kpiɛn dɔ̨nɔ̨, ɲąą kɛnɛ̨ pələ ə ɓo a nwulu kpiɛn dɔ̨nɔ̨. Di lɔwai ə ɓo a yee tɔɔɉu lɔɔli; ɲiman mu kɛnɛ̨ ŋɛ̨i kɛ bɛlɛ́ laaləi kwɛlɛ, ɲɛ̨i heɛ Yálá hee pɛlɛ́ ɓa pələ, gwɛa yee ə kɛ a nwulu kpiɛn dɔ̨nɔ̨.

Izikiɛ 41:18

di kɛɛnąą mąąkpɛ malakaɠaa mąąnįnįn ɉəɠə laa, da gwala laa mąąnįnįn; mąąkpɛ malaka mąąnįnįn veelɛ lɔwai, di kɛi gwala laa mąąnįnįn dɔ̨nɔ̨ kɛ laa. Mąąkpɛ malakaɠaai tii, di ɲɛ̨ilai ə kɛ hveelɛ hveelɛ.

Izikiɛ 41:25

Di mąąkpɛ malakaɠaa mąąnįnįn ɉəɠə, Yálá hee pɛlɛ́ gbonŋaa ɓa, yɛ bələi lɔ di gɛ la bɛlɛ́ nwąnąɠaa ɓa. Wuluɓɛla kpatala ə kɛ ɲįnmąn ɲɛ̨i tɔwɔ ɲɛ̨nɛ̨ɛ̨ pələ.

Izikiɛ 41:26

Finɛɛtɛlɛɠaa di kɛ ɲįmąn ma, da gulɔgbunmaɠaa ɓa Yálá hee pɛlɛ́ koo ɓa, kwɛlihɛ̨n yɛ ɓo mą, gɛ pələ ə ɓo yɛ gwalalaa.

Izikiɛ 41:3

Ku lɔ bɛlɛ́n bələ, ə bɛlɛ́ laaləi dɔɔmu kɔ́ɔn, ə ɓo a yee tɔɔɉu hveelɛ; gbon ə ɓo a yee tɔɔɉu mɛ̨ida, bɛlɛ́ laaləi kɛnɛ̨ pələ ə kɛ a yee tɔɔɉu mɛ̨ihveelɛ.

Izikiɛ 42:3

Ɓɛi nuą di kɛi tɔɔ laa, nąą nwɔ yee tɔɔɉu pow hveelɛi ɲɛ̨i tɔwɔ, ɛlɛɛ nuą tɔɔi yii ŋɛ̨i kɛ ɲɛnɛ̨ɛ̨ pələ mɛ̨i kɛɛ a pɔlɔ; gəlee nwolo ə kɛ ɉu gee mɛ̨i, ɉeɛ gee mɛ̨i haaɓa.

Ɉaan 5:2

Ɉįį tii kɛ Ɉerusalɛmə taa ɓa, naaləi ta ə kɛ laa, diɛ kɛ naa ɓa: ɓɛlaaɠaa lɔi. Gɛɛnąąi tii tənə ma, powa ta ə kɛ laa, diɛ kɛ mą: Ɉuifə woo hu: Bɛtzata.

Korɛntə dɔlɔɔ 13:12

Yiihu kɛa, gu kaa kɛɛ kaai pɛnɛ̨n vili-hvili hu, kɛlaa, a Yələ ta, gu kaa pai gaai hələ-tətə. Yiihu, nwɔ́ mɛ̨nį kɔlɔnŋąą ɲɛ̨ndɔɔi, a kɛ tii, gáá pai gɔlɔn ɉii, yɛ bələi Ə gɔ́lɔ́n na.

M̀ɛni-lɛɛi 7:9

Yili pulu, ŋą́ ɲɛ̨́i hee, ŋį́ nu kpulu kɛnɛ̨ kaa, yii nu hva pɛli di lonoi, di kɛ a hįi lɔi kəlee, a nu huwu kəlee, ɛlɛɛ, a hįi woo lɔpee gəlee ɓo nuą. Di kɛ tɔɔni dɔɔkpəlin niila, ɛlɛɛ, da Mɛlaa Lon niila, di mąą yiliɛ a həɠə kwɛaa kwɛlɛɛ, ɛlɛɛ, gwalalaa yɛ ɓo di yəi.