Izikiɛ 4:4 - Yálá laawoo hɛɓɛ (dc)

⁴ 'Laa ə́ kɛɓɛyee mɛ̨i; 'Israɛlə nu huwu nwɔ nɛ̨ŋɛ̨n hee ə́ nwuɔ̨; volóɠaai ə́ kaa pai gɛi laanin ə́ pələ tɔ̨nɔ̨, di wɔ nɛ̨ŋɛ̨nŋaai ti da kɛ lɔ ə́ nwuɔ̨ volóɠaai ti yee mu.

Yálá laawoo hɛɓɛ

⁴ 'Laa ə́ kɛɓɛyee mɛ̨i; 'Israɛlə nu huwu nwɔ nɛ̨ŋɛ̨n hee ə́ nwuɔ̨; volóɠaai ə́ kaa pai gɛi laanin ə́ pələ tɔ̨nɔ̨, di wɔ nɛ̨ŋɛ̨nŋaai ti da kɛ lɔ ə́ nwuɔ̨ volóɠaai ti yee mu.

Bible

⁴ “À kɛ̀ tí, láa íkɔɔ yêe mɛi pere ŋa pâi Eezuɛ-ŋai dísɔnyɔ̂ŋ pûi íŋua. Vólo kûui ya gɛ̂i lâai ƃé pâi kɛ̂i a dísɔnyɔ̂ŋ kula maa kɛ́ tãi ŋɔkóraŋ.

Izikiɛ 4:4 ပူးပေါင်းရင်းမြစ်များ

Izikiɛ 4:5

Gáá hvólóɠaa pɛ̨ɛ̨i ə́ nwuɔ̨, di lononŋaa yɛ həli di wɔ nɛ̨ŋɛ̨nŋąąi di wɔ kwɛlan bɔ: nwun ɉaaɓa yee mɛ̨inąąn, ə́ kaa pai Israɛlə nu huwu nwɔ nɛ̨ŋɛ̨n heei ə́ nwuɔ̨.

Izikiɛ 4:8

Gáá ə́ yilii a yɛli, hvo pai kɛi tinɛ̨nɉi; yɛ́ həɠə ə́ yee yii mɛ̨i, yɛ́ laa da kpɛli mɛ̨i, hvo kɛli volóɠaai ə́ kaa gɔ́ hee la daa ɓa da kpɛɛ.

Levetekɔ 10:17

«Lə ɓə kɛ yai ka hvo ɉaláá hɛn tii mįi li kɛɛnąą mąąhəɠɛɛ ɓa? Mąąhɔlɔɓo, hɛn mąąhəɠɛɛ ka tii. Di dɛɛ ka pɔ nɔi lonnii di wɔ nɛ̨ŋɛ̨n mąąhvaalɛɛ haláá kulɔ mɛ̨nį ɓa, a nu mąąhvaalɛɛ kólói ka gɛ ɉaláái tii mɛ̨i Yai-Laa lííla.

Levetekɔ 16:22

Mɛ̨nį ɲɔ̨nŋąąi tii kəlee da lɛɛ molu hilɛi tii ɓa, ə li la nɔi pun ɉu pələ. «Ɓɛlɔwai da li la a molui tii nɔi pun ɉu pələ,

Lonon mo 14:34

Hvóló pow nąąn ɓə ka gɛ kaa nɔi tii hu hiɛ, kaa mąąkpɛɛ; yili ɓa, hvóló tɔ̨nɔ̨ kaa a kwɛlan dɔ̨nɔ̨. Kwɛlan bow nąąn ɓə ka káá gɛi, kaa ka wɔ mɛ̨nį ɲɔ̨n tii ɉu mɔ̨nɔ̨ mįi. Yili pɔ pələ ɓə ka gaa la, kaa diɛ, nu a gili kulɔ ɉú, ɲɔ̨nwɔ̨ɔ̨i.›

Lonon mo 18:1

Yai-Laa yɛ Aarɔn ɓa: «Yɛ́, ə́ lonnii, ka Levi nu huwu, ka nwuɔ̨ tiɛ̨ ɓaa nɛ̨ŋɛ̨ŋąą da ɉəɠə gɛɛnąą mąąhəɠɛɛ ɓa, mąą pɔnnaa pu mɛ̨nį. Ɛlɛɛ, nɛ̨ŋɛ̨nŋąąi da ɉəɠə ɉaláá kulɔ kóló hu, yɛ́ ka ə́ lonnii ɓə yili nwulu kaa ka nwuɔ̨.

Maafîu 8:17

Yili ə kɛ tii, ə gɛ, mɛ̨nį Yálá kwəi mɛ̨nį hukulɔ mun Esai ə mo mąą ə hvɛɛ, yai ə kɛ mą: «Yaa ɓə ku kpɛɠiɠaa həɠə kuɔ, ə ku wɔ ɲɔ̨nŋąai həɠə a nwuɔ̨ tiɛ̨.»

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.