Izikiɛ 39:6 - Yálá laawoo hɛɓɛ (dc)

⁶ Gáá pai nwɔ̨n bilii Magɔgə hu, da gboloyá hɛ̨ąi lɔi hu nuą, di kaa laa a di wəli pulu laɠia; bələ ɓə da gili kɔ́lɔn na, diɛ kɛ. Hɛn gəlee Nąmu ɓaa a ɲą́ą́.

Yálá laawoo hɛɓɛ

⁶ Gáá pai nwɔ̨n bilii Magɔgə hu, da gboloyá hɛ̨ąi lɔi hu nuą, di kaa laa a di wəli pulu laɠia; bələ ɓə da gili kɔ́lɔn na, diɛ kɛ. Hɛn gəlee Nąmu ɓaa a ɲą́ą́.

Bible

⁶ Ŋa pâi ŋɔŋ pilîi Maa-gɔɔ da diai díkaa ǹyái kɔlɛ dílɔii su ƃɛ́i lii sêe káa naai. À kɛ̀ tí, da pâi gɔ̂lɔnii a gɛɛ ńyãa ƃa Yâwɛɛ.

Izikiɛ 39:6 ပူးပေါင်းရင်းမြစ်များ

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Azaya 66:19

Gaa a tɛ̨ą gaa pai pɔɔkɔɔn da kɛi di lɔwai, hvo pai lɛɛi a yili, yiiɠaai pai kulɔi ɉu, gáá pai daɠaa tɛɛi hįį lɔi takpɛliɠaa lɔwai, Tarsisə, Putə da Ludə diɛ di wɔ kilɛnŋąąi ŋąątɛ, Tubalə, Yavan da gboloyá hu lɔiɠaai kwɛaala, diɛi di hvo mą́ą́ mɛ̨nį bələ mąni, diɛi di hvo ta nwɔ́ mąąwiɛi kaa li; di kaa pai nwɔ́ mąąwiɛi mąą loloɓoi hįįɠaa mɛ̨i,

Ɉeremi 25:22

Tirə tɔɔɓɛlaa kəlee, da Sidɔn tɔɔɓɛlaa da gboloyá pulu pələ lɔi hutɔɔɓɛlaa kəlee.

Izikiɛ 30:16

Ŋą́ nwɔ̨n bili Eziptə hu; Sin yɛ kpəlaan gbəlaan mɔ̨nɔ̨ yei; Tɛbɛsə hu yɛ ɓɛla; Mɛmfisə yɛ lɛɛ yai.

Izikiɛ 30:8

Da gili kɔ́lɔn a mąą yələ diɛ kɛ Yai-Laa ɓaa a ɲą́ą́; a ɲələi ŋą́ nwɔ̨n doo la Eziptə lɔi hu, ɛlɛɛ nuąi kpɔ da kpɔnmąą tɛɛ bɔ gəlee hu ə wolo.

Izikiɛ 30:9

A mąą yələi ti; wɛlɛɛ ɓo nuą da həɠə ɓɛ, bɔ́ɔ́ li, diɛ li hiɛ kulɔi kələn ɉu; diɛ Nubi mąą kpɛlin; yai gaa laa, nwəli pulu laɠiɛ. Di mąą kaa pai kɛi kpɛlin ɉi a Eziptə ŋą yələi. A tɛ̨ą, ɲələ kaa pai.

Izikiɛ 37:6

Gáá pai ka lanąɠaa laai ka hu, ŋą́ ka lúwú pɛlɛ mɛ̨i, ŋą́ kɔ́lɔ tɛ kaa, ŋą́ ká nɔ̨ɔ̨ too ka hu, ka kɛ a ka hvulú. Nąąlɔwai ɓə ka gili kɔ́lɔn na, kaa kɛ diɛ, ɲą́ą́ ɓə gáá a Yai-Laa.»

Izikiɛ 38:11

Yɛ́ kɛ diɛ: Gáá lii ŋį́ wolo lɔi ta ɓa, mąą kɔnwɔ̨i hvo mą; gáá pai həəi nuą diɛ, di wəli pulu laɠia, di ɓo lii laa yɛnɛ̨ɛ̨ hu; hįi hvo di wɔ taa tai lɔpee ɓa, kpon və laa, naakpulu kwɛli hvo mą.

Izikiɛ 38:13

Saba, da Dedan, Tarsisə yɔw kɛ nuą, da ŋą yala lonnii kəlee, di kaa pai kɛi yɛ́: Ə́ pa lɔ kɔ-hon ɉon mɛ̨nį ɓa? Ɛ̨i, too mɛ̨i kɛ mɛ̨nį ɓə ə́ yɛ́ nu kpului ɲąą kpɔn na, wali da hɛni kulɔ mɛ̨nį ɓa nuą yəi? Taatɛlɛɛ da hɛngɔwɠaa həɠə mɛ̨nį ɓə? Kɔ́-hon gɛnɛ̨ həɠə mɛ̨nį ɓə?

Izikiɛ 38:2

Hulɔnu lon, ə́ ɲɛ̨i tinɛ̨n Magɔgə lɔi hu, Gɔgə pɔ pələ; yai gaa a Mɛsɛkə da Tubalə tɔɔmun gɛnɛ̨ɛ. Gwə́i mɛ̨nį hukulɔ, yɛ hvilɛn mą.

Izikiɛ 38:6

Gomɛrə da nwɔ kɔ́kuláá kpului, Bɛtə-Togarma yɛ həɠə kpɔ ɲa nwuɔ̨ pələ, da nwɔ kɔ́kuláá kpului. Nu huwu tamąą kaa pai kɛi ə́ pulu.

Izikiɛ 39:5

Ə́ kaa pai tooi gɔ́ hɛ̨ąi; Nwóó li, Ɲą́ą́ Mɛ̨nį kəlee ŋą Hééɓomun Yálá, nwóó li.

Amɔsə 1:10

Gáá pai nwɔ̨n dooi Tirə daa lee hu, nwɔ̨n tii kaa pai nwɔ tɔɔ pɛlɛ́ɠaa kəlee kələn ɉii.

Amɔsə 1:4

Gáá pai nwɔ̨n dooi Hazaɛlə yəi bɛlɛ́n Hazaɛlə nwɔ pɛlɛ́ kpɛa-kpɛai Bɛn-Hadadə kaa mąąkpɛi, gəlee diɛ kələn.

Amɔsə 1:7

Gáá pai nwɔ̨n dooi Gaza daa lee hu, nwɔ̨n tii ə nwɔ tɔɔ pɛlɛ́ɠaai kəlee kələn.

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

M̀ɛni-lɛɛi 20:8

Ɛlɛɛ, gaa pai lii ə hįi lɔiɠaai yɛnɛ̨ɛ̨ nwonwo nąąn ma, ə nuą ɲąąhɛn, Gɔgə ɛlɛɛ, Magɔgə. Gaa pai di ɲąąkpɔn ɉii, kɔ́ kɔ́ mɛ̨nį ɓa, di lonon gwɛnį kaa pai kɛi yɛ gboloyá hu ɲɛ̨ą kɔw.

M̀ɛni-lɛɛi 20:9

Di kaa pai lɔi mɛ̨i kəlee kpɛɛi mą, di nu mąąhəɠɛɛɠaa heei mąątínɛ̨n, da nwɛlikɛmąą taa kɛnɛ̨i. Kɛlaa, nwɔ̨n da kaa pai kulɔi yələi, ə di kələn.

Nwun mąąɓo 18:7

Ɉinąą lɔɔli tii də li, di həli Laisə. Di gaa diɛ nuą di kaa daai tii hu, di kaa liilaa hu, yɛ bələi Sidɔn nuą kaa la, di wəli pulu laɠiɛ, mɛ̨nį ta hvo kɛ di pulu, ɛlɛɛ nwɔ̨nɔ̨, di hvo tɔɔmun da yee mu, di mąą kwɛaa Sidɔn nuą diɛ.