Izikiɛ 39:4 - Yálá laawoo hɛɓɛ (dc)

⁴ Ə́ kaa pai tooi Israɛlə yeeɠaa nwuɔ̨; yɛ́, ka yɛ́ kɔ́kulááɠaai, da nɔiɠaai ə́ yee mui; gáá pai ə́ tɛɛi kuwɔ́ɠaa pɔ a di kɔ̨nɔ̨n, da hɛn lɔpee a koon, da lɔwɔ huwɔɠaa pɔ.

Yálá laawoo hɛɓɛ

⁴ Ə́ kaa pai tooi Israɛlə yeeɠaa nwuɔ̨; yɛ́, ka yɛ́ kɔ́kulááɠaai, da nɔiɠaai ə́ yee mui; gáá pai ə́ tɛɛi kuwɔ́ɠaa pɔ a di kɔ̨nɔ̨n, da hɛn lɔpee a koon, da lɔwɔ huwɔɠaa pɔ.

Bible

⁴ Ka íkɔ kuluƃa-ŋai da ǹɔii-ŋûŋ-ŋai díkaa í pôlui ka kélee ka pâi saâi naa ǹyée-ŋai ma. Ŋa pâi ká poma kɛ̂i a ŋɔni-sii támaa da lɔɔ-fɛnɛ-sãa kɔ̃́nɔŋ.

Izikiɛ 39:4 ပူးပေါင်းရင်းမြစ်များ

Azaya 14:24

Yai-Laa Mɛ̨nį Kəlee ŋą Hééɓomun ə gwɛla, yɛ diɛ: «Mɛ̨nii ŋą́ naa gwə́i, ɲələ kaa pai həlii, mɛ̨nįi ŋą́ą́ mąą kili tee gwə́i, ɲɛ̨i kaa pai kulɔi.

Azaya 14:25

Gáá pai Asiri huyalii nwɔ́ lɔi hu, gáá pai gii gii ɉii nwɔ́ yeeɠaai nwuɔ̨, nuąi kɛ ɉeɛ di mɛ̨i, da ɉəɠə mąą nuą mɛ̨i, nuąi nwɔ tiɛ̨i ə kɛ di nwuɔ̨, diɲɛ̨i tii a həɠə di nwuɔ̨.»

Ɉeremi 15:3

Yai-Laa woo ka nwɔ̨nɔ̨, yɛ diɛ: «Gáá pai heei di hu a pələ nąąn: Kɔ kɔ́ ɓɔwa yɛ di paa, yilɛɠaa diɛ di powa yala. Yələi nwɛ̨nįɠaa da lɔwɔ huwɔɠaa diɛ di powa mįi, diɛ di huwu pu.

Ɉeremi 25:33

Volói tii, ə həɠə nɔi kɔ́wɔ tɔɔi ə həli la naa kulɔi, nuąi Yai-Laa kaa pai di paai, di hvo pai di looi, di hvo pai di powa yɛɠɛi diɛ di loo, di kaa pai lɛɛi a tulun bɔlɔ lɔi mɛ̨i.

Izikiɛ 29:5

Gɛ́ ə́ pili nɔi pun ɉu, ka ə́ wɔ Nilə hu hɔ̨ŋɔ̨leeɠaa kəlee. Ə́ kaa pai tooi nɔi ɓa, tiiɠaa hu; yɛ́ taɠa-taɠa; ɛlɛɛ di ə́ yɛɠɛ, di hvá ə́ kpɔn ə́ gee ɓa; ŋį́ ə́ tɛɛ lɔwɔ huwɔɠaa da yələi nwɛ́niɠaa pɔ, a di kɔ̨nɔ̨n.

Izikiɛ 33:27

'Kɛ diɛ, Mɛ̨nį kəlee ŋą Hééɓomun Yálá woo ka: Yii kpɔ gáá a vúlu, nuąi tii daa kpoloon ɉu, di kaa pai haai a ɓɔwa kwɛa laa pɔɔ; nui a kɛ yɛɛ kɔwɔ hu, ŋą́ dɛɛ lɔwɔ huwɔɠaa pɔ a di kɔ̨nɔ̨n; nuąi kwɛni woloɠaa hu, lɔwaɠaa hu, lɔi mu, di kaa pai haai a ɲɔ̨n.

Izikiɛ 35:8

Nwɔ nu powaɠaai kaa pai kɛi puu ni di kee mɛ̨i nwɔ yeeɠaai nwuɔ̨, yiiɠaai kɔ́ kɔ́ ɓɔwa a di paa, di kaa pai kɛi puu ni ɲee kpu kpuɠaa lɔwai, ɲee lɔwai lɔiɠaa hu, nwɔ ya pɛlɛɛɠaai hu.

Izikiɛ 38:21

Gáá pai kɔ-kɔ-ɓɔwa tolui, yɛ həɠə nwɔ́ yeeɠaa kəlee mɛ̨i, yɛ wolo Gɔgə ɓa. Mɛ̨nį kəlee ŋą Hééɓomun Yálá woo li. Nu tɛi tɛi kaa pai pɛlɛi nąngaa ɓa a kɔ́ kɔ́ ɓɔwa. Hééɓo kəlee Nąmu Yálá woo li.

Izikiɛ 39:5

Ə́ kaa pai tooi gɔ́ hɛ̨ąi; Nwóó li, Ɲą́ą́ Mɛ̨nį kəlee ŋą Hééɓomun Yálá, nwóó li.

Nahumə 3:3

Ɉoo nąmįną diɛ ɉooɠaa wean, gɔ́ kɔ́ ɓɔwaɠaa diɛ lən mąlą mąlą; gbalaɠaa diɛ di kpaalən daɠa, lono hvo nu powa ɓa, nu powa laai lɔ gee mɛ̨i, nu powa yɛ li lɔ daną daną, nuą kaa kalin ɉii a nu powa.