Izikiɛ 39:25 - Yálá laawoo hɛɓɛ (dc)

²⁵ Kɛlaa, Mɛ̨nį kəlee ŋą Hééɓomun Yálá yɛ diɛi: Yii hu kɛa, gáá Ɉakɔbə nwɔ yɛnɛ̨ɛ̨ ɲɛ̨́i mąą pənəi; gáá pai Israɛlə nwɔ pɛlɛ́i kəlee hon ɉi a wɛlikɛmąąlaa; gɛ́ ɲɛ̨́i kɛ́ Náá mąąhəɠɛɛ ɓa a tóló.

Yálá laawoo hɛɓɛ

²⁵ Kɛlaa, Mɛ̨nį kəlee ŋą Hééɓomun Yálá yɛ diɛi: Yii hu kɛa, gáá Ɉakɔbə nwɔ yɛnɛ̨ɛ̨ ɲɛ̨́i mąą pənəi; gáá pai Israɛlə nwɔ pɛlɛ́i kəlee hon ɉi a wɛlikɛmąąlaa; gɛ́ ɲɛ̨́i kɛ́ Náá mąąhəɠɛɛ ɓa a tóló.

Bible

²⁵ Ŋ̀wála-wâla kélee Yâwɛɛ è mò ǹyɛɛ, “M̀ɛni ma ŋa pâi nâa Zeeka ŋɔsuui su-ƃelai malôŋ kâai, ŋá Eezuɛ see pôlu díseêi. À kɛ̀ tí, gɛ̀ ní ŋa pâi ńaa maa waai maa kɔ̃ɔ̂i.

Izikiɛ 39:25 ပူးပေါင်းရင်းမြစ်များ

Mąątɛ̨nɛ̨ 85:1

Nwələ ɲɛ̨itɔwɔmun, Kore lonnii di wɔ wələ woo.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Azaya 56:8

Mɛ̨nį kəlee ŋą Hééɓomun Yálá woo ka, yai a Israɛlə lonnii tii luwɔlaa hu di ɲąąkpɔn, yɛ: Yiiɠaai daa gbɛa di ɲąąkpɔn ɓɛ, ŋį́ pa nwɔ̨nɔ̨ a dakpɛliɠaa, gɛ di pɛlɛ diɛ.

Ɉeremi 23:3

«Ɲą́ą́ gbinįi, gáá pai nwɔ́ ɓɛlaa kpului kpəli ɲąąkpɔn ɉii. Nɔiɠaa kpɔ ŋą́ di taɠa taɠa ɉu, gɛ́ di kulɔ laa, gɛ́ pənə gɛ́ pa a diɛ, di pɛlɛ-galá hu, diɛ di kaa diɛ tamąą.»

Ɉeremi 29:14

Ɛlɛɛ, gáá pai nɛɛi laa, káá gáá. Ɲą́ą́ Yai-Laa nwóó li! Gáá pai pənəi ŋį́ ka kulɔ ɓɛɠaa kpɔ ŋą́ ka hutaɠa kaa li laa, ŋą́ ka ŋąąkpɔn, ŋą́ ka tɔɔ. Ɲą́ą́ Yai-Laa nwóó li! Ŋą́ pənə ŋį́ pa a kaa ɓɛi ŋą́ ka həɠə laa.

Ɉeremi 3:18

Nąąlɔwai, Ɉuda nuą, da Israɛlə nuą da kpɔn di kee ɓa, di həɠə ɲanwuɔ̨ pələ, di pa di nąnni kwɛlin nɔi hu, yii ŋį́ dɛɛ di pɔ; di hee ɉu a di wɔɔ.

Ɉeremi 30:10

Yɛ́i a nwɔ́ tímun Ɉakɔbə, hvo ɲɔw Yai-Laa woo li. Ə́ líi hvo kulɔ yɛ́ Israɛlə, gáá pai ə́ kulɔi nwɛ̨ą lɔiɠaa hu, gɛ́ ə́ huwu kulɔ mąąkilɛ lɔi hu. Ɉakɔbə kaa pənəi ə pa liilaa hu, a nwəli pulu laɠiɛ, nu ta hva viikpɛɛ.

Ɉeremi 30:18

Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Ɉeremi 30:3

Yai-Laa woo ka, yɛ: Gaa pai kɛi a yələ ta, nwɔ nuąi a Israɛlə, da Ɉuda nuą, gɛ́ pənə gɛ́ di wɔ lɔi tɔɔ; Ɲą́ą́ Yai-Laa nwóó li! Nɔi ŋɛ̨i ŋį́ dɛɛ di nąnni pɔ, ŋį́ pənə ŋį́ pa a diɛ ɉu, di hee laa tin-tin.»

Ɉeremi 31:1

Yai-Laa woo ka, yɛ diɛ: «Ɲələ a pa həlii, gáá pai kɛi a Israɛlə pɛlɛ́ɠaa kəlee di wɔ Yálá, diɛn, di ɓo a nwɔ́ nuą.»

Ɉeremi 31:3

Yai-Laa ə gbɔwɔ lɛ mą́ą́ kwɛaa la, yɛ mą́ą́: Israɛlə, ə́ wɛli kaa mą́ą́, a wɛlikɛmąąi ɲɛn deei hvo mą, yili ɓə gɛi, gɛ́ ə́ yala la bɔ́ pələ a tələnmolaa.

Ɉeremi 32:37

Gáá pai di ɲąą kpɔn ɉii, gɛ di kulɔ nɔiɠaai kpɔ ŋą di taɠa taɠa ɉu, níí holi pələ ɓa, níí kələn bələ ɓa gwə́i da nwą́ną lɔ pələ ɓa, ŋą́ pənə ŋą́ pa a diɛ gɛɛnąąi ŋɛ̨i ɓa, gɛ́ di hee laa liilaa hu.

Ɉeremi 33:26

Ŋą́ mɔ̨ɔ̨ pɛli ɲéé kulɔi Ɉakɔbə da nwɔ́ tí mun Davidə di huwu mu? Ŋą́ mɔ̨ɔ̨ pɛli kpɛlai nuą həɠəi di lɔwai, diɛ Abrahamə, Isaakə da Ɉakɔbə di huwu ɲąą woo ɓo? Vá gɛ́ tii! Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, di mąąwɛli kaa mą́ą́. Ŋą́ą́ Yai-Laa nwóó li.»

Ɉeremi 33:7

Gáá pai Israɛlə da Ɉuda di pui di nįnɛ̨ kɔ́lɔi. Ŋą́ di tɔɔ yɛ bələi di kɛ la tɔlɔɔ.

Izikiɛ 20:40

Mɛ̨nį kəlee ŋą Hééɓomun Yálá wo ka yɛ: Nwɔ́ yee mąąhəɠɛɛ, Israɛlə nwɔ yee tɔɔ mɛ̨i ɓə Israɛlə nwɔ pɛlɛ́i mu nuą kəlee kaa pai kɛi mą́ą́wiɛi laa. Di kəlee da kɛ kɛa heeni nɔi hu, nąą ɓə gáá pai ɲéé laa ka mu, gɛ́ ɲéé hee ka wɔ haláá hɛnŋaa lɛlɛɛɠaa mu; a yiiɠaai ka káá pai ɉəɠəi ka yəi hɛnŋaa lɔwai a nwɔ́ɔ́, a ɉɛnŋaai kpɔ ka káá pai kɛi gɔ́i la.

Izikiɛ 34:13

Gáá pai gulɔi nu huwu takpɛliɠaa lɔwai, gɛ́ di kulɔ lɔiɠaa hu, gɛ́ di ɲąąkpɔn, gɛ́ pənə gɛ́ pa a diɛ di wɔ lɔi hu. Gáá pai di laa hɔnmoi lííla kala tiliin mɛ̨i, Israɛlə yeeɠaa nwuɔ̨, yee lɔwai lɔiɠaa hu; ɓɛɠaai kpɔ nu kaa laa nɔi hu.

Izikiɛ 36:10

Gáá pai nuą ɓuwu ɓoi ka mɛ̨i, ya ɓaa; Israɛlə pɛlɛ́ kəlee. Nuą da pənə di kɛ daaɠaa hu, diɛ daa kpoloonŋaa tɔɔ a nįnɛ̨.

Izikiɛ 37:11

Yálá yɛ mą́ą́: «Hulɔnu lon, nu kɔ́wɠaai tii, di kaa a Israɛlə nwɔ pɛlɛ́i kəlee. Mąąhɔlɔɓo, da kɛ kɛi diɛ: ‹Ku kɔ́wɠaa daa kpala, ku wɔ kilitɔɔi aa haa, ku lɛɛ li ɉu.›

Izikiɛ 39:7

Gáá pai gɛi di Náá mąąhəɠɛɛ kɔ́lɔn, nwɔ́ lɔi a Israɛlə lɔi, ɉu; ɛlɛɛ, vá kɛa Náá mąąhəɠɛɛ lɛɛ laa di hvo mɛlɛ kpɛɛ mą bələ ɓə lɔiɠaa da gili kɔ́lɔn na tii diɛ kɛ, ɲą́ą́ ɓə a Mɛ̨nį kəlee ŋą Hééɓomun. A Mąąhəɠə mun Israwɛlə lɔi hu.

Zooɛ 2:18

Yai-Laa nwɔ lɔi wɛli kaa mą, a nwɔ nu huwui ɲɛ̨imąąwɛli kaa,

Amɔsə 9:14

Israɛlə nu huwui di kaa luwɔlaa hu, ŋį́ gəlee nwun mąąɓo, di pa di pɔ lɔi. Di wɔ taa yiiɠaai daa wɔlɔ wolo, da pənə di dɔɔ, di hee ɉu. Da viɲə yɛaɠaa laa, Diɛ nɔɔ kulɔ, diɛ gbələ, Da hihɛn ɲɛaɠaa laa, diɛ mą kulɔ, diɛ mįi.

Nahumə 1:2

Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Zakari 1:14

Malakai kɛi mɛ̨nį ɓo mą́ą́, yɛ mą́ą́: «'Mo a lolo, yɛ diɛ: Yai-Laa Mɛ̨nį Kəlee ŋą Hééɓomun, woo ka: Gáá tóló kɛnɛ̨ kulɔi Ɉerusalɛmə da Siɔn di mɛ̨i.

Zakari 8:2

Ɲą́ą́, Yai-Laa, tolo kɛnɛ̨ aa lɔ ɉú, Siɔn mąą mɛ̨nį ɓa. Nwɔ wɛlikɛmąąlaa a gə́lən yɛ nwɔ̨n dɛŋą.