Izikiɛ 39:17 - Yálá laawoo hɛɓɛ (dc)

¹⁷ Ə́ wəli tɔɔ, hulɔnu lon, Mɛ̨nį kəlee ŋą Hééɓomun Yálá woo ka: 'Mo nwɛ̨niɠaa diɛ, huwɔi lɔpee a koon, lɔwɔ huwɔɠaa kəlee, yɛ́ diɛi: 'Ka ka ɲąą kpɔn, 'ka pa, 'ka həɠə pələ kəlee, 'ka pɛlɛ kee ɓa, ɉaláái gáá pai gulɔi ka mąą mɛ̨nį ɓa, a halaa ɲɛ̨́i kɛnɛ̨, Israɛlə yeeɠaa hu. Ka káá pai huwɔ mį́į́, kaa ɲąmą kpələ.

Yálá laawoo hɛɓɛ

¹⁷ Ə́ wəli tɔɔ, hulɔnu lon, Mɛ̨nį kəlee ŋą Hééɓomun Yálá woo ka: 'Mo nwɛ̨niɠaa diɛ, huwɔi lɔpee a koon, lɔwɔ huwɔɠaa kəlee, yɛ́ diɛi: 'Ka ka ɲąą kpɔn, 'ka pa, 'ka həɠə pələ kəlee, 'ka pɛlɛ kee ɓa, ɉaláái gáá pai gulɔi ka mąą mɛ̨nį ɓa, a halaa ɲɛ̨́i kɛnɛ̨, Israɛlə yeeɠaa hu. Ka káá pai huwɔ mį́į́, kaa ɲąmą kpələ.

Bible

¹⁷ Ŋ̀wála-wâla kélee Yâwɛɛ è m̀ôi ǹyɛɛ, “Núu-kpune ǹóŋ, m̀ó wɔni-sii kélee da ǹɔɔ-fɛnɛ-sãa kélee dîa a gɛɛ dí pá. Ŋa sâla-sãa kpɛtɛ̂i dí mɛni ma Eezuɛ yèe-ŋai ma. Da pâi sua miî, dí ŋãa kpéle.

Izikiɛ 39:17 ပူးပေါင်းရင်းမြစ်များ

Zɛnɛse 31:54

Yili pulu, di haláá kulɔ laa ɲee ɓa, di di kwɛlɛ nuą təli, da diɛni di mįi, naa mįi kɛɛ pulu, da diɛni di yii laa ɲee ɓa.

Azaya 18:6

Kɛlaa, di kaa pai gəlee lɛɛi a ɲee hu nwɛ̨niɠaa, da lɔwɔ huwɔɠaa di wɔɔ, nwɛ̨niɠaa kaa pai pai diɛ hvóló laa teɛɛ kɛ laa, nɔwɔ huwɔɠaa diɛ hąmą lɔɔ kɛ laa.

Azaya 29:2

Gáá pai heei Ariɛlə ɓa, di kaa pai kɛi di woolaai, diɛ ɲiŋɛ̨; gaa pai kɛi ɲə́i a kuláá ta.

Azaya 34:6

Yai-Laa nwɔ kɔ́ kɔ́ ɓɔwai kaa a ɲąmą nąą kəlee, aa pilɛ nu wulɔ hu, aa pilɛ mɛlaa lonnii da moluɠaa di ɲąmą hu, mɛlaa hilɛɠaa kwəikwɛnikɔw ɓa wulɔ hu; mąąhɔlɔɓo, Yai-Laa aa haláá kulɔ Bɔsra daai, gaa pai kɛi a nu hukala mɛ̨nį kɛnɛ̨ Edɔmə lɔi hu.

Azaya 34:7

Nąąlɔwai, lanŋąą, nįŋɛ̨ hilɛ gbɔnŋąą da nįŋɛ̨ hilɛɠaa di kaa pai tooi, nɔi kaa pai pilɛi ɲąmą hu, munuun gbala yɛ pilɛ nu wulɔ hu.

Azaya 56:9

Lɔwɔ huwɔɠaa kəlee, 'ka pa, 'ka pa ka pilɛ, ə mą kɛ kaai kpɔ a kpomói huwɔɠaa.

Ɉeremi 12:9

Gwɛ́lin nɔi aa kɛ mɔ̨ɔ̨ yɛ nwɛ̨nįi nəɠa ɲɛ̨i tɔɔ, yaai, kɛɛ kala nwɛ̨nįɠaa daa tinɛ̨n mą nąą kəlee? «Ka lɔwɔ huwɔɠaa kəlee ɲąąkpɔn, di pa di ɓɛlɛhee kɔ̨nɔ̨n mį́i!»

Ɉeremi 25:33

Volói tii, ə həɠə nɔi kɔ́wɔ tɔɔi ə həli la naa kulɔi, nuąi Yai-Laa kaa pai di paai, di hvo pai di looi, di hvo pai di powa yɛɠɛi diɛ di loo, di kaa pai lɛɛi a tulun bɔlɔ lɔi mɛ̨i.

Ɉeremi 46:10

Kɛlaa volói tii, gaa a Nąmu Yai-Laa Mɛ̨nį Kəlee ŋą Hééɓomun nwąną kulɔ hvóló, yɛ nwąną kulɔ ɲowoɠaa diɛ. Kɔ kɔ́ ɓɔwa kaa paa ɓo kɛi, yɛ pilɛ, yɛ pilɛ ɲąmą hu. A tɛ̨ą Nąmu Yai-Laa Mɛ̨nį Kəlee ŋą Hééɓomun, gaa paa ɓo kɛnɛ̨ kɛi ɲánwuɔ̨ pələ Eufratə kwɛlɛ.

Izikiɛ 29:5

Gɛ́ ə́ pili nɔi pun ɉu, ka ə́ wɔ Nilə hu hɔ̨ŋɔ̨leeɠaa kəlee. Ə́ kaa pai tooi nɔi ɓa, tiiɠaa hu; yɛ́ taɠa-taɠa; ɛlɛɛ di ə́ yɛɠɛ, di hvá ə́ kpɔn ə́ gee ɓa; ŋį́ ə́ tɛɛ lɔwɔ huwɔɠaa da yələi nwɛ́niɠaa pɔ, a di kɔ̨nɔ̨n.

Izikiɛ 39:16

Taa kaa pai kɛi kpɔ laa, di kaa pai kɛi mą, Hamona nu kpulu; bələ ɓə di kaa pai nɔi mąąhəɠəi la.

Izikiɛ 39:4

Ə́ kaa pai tooi Israɛlə yeeɠaa nwuɔ̨; yɛ́, ka yɛ́ kɔ́kulááɠaai, da nɔiɠaai ə́ yee mui; gáá pai ə́ tɛɛi kuwɔ́ɠaa pɔ a di kɔ̨nɔ̨n, da hɛn lɔpee a koon, da lɔwɔ huwɔɠaa pɔ.

Sofoni 1:7

'Ka ka laa pilɛ Ną́mu Yai-Laa lííla! Hvó gaai, Yai-Laa nwɔ hvólói mąą aa kpuwɔ. Yai-Laa aa nwɔ haláá hɛn bɛli, nuąi aa di təli, aa di mąąhəɠə.

Maafîu 24:28

Ka kili kaa ɉu, ka diɛ ɓɛi huwɔ powa kaa laa, nąą ɓə gwąą-gwąąɠąą da di ɲąąkpɔn naa.»

Samuɛlə dɔlɔɔ 16:3

Ɉaláá kulɔi lɔwai, ə́ Ɉɛse təli, nąąlɔwai, yii mąąnɛ̨ɛ̨ ə́ gɛ, ɲą́ą́ gbinįi ŋą́ nɛ yɛ́. Nui ŋą́ ɲéé lɛ mą, ya ɓə yá mąątí a nwulɔi ŋɛ̨i.»

Samuɛlə dɔlɔɔ 17:46

Háákələi kpɔ-kpɔɔ, Yai-Laa kaa ə́ lɔi ɲə́ə́ ŋą. Gáá ə́ paai, ŋą́ ə́ nwun dee ə́ ŋą. Háákələi kpɔ-kpɔɔ, Filisti nuą di wɔ kɔlaɠai powa kaa lɛɛ a yələi nwɛ̨niɠaa da lɔwɔ huwɔɠaa kɔ̨nɔ̨n. Hį́i kəlee kili kaa pui ɉu diɛ kɛ Yálá kaa Israɛlə yəi.

Samuɛlə dɔlɔɔ 9:13

Ka lɛɛ kpɔlɔɔ tɛi taai, ka li ka həli mą, hvo tɛɠa kɛ pai lii ɉala kulɔi pələ. Mąąhɔlɔɓo, yaa tii ɓə nuą kaa mąąkpɔn ɉii; di hva pɛli kɔ̨nɔ̨n mįi dɔwɔ. Gbala ə tɔɔ, ya ɓə mąąnɛ̨ɛ̨ ə lúwɔ́ too ɉaláá kɔ̨nɔ̨n ma. Yili kɛɛ pulu ɓə, nuąi di di təli, da pɛli kɔ̨nɔ̨n mįi la. Ka li kɛa, nwɛi tii, ka káá lii gaai háákələi.»