Izikiɛ 37:25 - Yálá laawoo hɛɓɛ (dc)

²⁵ Nɔi ŋɛ̨i ŋą́ dɛɛ nwɔ́ tí mun Ɉakɔbə pɔ, ya ɓə di kaa pai heei ɉu; ɓɛi wɔlɔ ka kala ɓɔlɔni di kɛ laa hee ni. Di kaa pai kɛi laa heeni, diɛ, di lonnii, da yiliɠaai di wɔ lonnii. Da lɛɛ laa a yələ kəlee; ɛlɛɛ nwɔ́ tí mun Davidə ɓə pai kɛi a di ɲɛ̨itɔwɔ mun a yələ kəlee da nwɔɔ.

Yálá laawoo hɛɓɛ

²⁵ Nɔi ŋɛ̨i ŋą́ dɛɛ nwɔ́ tí mun Ɉakɔbə pɔ, ya ɓə di kaa pai heei ɉu; ɓɛi wɔlɔ ka kala ɓɔlɔni di kɛ laa hee ni. Di kaa pai kɛi laa heeni, diɛ, di lonnii, da yiliɠaai di wɔ lonnii. Da lɛɛ laa a yələ kəlee; ɛlɛɛ nwɔ́ tí mun Davidə ɓə pai kɛi a di ɲɛ̨itɔwɔ mun a yələ kəlee da nwɔɔ.

Bible

²⁵ Da pâi kɛ̂i ǹɔii ŋá wɔ́lɔ dɛ̀ɛ dínâŋ-ni pɔi su nyii ŋá wɔ́lɔ dɛ̀ɛ ǹyée-mu ǹuui Zeeka pɔi. Da pâi kɛ̂i naa da dílônii, é pɛ́lɛ dílônii díwɔ̂ lonii dîa wɔ́lɔ-wɔlɔ da wɔ́lɔ-wɔlɔ. À kɛ̀ tí, ńyee-mu nuui Deeƃé ŋɔsuui su nuu da a pâi kɛ̂i a díkâloŋ wɔ́lɔ-wɔlɔ da wɔlɔ-wɔlɔ.

Izikiɛ 37:25 ပူးပေါင်းရင်းမြစ်များ

Zɛnɛse 48:4

Yɛ mą́ą́: ‹Gáá pai ə́ kwəi nwun ɉii, ə́ huwu ə ɓɛlɛ, ŋį́ ə́ kɛ a nu kpulu kɛnɛ̨. Nɔi ŋɛ̨i ə́ kaa ɉu ɓɛi, gáá pai dɛɛi ə́ huwu pɔ a nwɔɔ a yələ kəlee mɛ̨nį.›

Samia Veerɛi 7:13

Ə́ lon tii ɓə pai pɛlɛ tɔɔi mą́ą́, ɲą́ą́n, ŋį́ nwɔ heeɓolaa kɔ́wɔ hvilɛn gbɔ tin-tin a yələ kəlee mɛ̨nį.

Samia Veerɛi 7:16

Ə́ wɔ pɛlɛ́i da ə́ wɔ tɔɔlaai di kaa pai kɛi ɲɛ̨́i mu a yələ kəlee. Ə́ wɔ tɔɔ kpəlin a kɛ a ɉeɛ kpɔ a gbilin yələ kəlee mɛ̨nį.»

Azaya 11:1

Ɉɛse nwɔ nwungbəi mąą kaa pai pooi, ɉamu kaa pai kpuwun ɉii.

Azaya 30:19

A tɛ̨ą, kaai a Siɔn daa kwəi nuą, ka ɓo heeni Ɉerusalɛmə, ka hvo kɛa pai wɔlɔi. Ka tómąi, gaa pai ka mąąhvaa lɛɛi. Yaa lɔ ɓaa ka woo a too nwəlii, aa mąn mu hon.

Azaya 55:4

Hvo gaai ŋą́ą́ gɛ a kɛlahvaa ɓomun nu takpɛliɠaa diɛ, a ɲąąwooɓo kɛ mun, a lɔiɠaa tənən dɔɔ mun.

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Azaya 66:22

Yɛ bələi ɲələkɔlɔn nįnɛ̨ da nɔi nįnɛ̨i ŋą di pɛli, da lɛɛ la tɔɔni kpąąn nííla, Yai-Laa woo li, bələ lɔ ɓə ka huwu kaa pai lɛɛi la tɔɔni kpąąn ə mą kɛ ka laa.

Ɉeremi 30:3

Yai-Laa woo ka, yɛ: Gaa pai kɛi a yələ ta, nwɔ nuąi a Israɛlə, da Ɉuda nuą, gɛ́ pənə gɛ́ di wɔ lɔi tɔɔ; Ɲą́ą́ Yai-Laa nwóó li! Nɔi ŋɛ̨i ŋį́ dɛɛ di nąnni pɔ, ŋį́ pənə ŋį́ pa a diɛ ɉu, di hee laa tin-tin.»

Ɉeremi 30:9

Yai-Laa di wɔ Yálái ɓə di kaa pai tí mą, Davidə ə ɓo a di wɔ tɔɔmun yai gáá pai ɉeei di nwun na.

Ɉeremi 31:24

Ɉuda da nwɔ taaɠaai kəlee, di kaa pai heei laa di kee pɔ; tíi kɛ mun da taatɛlɛɛ mɛ̨i kaa mun.

Ɉeremi 32:39

Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Ɉeremi 32:41

Gwə́inɛ̨ɛ̨ mɛ̨nįi lɔ ɓa pai kɛi a mɛ̨inɛ̨ɛ̨ kɛɛ diɛ, gáá pai di kɔ́wɔ hvilɛn ɉii nɔi ŋɛ̨i hu. Gáá pai gɛi tii gwə́i tɔ̨nɔ̨ mɛ̨i, kpɔ a gwə́i kwəlɛɛ.

Izikiɛ 28:25

«Mɛ̨ni kəlee ŋą Hééɓomun Yálá woo ka; yɛ: Ɲələi gaa pai Israɛlə nwɔ pɛlɛ́i mu nuą kulɔi la nɔiɠaai ŋą́ di taɠa taɠa ɉu di lɔwai, gɛ́ ɲąąkpɔn, gáá pai nɛi lɔiɠaa diɛ, gɛ́ kɛ mą́ą́həɠɛɛi. Di kaa pai kɛi di wɔ lɔi hu, yai ŋą́ dɛɛ nwɔ́ tí mun Ɉakɔbə pɔ.

Izikiɛ 34:24

Ɲą́ą́ Yai-Laa, ŋą́ kɛ a di wɔ Yálá, nwɔ́ tí mun Davidə yaan, ə ɓo a di nwun nąmu, ə ɓo di lɔwai. Ɲą́ą́ Yai-Laa nwóó li.

Izikiɛ 36:28

Nɔi tii ta ŋą́ dɛɛ ka nąnni pɔ, ka káá pai heei laa; kaa kɛ a nwɔ́ nu huwu, ŋą́ ɓo a ka wɔ Yálá.

Izikiɛ 37:21

'Ə́ mo diɛ, yɛ́ diɛ: Mɛ̨nįi Mɛ̨nį kəlee ŋą Hééɓomun Yálá kaa moi, ya ka; yɛ: Gáá pai Israɛlə kulɔi lɔiɠaa lɔwai, ɓɛɠaai daa li laa; ŋą́ di kpɔn di kee ɓa di wɔ lɔi hu.

Izikiɛ 37:24

Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.

Izikiɛ 37:26

Kwa diɛni ku kaa pai liilaa mįnɛ̨ həɠəi, gáá pai di heei kulɔi, ŋą́ di ɓuwu ɓo; gáá pai nwɔ́ pɛlɛ́ mąąhəɠɛɛi tɔɔi di lɔwai yɛ lɛɛ laa a yələ kəlee da nwɔɔ.

Izikiɛ 44:3

Kɛlaa tɔɔmun nwɛi, yɛ bələi gaa la a tɔɔmun, nąą ɓə gaa pai heei laa yɛ kɔ̨nɔ̨n mįi Yai-Laa lííla. Gaa pai kɛi lɔi a ɲimɛn mu pɛlɛ laaləi pələ, yɛ kulɔ a bələ yii ti.

Amɔsə 9:15

Nwɔ́ nuą tii, ŋį́ di hee di pɔ lɔi kpɔ tin-tin, Di hva kɛa həɠə laa. Ɲą́ą́ Yai-Laa ə́ wɔ Yálá, nwóó li, gɛ́ diɛ: nɔi tii ŋį́ dɛɛ di pɔ, di hva kɛa həɠə ɉu.

Zakari 10:7

Ɛfraimə hvaŋą a kɛ yɛ kuláá kpəɠiɛɠaa, da kɛ kwəinɛ̨ɛ̨ hu, yɛ da lɔɔ kpələ. Di lonnii da nąą kaa, diɛ mąą kwəinɛ̨ɛ̨ kulɔ. Di kaa pai kɛi kwəinɛ̨ɛ̨ hu, Yai-Laa mąą mɛ̨nį ɓa.

Zakari 14:11

Nuą kaa pai heei laa, di hva kɛa nɛ̨ŋɛ̨nnaa kɛ, Ɉerusalɛmə kaa pai kɛi liilaa hu.

Zakari 8:8

Gɛ́ pənə gɛ́ pa a diɛ, diɛ hee Ɉerusalɛmə daa kwəi, di kaa pai kɛi a nwɔ́ nu huwu, ɛlɛɛ ɲą́ą́n, ŋį́ ɓo a di wɔ Yálá, kulɔ nwoo ɓa laa hu, da tələnmolaa hu.

Ɉaan 12:34

Nuą tii kəlee di nwoo pulu pənə diɛ mą: «Ku mɛ̨n dɔ́n ɉɛɓɛ́ hu, diɛ kɛ: Nwun mąąɓomun Yálá ə naakwɛlanmo haa hvo mą. Gɛ pələ kaa ləi yaai, ə́ kaa kɛi diɛ: di kaa pai Nu Lon dɛi yələi? Akɛti, gbɛɛ ɓə a Nu Lon tii?»

Hebreu 7:2

Melkisedɛkə ɓə Abrahamə ə ɲəi hɛnŋąa kəlee bow nąą tɛɛ bɔ. Naai tii mą, mukulaa ɓaa: «Tələnmo tɔɔmun», yili pulu, yɛ ɓo a Salɛmə tɔɔmun, mukulaa ɓaa: «Liilaa tɔɔmun».

Hebreu 7:21

Jesus nwɛi, kwɛla mɛ̨nį ə kɛ ɉu, gu Nąmu ə gwɛla mąą mɛ̨nį hu, yɛ mą: mɛ̨nįi ŋą́ mo hva ɉəɠəi mą: «Ə́ kaa a ɉaláá laa həli mun, a yələ kəlee mɛ̨nį.»