Izikiɛ 37:23 - Yálá laawoo hɛɓɛ (dc)

²³ Di hvo kɛa pai kɛi di mąąliɓi a di wɔ haliɠaai, da di wɔ túwɔ pələ ɲɔ̨nŋaai, ə mą kɛ di wɔ kulɔ nwoo mu laai di kɛi gɛi. Ɓɛɠaai kpɔ di kaa laa, gáá pai di nwun mąąɓoi, ŋą́ di kulɔ laa; ɓɛɠaai di nɛ̨ŋɛ̨n ɉəɠə laa. Gáá pai di mąąhəɠəi, da kɛ a nwɔ́ nuą, ɲą́ą́n ŋą́ kɛ a di wɔ Yálá

Yálá laawoo hɛɓɛ

²³ Di hvo kɛa pai kɛi di mąąliɓi a di wɔ haliɠaai, da di wɔ túwɔ pələ ɲɔ̨nŋaai, ə mą kɛ di wɔ kulɔ nwoo mu laai di kɛi gɛi. Ɓɛɠaai kpɔ di kaa laa, gáá pai di nwun mąąɓoi, ŋą́ di kulɔ laa; ɓɛɠaai di nɛ̨ŋɛ̨n ɉəɠə laa. Gáá pai di mąąhəɠəi, da kɛ a nwɔ́ nuą, ɲą́ą́n ŋą́ kɛ a di wɔ Yálá

Bible

²³ Dífe ŋɔ́nɔ pâi dí maa tĩa karâi a ɣâla da kpɛ́ni fɛliɛɛ nyii m̀ɛlɛ fé ŋ́goi da sɔnyɔ̂ŋ da kpɛ́ni-ŋa kɛ́ɛ. Kɛ́lɛ, ŋa pâi díƃâloi ŋa díkula dífii kpɛɛ̂i su nyii gɛ̀ díkɛ pìli sɔnyɔ̂ŋ sui. Ŋa pâi dímaa wáai. À kɛ̀ tí, da pâi kɛ̂i a ŋánûa, ńyaŋ ŋ́gɛ ƃò a Díɣâla.

Izikiɛ 37:23 ပူးပေါင်းရင်းမြစ်များ

Mąątɛ̨nɛ̨ 68:20

Mąąwiɛ ə kɛ Ną́mu ɓa, a yələ kəlee da-nwɔɔ! Ɲalái tii ɓə a gɔ́ nɛ̨ɛ̨ guɔ.

Mąątɛ̨nɛ̨ 68:35

'Ka Yálá hvaŋą kɛnɛ̨ pələ lɛ. Nwɔ Heeɓolaa kaa Israɛlə mɛ̨i, vąŋą ə ɓo tulɔ kpinįŋaa mɛ̨i.

Azaya 2:18

Haliɠaai kpɔ da kwɛli hvilɛn diɛ, gəlee da lɔ gbąį.

Ɉeremi 31:1

Yai-Laa woo ka, yɛ diɛ: «Ɲələ a pa həlii, gáá pai kɛi a Israɛlə pɛlɛ́ɠaa kəlee di wɔ Yálá, diɛn, di ɓo a nwɔ́ nuą.»

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Izikiɛ 11:18

Di kaa pai pai laa di gili kpɛɛ ɲəi mɛ̨nįɠaa da mowo mɛ̨nįɠaai tii kəlee kulɔ laa.

Izikiɛ 11:20

Əgɛ, diɛ pɛli hiɛi a nwɔ́ tɔ́n nwooɠaai; diɛ di yee kanąn nwɔ́ lɔi hu yíi ɓo pələ ɓa, ɛlɛɛ, diɛ bɔ mɛ̨nį kɛ. Di kaa pai kɛi a ŋą́ nu huwu, ɲą́ą́n, ŋį́ ɓo a di wɔ Yálá.

Izikiɛ 14:11

Bələ ɓə Israɛlə pɛlɛ́ hva kɛa lan na, yɛ mąą kwɛa mą́ą́; hva kɛa nɛ̨ŋɛ̨n ɉəɠə a nwɔ kulɔ nwoo mu mɛ̨nįɠaa, yɛ pɛli kɛi la a nwɔ́ nu huwu, ɲą́ą́n gɛ́ kɛ a nwɔ Yálá. Mɛ̨nį kəlee ŋą Hééɓomun Yálá woo li.

Izikiɛ 20:43

Ka pa kɛi laa, ka káá pai ka kiliŋąhiɛi ka túwɔ pələ ɓa; da mɛ̨nįɠaai kpɔ ka gɛ, kaa ka mąąliɓi la; yili kaa pai kɛi ɓaɠi lii tɛi a kaa; dúwɔ pələ ɲɔ̨nŋaai kpɔ ka di kulɔ, di mąą mɛ̨nį ɓa.

Izikiɛ 36:31

Ka kɛi ka kiliŋąhiɛ, ka wɔ pələ ɲɔ̨nwɔ̨ɔ̨ɠaa diɛ, da ka kɛ mɛ̨nįɠaai tii di hvo kɛ lɛlɛ li di hu, káá kpinįi ka káá pai nwumɛ̨i, ka wɔ nɛ̨ŋɛ̨nŋaai mąą mɛ̨nį ɓa, da ka wɔ túwɔ pələ ɲɔ̨nŋaai.

Izikiɛ 37:27

Ɉéé pɛlɛ́ kaa pai kɛi di kwɛlɛ, gáá pai kɛi a di wɔ Yálá, diɛn, di ɓo a nwɔ́ nuą.

Izikiɛ 39:22

Ə həɠə mąą yələ ɓa, yɛ li la tɔwɔ pələ; Israɛlə nwɔ pɛlɛ́i a gili kɔ́lɔn yɛ kɛ Yai-Laa, di wɔ Yálá ɓaa a ɲą́ą́.

Osia 14:8

Nuąi kɛi hee nįnįn mu, di kaa pai yalii di pulu diɛ pa, mɔ̨nin yɛ pənə yɛ lɛlɛ diɛ, diɛ powa yɛ viɲə wulu, di laa a tɛ yɛ Liban lɔɔ.

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Zakari 14:21

Ɉuda da Ɉerusalɛmə di wɔ kwɛli ləɠii kəlee di kaa pai kɛi a Yai-Laa Mɛ̨nį Kəlee ŋą Hééɓomun nwɔɔ, nui lɔpee pai pai haláá kulɔi, a di həɠə yɛ nwɔ haláá hɛn yili di hu. Mąą yələi tii, lɔwɔtɔɔmun va kɛa kɛ Yai-Laa Mɛ̨nį Kəlee ŋą Hééɓomun yəi bɛlɛ́n.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Zɔ̂ŋ Maa-ŋuŋ 1:9

Akɛ gwa hvaa gu wɔ nɛ̨ŋɛ̨nŋaa diɛ, kulɔ nwoo ɓa laa da tələnmo laa hu, yɛ Yaa, a gu wɔ nɛ̨ŋɛ̨nŋaa mąąhvaalɛɛ, ɛlɛɛ, yɛ gu wɔ tuwɔ pələ ɲɔ̨nŋaa kəlee waa guɔ.

M̀ɛni-lɛɛi 21:7

Nui lɔpee a yeetɛɛmąą laa kɛ, a gwɛlin tii hɔlɔɓo, ɛlɛɛ, ŋą́ kɛ a nwɔ Yálá, ɛlɛɛ, yɛ ɓo a nón.