Izikiɛ 36:8 - Yálá laawoo hɛɓɛ (dc)

⁸ Nąąlɔwai, kaai a Israɛlə yeeɠaa, ka káá pai kɛi a lɔi lɛlɛɛ, hɛn gəlee yɛ lɛlɛ laa, a nwɔ́ nu huwui Israɛlə nwɔɔ, mąąhɔlɔɓo ɉu hvo kɛa kwɛa li, yɛ pənə yɛ pa nwɔ lɔi hu.

Yálá laawoo hɛɓɛ

⁸ Nąąlɔwai, kaai a Israɛlə yeeɠaa, ka káá pai kɛi a lɔi lɛlɛɛ, hɛn gəlee yɛ lɛlɛ laa, a nwɔ́ nu huwui Israɛlə nwɔɔ, mąąhɔlɔɓo ɉu hvo kɛa kwɛa li, yɛ pənə yɛ pa nwɔ lɔi hu.

Bible

⁸ Kɛ́lɛ wúru-ŋa da pâi ƃɔ̂lɔnii ǹyé kpaya-kpayai ma Eezuɛ lɔii su, dí ƃá a gɛɛ ŋá ǹûai nyii-ŋai díkaa a Eezuɛ-ƃelai mɛ̂ni ma. Kpɛ́ni fêi ka pá lenêi pôlu dípɔi-taai.

Izikiɛ 36:8 ပူးပေါင်းရင်းမြစ်များ

Mąątɛ̨nɛ̨ 67:6

Nu kanŋaa 'di ə́ hɛɠɛɛɓo, Yálá! Nu kanŋaa kəlee 'di pɛlɛ di kee ɓa, diɛ ə́ hɛɠɛɛɓo.

Mąątɛ̨nɛ̨ 85:12

Tɛ̨ą a ɓɔn lɔi mɛ̨i, tələnmolaa yɛ lɛɛ yələi pələ yɛ nwun mąą laa.

Azaya 27:6

Voló yiɠaai pai pai, Ɉakɔbə hamuɠaa kaa pai ɓɔn ɉi, Israɛlə kaa pai powai, dɛlinŋąą diɛ kulɔ, gaa pai yɛnɛ̨ɛ̨ laa hvɛɛi a ma.

Azaya 30:23

Gaa pai kɛi tulɔ pui ka wɔ tíi ɓa, yai ka káá pai gɛi, gɔ̨nɔ̨n lɔi kaa pai dɛɛi, a kɛnɛ̨, yɛ lɛlɛ. Nąąlɔwai tii, kala tiliin nɛlɛɛɠaa hu ɓə, ka wɔ taatɛlɛɛɠaa da di laa mįi laa.

Azaya 4:2

Mąą yələ, Yai-Laa kaa pai Israɛlə mąąpoo nwun ɉii, gaa pai kɛi a ɲɛ̨i pɔ̨nɔ̨ da mąąwiɛ; ɛlɛɛ, ɉɛn pai ɓai nɔi hu, gaa pai kɛi a Israɛlə nu huwu gbəlii ɲɛ̨i pɔ̨nɔ̨ mɛ̨nį da mąąwiɛ mɛ̨nį.

Azaya 65:9

Gáá pai nu huwu kulɔi Ɉakɔbə huwu hu, a neelee, nuąi pai nwɔ́ yeeɠaai hɔlɔɓoi a di gwɛlin, ŋą di kulɔ Ɉuda huwu hu, nííɓa nuą kaa pai di hɔlɔɓoi a di wɔɔ, nuąi da tí mą́ą́, diɛ hee laa.

Izikiɛ 12:25

Ɲą́ą́ Yai-Laa, mɛ̨nį lɔpee ŋą́ nɛɛ kwɛala gɛ́ mo, ɉu hva kɛa kwɛa mąą mɛ̨nįi yɛ kɛ. Ka lɛɛ ni yɛnɛ̨ɛ̨, kulɔ nwoo mu nuą, nwooi ŋɛ̨i ŋą́ mo, gɛ́ gɛ. Mɛ̨nį kəlee ŋą Hééɓomun Yálá woo li.»

Izikiɛ 17:23

Ŋą́ ɉi Israɛlə yee tɔɔ ton ną nwonwoɠaa kaa pai tɔɔi ma, diɛ ɓa. Kpitili ɓɔn tii kaa pai kɛi a hɛan nɛlɛɛ; nwɛ̨nį huwu kəlee diɛ yii ɉu. Di kaa pai kɛi yii nwonwo nįnįn mu.

Izikiɛ 36:7

«Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Gáá gwɛ́lai a ɲéé, gɛ́ diɛ nɔiɠaai tii ka kwɛlɛ, nwumɛ̨ a di ɲɛ̨i paa.

Zooɛ 2:22

Lɔwɔ huwɔɠaa! Ka hvo kɛa ɲɔw! Lɔwɛi kalaɠaa daa tɛlin wuluɠaa daa ɓa. Ɓɔɔlaa wulu da viɲəɠaa yeelaa aa hvólóon.

Zooɛ 2:24

Mɔ̨nun dan ɉiiɠaa laa aa hvɛɛ a mɔ̨nun, di wɔ hɛnɲaŋąɠaa laa ə hvɛɛ a lɔɔ da wulɔ nįnɛ̨.

Filipə 4:5

Mąąnɛ̨ɛ̨ nu kəlee di ká wɔ túwɔ́ pələ lɛlɛ kaa, gu Ną́mu pai lɔwai mąą a kpuɔ.

Hebreu 10:37

«Mąąhɔlɔɓo, kpɔlɔɔ tíikpə, kpɔlɔɔ a lɔwai hukpua, nui pai, yɛ pa həlii guɔ, hvo pai mąą yíi.