Izikiɛ 36:5 - Yálá laawoo hɛɓɛ (dc)

⁵ Mɛ̨nį kəlee ŋą Hééɓomun Yálá woo ka, yɛ: ‹Nwɔ́ tolo nwɔ̨n hu ɓə gáá mɛ̨nįi ŋɛ̨i ɓoi laa, lɔiɠaa kəlee diɛ, da Edɔmə lɔi; mąąhɔlɔɓo, di nwɔ́ lɔi kɛ a di wɔɔ. Di kwəinɛ̨ɛ̨i kɛ kɛnɛ̨, diɛ nuą hviiɓo, ɓɛlɔwai di too la nɔi hu, diɛ gɛ a di pɔɔ.›

Yálá laawoo hɛɓɛ

⁵ Mɛ̨nį kəlee ŋą Hééɓomun Yálá woo ka, yɛ: ‹Nwɔ́ tolo nwɔ̨n hu ɓə gáá mɛ̨nįi ŋɛ̨i ɓoi laa, lɔiɠaa kəlee diɛ, da Edɔmə lɔi; mąąhɔlɔɓo, di nwɔ́ lɔi kɛ a di wɔɔ. Di kwəinɛ̨ɛ̨i kɛ kɛnɛ̨, diɛ nuą hviiɓo, ɓɛlɔwai di too la nɔi hu, diɛ gɛ a di pɔɔ.›

Bible

⁵ “Ńyãai ŋ́gaa a Ŋ̀wála-wâla kélee Yâwɛɛi ŋa ǹíi ŋwânai kpɔ́ ká kɔlɛ ma lɔii-ŋuŋ-ŋai dîa é pɛ́lɛ Idɔŋ ma. Dí ŋá lɔii síɣe a dípɔɔ a ŋɛi-tɛ da lii-nɛ̃ɛ pere.

Izikiɛ 36:5 ပူးပေါင်းရင်းမြစ်များ

Mąątɛ̨nɛ̨ 137:7

Yai-Laa, ə́ kiliŋąhiɛ Edɔmə lonnii diɛ, diɛ ɓə kɛi kɛ diɛ, a Ɉerusalɛmə pu yələ: «'Ka bu, 'ka bu kpɔ, 'ka dɔɔ kwɛni kəlee həɠə gee mɛ̨i.»

Mąątɛ̨nɛ̨ 79:5

Yai-Laa, niiholii tii kaa pai lɛɛi ɉu lə yələ ə həli, a doloi tii a nu líikələn gwəi yɛ nwɔ̨n?

Hanwon 17:5

Nui a yɛlɛ kulɔ mąąwɛlimun ɉu, a kɛ tii, Yálái mąąwiɛlimun tii pɛli, ya ɓə gaa lalan ɉii. Nui a kwəinɛ̨ɛ̨ kulɔ mąąwɛli mɛ̨nį hu, hva lɛɛ tii, hvo kɛli di ɉutɔɔ.

Ɉeremi 12:14

Yai-Laa woo ka, yɛ diɛ: Nuąi daa pɛlɛ gwɛ́lin nɔi ɓa, yaai ŋą dɛɛ nwɔ́ nu huwuɠaai pɔ, diɛi a Israɛlə nuą; yɛ diɛ: Gáá pai nuąi tii kulɔi a nwun, di wɔ lɔi hu; ə mą kpɛli kɛ Ɉuda nuą; ŋį́ di kulɔ di lɔwai.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 49:1

Mɛ̨nįi Yai-Laa kaa moi yɛ hvilɛn na Amɔn lonnii diɛ, ya ka, yɛ diɛ: «Lon və mɔ̨ɔ̨ Israɛlə ɓa? Gwɛlin ɉəɠə nuą di hvo mɔ̨ɔ̨ laa? Lə mɛ̨nį ɓa kan yaai, Milkomə ə Gadə hɔlɔɓo a nwɔɔ, nwɔ nuą diɛ hee nwɔ taaɠaai hu?»

Ɉeremi 50:11

Gaa tii! 'Ka kwəinɛ̨ɛ̨ kulɔ! 'Ka hɛli pu, kaai a gwɛlin ɉu kala nuą. 'Ka pili yələi, yɛ nįŋɛ̨ lonnii da kɛ kala tiliin ɉu. 'Ka tomą yɛ hoo hilɛɠaa.

Woolaa 4:21

Ee kə, Edɔmə lɔi hu hee ɓo nuą! A kɛ lɔ tii, 'ká pili kpɔ yələi a kwəinɛ̨ɛ̨! Káái heeni Usə lɔi ɓa! Káá kpɛli mąn, gbələ kɔ́wɔ ŋɛ̨i kaa pai tɛɛi ka laa ɓa, gaa pai ká hon ɉii yɛ lɔɔ, kaa ká kpuwulu mąą lɛ.

Izikiɛ 36:3

Yili mąą mɛ̨nį ɓa, gwə́i mɛ̨nį hukulɔ diɛ, yɛ́ diɛ; Mɛ̨nį kəlee ŋą Hééɓomun Yálá woo ka: Daa di ɲɛ̨i kulɔ ka pɔ, ɛlɛɛ, daa too ka mɛ̨i bələ kəlee, kaa kɛ a hįį takpɛliɠaa di wɔɔ, daa di laa pu ka hį́i kəlee lɔwai, lɔiɠaa hu;

Izikiɛ 36:6

Yili mąą mɛ̨nį ɓa, 'gwə́i mɛ̨nį hukulɔ Israɛlə lɔi ɓa. 'Mo, ɲeeɠaa, ɲee kpu kpuɠaa, ɲá pɛlɛɛɠaa, da ɲee lɔwai lɔiɠaa diɛ, yɛ́ diɛ; Mɛ̨nį kəlee ŋą Hééɓomun Yálá woo ka, yɛ: ‹Ɲą́ą́ ga! Gáá hvaai a tolo da liiholi, mąąhɔlɔɓo, lɔiɠaa daa kɛ ka ɓɛlɛ kpɛɛ kaa.›

Izikiɛ 38:19

A tɛ̨ą, ya ka tii gáá moi, lɔi a kpɛlin a gɛnɛ̨ Israɛlə lɔi hu, nwɔ́ tolo kulɔ pələ ɓa da nííholi pələ ɓa.

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.

Abdiasə 1:12

Edɔmə nuą, ka kaayɔwɔɠaa ŋɛ̨i di kaa Ɉuda lɔi hu, ɓɛlɔwai mɛ̨nį nwąnąą tii ə laa la diɛ, mąą hvo nɛ̨ɛ̨li kɛ, yili hvo ka kwəinɛ̨ɛ̨; ɓɛlɔwai di too la, yili hvo kɛ a ka wɔ kwəinɛ̨ɛ̨ mɛ̨nį, ɛlɛɛ, nalan da hvo kulɔ ka la, ɓɛlɔwai di kɛ la mɛ̨nį nwąnąą hu.

Mise 7:8

Hvó yɛ́lɛ́ mą́ą́, yɛ́i a ɲówó, akɛ ŋą́ą́ too, múhəɠə hiɛ li, akɛ gáá kpinįi, Yai-Laa ɓə gaa a nwɔ́ kɛɛ pɔ̨nɔ̨.

Sofoni 3:8

Yili ɓa, ka mą́ą́ kpɔn! Ɲələi gáá pai múhəɠəi la, ŋą́ tɔɔ yɛ kɛla, gɛ́ ka hɔn doo, ka nąą mąą kpɔn! Gáá pai lɔiɠaa hukalai, gɛ́ tɔɔɓɛlaa di wɔ lɔiɠaa pu gee mɛ̨i, ŋą́ nwɔ́ liihvoli hee diɛ. Mąąhɔlɔɓo, gáá pai lɔi kəlee pilɛɛ gee mɛ̨i kələn ɉii, a nwɔ́ tolo nwɔ̨n. Yai-Laa wóó li!

Zakari 1:14

Malakai kɛi mɛ̨nį ɓo mą́ą́, yɛ mą́ą́: «'Mo a lolo, yɛ diɛ: Yai-Laa Mɛ̨nį Kəlee ŋą Hééɓomun, woo ka: Gáá tóló kɛnɛ̨ kulɔi Ɉerusalɛmə da Siɔn di mɛ̨i.

Zakari 1:15

Nwɛ́i, níí hvo kɛ holi li kpɔ tii kɛnɛ̨ nwɔ́ nuąi pɔ, kɛlaa, nɔiɠaai tii di kpɔwɔ ɲąą kɛnɛ̨i, diɛ ɓə nííholiɛ di pɔ kpɔ kɛnɛ̨. Mąąhɔlɔɓo diɛi tii ɓə pa, diɛ Israɛlə nwɔ mɔ̨nɔ̨i ta pɛlɛ mą.

Markə 3:8

daɠaa di həɠə Ɉerusalɛmə daai, daɠaa di həɠə Idume lɔi hu, da Ɉurdɛn yá pulu lɔi hu taa kpɛa-kpɛaɠaa hu, yɛ pələi Tirə da Sidɔn. Nu kpulu kɛnɛ̨i tii di pa Jesus pɔ, mąąhɔlɔɓo, mɛ̨nįɠaai ə kɛi gɛ di bələ mɛ̨n.

Dutɛrɔnome 4:24

Mąąhɔlɔɓo, Yai-Laa ka wɔ Yálái kaa a nwɔ̨n yɛ kɛɛ kələn, gaa a Yálá tolɔɔ.