Izikiɛ 36:3 - Yálá laawoo hɛɓɛ (dc)

³ Yili mąą mɛ̨nį ɓa, gwə́i mɛ̨nį hukulɔ diɛ, yɛ́ diɛ; Mɛ̨nį kəlee ŋą Hééɓomun Yálá woo ka: Daa di ɲɛ̨i kulɔ ka pɔ, ɛlɛɛ, daa too ka mɛ̨i bələ kəlee, kaa kɛ a hįį takpɛliɠaa di wɔɔ, daa di laa pu ka hį́i kəlee lɔwai, lɔiɠaa hu;

Yálá laawoo hɛɓɛ

³ Yili mąą mɛ̨nį ɓa, gwə́i mɛ̨nį hukulɔ diɛ, yɛ́ diɛ; Mɛ̨nį kəlee ŋą Hééɓomun Yálá woo ka: Daa di ɲɛ̨i kulɔ ka pɔ, ɛlɛɛ, daa too ka mɛ̨i bələ kəlee, kaa kɛ a hįį takpɛliɠaa di wɔɔ, daa di laa pu ka hį́i kəlee lɔwai, lɔiɠaa hu;

Bible

³ “M̀ɛni ma m̀ó ǹyée-ŋai dîa yɛ̂ɛi, Ŋ̀wála-wâla kélee Yâwɛɛi ǹyɛɛ, ‘Ká kpɔara-ƃelai dí ká su kàra dí ká lɛ́ɛ a kápûŋ a gɛɛ kákɔlɛ ma lɔii-ŋai dí ká sóŋ dí kɛ́ ɣɛ́lɛ maa kûla ká kponôi.

Izikiɛ 36:3 ပူးပေါင်းရင်းမြစ်များ

Mąątɛ̨nɛ̨ 35:25

Di hvo pɛli kɛi di kee ɓa: «Ya ka! Ya ka! 'Ka gu gu yee kpɛlaan nɔ la tanɔ̨n», Mąą hvo nɛ̨ɛ̨li kpɔ di hvo kɛ diɛ: «Ku yee aa pɛli mą.»

Mąątɛ̨nɛ̨ 61:1

Nwələ ɲɛ̨itɔwɔmun, Davidə nwɔ hvɛ́li woo. A bɛlɛgwəi.

Mąątɛ̨nɛ̨ 69:12

Ŋį́ ɓíi haɠa too gwą́ną́, yɛ haa a too nu ɓa, ɛlɛɛ, ŋą́ą́ kɛ a di wɔ laapuɉu hɛn, yili mąą mɛ̨nį ɓa.

Mąątɛ̨nɛ̨ 79:10

Lə mɛ̨nį ɓa hį́i takpɛliɠaa da kɛ kɛi diɛ: «Di wɔ Yálái kaa mį?» Mąąnɛ̨ɛ̨ nuąi tii kili ə pu ɉu ku ɲɛ̨i ɓa, diɛ ə́ wɔ tínuąi tii di di paa, yili gwələ kaa pai kulɔi.

Mąątɛ̨nɛ̨ 79:4

Nuąi kwa diɛni ku kaa kwəli tɔ̨nɔ̨ hu, di kaa ku ɓɛlɛkpɛɛi kuɔ, yiiɠaa di kaa ku kwɛlɛ, diɛ yɛlɛ kuɔ, diɛ di laa pu ku hu.

Hanwon 1:12

Gu di yəi hɛnŋąą həɠə di yəi, gu di kpələ, yɛ gwa kɛ a ɲąmuątaa, yɛ nu a too lɔwai.

Ɉeremi 18:16

Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Ɉeremi 2:15

Diɛ huluun mɛ̨i yɛ yala lonnii daa kɛi kɔ̨nɔ̨n mį́i, diɛ kpəɠi mą, diɛ nwɔ lɔi lɛɛ a lɔi pun. Diɛ nwɔ taaɠaa kələn, yɛ lɛɛ a taa kpoloonŋaa.

Ɉeremi 24:9

Gáá di kɛi a hɛn da, nuą diɛ ɲɔw mą, diɛ mɛ̨nį kɔ́ɔn diɛ, yɛnɛ̨ɛ̨ lɔiɠaa kəlee hu. Gáá di taɠa taɠai lɔi mɛ̨i nąą kəlee, diɛ pa kɛi a yɛlɛ kulɔ ɉu hɛn. Nuą diɛ lalan ɉuwui lɔpee gəlee, da nɛ̨ŋɛ̨n naa huwui lɔpee pili diɛ.

Ɉeremi 33:24

«Gaa nuąi ŋɛ̨i kwəi diɛ kɛ, bɛlɛ hveelɛi ŋɛ̨i Yai-Laa ə ɉɛɠɛ ɉu, aa ɲee kulɔ di mu; yili ɓə gɛi diɛ nwɔ́ nu huwui hviiɓa, hvo kɛa a lɔi ɲąą mąą di ɲɛ̨i ɓa.

Ɉeremi 51:34

«Babilonə tɔɔmun Nabukodonosorə aa mį́i, aa gbɔ́lɔ kəlee yala ɉú, aa gɛ yɛ kɔ́wɔi da ɉu kɔ́mɔ̨, aa gbələ yɛ yileen, aa goo laa hvɛɛ a nwúlɔ, aa nówó pílii.

Ɉeremi 52:1

Sedesiasə kaa kwɛlan ə kɛ a kwɛlan pow hveelɛ kɔ́w tɔ̨nɔ̨, ɓɛlɔwai ə dɔɔlaa hɔlɔɓo la. Ə tɔɔlaa kɛ Ɉerusalɛmə a kwɛlan bow gɔw tɔ̨nɔ̨. Nee laa ɓaa kɛ a Hamutalə ə kɛ a Livna mun Yimeyahu lon nɛ̨ɛ̨nu.

Woolaa 2:2

Yai-Laa aa Ɉakɔbə heei kəlee wolo hvo kpɛli mąąwɛli kaa li nwɔ liiholi hu, aa Ɉuda halakpɛla mąąkpɛ hįi wolo aa dɔɔlaa da dɔɔɓɛlaa ɓɛlɛkpɛɛ diɛ, aa di too nɔi ɓa.

Woolaa 2:5

Yai-Laa aa túwɔ́ a kuɔ yɛ kwa kɛ a ɲowo, aa Israɛlə huwu pu, aa dɔɔkwəli kəlee wolo aa ɉįiɠaa pu, aa Ɉuda halakpɛla nwɔ mɔ̨nɔ̨i ta laa mɛ̨i.

Woolaa 3:62

Mɛ̨nii kɛi kulɔ ɲówoɠaa la, a yələ kəlee yɛ hvilɛn na mą́ą́, yɛ́ kpįnįi gaa tai;

Izikiɛ 12:20

Daaɠaai tii nuą kaa ɉu, da lɛɛ a taa kpoloonŋaa; nɔi yɛ lɛɛ a lɔi pun. Ká gili kɔ́lɔn nąąlɔwai, kaa kɛ, Ɲą́ą́ ɓə a Yai-Laa.»

Izikiɛ 13:10

«Mąąhɔlɔɓo, di kɛi nwɔ́ nuąi ɓowo, diɛ kɛ diɛ liilaa yɛnɛ̨ɛ̨ ka; ya pa, liilaa hvo kɛ laa. Ɛlɛɛ bɛlɛ́ nwąnąi nwɔ́ nuąi di kɛi dɔɔ, di kɛi gɛ a mɛlaiɠaa loo pələ lɔ.

Izikiɛ 35:13

Ka kɛi mą́ą́ mɛ̨nį ɓo a ɲɛ̨i tɛ, kaa pələɠaa ɓo a náá, a kpɔwɔ ɲąą kɛnɛ̨; kɛlaa, ŋą́ gəlee mɛ̨n.

Izikiɛ 36:5

Mɛ̨nį kəlee ŋą Hééɓomun Yálá woo ka, yɛ: ‹Nwɔ́ tolo nwɔ̨n hu ɓə gáá mɛ̨nįi ŋɛ̨i ɓoi laa, lɔiɠaa kəlee diɛ, da Edɔmə lɔi; mąąhɔlɔɓo, di nwɔ́ lɔi kɛ a di wɔɔ. Di kwəinɛ̨ɛ̨i kɛ kɛnɛ̨, diɛ nuą hviiɓo, ɓɛlɔwai di too la nɔi hu, diɛ gɛ a di pɔɔ.›

Danîa 9:16

Ną́mu Yálá, pənə ə́ ə́ wɔ mɛ̨inɛ̨ɛ̨ hu nwun, ə́ ə́ wɔ líiɲąnwąną ɲɛ̨i həɠə Ɉerusalɛmə taa ɓa, yii gaa a ə́ wɔ taalee da ɲee ŋɛ̨i ya kɛi kulɔi maə́ wɔ nu huwui ɓa pɔ̨nɔ̨ŋa. Kuwɔ túwɔ́ pələ ɲɔ̨n mąą mɛ̨nį ɓa, da ku kalaɓɔlɔni kɛ nɛ̨ŋɛ̨nŋaa mąą mɛ̨nį ɓa, ku kwɛlɛ lɔiɠaa kəlee da Ɉerusalɛmə taa lalan da ə́ wɔ nu huwuɠaai.

Levetekɔ 26:43

A kɛ tii da pa kɛa nɔi lɛɛi gbɔwɔ ɓa, nɔi a nwɔ hvįįtɔɔ hvólóɠaai kəlee ɲąąnɛ̨ɛ̨ kulɔ, ɓɛlɔwai a kɛ la a lɔi pun. Nuą diɛn, a kɛ tii, nwɔ́ tɔ́n nwooɠaai di viiɓo, da nwɔ́ hvįįtɔɔ hvólóɠaa di bili, daa kpɛɛ a di wɔ nɛ̨ŋɛ̨nŋąą tii mąą mɔ̨nɔ̨ mįɛ.

Abdiasə 1:13

Ɓɛlɔwai tii laanɔ̨nwɔ̨ ə laa la di mɛ̨i, mąą hvo nɛ̨ɛ̨li kɛ ka hvo lɔ nwɔ́ nuą tii di wɔ taai hu, di wɔ taai woloi lɔwai. Mɛ̨nį nwąnąą tii laa diɛ, mąą hvo nɛ̨ɛ̨li kɛ, hvo kɛ kaa a kwəinɛ̨ɛ̨, gu hvo mun kɛ, ə́ daai tii hu hɛn gɔw ta həɠə, ɓɛlɔwai di kɛi too la di mɛ̨i.

Korɛntə dɔlɔɔ 4:13

Da ku laa kala, kuɔ di liilaa, gwa mo kpɔ tii, ku kaa kpɔ háá ɓa háá, a hɛn da bili túlún ŋą, yɛnɛ̨ɛ̨ nu kan gəlee ɲɛ̨i ɓa.

Dutɛrɔnome 28:37

Nu huwuɠaai kpɔ Yai-Laa ka wɔ Yálái kaa pai ka tɛɛi di pɔ, ka káá pai kɛi di yəi a mąą ɲɔwu kɛ hɛn, a hɛn da yɛlɛ kulɔ ɉu, a nuąi da di laa pələ ɓo diɛ kwələn ɉɔɔ a diɛ.