Izikiɛ 36:18 - Yálá laawoo hɛɓɛ (dc)

¹⁸ Ŋą́ nwɔ́ liiholii hee diɛ, ɲąmąi tii di bu nɔi hu, mąą mɛ̨nį ɓa; da ɉaliɠaai di nɔi mąąliɓi la, di mąą mɛ̨nį ɓa.

Yálá laawoo hɛɓɛ

¹⁸ Ŋą́ nwɔ́ liiholii hee diɛ, ɲąmąi tii di bu nɔi hu, mąą mɛ̨nį ɓa; da ɉaliɠaai di nɔi mąąliɓi la, di mąą mɛ̨nį ɓa.

Bible

¹⁸ M̀ɛni ma ŋá ǹíi ŋwana kpɔ́ dîa a ŋánaa ǹûai dí dípàa dílɔii sûi da ŋâla-pɔkɔɔŋ-ŋai díkɛ̀ ǹɔii maa tĩa karâi lai maa mɛ̂ni ma.

Izikiɛ 36:18 ပူးပေါင်းရင်းမြစ်များ

Kɔlɔnikɔ Veerɛi 34:21

«'Ka li ka Yai-Laa mąąni kɛ, ɲą́ą́ kwa Israɛlə nu kpəli, ə pɛlɛ la Ɉuda nuą mąą mɛ̨nį ɓa, yɛ hvilɛn na ɉɛɓɛ́i ŋɛ̨i di gaa ɉu wooɠaa mąą mɛ̨nį ɓa. Mąąhɔlɔɓo, Yai-Laa nwɔ liiholii hu kɛnɛ̨ɛ̨ ɓə, yaai yɛ ə pu ku mɛ̨i, hvo gaai, ku nąnni di hvo gɛ li di hvo Yai-Laa woo pɔ yii ɓo, yɛ bələi bɛ̨ɛ̨i la ɉɛɓɛ́i ŋɛ̨i hu.»

Kɔlɔnikɔ Veerɛi 34:25

gbala ə tɔɔ, daa nɛ̨́ɛ̨́ laa, diɛ lansan kələn haliɠaa diɛ, diɛ hvaa tee mą́ą́ a di gɛ mɛ̨nįɠaa. Nwɔ́ɔ́ liiholi kaa pai pui gɛɛnąą ŋɛ̨i mɛ̨i, hva kpɛla mą.

Kɔlɔnikɔ Veerɛi 34:26

Yii ɓaa Ɉuda tɔɔmun ŋɛ̨i ka tɔɔ kaa pa Yai-Laa mąąnin gɛi, 'ka li, kaa mą, Israɛlə nwɔ Yálái Yai-Laa yɛ; mɛ̨nįi moɔ ɉɛɓɛ́i ŋɛ̨i hu ə́ mąn kɛlɛi!

Azaya 42:25

Yili ɓə gɛ yɛ nwɔ lííholi kɛnɛ̨ɛ̨i hiɛ Israɛlə mɛ̨i, kɔ́ mɔ̨nɔ̨ɠaa diɛ hee ɉu; diɛ nwɔ̨n doo ɉu nąą kɔ́lɔ kəlee, ə mą kɛ tii, Israɛlə hvo tí hvo gɔlɔn, Yálá ə gələn, ə diɠi kɛ, ə həli ɉɛ̨ąi, ə mą kɛ tii, yili hvo kɛ Israɛlə ɓa a mɛ̨nį.

Ɉeremi 16:18

Daa nwɔ́ lɔi laa pu, a di wɔ túwɔ́ pələ ɲɔ̨n, da di kɛ nɛ̨ŋɛ̨nŋaa di gɛ, ə mą kɛ, a di wɔ hɛn mąąliɓiɛ powaɠaa, a gwɛ́lin nɔi laahvɛɛi di mo a di wɔɔ hɛn ɲɔ̨nwɔ̨ɔ̨ɠaa. Gáá nɛ̨ŋɛ̨n veelɛi tii mąą kwələ kulɔi diɛ.

Ɉeremi 44:6

Yili ɓə gɛ, gɛ́ nííholi di pɔ, a kɛɛ kala pələ, gɛ́ Ɉuda taaɠaa hukala da Ɉerusalɛmə kwəliɠaa, daa lɛɛ a taa kpoloon, a lɔi pun, yɛ bələi di kaa la háákələi!

Ɉeremi 7:20

Yili ɓə gaa mą, Yai-Laa yɛ diɛ: Nwɔ́ liiholi, nwɔ́ liikələn gwəi, kaa pai ɓɛlai daa ŋɛ́i mɛ̨i, da ɉu nu kanŋaa, ə mą kɛ, ɉu taatɛlɛɛɠaa, ɛlɛɛ, di wɔ yɛa kɔ́ɔɠaa hu, a ɓɛla ɉiwuluɠaa mɛ̨i da di ɓaɠaa. A kɛ a nwɔ̨n yii hva luwun.

Woolaa 2:4

Aa nwɔ kilɛn ɲala ɉu yɛ kɛ ə ɓo mą, yɛ nu a kɛi mɛ̨ni kɛ ɲowo ɓa. Yiiɠaa kpɔ kɛi ku ɲɛ̨i lɛlɛ aa yiliɠaa kəlee nwun dee yɛ nu a kɛi mɛ̨ni kɛ a gɔ́yɔwɔ. Aa nwɔ̨n bu Siɔn halakpɛla nwɔ pɛlɛ́i mɛ̨i a liiholi.

Woolaa 4:11

Yai-Laa aa həli nwɔ liiɲąnwąnąi gbon ɉeei. Aa nwɔ̨n nɔ Siɔn aa daa kɔ́wɔ hvilɛn ɉii kəlee kələn.

Izikiɛ 14:19

A wala kɛ ti, ŋą́ ɲɔ̨n bɛlɛ́ nɔi ti ɓa; gɛ́ nííholi bɔ, gɛ́ di paa; nu kanŋaa da huwɔɠaa diɛ kpɛɛ ɉu.

Izikiɛ 21:31

Yai-Laa, Yálá woo ka: Di kaa pai mɔlɔ kulɔi, di dɔɔɓɔlɔ kulɔ di nwuɔ̨; mɛ̨nįɠaa kɛ pələ hvo kɛa pai kɛi yɛ bələi ə kɛi kɛ la; yii kɛ mąą yɛɛ, di dɛ; yii mąą tɛɛ, di mąą yɛɛ.

Izikiɛ 22:20

Wali, ɓala kwɛli, kwɛli kpɛli, da howa kwɛli, ŋą́ gəlee pu gee mɛ̨i; di nwɔ̨n bu ɉu, ə lɛɛ ɉu ə həɠeen. Bələ ɓə gáá pai ka pui la gee mɛ̨i, níí holi pələ da níí ɲąnwąną pələ ɓa. Ŋą́ ka pu, ŋą́ ka həɠeen.

Izikiɛ 22:22

Bələi lɔ wali a həɠeen na, bələ lɔ ɓə gáá pai ka həɠeen ɉii la Ɉerusalɛmə daa hąąi, ka gili kɔ́lɔn nąąlɔwai kaa kɛ diɛ, ɲą́ą́ Yai-Laa ɲą́ą́ ka tii níí holii ka pɔ.»

Izikiɛ 23:37

Mąąhɔlɔɓo daa di hilɛ hvulu, daa wəli hon, ɛlɛɛ, ɲąmą pɔɔ kaa di yee ɓa; di too wəli mɛ̨nį hu da di wɔ haliɠaai, di hvo nɛɛ li a yili; lonŋąąi kwa diɛni ku gaai, di di tɛɛ ɉaliɠaai ti pɔ, yiliɠaai diɛ di mįi.

Izikiɛ 33:25

Yili ma mɛ̨nį ɓa, 'kɛ diɛ: Mɛ̨nį kəlee ŋą Hééɓomun Yálá woo ka: Ka huwɔ mįi a ɲąmą, kaa ka ɲɛ̨i tinɛ̨n haliɠaa pɔ pələ, kaa lɔi kala mɛ̨nįɠaa kɛ, ya ɓə ka tɔɔ kaa kɛ diɛ nɔi kaa lɛɛi ka yəi a ka wɔɔ?

Izikiɛ 39:23

Lɔi kəlee kaa pai gbaɠala kaai diɛ kɛ Israɛlə nwɔ pɛlɛ́i ə li luwɔlaa hu; di wɔ nɛ̨ŋɛ̨nŋąą mąą mɛ̨nį ɓa; mąąhɔlɔɓo, di di pulu kulɔ mą́ą́; yili ɓə gɛ gɛ́ ɲɛ̨́i loo diɛ, gɛ́ di tɛɛ di yowoɠaa pɔ, kɔ́ kɔ́ ɓɔwa yɛ di paa.

Izikiɛ 7:8

Yiihu, a yiihu kpɔlɔ; ŋą́ liiholii ɓɛla hiɛ li ə́ mɛ̨i. Gáá nwą́ną kulɔi yɛ́, vá kpəla pələi. Ŋą́ ə́ kiti tee, yɛ bələi ə́ túwɔ la, gɛ́ ə́ wɔ ɓowo túwɔɠaaai kəlee gələ kulɔ.

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

M̀ɛni-lɛɛi 14:10

mąą nu yaa kpɛlimąn, gaa pai Yálá ŋą lííholi lɔɔi ta kpələi, yai da bu ŋą lííholi kpələ-kɔwɔi hu, di hva ɉumu, ɛlɛɛ, gaa lii mɔ̨nɔ̨ kɔlɔn ɉii nwɔ̨n maɠa hu, malaka mąąhəɠɛɛɠaa da Mɛlaa Lon di ɲɛ̨i ɓa.