Izikiɛ 36:12 - Yálá laawoo hɛɓɛ (dc)

¹² Gáá pai ə́ laahvɛɛi a nuą, nwɔ́ nu huwui Israɛlə nuą diɛ ə́ hɔlɔɓo a di pɔɔ. Yá kɛ a di hɔlɔɓo hɛn, hva kɛa di hvɛɠɛ di lonnii hu.

Yálá laawoo hɛɓɛ

¹² Gáá pai ə́ laahvɛɛi a nuą, nwɔ́ nu huwui Israɛlə nuą diɛ ə́ hɔlɔɓo a di pɔɔ. Yá kɛ a di hɔlɔɓo hɛn, hva kɛa di hvɛɠɛ di lonnii hu.

Bible

¹² Káai ká káa a Eezuɛ-ŋai ká káa a ŋánûa. Ŋa pâi pâi a káa pôlu ǹɔii su é kɛ́ a ká pɔɔ. Ǹyaŋ puru fé ŋɔ́nɔ pâi kánîa-pɛlɛɛi paâi.

Izikiɛ 36:12 ပူးပေါင်းရင်းမြစ်များ

Azaya 65:9

Gáá pai nu huwu kulɔi Ɉakɔbə huwu hu, a neelee, nuąi pai nwɔ́ yeeɠaai hɔlɔɓoi a di gwɛlin, ŋą di kulɔ Ɉuda huwu hu, nííɓa nuą kaa pai di hɔlɔɓoi a di wɔɔ, nuąi da tí mą́ą́, diɛ hee laa.

Ɉeremi 15:7

Ŋą́ laɠa həɠə daaɠaa hu, nɔi, gɛ́ di hu taɠa taɠa la. Ŋą́ą́ nwɔ́ nuąi kwəi kpala, ŋą́ą́ di lɛɛ a lon nwɛli. Kɛlaa ə mą kɛ tii, di hvo di túwɔ́ pələ mąą hvalin ni.

Ɉeremi 32:15

Mąąhɔlɔɓo, Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ diɛ: ‹Di kaa nwɔ̨nɔ̨ pai pɛlɛ́ɠaa da tííɠaa yai nɔi ŋɛ̨i hu.›»

Ɉeremi 32:44

Di kaa pai kɛi tííɠaa yai, diɛ nwali lono, diɛ nɔwɔtɔɔ hɛɓɛ́ pɛ̨ɛ̨, diɛ di kɔ́lɔn ɉii kɛ mą, diɛ kɛlaɠaa hee Bɛnɉamɛn nwɔ lɔi hu, Ɉerusalɛmə kwɛlɛ da Ɉuda taaɠaa hu. Yiiɠaai ɲee hu, da yiiɠaai nɛ̨ŋɛ̨ hu, da yiiɠaai di kaa ɉɛɠɛɛ pələ. Mąąhɔlɔɓo, gáá pai pənəi ŋą́ di pu di nįnɛ̨ kɔ́lɔi. Ɲą́ą́ Yai-Laa, nwóó li.»

Izikiɛ 22:12

Da mɛ̨inɛ̨ɛ̨ hon ə́ pɔɔli, ɲąmą pu mɛ̨nį ɓa; yá kɛ hɛnŋaa hɔ̨nwɔ̨ kɛnɛ̨i ə́ pɔɔli, yɛ́ dɛɛ ɲɛn ɉu. Yɛ́ ə́ yee pənə ə́ hee yɔwɔ hu a wea mɛ̨nį; ɛlɛɛ nwɛi, yɛ́ lɛ̨ą mą́ą́. Mɛ̨nį kəlee ŋą Hééɓomun Yálá woo li.

Izikiɛ 22:27

Ɲɛitɔwɔ nuą kaa di lɔwai yɛ kwɛ́liɠaa da kɛ huwɔɠaa lɔwai, diɛ ɲąmą pu, diɛ nuą paa di wɔ hɛn gɔwɠaai nwuɔ̨ mɛ̨nį ɓa.

Izikiɛ 34:13

Gáá pai gulɔi nu huwu takpɛliɠaa lɔwai, gɛ́ di kulɔ lɔiɠaa hu, gɛ́ di ɲąąkpɔn, gɛ́ pənə gɛ́ pa a diɛ di wɔ lɔi hu. Gáá pai di laa hɔnmoi lííla kala tiliin mɛ̨i, Israɛlə yeeɠaa nwuɔ̨, yee lɔwai lɔiɠaa hu; ɓɛɠaai kpɔ nu kaa laa nɔi hu.

Izikiɛ 34:14

Gáá pai ɲąąkɔn ɉii, kala tiliin ɉuwiaa mɛ̨i, naa mįi kala tilinn gaa pai hɔlɔɓoi, Israɛlə yeeɠaa nwuɔ̨; naa ɓə gaa pai kɛi pɛlɛi laa; kala tiliin ɉuwiaa mɛ̨i, yɛ kala tiliin nɛlɛɛ mįi, Israɛlə yeeɠaa nwuɔ̨.

Izikiɛ 36:13

Mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ: ‹Nu taɠaa da kɛ kɛi diɛ: Nu mįi lɔi ɓaa yɛ́, yá ə́ wɔ nuąi lonnii kulɔ di yəi.›

Izikiɛ 47:14

Ka káá pai ɲąąkwɛlɛi, yɛ pɛli a gee ka kəlee ka yəi; mąąhɔlɔɓo, ŋą́ gwɛ́la, gɛ́ ŋą́ dɛɛ ka nąnni pɔ; nɔi ŋɛ̨i kaa kɛa a ka kwɛlin.

Lonon mo 13:32

Di tɔɔ kɛa diɛ nɔi tii di tɛɛ ɉu, diɛ mąą kun ɲɔ̨n vaa ɓo, Israɛlə nuą diɛ, diɛ kɛ mą: «Nɔi ŋɛ̨i kwəli nɛ̨nɛ̨ɛ̨n naa kɛi ɉu, gaa a lɔi da kɛ di kee mįi ɉu, ə lɛɛ nuąi kpɔ di kaa laa, di kaa a nu kpaɠala kpaɠalaɠaa.